نوافذ منبثقة

للرجوع الي صفحة سامسونج Galaxy Note 4 الرئيسية اضغط هنا

ahmedfarghally

2016-02-06 (01:11:32AM)

الإخوة الأفاضل أعضاء الموقع: عند تصفحي للإنترنت على المحمول تظهر باستمرار نافذة منبثقة بعنوان Wonder land وقد حاولت منع ظهورها باستخدام بعض برامج الantiviruses إلا أنني لم أتمكن من منع ظهورها, فأرجو المساعدة.

semsemSiR

2016-02-06 (11:05:27AM)

اول حاجة هتدخل تعمل clear data لمحرك البحث اللى انت شغال علية سواء ( كروم او الانترنت بتاع الجهاز ) من ال application manager

وبعد كدة هتشوف لو العيب راح او لأ , مارحش يبقى لازم سوفت وير جديد , عشان ممكن يكون spam ومش بيروح بالفورمات

starstar2

2016-02-06 (05:07:38PM)

ل ده اعلانات ..شوف اخر تطبيق نزلته او حدثته وبعدها حصل الموضوع ده وبكده الغيه ..وممكن تستخدم متصفحات امنه مثل adblock browse بس عيبه البطئ شويه او استخدم تطبيق مانع الاعلانات زي برنامجadware من البلاي ستور و خلي بالك انه بيشيل الاعلانات بنسبه 50% .. لو بتستخدم برامج الانتي فيرس وتحرير الرام وتسريع الجهاز او برامج البطارية لانها مالهاش اي لازمه وبتكون عبئ علي الجهاز وممكن يكون ليهم يد في الاعلانات ..
..ولو عايز تطبيق يحجب الاعلانات بنسبة كبيرة في اكتر من تطبيق ومن ضمنهم تطبيق ad block plusبس للاسف محتاج صلاحيات الروت فلو هاتفك مروت نزل التطبيق وانسي موضوع الاعلانات .
وعموما هنعمل مع بعض خطوات للتأكد من عدة اختيارات وهنبتدي وندخل ف الابليكيشن مانجر وعند التطبيقات وهنعمل كلير كاش وبعدها كلير داتا للمتصفح الخاص بيك سواء كروم او انترنت الرسمي وبكده نشتغل علي نضافه و اعمل اللي هقول عليه وهنبتدي بتظبيط اعدادات متصفح جوجل
بـــــــ google ghrome هندخل جوه التطبيق ومن فوق فــيه علامة هنختارها هتظهر قائمة وهنختار settings وبعدها هنختار sitesettings هنفتحها وهنشوف حاجة اسمها pop ups هندخل جواها ونختار allowed ...

متصفح internet الرسمي:
هنفتح البرنامج ومن فوق عند العلامة هنختار settings وبعدها advanced وبعدها content settings وهنختار حاجة اسمها block pop ups ..
موفق ....

ahmedfarghally

2016-02-06 (07:05:34PM)

جزاكم الله خيرا أ.semsemSiR و أ.strarstar2 أنا عملت clear cash و clear data والحمد لله النوافذ المنبثقة اختفت بالفعل ويارب تفضل مختفية على طول. وشكرا جزيلا على مساعدتكم وياريت كل الناس تحب الخير مثلكم.

تلك الخدمة مخصصة للأعضاء فقط