نوت4

amatoullah

2017-05-06 (06:13:45AM)

انا بعت لحضرتك رسالة على الماسنجر

amatoullah

2017-05-04 (03:18:03PM)

تمام حضرتك انا حنزل السوفت وملف الاودين وحضرتك ابعتلى الفيس بوك واتابع مع حضرتك وانا بنزله

semsemSiR

2017-05-04 (02:25:29PM)

مافيش اى حاجة محتاجة نت بعد كدة طالما نزلتى ملف السوفت وملف الاودين

اة طبعا اى خطأ فى السوفت بيبوظ الفون ممكن مايخليش الجهاز يفتح , او ممكن يبوظ الجهاز كليا بس لازم واحد متخصص يحل الموضوع عشان بيتحط على اجهزة تانية بيخلية يفتح اجبارى وينزلة سوفت من جديد

عموما لو فية حاجة انا ممكن ابعتلك الفيس بوك وانتى بتنزلى السوفت عشان لو فية وقفت بالنسبالك لان خطوات تنزيل السوفت بحساب

فشوفى الطريقة اللى تناسبك وتريحك وانا معاكى فى اى حاجة تختاريها

amatoullah

2017-05-04 (01:59:34PM)

يعنى حضرتك ححتاج النت لما انزل الملف من موقع سام موبيل و ولما انزل برنامج الاودين بس صح ؟ مش ححتاجه فى حاجة تانية ... علشان مثلا لو اخدت اللاب بعد كدة
وهو فعلا الموضوع صعب شوية ... طب مثلا لو فى حاجة وقفت معايا او مش فاهماها وانا بعمله ينفع اوقف يعنى الخطوات واسأل حضرتك وبعدين ارجع اعمله ولا كدة يبوظ اصل خايفة اعمل وحاجة تقف معايا

amatoullah

2017-05-04 (12:54:42PM)

ربنا يكرمك حضرتك
هو الموضوع فعلا شكله صعب شوية ... طب لو اى حاجة مثلا عملتها غلط ممكن كدة الموبايل يبوظ ؟
والخطوات دى كلها بتكون من غير نت صح ولا ايه ؟ يعنى انا بس ححتاج نت لما انزل الملف الاول اللى حضرتك بعتهولى صح ؟

semsemSiR

2017-05-04 (11:18:36AM)

الطريقة كالاتى :

1- هتقفلى الفون وتدوسى على ( power + home + volume down ) هيطلعلك تحذير اضغطى volume up

2- هتكونى منزلة عندك على الكمبيوتر البرنامج دة

3- هتفتحى البرنامج دة وتوصلى الفون باللاب بال usb لازم يديكى على الشمال زى الصورة دية كدة

بس اللى هتخلى معمول علية check ( ال auto reboot - f.reset time ) بس وكل حاجة زى اللى فى الصورة كدة

4- هتتضغطى على المربع اللى مكتوب علية ap وتكونى عامل extract للملف اللى انت نزلتية من على النت بتاع السوفت , ووتسيبة لحد مايحمل لحد ماتبقى كل حاجة قدامك كدة

وتثبتى الفون فى مكان بحيث مايتحركش نهائيا , وتقولى بسم الله الرحمن الرحيم , وتدوسى ستارت بس لما تلاقى المربع الابيض اللى على الشمال مكتوب فية فى السطر القبل الاخير finished successfully كدة تدوسى ستارت

لو فية اى حاجة مش مفهومة قوليلى

amatoullah

2017-05-04 (12:15:54AM)

تمام حضرتك ربنا يكرمك
انا إن شاء الله ممكن أعمله على يوم الجمعة كدة
المفروض أعمل ايه بالظبط ومعلش بالتفصيل علشان انا مش بفهم فى الحاجات دى

semsemSiR

2017-05-04 (12:01:55AM)

عادى ماهو انا عشان كدة قولتلك اعملية انتى , عشان انا عارف اللى بيحصل طالما التليفون مافيش فية مشاكل

موضوع السوفت , اللى انا باعتلك اللينك بتاعة دة سوفت اصلى ماتقلقيش , ودة اللى بينزل فى التوكيل لو دخلتية التوكيل

بالنسبة للجهاز لو عرفتى تنزلى النسخة , احنا محتاجين لاب لمدة عشر دقائق ويكون معاكى كابل usb والتليفون مشحون 50%

لو انتى هتنزلى السوفت على اللاب يبقى على حسب سرعة النت عندهم , لأئما تبعتى اللينك وهما ينزلوة ويخلوة عندهم لحد ماتبقى تروحى عشر دقائق بالظبط مش عايزين اكتر من كدة

بس اهم حاجة قوليلى امتى هتعملى الموضوع دة عشان اقولك على خطوات تعمليها قبل ماتنزلى السوفت لان لية طريقة تانى غير الفورمات

amatoullah

2017-05-03 (07:03:32PM)

طب معلش حضرتك لو اتصرفت فى جهاز لازم يكون معايا اليوم كله ولا ايه ؟ ولا ممكن اروح عند حد اعمله يعنى فى وقت اد ايه ؟
يعنى انا حدخل على الموقع ده من اللاب وانزل الملف اللى حضرتك بعتهولى واحمله على الجهاز وبعدين اعمل ايه بعد ما يتحمل على الجهاز هل بيتحمل فى وقت كبيير ولا ايه ؟ وبيتحمل على الجهاز بردو فى وقت كبير ؟
معلش والله اسفة جداا على الازعاج

amatoullah

2017-05-03 (06:29:34PM)

