سعر و مواصفات Samsung Galaxy Note 4
-
Android
Android OS, v4.4.4 (KitKat) -
5.7″
5.7 بوصة -
4G
2G / 3G / 4G -
16 MP, 3...
-
GB RAM
32 GB, 3 GB RAM -
3220mAh
Li-Po 3220 mAh قابلة للازالة
غير متاح
تقييم المنتج
(1209 تقييم)
مواصفات Samsung Galaxy Note 4
| المواصفات الاساسية | |
|---|---|
| الحجم | 153.5 x 78.6 x 8.5 mm (6.04 x 3.09 x 0.33 in) |
| الوزن | 176 جرام |
| الألوان بالأسواق | Frosted white, Charcoal black, Bronze Gold, Blossom Pink |
| الشاشة | |
|---|---|
| نوع الشاشة | Super AMOLED capacitive touchscreen, 16M colors |
| مساحة الشاشة | 5.7 بوصة |
| دقة الشاشة | 1440 x 2560 pixels, 16:9 ratio (~518 ppi density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | نعم |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | نعم |
| الاتصال | |
|---|---|
| دعم WLAN | Wi-Fi 802.11 a/b/g/n/ac, dual-band, Wi-Fi Direct, DLNA, Wi-Fi hotspot |
| دعم بلوتوث | v4.1, A2DP, EDR, LE |
| GPS دعم | نعم |
| NFC دعم | نعم |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | 16 MP, 3456 x 4608 pixels, optical image stabilization, autofocus, LED flash |
| دعم فلاش | نعم |
| كاميرا امامية | نعم |
| مساحة الذاكرة | |
|---|---|
| الذاكرة الخارجية | microSD, up to 64 GB |
| الذاكرة الداخلية | 32 GB, 3 GB RAM |
| نظام التشغيل | |
|---|---|
| نظام التشغيل | Android OS, v4.4.4 (KitKat) |
| نوع نظام التشغيل | Android |
| CPU | Quad-core 2.7 GHz Krait 450 (SM-N910S) |
| معلومات أخري | |
|---|---|
| الرسائل | SMS(threaded view), MMS, Email, Push Mail, IM |
| المتصفح | HTML 5 |
| معلومات عن البطارية | Li-Po 3220 mAh قابلة للازالة |
| الخصائص | |
|---|---|
| دعم شرحتين | لا |
| الشريحة | Micro-SIM |
| نوع النغمات | MP3, WAV |
| مخرج صوت 3.5mm jack | نعم |
| الاهتزاز | نعم |
| دعم انفراريد | نعم |
| حماية بالبصمة Fingerprint | لا |
| مكان البصمة | لا يوجد |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
مميزات و عيوب Samsung Galaxy Note 4
مميزات سامسونج Galaxy Note 4
- الجهاز يأتى بشاشة qhd وى جودتها 4 اضعاف جودة النوت 3
- الجهاز ياتى ببرسيسور هو الاقوى فى العالم 2.7 الا وهو اسناب دراحون 805
- الجهاز ياتى بكارت شاشة ادرينوا 420 والاعلى على مستوى العالمواللى من انتاج شركة كوكلم العملاقة
- الجهاز يأتى بكاميرا خلفية بقوة 16 ميجا بيكسل بفلاش قوى جدا
- الجهاز يأتى بكاميرا امامية 3.7 ميجا بيكسل وكمان سنسور علشان تقدر تتصور صور سيلفى 120درجة بضاءة افضل بنسبة 60%
- الجهاز ياتى باربع اللون مختلفة (_ابيض_اسود_زهرى_ ذهبى)
- وجود تقنية (OIS (Optical Image Stabilization(المثبت البصرى)
- يأتى الفابلت ببطاريه بحجم 3.220 ميلى امبير
- مع خاصيه الشحن السريع حيث نستطيع شحن 50% من البطاريه فى زمن قدره نصف ساعه fast_0
- ياتى بمستشعر Finger Scanner(انك تفتح وتقفل النوت ببصمة صوباعك)
