بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

Maha88

2013-09-15 (04:20:30PM)

سؤال للاعضاء
انا اشتريت نوت 2 بقالي 4 شهور و كان ماشي تمام بس من حوالي شهر كده بدأ يعمل حاجات غريبة بلاقيه مره فاصل و مش راضي يفتح نهائي و عشان يتفتح لازم اشيل الكوفر و البطارية و افتحه.
ياترى كده التليفون فيه مشكله كبيره ولا ايه انا مضايقه جدا و مش اعمل ايه ده لسه مكملش معايا كتيير.
ارجو الافادة و شكرا.

shin545

2013-09-15 (07:13:54PM)

جربي تعملي اعاده ضبط المصنع بس هيمسح كل حاجه عليه فخودي بالك لازم تنقلي الحجات المهمه للكومبيوتر مثلا او تعملي نسخ احتياطي
تاني حاجه لو المشكله متحلتش جربي تغيري البطاري حتى لو هتشتري بطاريه صيني او تروحي لحد بتاع موبيلات وتخدي منه بطاريه للنوت2 وتجربي وانتي هناك لو المشكله راحت تبقا بطاريه مرحتش يبقا بقا تدخليه الصيانه لان هتبقا المشكله في الجهاز نفسه
بس 90% من وجهه نظري ان ديه بطاريه مش اكتر...وربنا يوفقك يا مها

iMenesi

2013-09-15 (10:10:52PM)

انا معايا Note وحصل معايا نفس الكلام ده بالظبط.
وراح الصيانة أكتر من 4 مرات وماعرفوش يصلحوه.
بيعمل كدة مع السوفت الأصلي.
بيفصل لوحده ولازم يا تشيلي البطارية يا إما زرار الباور ضغطة مطولة جدا علشان يعمل ريستارت
لأنه بيبقى شغال فعليا بس مفيش استجابة من الشاشة ولو حد رن عليكي هيديله جرس.
وكمان بيسخن جدا والبطارية بتقل خالص.

You must Install a customed "ROM" and "Kernel" (Kernel is the secret solution for this problem) from android developers forums.
The best forum is

بس العمليات دي هتخرج الموبايل من الضمان للأسف.
بس ممكن مع شوية فهم في في تطوير الأندرويد يرجع كأنه في الضمان ومش هيعرفوا إنه خرج من الضمان زي ما عملت أنا.
لو فيه أي استفسار (علشان انا مش بدخل كتير هنا) ابعتيلي على تويتر.
Twitter.com/iMenesi

Maha88

2013-09-16 (02:01:34PM)

انا متشكره جدا لردكوا عليه :)
هو فعلا بيعمل معايا بالظبط زي ما انت قلت يا imenesi بس انا مش فاهمة اعمل ايه انت قصدك فيه app انزلها يعني ولا دي حاجه ليها علاقة بالسوفت وير؟؟
شكرا جدل shin545 هجرب اعمل reset لان معتقدش البطارية لانها شغاله كويس جدا معايا بس هجرب و امري لله و ربنا يستر و متطلعش مشكله كبيره :( :(

MuhammadSaied

2013-09-17 (11:58:33AM)

حصل معايا فى أول اسبوعين نفس المشكلة وكمان زيادة عليها ان الشاشة ما بتلفش و عملت فورمات للجهاز ورجع اشتغل عادى وبعدها بكام يوم عمل نفس الموضوع عملتله فورمات تانى وبعدها اشتغل زى الفل بقاله 5 شهور دلوقتى.
بصى اعمليله فورمات واتاكدى ان نسخة السوفت وير هى احدث نسخة متاحة.

تلك الخدمة مخصصة للأعضاء فقط