لا حول ولا قوة إلا بالله... معلش والله انا عارفة انى تعبت حضرتك.
يعنى كدة مش حقدر اوديه لحد اثق فيه علشان ممكن كدة يشتغلونى
وفعلا دخلت على استهلاك البطارية لقيت بردو الجوجل بلاى سيرفيس ساحب كتيير اوى
بس عايزة اسأل تنزيل السوفت ملوش اى ضرر على الموبايل علشان يعنى بغير السوفت الاصلى بتاع الموبايل ؟
ويعنى كدة مفيش حل الا انى اشوف جهاز ولا ايه ؟

semsemSiR

2017-05-03 (06:09:17PM)

اة بالظبط كدة هو كل اللى عملة فورمات

amatoullah

2017-05-03 (04:37:15PM)

تمام حضرتك انا نزلته لقيت مكتوب ksa/sa
كدة يبقى منزلش صح ؟

semsemSiR

2017-05-03 (02:55:04PM)

ربع ساعة بدون ماينزل نسخة من على النت ؟ طبيعى عملك فورمات معملش اكتر من كدة

طيب عايزك تنزلى برنامج phone info من على الماركت وتشوفى ال csc / country مكتوبين فيهم اية قوليلى وانا هقولك نزلك سوفت ولا لأ

طالما بتقولى ان التليفون دة جايباة من السعودية

amatoullah

2017-05-03 (12:50:15AM)

طب حضرتك انا روحت لواحد مع اخويا المفروض انه تبعه وقالى ايه المشكلة قولتله على اللى بيحصل قالى ان كدة عيب بطارية فقولتله طب انا عايزة انزل سوفت فأخد الموبايل ربع ساعة وقالى انه نزله فهل كدة لحق انه فعلا ينزله ؟ وازاى انى اتأكد انه نزله ومعملش فورمات وخلاص ؟
اصل انا بردو مش عارفة اتصرف فى جهاز

semsemSiR

2017-05-02 (11:00:48PM)

اولا افضل ليكى كسعر لانة مش هيقل تنزيل السوفت عن 50 جنية + انك هتسيبى الجهاز لمدة 4 ساعات مثلا على ماينزل السوفت ويعملهولك

فانا بالنسبالى انتى تحاولى تتدورى على جهاز كمبيوتر او لاب توب تنزلى علية السوفت وتسطيبة على الجهاز مش هياخد 7 دقائق

amatoullah

2017-05-02 (05:14:39AM)

طب تمام حضرتك ححاول انزله واقولك
طب معلش هو الكمبيوتر حيبقى افضل من ناحية ايه هما فى المحلات بينزلوه بردو عن طريق الكمبيوتر صح ولا ايه ؟

semsemSiR

2017-05-02 (12:37:33AM)

خلية ينزلك سوفت , بس ياريت تحاولى تشوفى جهاز كمبيوتر هيبقى افضلك واوفرلك

amatoullah

2017-05-01 (11:20:48PM)

تمام حضرتك طب انا ححاول اسأل كدة على المحل او اشوف حد كويس ... طب اقوله ايه نزلى سوفت بس كدة ولا ايه ؟
وبعدين بعد ما ينزل كدة اعمل ايه ؟

semsemSiR

2017-05-01 (11:17:17PM)

هو انا من القاهرة

بس عموما فية محل اسمة الزيتون فى شارع ملك حفنى مع شارع الفرن , انا سألت واحد صاحبى من اسكندرية قالى دة افضل واحد وكويس

وتقريبا تكلفة السوفت 50 جنية

ولو قدرتى تتصرفى فى جهاز كمبيوتر يبقى تمام اوى

amatoullah

2017-05-01 (10:28:19PM)

انا من اسكندرية فى سموحة حضرتك

semsemSiR

2017-05-01 (10:14:10PM)

طيب انىتى قريبة من منطقة اية وانا اقولك تروحى فين مكان موثوق فية

amatoullah

2017-05-01 (09:55:01PM)

تمام حضرتك ... طب انا معنديش لاب توب دلوقتى ولا كمبيوتر ... ينفع اوديه لحد بيصلح موبايلات ولا اعمل ايه المشكلة بس انى مش بثق فى اى حد اوديله الموبايل يعمل فيه حاجة او يبوظ اكتر
حضرتك تنصحنى بأيه طيب ؟

semsemSiR

2017-05-01 (09:02:40PM)

لأ طبعا الباقة عندك هتخلص الا لو كنت عاملة باقة نت كبيرة فوق ال 2 جيجا

لازم تنزليها عن طريق لاب توب او pc مش هينفع عن طريق التليفون , لان لازم النسخة دية تتسطب على الموبايل عن طريق كمبيوتر

amatoullah

2017-05-01 (06:57:22PM)

كنت بعمل logout وادخل تانى بيجيلى نفس الرسالة
طب هو علشان المساحة الكبيرة دى لازم واى فاى يعنى ولا ممكن من عندى من الداتا ؟
اصل انا دخلت تانى ظهرلى بردو عيب نت غير الرسالة التانية

semsemSiR

2017-05-01 (06:30:29PM)

السوفت حجمة كبير مساحتة بتوصل 1.6 جيجا
ولما يقولك session has expired اعملى logout وادخلى تانى

amatoullah

2017-05-01 (06:24:19PM)

Session has expired. Please logout and login again.