- BY HaRd TiMe
عيوب سامسونج Galaxy Note 4
- الجهاز ي ياتى بنفس بطارية النوت 3 واللى كان معظمنا متوقع انها على الاقل تكون 3400 امبير
- الجهاز كان الكل منتظر انوا يكون مقاوم للمياة والاتربة
- الجهاز يأتى برامات 3 جيجا والكل كان متوقع زيادتها لتصبح 4 جيجا
- السماعة الرئيسية موجودة في الخلف مما يقلل من سماع الصوت في حالة وضع الجهاز علي مكتبك
- BY HaRd TiMe
أحدث موبايلات من سامسونج
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Samsung Galaxy Note 4
starstar2
hardtime
hardtime
drizzyman
hardtime
مواضيع و اراء عن Samsung Galaxy Note 4
absilnce
2015-11-03 (06:32:30PM)
لوسمحت انا لو فكرت ابيع الموبيل نوت 4 n910c
وليسة مشترية من حوالى تلات اسابيع .. ابيعه على كام ؟
وليسة مشترية من حوالى تلات اسابيع .. ابيعه على كام ؟
starstar2
2015-11-04 (11:38:00PM)
لو ها هتبيعه حاول انك تبيعه لحد محتاج الجهاز وحاول الابتعاد عن المحلات لانهم هينزله السعر
جامد ..عموما في واحد اشتراه استعمال شهرين وبضمان محلي 10 شهور بحاله ممتازة بسعر 3800 ج ..
جامد ..عموما في واحد اشتراه استعمال شهرين وبضمان محلي 10 شهور بحاله ممتازة بسعر 3800 ج ..
semsemSiR
2015-11-05 (10:26:33AM)
لو جايبة بضمان محلى , لو محل اللى هياخدة هيكون على 3400-3500 جنية
لكن لو لشخص هتبيعة على 3900 جنية - 4000 جنية
لكن لو لشخص هتبيعة على 3900 جنية - 4000 جنية
absilnce
2015-11-05 (05:20:45PM)
تسلمو يا رجالة .. بس انا بفكر ابيعه على 4300 جنية .. ليسة فى الضمان + ضمان ضدد عيوب الاستخدام فاضلة اكتر من شهرين
kpatsho
2015-10-25 (03:40:58AM)
لو سمحتو انا كنت بفكر اجيب النوت 4 و عارف ان اللي موجود في مصر n910c و ده البروسيسور بتاعه بمعمارية 64 بت لكن لما دورت ع النت لقيت مواقع بتقول انه بالمعمارية دي لكن غير مفعلة و بيشتغل 32 بت فقط , فده بجد ولا ايه ؟؟ و في حاجة في نفس السعر او ازيد بس مش كتير تكون احسن ولا الفئة دي احين حاجة فيها النوت 4 ؟؟
starstar2
2015-10-25 (09:22:26AM)
إصدارات النوت 4 فيه منها بنسخ معالجات سامسونج اكزينوس 4 جي وفي 3 جي وفيه معالجات كوالكوم سناب دراجون 4 جي ودي بتكون افضل نوعا ما في الألعاب واسرع في الموبايل داتا .
مصر هاتلاقي فيها c بالضمان ومن غير ممكن تلاقي ال f ..
عموما مافيش عقبة قدامك سواء الاف او السي ما فيش فرق بينهم جوهري والاصدارين نفس الإمكانيات سوي المعالج .
النوت4 c لما اشتريته كان علي نظام الكيت كات 4.4.4 وكان بيدعم معمارية 64 بت ولكن بعد الترقية لنظام لولي بوب لم يتم دعم هذه المعمارية وحتي الان ماعنديش فكره عن السبب بس ممكن عشان يوسعو الطريق للنجم الجديد النوت 5 وده اندرويد 5.1.1 وبيدعم معماريه 64 ....
هاتف النوت 4 يعد من الهواتف القوية وانا عن نفسي فضلته عن النوت5 لأكتر من سبب ..عموما القي نظرة في الصفحة هنا وفي صفحة النوت 5 لو مش هايفرق معاك عيوب النوت 5 فإشتري علي طول النوت 5 ..
ربنا يوفقك ...تحياتي
مصر هاتلاقي فيها c بالضمان ومن غير ممكن تلاقي ال f ..
