بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

anoona

2013-08-02 (03:38:28AM)

يا اهل الخبره افيدوونى افادكم الله
محتاره بين s4 & note 2
انا كل اللى عاجبنى فى الs4 انه اصغر شويه من النوت2 ,الكاميرا بتاعته جامده,و طبعا جديد
سمعت ان الs4 بيسخن جامد حتى فى المكالمات الطويله , و انه بيهنج كتيير
عاوزه رأيكم ؟؟؟

MuhammadSaied

2013-08-02 (09:36:25PM)

المقارنة اكيد لصالح الاس 4 لانه 2 بروسيسور مع انهم ما بيشتغلوش مع بعض بس وجودهم امر واقع لازم نعترف بيه الكاميرا 13 ميجا اعلى من النوت الرامات زى بعض والاس 4 اصغر فى الشاشة بس بنص بوصة يعنى اقل من 2 سم بالمقارنة مع شاشة النوت 2 بطارية النوت 3100 امبير اعلى واقوى من الاس فور والنوت فيه خاصية القلم ودى خاصية رهيبة فى بحد ذاتها بخصوص ان الاس فور بيسخن دى حاجه انا عارفها بس التهنيج صعبة لان الرامات عاليه وكويسة وعلى العموم ده متوقف على ذوقك واختيارك بصى انتى تروحى المحل اللى حتشتريه منه او تروحى الشناوى او فودافون بتبقى كل الموبيلات دى معروضه للتجربة روحى وشفيهم وجربيهم واللى ترتاحى ليه اشتريه بس الاتنين زى الفل و حيعجبوكى واللى ترتاحيه اتوكلى على الله واشتريه , يا رب اكون عرفت ارد على اسئلتك

ahmed1581992

2013-08-03 (08:23:38AM)

لو سمحت يا استاذ MuhammadSaied تصوير الفيديو والصور فى note 2 اخباره ايه ولو حضرتك مستهلك للجهاز كتير بيعد كام ساعه

MuhammadSaied

2013-08-03 (04:25:42PM)

ahmed1581992 بص يا باشا الكاميرا كويسة جدا جدا سواء التصوير ولا الفيديوا لانهم بجودة 1080p@30fps واى رقم بداية من 720p واعلى بيبقى اتش دى يعنى فائق الوضوح و الــ 30fps بمعنى 30 اطار فى الثانية فا دى بتبقى كويسة جدا بمقايسس اليومين دول وفى موبيلات اعلى فى الكاميرا بس الموبيل ده بتبقى صورته احسن واوضح منها ده بالاضافة الى الاوبشن الكتير اللى فى الكاميرا اللى حيوفرلك جودة وتاثيرات ودقة تصوير وتركيز وحاجات تانية كتير تخليك مستمتع بتجربة التصوير فى حد ذاتها.
بالنسبة للبطارية لو رجعت للكومنتات اللى فاتت حتلاقى انى حاطط صورة لاستهلاك البطارية قعدت معايا 4 ايام ومتهيالى دى اكبر مدة قعدتها البطارية مع اى حد وده طبعا وانا بستخدم الموبيل مكالمات وانترنت وفيس وتويتر وواتس اب وبسمع اغانى من الاسبيكر وبتفرج على فيديوهات كمان
" ده على حسب الاستخدام " بمعنى انك لو حستخدمه فى الالعاب ممكن يقعد معالك حوالى 4 او 5 ساعات اما لو استخدام مكثف لاى حاجه غير الالعاب يعنى نت مثلا حيقعد معالك اليوم ومش حيفصل وعايز اقولك مره كان 8 % واتكلمت حوالى تلت ساعه وفتحت فيس وتويتر والبطارية وصلت لـ 3% فبجد هى احسن بطارية الواحد قابلها فى حياته وتقعد تتكلم ساعه والبطارية ما تنزل الا حوالى من 4 % الى 6 % ويا رب اكون قدرت اساعدك

تلك الخدمة مخصصة للأعضاء فقط