Error: S1S
معلش حضرتك بعد ما عملت داونلود ظهرلى فى الاول انه عيب نت وكتبلى this page cant be reached
وبعدين بقى بيظهرلى الرسالة اللى كتبتها فى الاول
معلش كدة اعمل ايه ؟
وهو لازم بالواى فاى ولا ممكن الداتا بتاعة الموبايل

semsemSiR

2017-05-01 (04:56:06PM)

اول حاجة لازم يكون عندك حساب على الموقع دة عشان تقدرى تنزلى من علية , اعملى create an account ودة مجانا عادى

ولما تعملى الاكونت , ادخلى على اللينك اللى انا بعتهولك , واختارى regular download

amatoullah

2017-05-01 (04:39:35PM)

ربنا يكرمك حضرتك ... طب انا دخلت على الملف ده من الموبايل ولقيت فيه 2 داونلود ايه الخطوات اللى اعملها بالظبط علشان انا مش فاهمة حاجة معلش ؟

semsemSiR

2017-05-01 (04:13:33PM)

عموما لو زى ماقولتلك n910c ونسخة سعودى

نزلى السوفت وير دة ولما تنزلية قوليلى

semsemSiR

2017-05-01 (04:08:28PM)

تليفونك رقمة n910c صح ؟

هقولك تنزلية ازاى بس لازم الاول اعرف الكود عشان اخليكى تنزلى الملف مظبوط

amatoullah

2017-05-01 (01:13:31PM)

طب والسوفت ده بينزل ازاى حضرتك ؟
انا جايباه من السعودية

semsemSiR

2017-05-01 (12:56:04PM)

كدة يبقى لازم ننزل سوفت كامل من اول وجديد , انتى تليفونك منين عشان انزلك السوفت الاصلى بتاعة ؟

amatoullah

2017-04-30 (05:19:41PM)

لما عملت الفورمات اول مرة لما كان الموبايل بيشحن فى مدة كبيرة كان الموبايل اتحسن وانا اصلا كنت بدخل على استهلاك البطارية وكنت علطول اول حاجة اشوفها استهلاك الاسكرين كانت اعلى حاجة وكنت ساعتها بستخدم الواى فاى علطوول .... بعد ما نزلت مصر وشغلت الموبايل داتا بدأت بقى اشوف استهلاك كبيير للبطارية ولما ادخل على استهلاك البطارية ظهرلى الجوجل بلاى سيرفيس ولقيته مستهلك نسبة كبيرة زى ما قولت لحضرتك

semsemSiR

2017-04-30 (04:33:25PM)

انا عايز اعرف هل التليفون عمل كدة اول لما عملتى فورمات ولا استهلاك الجوجل بلاى سيرفس ماكنش ظاهر والدنيا بدأت ترجع تانى بعد تنزيل البرامج

amatoullah

2017-04-30 (05:50:36AM)

معلش حضرتك والبطارية بردو رجعت تانى تشحن فى 3 ساعات كدة تقريبا زى الاول وساعات بردو بتشحن فى اقل كدة لو الموبايل فصل وفتحته وشحنته زى ما كان بيعمل قبل كدة .... اعمل ايه معلش حضرتك ؟

amatoullah

2017-04-28 (12:35:04AM)

حضرتك معلش انا بردو عملت فورمات والموبايل الشجن بيخلص بسرعة جدا وبردو استهلاك البطارية الجوجل بلاي سيرفس لقيته بردو استهلك تقريبا 23% زي ما كان بيعمل قبل الفورمات هو كدة العيب في ايه معلش؟

amatoullah

2017-04-17 (07:29:56PM)

تمام حضرتك حعمله إن شاء الله واقول لحضرتك عمل ايه

semsemSiR

2017-04-17 (12:51:05PM)

كدة يبقى لازم تعملى format تانى من ال recovery لان واضح فية مشكلة حصلت فى السوفت

amatoullah

2017-04-17 (02:31:49AM)

تمام حضرتك انا عملت ال permission زى ما حضرتك قولت وبردو رجعت تانى كلهم بقوا اكتيفيت وعملتهم كذا مرة
وال storage بردو زى ما حضرتك قولت
وبعد كدة انا بدخل على application manager وبدوس على جوجل بلاى سيرفيس بلاقى اختيارين بس disable و force stop فمعملتش حاجة تانية ...
وبردو الموبايل نفس الكلام بيخلص بسرعة جدا كنت مثلا سايباه وانا نايمة تقريبا كان حاجة وتلاتين % صحيت لقيته 5% بيخلص من غير ما استخدمه اصلا

semsemSiR

2017-04-15 (08:43:11AM)

ال permission هتتدخلى تقفلى كل الاختيارات وتعملى Activate بس لل Storage

وتتدخلى على ال storage ثم manage store هتلاقى clear all data تدوسى عليها

وبعد دة كلة تعملى uninstall update انا مش عايزك تعملى disable , ولو مالقيتيش uninstall update معناة ان البرنامج دة ماتعملوش تحديث

amatoullah

2017-04-14 (05:18:42PM)

طب معلش اشيل اخر update ازاى ادخل على جوجل بلاى سيرفيس واعمله disable و force stop وبعدين احدثه من تانى ولا ازاى ؟
وانا دخلت على ال permissions لقيت معمول اخضر على حاجات كتير اطفيها كلها يعنى صح كدة ؟
وال storage دخلت عليها لقيت فيه اختيارين manage store و clear cashe المفروض اعمل ايه ؟ واعملها activate ازاى ؟
معلش والله اصل انا مش فاهمة فى الحاجات دى وخايفة اعمل خطوة غلط

semsemSiR

2017-04-14 (10:53:50AM)

طيب هتشيلى اخر update للجوجل بلاى سيرفيس , وحدثية تانى وادخلى اقفلى الpermission بتاعتة من ال application manager وخلى بس ال storage هية اللى معمولها activate

amatoullah

2017-04-13 (05:05:51PM)

والشحن بيخلص بطريقة فظيعة

amatoullah

2017-04-13 (05:04:33PM)