عموما مافيش عقبة قدامك سواء الاف او السي ما فيش فرق بينهم جوهري والاصدارين نفس الإمكانيات سوي المعالج .
النوت4 c لما اشتريته كان علي نظام الكيت كات 4.4.4 وكان بيدعم معمارية 64 بت ولكن بعد الترقية لنظام لولي بوب لم يتم دعم هذه المعمارية وحتي الان ماعنديش فكره عن السبب بس ممكن عشان يوسعو الطريق للنجم الجديد النوت 5 وده اندرويد 5.1.1 وبيدعم معماريه 64 ....
هاتف النوت 4 يعد من الهواتف القوية وانا عن نفسي فضلته عن النوت5 لأكتر من سبب ..عموما القي نظرة في الصفحة هنا وفي صفحة النوت 5 لو مش هايفرق معاك عيوب النوت 5 فإشتري علي طول النوت 5 ..
ربنا يوفقك ...تحياتي
kpatsho
2015-10-25 (12:31:34PM)
شكرا على الرد الوافي ده starstar2 العيوب اللي في النوت 5 من رأيي يبقى النوت 4 احسن منه و عشان كده فضلته بس الصراحة بردو مش عارف اشتريه ولا استنى بقى ال nexus 6p وهو بالفعل نزل pre-order على موقع هواوي ...
starstar2
2015-10-27 (01:31:04PM)
تحت امرك يا كبير شوف النوت 4 حاجة والنيكسس حاجه تاني كل جهاز فيه ما يميزة عن الاخر وطبعا اهم ما يميز النوت هو القلم ..واهم ما يميز النيكسس هو الروم الخام وتحديثاته الاوليه...فشوف لو بتستخدم القلم بكثرة يبقي النيكسس مش هايفيدك وبكده قدامك فئات النوت ولو القلم مش فارق معاك يبقي خليك ف النيكسس واستمتع بالروم البسيط واسبقيه التحديث .... بس خلي بالك النيكسس عموما غير داعم للميموري كارد ..وربنا يوفقك يا كبير
kpatsho
2015-10-29 (05:06:51PM)
اه فعلا مكنتش اخد بالي ان النيكسس غير داعم للميموري كارد و ده بيخليني ارجع تاني للنوت 4 خصوصا اني لقيت كلام ع النت انه مش بيفرق كتير ال 32 و ال 64 و مين عارف يمكن سامسونج في تحديثاتها للنوت 4 تفعل تاني معمارية ال 64 .. عموما شكرا ليك ع ردك ... تحياتي لحضرتك
Amrreda2
2015-10-21 (11:45:41PM)
ان شاء الله هجيب موبيل اول شهر نوفمبر كنت مكرر اني اجيب نوت4 بس بدات افكر فى النوت 5 ولقبت ان الفرق بينهم فى حدود من 800 ل 1000 جنيه بس قلقان جدا من البطاريه انها مبتتغيرش وانها اقل فى القوه من النوت 4 ومتوقعش ان المساحه الداخليه هتعملي مشكله صافى 22 جيجا مش وحش انا بستخدم الموبيل بشكل مستمر نت و العاب مع العلم ان انا ممكن مقدرش اغير الموبيل قريب ممكن يفضل معايه سنه ونص او اتنين بس ناس كتير بتقول ان الفرق بين الجهازين مش كبير.. اجى على نفسي فى السعر شويه واجيب نوت5 وهل يستحق ولا اتوكل على الله واجيب نوت4.. برجاء الافاده وشكرا
starstar2
2015-10-22 (01:48:15AM)
النوت 5 في الاداء والسلاسه والسرعه افضل من النوت 4 .
1.غير داعم للذاكرة الخارجية وممكن التغلب عليها بشراء فلاشه خارجية ويمكن شراء نسخة 64 جيجا بس المشكلة هنا ان كل الداتا هتكون علي ذاكرة الهاتف طبعا ولو حصل مشكلة واضطريت انك تعمل هارد ريست كل الداتا هطير .
2. البطارية الغير قابلة للازالة.
3. عدم وجود الار بلاستر.
4.اهم نقطه ان خامه الجهاز الخلفية قابله للكسر بكل سهوله ولكنها مقاومة للخدش
لو كل ده مش هيفرق معاك اشتري النوت 5 فهو هاتف بعيدا عما ذكر يمتاز بالقوة في الاداء والاناقة ...
