نوت 4n910c

للرجوع الي صفحة سامسونج Galaxy Note 4 الرئيسية اضغط هنا

naderkameel

2016-05-12 (02:19:38PM)

انا من مصر
هل ينفع التحديث من لولي بوب 5.1.1 الي مارشميلو يدويا
وماهي الطريقة
n910c
هل يدعم اللغة العربية

starstar2

2016-05-12 (05:40:48PM)

اهلا بيك واحنا من مصر ومصريين وتحيا مصر .....

ينفع انك تحدث يدوي بدون أي مشاكل ان شاء الله شرط اتباع الخطوات الاتيه .

1- هتحمل ملف الروم الخاص بدولة بولندا وهاتلاقي لينك التحميل موجود هنا علي الصفحة .
2- هتفك الضغط عن الملف.
3-هتنزل اخر نسخة من برنامج الاودين وهي اصدار 3.10.7.
4- تنصيب برنامج سامسونج كيز علي الكمبيوتر عندك او تعريفات سامسونج وبعد التنصيب علي الكمبيوتر وصل الموبايل بالكمبيوتر عشان يتعرف عليه ودي نقطه مهمه جدا .
5- بعد متعمل ده هتاخد باك اب من داتا الجهاز الداخليه وبعدها اعمل هاردريست من الريكفري .
6- الدخول علي وضع الداونلود مود للهاتف ثم فتح برنامج الاودين علي الكمبيوتر وفتح خانة ap واختيار ملف الروم الرسمي (بعد فك الضغط طبعا) وانتظر لثواني حين انتهاء برنامج الاودين من تحميل الروم وبعدها قوم بتوصيل كابل اليو اس بي بين الهاتف والكمبيوتر واضغط علي زر تعليه الصوت للموافقة من الهاتف واضغط أخيرا علي start من الاودين ( لازم تلاقي ظهور كلمة add في الاودين وده معناه تعرف الاودين علي الهاتف).
***************************************************************

انتبه :

استخدم الكابل الأصلي . بطارية الجهاز تكون مشحونه بالقدر الكافي اقدر من 50% ..تأكد انه لا يوجد عائق في الكمبيوتر يمنع عمل الاودين او مشكلة في منفئ اليو اس بي سواء هاردوير او سوفت من نظام الويندوز نفسه .

موفق اخي الكريم

starstar2

2016-05-12 (05:46:02PM)

الروم البولندي يدعم اللغه العربية ...تأكد من اصدار هاتفك اصدار c ..خلي بالك من التقطه دي وعشان تتأكد أكتر ادخل قبل متعمل أي حاجة علي وضع الداونلوود موود واضغط بعدها زر خفض الصوت وهاتلاقي بيانات من اعلي الصفحة موضح فيها اصدار هاتفك ...وبأكد عليك تاني ..

تلك الخدمة مخصصة للأعضاء فقط