انا مش عارفة اعمل حاجة تانية ممكن حضرتك تقولى عشان بردو الجوجل بلاى سبرفيس لقيته 25%

amatoullah

2017-04-12 (04:15:36AM)

معلش حضرتك انا مش فاهمة اوى ...
انا دلوقتى دخلت على الايقونة بتاعة ال gmail اللى على الموبايل عادى لقيت مكتوب account not synced وتحت مكتوب sync now يعنى معنى كدة انه مش معموله sync اصلا علشان يسحب من البطارية صح ولا انا فهمت غلط ؟
وانا اصلا مش بدخل عليه ولا بستخدمه ولا ده بردو ملوش علاقة ؟
ولو انا كدة قفلت الموبايل ومستخدمتوش طب انا حعرف كدة استهلاك البطارية قد ايه او خلصت بسرعة ازاى ؟
وانا فعلا فاتحة الموبايل داتا علطول بس بردو قبل كدة كنت بستخدم بردو الواى فاى علطوول ومعملش كدة
معلش بس حضرتك فهمنى اعمل ايه بالظبط كدة

semsemSiR

2017-04-11 (10:52:56AM)

الجوجل بلاى سيرفيس داخل فى حاجات كتير فى التطبيقات اللى على الجهاز والحساب والانترنت والجوجل بلاى ماركت

فمعنى انة يرفع عندك بالطريقة دية معناها انك ( فاتحة الواى فاى كتير - عاملة sync للحساب اللى عندك ايا كان نوع الحساب

عموما كل اللى هنعملة دلوقتى عشان بس ماندخلش فى قصة فورمات تانى

لو انتى دخلتى على اى حساب وليكن مثلا حساب ال gmail ودوستى علية تانى هيظهر معاكى sync لو دوستى عليها هتلاقى remove sync

يأما الخطوة التانية قبل ماتنامى مثلا , تروحى عاملة disable لل google play services وتعملى الفون وضع الطيران او تقفلية خالص او مش بتحتاجى المنبة , بس انا عايزة يفضل مقفول اطول فترة ممكنة , وبردة شوفى وقولى الدنيا ماشية معاكى ازاى

amatoullah

2017-04-11 (01:09:57AM)

ربنا يكرمك ياارب ويجازيك خير..
طب انا حضرتك دخلت على الsetting وبعدين accounts ملقتش غير جوجل والماسنجر والواتس وبرنامج الايمو ملقتش حاجة تانية ... هو قصد حضرتك انى عاملة اكونت تانى غير بتاع الجوجل ولا ايه ؟ ومش عارفة الغى الsync ازاى..
وبعدين دخلت على ال application manager وعملت كلير تانى لجوجل بلاى سيرفيس ولل gmail وللايمو والماسنجر انا اصلا مش منزلة برامج كتيير وفى برامج منهم مش فاكرة لقيت فيها كلير كاش كمان عملتها كدة صح ولا ايه ؟ انا متلغبطة؟ وايه اللى حصل خلى الموبايل يعمل كدة انا منزلتش برامج ولا غيرت استخدامى خالص ؟

semsemSiR

2017-04-10 (09:28:08AM)

انا نفسى اعرف انتى بتتأسفى على اية , مافيش اى تعب او اى شىء , اسألى براحتك

لأ البطارية بعيدة تماما عن الموضوع دة

هو كدة معناة ان فية app بتستخدم ال google play services

طيب انا عايزك تتدخلى على ال accounts وتلغى ال sync لاى اكونت , وتدخلى على البرامج اللى انتى منزلاها وتعمليلها clear data كلها وخصوصا ال gmail

لان المفروض اصلا ال google play services ماتظهرش فى استخدام البطارية

وقوليلى اية اللى تم

amatoullah

2017-04-09 (03:10:00PM)

ايوة حضرتك فعلا انا اللى غلطت
انا عملت حضرتك كلير للداتا فعلا وشحنت الموبايل وجربت لقيته بردو نفس الكلام الجوجل بلاى سيرفيس واخد 16% والفيس بوك كمان 20 % والشاشة قليلة جداا 4% مع انى كنت بستخدم الفيس بوك بردو نفس الاستخدام متغيرش ونفس الاستتخدام لكل حاجة ولما كنت بدخل اشوف استخدام البطارية كنت اول حاجة بشوفها الشاشة هى اللى واخدة نسبة كبيرة ... وطبعا البطارية بتقل جداااااا حتر لو مش بستخدمه
هو ايه اللى حصل فى كدة عيب فى البطارية ولا الموبايل ؟ واعمل ايه
معلش اسفة بجد والله

semsemSiR

2017-04-08 (08:58:23AM)

انا ماقولتش تعملى disable , انا عايزك تعملى clear all data

هتتدخلى على application manager وتدورى على google play services هتلاقى جواها manage storage ادخلى عليها هتلاقى clear all data

amatoullah

2017-04-08 (05:11:36AM)

حضرتك انا عملت زى ما كتبتلك force stop و disable وبعدين اليوتوب مكنش عايز يفتح فعملت enable وبعدين كل شوية يجيلى رسالة انى اعمل ابديت لجوجل بلاى سيرفس فعملت ابديت ورجع تانى يسحب من البطارية ...
معلش حضرتك المقروض اعمل ايه ؟ علشان البطارية بتنقص بطريقة فظيعة

amatoullah

2017-04-05 (02:21:04AM)

طب تمام انا دخلت وعملت disable و force stop ملقتش clear all data كدة صح اللى عملته ؟ وهو لو مش بيسحب من البطارية حيتشال خالص من استخدام البطارية ولا النسبة بس حتقل ؟

semsemSiR

2017-04-04 (09:00:11AM)