1.غير داعم للذاكرة الخارجية وممكن التغلب عليها بشراء فلاشه خارجية ويمكن شراء نسخة 64 جيجا بس المشكلة هنا ان كل الداتا هتكون علي ذاكرة الهاتف طبعا ولو حصل مشكلة واضطريت انك تعمل هارد ريست كل الداتا هطير .
2. البطارية الغير قابلة للازالة.
3. عدم وجود الار بلاستر.
4.اهم نقطه ان خامه الجهاز الخلفية قابله للكسر بكل سهوله ولكنها مقاومة للخدش
لو كل ده مش هيفرق معاك اشتري النوت 5 فهو هاتف بعيدا عما ذكر يمتاز بالقوة في الاداء والاناقة ...
Amrreda2
2015-10-22 (08:52:30PM)
تسلم ايدك يا باشا وشكرا علي الرد المحترم والتحليل السليم وبالتوفيق للجميع ان شاء الله. بس سؤال هو النوت ٤ في مشاكل في البطاريه فعلا وهل البصمه الاستجابه بتاعتها وحشه و التحديث الاخير في مشاكل ؟ وشكرا مره تانيه
starstar2
2015-10-22 (11:07:30PM)
تحت امرك يا كبير ..في الوقت الحالي وبعد التحديث 5.1.1 اصدار اخره coi4 البطاريه جيده جدا بس خد بالك انا كنت كاتب مشاركه هنا ان استهلاك البطاريه افضل عند استخدام شاحن سامسونج عادي وليس سريع لاني انا جربت الشاحن السريع اللي جاي مع الجهاز للاسف البطارية كان استهلاكها وحش جدا ولما جريت الشاحن العادي الاصلي ما شاء الله البطارية افضل بكتير وهرجع واقولك في الاول والاخر حسب استخدامك للجهاز ..
موضوع البصمة في النوت فور مقرفه شويه يعني لازم تسحب صباعك من قوق لتحت او طريقة البصمة اللي انت مسجلها علي الجهاز وممكن تعيد ادخال البصمه اكتر من مرة ...شتان بينه وبين النوت 5 من حيث البصمه بمجرد انك تضع صباعك علي الهوم بيفتح معاك من غسر تحريكه ..بصراحه سامسونج ابدعت في النوت 5 وخاصه القلم بكل مميزاته الرائعه بس للأسف ما فيش حاجه كاملة ...موفق ان شاء الله في الشراء ..
موضوع البصمة في النوت فور مقرفه شويه يعني لازم تسحب صباعك من قوق لتحت او طريقة البصمة اللي انت مسجلها علي الجهاز وممكن تعيد ادخال البصمه اكتر من مرة ...شتان بينه وبين النوت 5 من حيث البصمه بمجرد انك تضع صباعك علي الهوم بيفتح معاك من غسر تحريكه ..بصراحه سامسونج ابدعت في النوت 5 وخاصه القلم بكل مميزاته الرائعه بس للأسف ما فيش حاجه كاملة ...موفق ان شاء الله في الشراء ..
