بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

hanocena

2013-06-08 (06:44:34PM)

اية الفرق ما بين بالضمان ومن غير ضمان ؟

newworld

2013-06-08 (08:06:56PM)

بالضمان لو الجهاز لقدر الله جرالوه حاجة بتروح الشركة وهم بيصلحوه بتكلفة بسيطة احيانا واحيانا لا
ولو فيه عطل لا يمكن اصلاحه من الممكن تغير الجهاز بواحد جديد
انما لو منغير الضمان لو وقع او اتكسر او جارلوه لقدر الله حاجة لازم تصلحه فى اى محل عادى وغالبا مايكلفوك الكثير من الاموال وقلة الجودة

hazemabotalib

2013-06-10 (02:57:58AM)

الرد بتاع new world داه غلط الضمان داه عشان لو جبت الجهاز و لقيت في مشكلة تقدر تصلحه ببلاش علي حسب مدة الضمان لكن لو وقع منك و اتكسر مينفعش تصلحه ببلاش و لو صلحته في اي حته براه الضمان كداه يبقا الضمان اتلغي و دايما الضمان بيكون غالي و لو انت كسرت الموبايل و هو لسه في الضمان و اديت الموبايل للناس بتوع الضمان بيصلحوه بفلوس و لو حصلت مشكلة بعد كداه في الموبايل مش بسببك بيخدوه يصلحوه ببلاش لحد ما فترة الضمان بتاعة الموبايل تخلص و غالبا بتكون سنة

newworld

2013-06-11 (04:26:18AM)

يا راجل طب وايه الغلط فى الى انا قلته انا قلت ان هوا احيانا بيكون ببلاش واحيانا لا
انت واكل ميمكس ع الصبح ولا ايه؟
ده غير انه لو اتكسر كسر قوى ممكين ياخدو منك 40% من سعر الموبايل ويدوك موبايل جديد

rozena

2013-06-11 (09:10:42PM)

انا مش شايفه كلام newworldغلط فى اى حاجه الراجل قال نفس الكلام يا hazemabotalib
hanocena
بالضمان طبعا افضل الضمان معناه ان لو فيه عيب تقدر تصلحو فى التوكيل او لو فيه حاجه عايزه تتغير بيغيروها لك بحاجات اصليه ولو حتى فتحوه لاى سبب بيقفلوه تانى وبيكون غير مفتوح لو حبيت تبيعه وكمان تكلفه القطع اللى بتتركب بتكون مش غاليه اوى زى من غير الضمان واوقات بيكون من غير فلوس خالص انا كان عندى مشكله فى التاتش وقع منى الجهاز فكان بيعمل داير زرقا مكان الضغط على الشاشه وبتفضل شويه لحد ما تروح
روحت صلحوه واخدنه بعدها بيومين ومن غير ولا مليم واستلمتو زى ما اشتريته جديد

hazemabotalib

2013-06-12 (11:29:07PM)

هو معني كلام new world ان لو انت اشتريت الموبايل و اتكسر منك ممكن تصلحه ببلاش او هو ده الي انا فهمته من الي هو كاتبه و لو الموبايل اتكسر منك ممكن تصلحة في التوكيل بمبلغ كبير او حوالي نص المبلغ في اي حته براه و انت كاتب العكس

semsemSiR

2013-06-14 (12:01:35AM)

ملخص , فوائد الضمان

ان الضمان بيتحمل عيوب الصناعة كاملة ويقوم بتغيرها بدون ادنى تكلفة حتى لو بوردة النليفون نفسها باظت

لكن طبعا الكسر بيتصلح على حساب العميل حتى لو الجهاز فى الضمان دية حاجة هما مالهمش فيها

الهاتف الذى بدون ضمان : انت بتتحمل تكلفتة فى اى حاجة , او تودية البلد اللى مفعل فيها الضمان

تلك الخدمة مخصصة للأعضاء فقط