طبيعى ان استهلاك الموبايل داتا بيكون اعلى شوية من استهلاك الواى فاى

كدة لازم تتدخلى على الجوجل بلاى سيرفيس من ال APPLICATION MANAGER وتعمل CLEAR ALL DATA لانة كدة مفتوح فى الخلفية وبيسحب طاقة من البطارية

فجربى اللى قولتلك علية وشوفى هتلاقى بردة الجوجل بلاى سيرفيس ساحب حاجة ولا لأ

amatoullah

2017-04-03 (11:27:41PM)

معلش حضرتك بس انا دلوقتى بستخدم الموبايل داتا من كام يوم كدة ومفيش واى فاى عندى لاحظت ان البطارية بتخلص بسرعة جدااااا غير فى الواى فاى هو ايه المشكلة بالظبط ؟
وكمان بشوف استهلاك البطارية لقيت اول مرة الاقى الجوجل بلاى سيرفيس او يمكن مأخدش بالى لس لقيته واخد 23% من البطارية والشاشة 1% مع ان الموبايل كان تقريبا 20% كدة
معلش انا مش فاهمة

amatoullah

2017-03-26 (04:50:30PM)

ربنا يكرمك يارب

semsemSiR

2017-03-25 (07:06:15PM)

لأ مافيش تعب ولا حاجة

amatoullah

2017-03-25 (12:32:59PM)

تمام حضرتك الف شكرا بجد والله انا عارفة انى تعبتك
جزاك الله خيرا

semsemSiR

2017-03-25 (09:20:54AM)

اة عادى وهو مفتوح مافيش مشكلة , بس قفل ماتشحنى الفون اعمليلة ريستارت وشيلى البطارية وركبيها تانى عشان لو فية اى اخطاء او اى حاجة تتشال , ممكن تعملى الموضوع دة كل مرتين شحن يعنى تعدى مرة وتعمليها فى التانية , بتفرق مع البطارية والجهاز نفسة
خليكى عند 8% وتحطية على الشاحن

amatoullah

2017-03-24 (10:29:52AM)

تمام حضرتك شكرا جداا ... طب عموما اشحنه وهو مفتوح عادى لما يوصل مثلا5% ولا اقل ولا اكتر ... ولا وهو مقفول احسن لما يفصل الافضل للبطارية يعنى ؟

semsemSiR

2017-03-24 (10:12:18AM)

طيب تمام هو كدة اتظبط الحمد لله

كان فية اخطاء فى النسخة كانت لازم تتعالج الاول بالفورمات

بالنسبة للنوت 4 مش بيعمل اكتر من 5 ساعات اسكرين تايم ممكن كان يعمل النسبة دية فى الاول خالص لكن بعد فترة تشغيل البطارية كل دة لازم الاداء بيقل شوية

وبردة ممكن تحطى البرامج اللى انتى منزلاها فى ال optimized وتخليها always save power عشان ماتشتغلش فى الخلفية وانتى مش بتستخدمى الفون

وحاولى بعد كدة ماتستخدميش الفون وهو بيتشحن او تشحنى الفون وتشيلية مثلا قبل مايكمل شحن وبعد كدة تحطية تانى على الشاحن , كل دة بيقلل اداء البطارية

مافيش تعب ولا حاجة

amatoullah

2017-03-23 (05:05:55PM)

حضرتك انا عملت فورمات وشحنت الموبايل مرتين كدة وهو مفتوح مقفلتوش شحنته كدة لما وصل ل 5% ومرة اقل بس قبل ما يفصل اخد بالظبط ساعتين الا 5 دقايق .. كدة مش محتاج سوفت وير ولا ايه ؟ والمشكلة كدة كانت ايه بالظبط ؟
ومعلش بردو حاسة ان البطارية مش بتقعد معايا هى بتكون سكرين اون تقريبا 4 ساعات ونص والسطوع كمان بيكون اقل من النص ... فى حاجة اقدر اعملها ولا هى كدة خلاص مش حتتحسن ؟
اسفة معلش بتعب حضرتك

amatoullah

2017-03-21 (04:33:26PM)

تمام حضرتك حعمله واقولك إن شاء الله

semsemSiR

2017-03-21 (09:08:06AM)

اى صور على كارت الميمورى مش هتروح , لكن لو مافيش كارت ميمورى , يبقى انتى هتوصلى الموبايل بأى كمبيوتر وهتدخلى على الملفات وتنسخيها وبعد كدة رجعيها تانى بعد تنزيل النسخة

amatoullah

2017-03-20 (10:14:38PM)

معلش بس حضرتك ممكن تقولى ازاى احتفظ بالصور اللى على الموبايل قبل ما افرمته؟

amatoullah

2017-03-20 (09:43:07PM)

تمام حضرتك انا حفرمته إن شاء الله واجرب اشحنه وهو مفتوح واقول لحضرتك

semsemSiR

2017-03-20 (12:33:09PM)