nhtc816
2015-10-17 (04:41:05PM)
معلش سوال للاستاذ الفاضل / hardtime انا معايا موبايل htc 816 بس المساحة صغيرة بسبب تحديث اللولى بوب وكنت بفكر اشترى htc one e9 بس بصراحة لما قريت عن موبايل note 4 فاحترت جداااا وبصراحة عاوزة النصيحة من حضرتك اجيب htc one e9 ولا note4
وشكرا لحضرتك واسفه للاطاله
وشكرا لحضرتك واسفه للاطاله
nhtc816
2015-10-17 (04:43:46PM)
اسفه الموبايل اللى محتارة بينه وبين note 4 هو htc one e9plus
hardtime
2015-10-30 (01:51:50PM)
اولا اسف انى تاخرت على حضرتك فى الرد
بصى يا فندم لو المقارنة بين الجهازين دول فانا بنصحك تجيبى نوت 4 فى الحالة دى
ولكن لو حبة تجيبى htc فانصحك تنتظرى وتجيبى htc m9 plus
لان ديما فئة m فى اتش تى بتبقى محترمة وليها دعم اكتر من الشركة
تحياتى ليكى ولكل اعضاء الموقع المحترمين
بصى يا فندم لو المقارنة بين الجهازين دول فانا بنصحك تجيبى نوت 4 فى الحالة دى
ولكن لو حبة تجيبى htc فانصحك تنتظرى وتجيبى htc m9 plus
لان ديما فئة m فى اتش تى بتبقى محترمة وليها دعم اكتر من الشركة
تحياتى ليكى ولكل اعضاء الموقع المحترمين
hesham2012
2015-10-16 (08:16:33PM)
لو سمحت انا عايز اعرف ايه الفرق بين اصدارات النوت 4 لانى باذن الله ناوى اجيبه حد يقولى ايه الفرق يعنى c وال S وال u مش فاهم فى السامسونج خالص حد يقولى ويفهمنى علشان محدش يضحك عليا وايه احسن مكان فى القاهره اجيبه منه ويكون سمعته محترمه
starstar2
2015-10-17 (07:14:23AM)
يا كبير النسخة العالمية للنوت 4 هي smn910c ودي بمعالج سامسونج شريحة اكزينوس 4 جي بمعالج مرئى مالي
F وs بمعالج سناب دراجون من كوالكوم بمعالج مرئى ادرينو...4جي.
U تقريبا بمعالج سامسونج اكزينوس .4 جي .
Hده غالبا 3 جي مش 4 جي ...
عموما هاتلاقي المتوفر ف السوق اصدار c ..طبعا السناب دراجون افضل بفارق بسيط جدا في الالعاب واسرع في داتا الفور جي ..
عامة ما فيش عقبة قدامك من حيث الاختيار سواء cاوsاو f ...كلهم نفس الاداء والقوة نوعا ما ... عندك في اعلي الصفحة شراء جديد اضغط عليها وهيعرضلك المتاح من الموبايل ..
F وs بمعالج سناب دراجون من كوالكوم بمعالج مرئى ادرينو...4جي.
U تقريبا بمعالج سامسونج اكزينوس .4 جي .
Hده غالبا 3 جي مش 4 جي ...
عموما هاتلاقي المتوفر ف السوق اصدار c ..طبعا السناب دراجون افضل بفارق بسيط جدا في الالعاب واسرع في داتا الفور جي ..
عامة ما فيش عقبة قدامك من حيث الاختيار سواء cاوsاو f ...كلهم نفس الاداء والقوة نوعا ما ... عندك في اعلي الصفحة شراء جديد اضغط عليها وهيعرضلك المتاح من الموبايل ..
hesham2012
2015-10-18 (04:14:41PM)
انا لقيته النهارده فى بيى تك بالتقسيط بس لما حسبتها لقيته هيقف عليا ب6 الاف ابن الحرميه هو سعره كام فى المحلات المحترمه الى مش بتغلى الفاضى بعد اذنك
starstar2
2015-10-18 (06:33:47PM)
بي تك وسامسونج شوب وموبايل شوب وما يشابهم هاتلاقي اسعارهم اعلس من سعر السوق ....انا معنديش خلفيه عن الاسعار ف الوقت الحالي ...
starstar2
2015-10-15 (08:51:22AM)
اخيرا وبعد طول انتظار ...وصل التحديث الهوائي واليدوي لمصر لنظام اندرويد 5.1.1 اصدار n910c.....مبروك مقدما علي التحديث ....موفقين
starstar2
2015-10-16 (04:29:28AM)
تحديث 5.1.1 السعودي جاهز للتنزيل ...موفقين
mostafadawod20
2015-10-18 (04:53:28PM)
انا تلفوني نسخه مصر لو جالي التحديث الرسمي احدث ولا فيه مشاكل
starstar2
2015-10-18 (06:31:35PM)
حدث الجهاز ان شاء الله ما فيش مشاكل......عموما بعد التحديث اعمل هارد ريست ...جمد قلبك وماتخفش ....
