هذا الموضوع مرتبط بـ Galaxy Note 5

استفسارات ارجو الرد اصحاب النوت 5

saraosama

2015-11-04 (07:56:46PM)

لو سمحت يا استاذ semsem او اى حد معاه الموبايل ده انا اشتريت نوت 5 النهارده وعاوزه اعرف شويه حاجات كده .
1/ لما الشحن اللى فيه يخلص اشحنه ازاى بالظبط لان فى ناس بتقولى سبيه فى الشحن لمده 8 ساعات متواصل هل ده صحيح ؟؟
2/ ازاى اقدر الغى او افعل خاصيه الشحن السريع فى الموبايل ؟؟؟؟ وهل الافضل انى اشحنه شحن سريع ام شحن عادى ؟؟
3/ ازاى الغى اضاءه مفاتيح اللمس علشان دوخت عليها مش لاقياها ؟؟
4/ فين لوحه المفاتيح الجانبيه اللى كانت فى النوت 4 ؟؟؟ وليه لما بتنزل من اعلى الهاتف بصباعين مش بيفتح لوحه الاشعارات كامله ؟؟
5/ وياريت تقولولى البطاريه بتاعه النوت 5 اخبارها ايه بتقعد قد ايه معاكم بالظبط فى مختلف الاستخدامات
6/ هل لما تكون البطاريه بلت ان دى حاجه تخوف ؟؟؟ لانى مستحيل اعرف اغيرها ؟ وهل بيبقى ادائها اعلى من البطاريات اللى بتتشال وشكرا اوى

semsemSiR

2015-11-06 (02:30:05PM)

التليفون تقريبا معايا , انا لسة ماشتريتش التليفون لان موضوع كارت الميمورى مهم جدا بالنسبالى وللاسف مش موجود فى الهواتف الجديدة

eltamimi

2015-11-06 (10:08:39AM)

أستاذ سمسم

اخبار حضرتك ايه ؟ :)

حضرتك اشتريت نوت 5 ؟

semsemSiR

2015-11-05 (10:13:28AM)

النسبة لل multi window , هية الطريقة اختلفت شوية عن النظام القديم , وهتعملى كالاتى

1- هتتضغطى ضغطة مطولة على زرار ال recent اللى هو على شمال زرار الهوم

2- هتلاقى قائمة تحت ظهرت فيها البرامج المتاحة للمالتى ويندو

3- هتحددى البرنامجين اللى انتى عايزة تستخدميهم

* انتى غالبا تقصدى ال assistance menu اللى بتكون زى مربع صغير كدة على جنب الشاشة من خلالة تقدرى تتحكمى من خلالة فى الجهاز بدون الضغط على اى زرار

هتدخلى على ال setting - accessibility - Dexterity and Interaction Settings هتلاقى اختيار اسمة assistance menu , فعليها وحددى منها اللى انتى عايزاة يظهر , واتمنى تكون دية اللى انتى تقصديها

انا نسيت النقطة دية انها اتشالت فى النوت 5 , عموما لو الموضوع دة مهم بالنسبالك نزلى البرنامج دة من الماركت وهو هيقوم بالمهمة دية , بتحكم كامل وتقدرى كمان تقفليهم تماما , مافيش اى تأثير على اى حاجة

* خاصية اختيار طريقة الشحن فى النوت 4 , دية اتشالت فى النوت 5 , واصبح الهاردوير نفسة هو اللى بيدعم خاصية الشحن السريع وبيشحن الهاتف فى ساعة و20 دقيقة تقريبا يعنى اسرع كمان من خاصية الشحن السريع اللى كانت موجودة فى النوت 4

اى استفسارات اخرى انا فى الخدمة

saraosama

2015-11-05 (03:59:27AM)

وازاى اقدر احدد الشحن السريع او البطئ وهى اتلغت اصلا

saraosama

2015-11-05 (03:58:35AM)

ونسيت اقولك ازاى اقلل ال 1.5 ازرار اللمس

saraosama

2015-11-05 (03:57:39AM)

شكرا جدا ليك على النصائح دى انا استفدت اوى بالنسبه للبطاريه تمام .وفعلا حضرتك انا اقصد multi window اه واقصد كمان فى لوحه المفاتيح الجانيه دى كانت ثلاث ازار لمس بيظهروا على الشاشه كانت موجوده فى النوت 4 بديله للازرار الثلاثه الاساسيه فى الجهاز ومش لاقيها هنا خالص

semsemSiR

2015-11-05 (02:13:34AM)

1- هتستخدمى التليفون لحد مايخلص شحن ويقفل لوحدة , وتوصلية بالشاحن وهو مقفول اول لما يوصل ل 100% تشيلية من الشاحن , وخلى بالك بطاريات ال built-in ماتتسابش فى الشاحن اكتر من وقتها

2- الخاصية دية اتشالت من النوت 5 , انك تقدرى تحددى الشحن السريع والشحن البطىء
افضل حاجة يتشحن بالشاحن الاصلى فقط لاغير

3- اضاءة مفاتيح اللمس , ماينفعش تتقفل تمام , اللى تقدرى تعملية فيها انك تقللى المدة بتاعتها الى 1.5 ثانية

4- معلش ممكن توضيح تقصدى بأية لوحة المفاتيح ؟؟ يعنى هل قصدك ال multi window ؟

عشان بس لوحة الاشعارت بقت قصيرة اوى , وتم الغائها

5- البطارية متوسطة الاداء مش قوية ومش ضعيفة , يعنى انتى ليكى باستخدام الشاشة , وبتكون متوسط 5 ساعات , ولو انتى مقللة الاضاءة للربع الاول ومشغلة الباور سيفنج ممكن تكسر معاكى ال 6 ساعات بس هيكون نت بس , يعنى ولا العاب او مشاهدة فيديوهات او افلام

6- البطاريات البلت ان , بتتغير عادى بس بيتطلب فتح الجهاز عشان تتغير , خطورتها فى سوء الاستخدام , وزى ماوضحت فوق لازم ( ماتقعدش فى الشاحن بعد اكتمال الشحن - ماتشحنيش بأى شاحن غير مخصص للنوت 5 - ماتستخدميش التليفون وهو بيتشحن وحطى تحت النقطة دية 100 خط لانها مهمة جداا - ماتحاوليش تشحنى التليفون وهو اعلى من 15% , وان شاء الله لو اتبعتى دول هتقعد معاكى اطول فترة

بالنسبة لادائها مافيش اى فرق تماما بينها وبين البطاريات التانية

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 5

مقارنة

Android
5.7″

5.7 بوصة
3G

2G / 3G
16 MP, 5...
3000mAh

غير قابلة للازالة Li-Po 3000 mAh

مزيد من المعلومات

الموبايلات

استفسارات ارجو الرد اصحاب النوت 5

التسجيل بالموقع

دخول الاعضاء

معلومات سريعة عن Samsung Galaxy Note 5

Android

5.7″

3G

16 MP, 5...

3000mAh