اقفلى الفون
دوسى ( power + home + volume up ) مع بعض فى وقت واحد لحد مايجيب كلمة samsung galaxy note4 شيلn صباعك بس من على زرار الباور , وخلي الباقى لحد مايجيب شعار الاندرويد شيلى ايديك
استنى لحد ماتلاقى قائمة فيها اختياارات كتير , هتختارى منها wipe cash partition وبعديها تدوسى yes وتستنى لما يخلص هيرجعك لنفس الصفحة تانى
هتنزلى وتروحى على wipe cash / factory reset وتدوسى عليها هيديكى اختيار تدوسى yes
تستنى تحت لما يقولك complete successufly
وبعد كدة تدوسى reboot system now
وكدة تليفونك اتفرمت واستنى لما يفتح هو هيغيب شوية ماتقلقيش هياخد بتاع 5 دقائق لحد مايفتح
بس اهم حاجة لازم تبقى عارفة الايميل المتسجل على الفون بتاع الجى ميل عشان هيطلبة منك من غيرة الفون مش هيفتح ممكن يطلب منك دة وممكن لأ بس الافضل تبقى عارفة الايميل اللى متسجل حاليا على الفون
ملحوظة : volume up / down تتحرك مابين الاختياارت
power = ok

amatoullah

2017-03-19 (03:31:21PM)

طب ده انا اقدر اعمله ولو كدة اعمله ازاى ولا ايه الحل ؟

semsemSiR

2017-03-19 (01:30:03PM)

هو كدة مشكلة سوفت وير الفون دة عايز يتعملة فورمات الاول ونجرب هيظبط ولا لأ , لو ماظبطش بردة يبقى عايز نسخة كاملة

amatoullah

2017-03-19 (09:50:39AM)

لو سمحت انا شحنت الموبايل لما وصل 2%قبل ما يفصل علطول روحت عملاه وضع الطيران وبعدين حطيته فى الشاحن اتشحن فى 4 ساعات الا تلت ... وكمان البطارية بقت بتنزل كتير يعنى كانت 5% فى ثوانى لقيتها بقت 2% وكانت حتفصل خالص
هو كدة انا اعمل ايه انا عارفة والله انى تعبت حضرتك بس انا مش عارفة اعمل ايه

semsemSiR

2017-03-18 (09:11:14PM)

هتفتحى الفون , وتعملى وضع الطيران وتشحنى الفون تانى , وقوليلى شحن معاكى فى قد اية
لو خد نفس وقت الشحن وهو مقفول يبقى كدة سوفت وير

amatoullah

2017-03-18 (01:23:46PM)

حضرتك انا جربت بردو قفلته وهو 5% وشحنته اتشحن بردو فى ساعتين الا عشر دقايق زى المرة اللى فاتت كدة اعمل ايه ؟

amatoullah

2017-03-17 (09:34:06PM)

تمام حضرتك حجرب واقولك

semsemSiR

2017-03-17 (09:07:43PM)

جربى بس الاول وهو عادى على 5%

amatoullah

2017-03-17 (03:33:57PM)

طب اشحنه كدة لما يوصل لكان 5% ولا صفر
ومعلش بردو كدة السوفت وير يعنى حعمل فيه ايه كدة ايه اللى حيتغير ؟ وكدة مش من الشاحن؟

semsemSiR

2017-03-17 (11:29:37AM)

كدة يبقى المشكلة فى السوفت وير نفسة , يعنى انتى جربى تانى تشحنية وهو مقفول وشوفى هياخد وقت اية ,وقوليلى

amatoullah

2017-03-17 (06:24:25AM)

معلش والله حضرتك ... انا شحنته زى ما حضرتك قولتلى اول ما وصل ل 5% قفلت الواى فاى وحطيته على الشاحن اتشحن بالظبط فى 3 ساعات ونص ... هو بردو رجع تانى يشحن كتيير هو المشكلة كدة فى ايه
معلش اسفة على الازعاج

semsemSiR

2017-03-16 (05:34:00PM)

هيكون مفتوح عادى مافيش مشكلة
وهو عمل كدة بسبب فولت البطارية اللى مش بيكون ثابت
هتشحنية وهو مفتوح

amatoullah

2017-03-16 (09:26:39AM)

ربنا يباركلك حضرتك ... يعنى هى كدة البطارية مفيهاش مشكلة ؟ طب هى ليه اتشحنت فى اوقات مختلفة ؟
وعموما الافضل اشحن الموبايل وهو مقفول ولا عادى واستنى لما يوصل 5% ولا اقل ولا اكتر الافضل يعنى حفاظا على البطارية
وتمام حضرتك المرة الجاية حشحنه وهو 5% طب حيكون مفتوح عادى واقفل الواى فاى ولا اقفله بردو زى المرة اللى فاتت ؟

semsemSiR

2017-03-16 (09:15:35AM)

لا مافيش ازعاج ولا حاجة

هو كدة تمام , انا بس كنت بعمل اعادة تهيئة للبطارية عشان لو بتدى قرايات غلط او فيها نسبة شحن وهمى تتشال

عموما هو كدة تمام والشاحن والوصلة تمام

وتابعى بقى الاستخدام , واهم حاجة الفون ماتستخدميهوش وهو على الشاحن عشان دية اكتر حاجة بتبوظ البطارية , وكمان وهو بيتشحن اقفلى الواى فاى واى او الموبايل داتا

عايزك بقى تشحنية المرة اللى جاية اول لما يوصل 5% وتحطية على الشاحن واحسبيلة المدة قد اية وقوليلى

amatoullah

2017-03-16 (06:41:29AM)

حضرتك انا عملت زى ما قولتلى ... فضيت البطارية خالص والموبايل فصل وشيلت البطارية وفتحت الموبايل تانى فتح معايا وعطانى 0% وبعدين شيلت البطارية تانى وحاولت افتحه متفتحش ... وبعدين حطيته على الشاحن وهو مقفول واتشحن بالظبط فى ساعة ونص وبعدين فتحته وهو على الشاحن لقيته عطانى 100% وبعدين شيلت الشاحن وحطيته تانى لغاية ما اتشحن بالكامل وهو مفتوح ونور اخضر
انا مش فاهمة هو ليه اتشحن فى ساعة ونص غير امبارح والمشكلة كدة فى ايه بالظبط ... ومعلش والله اسفة على الازعاج

amatoullah

2017-03-15 (10:48:21PM)