omar1255
2015-10-14 (04:37:00PM)
لو سمحتوا انا لسه جايب الموب ولقيتوا اندرويد 5.0.1 والنهارده قريت ان التحديث نزل فا يا ريت حد يقولى انزلو ازاى
semsemSiR
2015-10-14 (06:36:24PM)
الف مبروك على التليفون ربنا يباركلك فية
بالنسبة للتحديث , هتوصل التليفون على الواى فاى , وهتدخل على setting - about device - software update وتدوس على update now لو لقى تحديث هتلاقية بيتحمل , واول لما يخلص , هتلاقى رسالة طلعت فيها كلمة install هتدوس عليها وتسيب الجهاز ماتجيش جنبة خالص , لحد ماتلاقية قفل وفتح لوحدة
وكدة مبروك عليك ال 5.1.1 بس خلى بالك عشان هو مانزلش لكل الدول فشوف انت تليفونك تبع دولة اية
لازم تعمل باك اب للكل البيانات المهمة قبل التحديث , عشان لو الجهاز حصل فية مشاكل بعد التحديث او تهنيج , يبقى لازم يتفرمت " hard reset " عشان يرجع زى الاول
بالنسبة للتحديث , هتوصل التليفون على الواى فاى , وهتدخل على setting - about device - software update وتدوس على update now لو لقى تحديث هتلاقية بيتحمل , واول لما يخلص , هتلاقى رسالة طلعت فيها كلمة install هتدوس عليها وتسيب الجهاز ماتجيش جنبة خالص , لحد ماتلاقية قفل وفتح لوحدة
وكدة مبروك عليك ال 5.1.1 بس خلى بالك عشان هو مانزلش لكل الدول فشوف انت تليفونك تبع دولة اية
لازم تعمل باك اب للكل البيانات المهمة قبل التحديث , عشان لو الجهاز حصل فية مشاكل بعد التحديث او تهنيج , يبقى لازم يتفرمت " hard reset " عشان يرجع زى الاول
omar1255
2015-10-15 (12:55:16AM)
الف شكر على الرد بس هو بيقول ان انا على احدث حاجه وهو على 5.0.1 واعرف ازاى هو تبع دولة ايه هو الجهاز مكتوب على العلبه ضمان السعوديه
starstar2
2015-10-15 (03:31:20AM)
في اكتر من طريقة لمعرفه دولتك وبناء عليه هانزل الروم الخاص بيها علما بأن اي روم ما دام يحمل نفس اصدار الهاتف ممكن تركبه من خلال الاودين ..هتحمل تطبيق اسمه phone info من البلاي ستور وهاتلاقي في خانه من فوق اسمها csc code هاتفتحها وتشوف اختصارات ابقي قولنا سعتها ..ودي طريقة من ضمن الطرق ...مافيش غير دولتين عرب هما اللي اخدو تحديث 5.1.1 الامارات والعراق ...لو جهازك سعودي فأحب اقولك ان لسه مخدتش التحديث ..موفق
absilnce
2015-10-13 (12:56:01PM)
لو سمحتو انا ليسة جايب الموبيل امبارح .. لاحضيت مشكلة ان الصوت بيعلى ويوطى لوحده
.. فى المكالمات والرنين وكل حاجة .. انا مش عارف اية السبب .. نسخة N910C ياريت حد يقولى اعمل اية ؟
.. فى المكالمات والرنين وكل حاجة .. انا مش عارف اية السبب .. نسخة N910C ياريت حد يقولى اعمل اية ؟
starstar2
2015-10-13 (01:18:33PM)
المشكله دي محصلتش معايا قبل كده ..ممكن يكون مثلا الجراب ضاغط علي زرارين تعليه وخفض الصوت او مثلا جراب فيه مغناطيس ..عامة لو في جراب سواء فيليب كفر او باك شيله وخلي الجهاز من غيره واعمل ريستارت للجهاز ولو المشكله لسه موجوده اعمل اعاده ضبط المصنع بس قبلها خد باك اب من الحاجات المهمه عندك ولو لقدر الله لسه المشكلة موجوده نزل روم كامل من جديد من خلال الاودين ..وابقي طمنا ..موفق
absilnce
2015-10-13 (04:13:24PM)
انا نزلت التحديث الجديد عن طريق الأودين بردو مازلت المشكلة .. الموبيل بدون جراب .. الصوت بيوطى لوحده .. مع العلم انا بعلى الصوت والصوت واطى تلقائي. . الحل اية ...
starstar2
2015-10-13 (09:05:10PM)
شوف كده فيsettings.sounds and notificationst
Dont disturb
اتأكد انها غير مفعله غير كده اعمل اعاده ضبط المصنع وشوف ايه النتيجه
Dont disturb
اتأكد انها غير مفعله غير كده اعمل اعاده ضبط المصنع وشوف ايه النتيجه
absilnce
2015-10-13 (11:35:20PM)
عملت زى ما انت قولت بظبط .. بردو نفس الكلام .. اعمل اية ؟؟؟
يوجد المزيد من الردود, شاهد
جميع الردود
starstar2
2015-10-12 (09:02:25PM)
الأعضاء اللي معاهم النوت 4 c والــcsc رقم N910COJV1COI1 نزل التحديث ل لولي بوب 5.1.1 الهوائى ... مبروك عليكم بعد التحديث يفضل هارد ريست من الريكفري ..موفقين ان شاء الله
mohamed_rizk101
2015-10-13 (04:06:28PM)
لسه منزله يا رب يكون كويس
starstar2
2015-10-13 (09:30:42PM)
مبروك علي التحديث وابقي طمنا علي اداء الهاتف معاك بعد التحديث ...موفق ...
mohamed_rizk101
2015-10-16 (01:52:40AM)
التحديث حلو بس عيبه البطارية بتخلص بسرعه هل فيه حل للمشكلة دي
starstar2
2015-10-10 (06:32:21AM)
من مميزات الاندرويد انه نظام مفتوح المصدر ويمكن لاي شخص له خبره أو من ضمن الهواه التعامل معه وعمل صلاحيات واضافات علي النظام وبالتالي فالروم هو النظام الاساسي لهاتف الاندرويد وأصل الروم يرجع الي شركة جوجل فهي صاحبة الاصدار وتقوم باصدار الروم الخام بدون تعديل او اضافات فتقوم بعدها كل شركة مصنعه بترك بصمتها علي الروم الخاص بها .
ولا ننسي المطورين من هذا الامر من الحصول علي هذه الشفره او السورس للتعديل عليها وكل مطور وشطارته فالمطور غالبا غير تابع لاي شركة مصنعه للهاتف ويقوم بعمل تعديلات واضافات علي نظام الاندرويد ولكن دون الاقتراب من النظام الأساسي ليناسب نوع معين من الهواتف تحديدا وهذا هو الروم الغير رسمي او المطبوخ او المعدل .
العديد من الهواتف قد رفع عنها الدعم من الشركات المصنعه مثلا كهاتف اس 2 او اس 3 او جراند 1 فسامسونج رفعت الدعم الفني عن هذه الهواتف ولكن قام المطورين بعمل رومات معدلة لاحدث انظمة الاندرويد الحالية وهو اللولي بوب كمثال لكي تتوافق معها وبالتالي اصبحت تتمتع بالسلاسة والسرعه والخفة مواكبة مثيلتها من الاجهزة الحديثة ولكن اغلب الرومات المعدلة ﻏﻴﺮ ﻣﺴﺘﻘﺮﺓ ﻭ ﻏﻴﺮ ﺛﺎﺑﺘﻪ ﻭ بها اخطاء ومشاكل ﻭ ﻳﻌﺘﻤﺪ ﺫﻟﻚ أولا وأخيرا ﻋﻠﻰ ﺧﺒﺮﺓ ﺍﻟﻤﻄﻮﺭ ﻭ ﻫﻨﺎﻙ ﺭﻭﻣﺎﺕ ﻣﻄﺒﻮﺧﺔ افضل من الرومات الرسمية فإن اردت خوض هذه التجربة فعليك أولا اختيار الروم المناسب والقوي والخالي تقريبا من المشاكل او الأقل مشاكل والابتعاد عن الرومات المعدلة المجهولة و الضعيفة بشكل عام
راي الشخصي في الرومات المعدلة :
قاعده عامة الرومات الرسمية الصادرة من الشركات المصنعه افضل و اكثر ثباتا واستقرارا للهاتف حتي وان كان هناك زياده في استهلاك البطارية وسخونه زائده ولكن بشكل خاص بعض الرومات المعدلة تعطي اداء افضل للهاتف في نقاط معينة ولكن بضوابط ومعايير كإضافه ميزات لهاتف اخر غير موجوده مثلا كــــ روم النوت 5 المعدل للنوت 4 ولكن ان اردت خوض التجربة فعليك اولا قراءه تعليمات التركيب جيدا و تعليقات من جرب هذه الروم والابتعاد عن الرومات التي تسبب مشاكل في الجهاز .