تمام حضرتك بس انا لما شحنت الموبايل ووصل 100% وهو مقفول شلته من الشاحن مخلتهوش فيه وبعدين فتحت الموبايل وكتبلى 100%بعد ما اتفتح مش 99% روحت حطاه فى الشاحن تانى وبعدين لما جالى كذا اشعار من الفيس كدة راح كتبلى 99% وبعدين راح كمل 100% ونور اخضر
هل كدة يبقى البطارية باظت ولا ايه ؟ والعيب كدة مش من الشاحن ... معلش بس علشان مش فاهمة
وانا بردو حعمل اللى حضرتك قولتلى عليه واقولك.وجزاك الله خيرا

semsemSiR

2017-03-15 (01:43:02PM)

طيب تمام اوى , هو كدة العيب فى البطارية عايزة يتعملها calibration ودة للاسف ممكن تتظبط وممكن لأ

فانت دلوقتى اللى هتعملية كالاتى :

هتسيبى البطارية لحد ماتفضى خالص وتقفل , وبعد كدة هتفتحى الفون تانى لحد مايفصل بحيث اننا نصفر البطارية خالص , وعايزك بردة تشيلى البطارية من الفون وتركيبها تانى لان واضح ان القرايات عندك مختلفة

المهم عندى ان البطارية قبل ماتتحط على الشاحن تبقى فاضية تماما , ويتحط الفون على الشاحن وهو مقفول لحد مايكتب 100% وتفتحى الفون وهو بردة على الشاحن وتشيلية وتحطى تانى الشاحن وتشوفى هيكمل معاكى ولا هيقرى 99% تانى

amatoullah

2017-03-15 (09:17:58AM)

لو سمحت حضرتك انا اول ما وصل 5% قفلته علطول وحطيته فى الشاحن كتبلى 2% وشحنته وهو مقفول واتشحن معايا فى ساعتين الا عشر دقايق بالظبط وبعدين شيلته من الشحن وفتحته كان 100% وبعدين شحنته تانى عطانى 99% وبعدين كمل ل 100% زى ما حضرتك قولتلى
هو كدة العيب فى ايه بالظبط ؟ وهل غلط اللى كنت بعمله استنى لما يفصل خالص واشحنه هل ده كان غلط على البطارية ؟ واسفة للمرة التانية

amatoullah

2017-03-14 (05:09:59PM)

تمام حضرتك حجربه واقولك علطول

semsemSiR

2017-03-14 (09:28:43AM)

عليكم السلام

طيب هنجرب حاجة بسيطة وتقوليلى هياخد وقت قد اية

لما الفون يوصل 5 % اقفلى الفون وحطية على الشاحن لحد مايوصل 100% وقوليلى خد وقت قد اية , وشيلى الفون من الشاحن , وافتحية وحطية على الشاحن تانى لحد ماينور اخضر ويقولك full battery

amatoullah

2017-03-13 (07:40:59PM)

السلام عليكم ... معلش حضرتك لسه بردو فيه مشكلة فى وقت الشحن عندى مع انى غيرت بردو لكبل تانى يعنى مثلا بياخد شحن فى 3 ساعات واوقات اكتر ... وفى حاجة تانية لاحظت ان الموبايل لما يفصل خالص واجى اشحنه وبعدين افتحه بياخد وقت كويس ساعتين مثلا الا ربع اللى هو الوقت اللى حضرتك قولتلى عليه بس ده فى حالة انه يفصل خالص لكن لو شحنته وهو مثلا 5 % او اى حاجة تانية ياخد الوقت الطويل 3 ساعات زى ما قولت لحضرتك
هو ايه السر فى الموضوع ده لما يفصل يعنى وهل ده كدة عيب بطارية ولا شاحن ولا ايه ؟
واسفة على الاطالة وجزاك الله خيرا

amatoullah

2016-11-23 (12:06:53PM)

شكرا جداا لحضرتك واسفة على تعبك

semsemSiR

2016-11-22 (11:22:50PM)

ادخلى على Settings > Sound and Notification.

Notifications on lock screen

واختارى Show all content

semsemSiR

2016-11-22 (11:22:27PM)

ادخلى على Settings > Sound and Notification.

Notifications on lock screen

واختارى Show all content

amatoullah

2016-11-22 (06:03:44PM)

انا حضرتك لغاية دلوقتى بردو مش لاقية شاحن تانى إن شاء الله الاقيه وابقى اقول لحضرتك ..
بس فى حاجة معلش انا لما بتجيلى الاشعارات من الفيس بوك والشاشة مقفولة مش بتجيلى زى الاول ويكتبلى مثلا اسم الشخص اللى علق او عمل كومنت ... بيكتبلى كدة contents hidden وبقالها فترة على كدة من بعد التحديث وحتى بعد كدة جه تحديث صغير تانى وحدثته ومش بتروح بردو هى ليها حل ترجع تانى ولا لا ؟

semsemSiR

2016-10-23 (05:43:23PM)

ماهو كدة مش هناخد قراية مظبوطة , حاولى تشوفى شاحن من اى صديقة ليكى يكون معاها نوت4 او نوت 5

amatoullah

2016-10-23 (04:39:32PM)

طب انا بس معنديش الا الكابل والشاحن اللى جربته معيش واحد تانى زى بتاع النوت 4 معايا عادى اللى هو 5 فولت اعمل ايه ؟

semsemSiR

2016-10-23 (02:42:58PM)