الخلاصة :انا انصح بعدم تركيب الرومات المطبوخة علي الهواتف حديثة النظام فلا داعي لذلك الامر فالرومات المعدلة تفيد من لم يعد جهازة مدعوما من الشركة المصنعه كالمثال السابق نظرا لكونها غير مستقرة وليست كل الميزات والاضافات فعالة وتسبب توقف اجباري لهذه الوظائف ويتم بعد ذلك تحديثها في الاصدارات التالية .
ولا ننسي المطورين من هذا الامر من الحصول علي هذه الشفره او السورس للتعديل عليها وكل مطور وشطارته فالمطور غالبا غير تابع لاي شركة مصنعه للهاتف ويقوم بعمل تعديلات واضافات علي نظام الاندرويد ولكن دون الاقتراب من النظام الأساسي ليناسب نوع معين من الهواتف تحديدا وهذا هو الروم الغير رسمي او المطبوخ او المعدل .
العديد من الهواتف قد رفع عنها الدعم من الشركات المصنعه مثلا كهاتف اس 2 او اس 3 او جراند 1 فسامسونج رفعت الدعم الفني عن هذه الهواتف ولكن قام المطورين بعمل رومات معدلة لاحدث انظمة الاندرويد الحالية وهو اللولي بوب كمثال لكي تتوافق معها وبالتالي اصبحت تتمتع بالسلاسة والسرعه والخفة مواكبة مثيلتها من الاجهزة الحديثة ولكن اغلب الرومات المعدلة ﻏﻴﺮ ﻣﺴﺘﻘﺮﺓ ﻭ ﻏﻴﺮ ﺛﺎﺑﺘﻪ ﻭ بها اخطاء ومشاكل ﻭ ﻳﻌﺘﻤﺪ ﺫﻟﻚ أولا وأخيرا ﻋﻠﻰ ﺧﺒﺮﺓ ﺍﻟﻤﻄﻮﺭ ﻭ ﻫﻨﺎﻙ ﺭﻭﻣﺎﺕ ﻣﻄﺒﻮﺧﺔ افضل من الرومات الرسمية فإن اردت خوض هذه التجربة فعليك أولا اختيار الروم المناسب والقوي والخالي تقريبا من المشاكل او الأقل مشاكل والابتعاد عن الرومات المعدلة المجهولة و الضعيفة بشكل عام
راي الشخصي في الرومات المعدلة :
قاعده عامة الرومات الرسمية الصادرة من الشركات المصنعه افضل و اكثر ثباتا واستقرارا للهاتف حتي وان كان هناك زياده في استهلاك البطارية وسخونه زائده ولكن بشكل خاص بعض الرومات المعدلة تعطي اداء افضل للهاتف في نقاط معينة ولكن بضوابط ومعايير كإضافه ميزات لهاتف اخر غير موجوده مثلا كــــ روم النوت 5 المعدل للنوت 4 ولكن ان اردت خوض التجربة فعليك اولا قراءه تعليمات التركيب جيدا و تعليقات من جرب هذه الروم والابتعاد عن الرومات التي تسبب مشاكل في الجهاز .
الخلاصة :انا انصح بعدم تركيب الرومات المطبوخة علي الهواتف حديثة النظام فلا داعي لذلك الامر فالرومات المعدلة تفيد من لم يعد جهازة مدعوما من الشركة المصنعه كالمثال السابق نظرا لكونها غير مستقرة وليست كل الميزات والاضافات فعالة وتسبب توقف اجباري لهذه الوظائف ويتم بعد ذلك تحديثها في الاصدارات التالية .