ماهو احنا قبل مانقول عيب بطارية , لازم نجرب كدة شاحن وكابل تانى

حاولى تشوفى شاحن وكابل اصليين للتجربة لان واضح ان المشكلة فيهم طالما مع تغير الكابلات المدة اختلفت

بس اانا كدة مستبعد البطارية

amatoullah

2016-10-22 (11:08:25AM)

لو سمحت حضرتك انا غيرت الusb وشحنته النهاردة اتشحن للأسف اكتر من التانى اتشحن فى 3 ساعات بالظبط هو كدة عيب بطارية ولا ايه ؟ وفى حاجة ممكن اعملها ؟
معلش انا اسفة بتعبك

amatoullah

2016-10-21 (05:06:53PM)

تمام حضرتك انا حبدل ال usb واقول لحضرتك إن شاء الله

semsemSiR

2016-10-21 (04:46:49PM)

المفروض يتشحن فى خلال ساعتين الا عشر دقائق من صفر الى 100%

مافيش اى مشكلة فى ال usb اهم حاجة الشاحن نفسة يكون خاص بالنوت 4 عشان لية v معين لازم يكون متوافر فية لشحن البطارية فى المدة المحددة

amatoullah

2016-10-21 (01:56:21PM)

طب معلش حضرتك هو المفروض يتشحن فى اد ايه بالكتيير يعنى ؟
ولو انا اخدت ال usb بتاع شاحن تانى مفيش مشكلة يعنى على البطارية ؟ هو المهم يعنى رأس الشاحن ؟

semsemSiR

2016-10-21 (09:17:37AM)

جربى تغير كابل ال usb وتشوفى المدة اللى هيتشحن فيها قد اية

موضوع الاسكرين تايم بيختلف على حسب الاستخدام

غيرى الكابل وتابعى الاستخدام وقوليلى هيشحن معاكى فى قد اية والاسكرين تايم اون هيكون كام

amatoullah

2016-10-20 (10:34:47AM)

لو سمحت حضرتك انا بعد التحديث البطارية فعلا بقت غريبة ساعات بتتشحن فى ساعتين ونص ومرة 3 ساعات الا ربع ومرة النهاردة اتشحنت فى ساعة ونص ... وكمان ال سكرين اون بردو بقى بيتغير اوقات 4 ساعات او اقل او 5 او زيادة شوية
هى كدة البطارية باظت ولا ايه ؟ ولو ينفع اظبطها ازاى ؟

amatoullah

2016-10-14 (09:12:23AM)

ربنا يباركلك

semsemSiR

2016-10-13 (04:10:38PM)

لا مافيش تعب ولا حاجة تسلمى

amatoullah

2016-10-13 (02:35:31PM)

تمام حضرتك ... جزاك الله خيرا على ردك ومعلش تعبتك معايا

semsemSiR

2016-10-13 (11:45:46AM)

هو مش اوبشن قدامك تختارية او لأ بمعنى الكلمة , لا هو نظام فى السوفت وير نفسة بيقلل الاستهلاك شوية

لكن للاسف كالعادة كلة كلام على الورق وفعليا احتمال تلاقى البطارية بقت اقل من الاول او زيها فى افضل الاحوال

amatoullah

2016-10-13 (10:01:53AM)

تمام حضرتك ... طيب هو لسه فيه تحديثات حتنزل للنوت 4 تانى ولا لا ؟
ومعلش بالنسبة لخاصية ال doze انا مش فاهمة هى بتعمل ايه بالظبط علشان موضوع البطارية وهل بتوفر فعلا فى استهلاك البطارية ولا مش لازم اعملها ؟

semsemSiR

2016-10-13 (09:50:44AM)

عشان تفعلى خاصية الكتابة والشاشة مغلقة

ادخلى على Setting < s-pen < screen off memo وعلمى عليها كدة المفروض تشتغل معاكى

بالنسبة بقى لبقية المشاكل التانية دة خطأ سوفت انة بيخلى بعض التطبيقات مفتوحة حتى لما تعملى كلير ليها بتلاقى بعض التطبيقات موجودة , ودة للاسف مش بتتحل الا عن طريق تنزيل النسخة عن طريق الاودين او انتظار تحديث تانى

الفيس بوك , ادخلى اعملى clear data لية من الsetting او دوسى uninstall update وحدثية تانى وهيقبل معاكى ان شاء الله

amatoullah

2016-10-12 (08:25:42PM)

انا حدثت فعلا وعملت فورمات تانى ولسه بردو الكتابة على الشاشة مش شغالة ومش عايز يدخل على الفيسبوك ولما بدخل على جوجل مثلا وبعد كدة اطلع منه عن طريق زار الهوم وبعدين اشوف التطبيقات المفتوحة واقفلها كلها وبعدين أجى ادخل على جوجل تانى تلاقى نفس الصفحة متقفلتش

semsemSiR

2016-10-12 (08:02:25PM)

حدثى كل التحديثات
وفرمتى التليفون من الريكفرى
كل حاجة هتتظبط

semsemSiR

2016-10-12 (08:02:18PM)

حدثى كل التحديثات
وفرمتى التليفون من الريكفرى
كل حاجة هتتظبط

amatoullah

2016-10-12 (07:34:04PM)

ولو سمحت الكتابة على الشاشة وهى مققولة مش شغالة عندى بردو

amatoullah

2016-10-12 (06:37:55PM)

لو سمحت انا لسه محدثة الموبايل لاندرويد 6 وكل ما ادخل التقى فيه تحديث تانى حدثت مرتين تانى بعد تحديث أندرويد 6 ولسه فيه تحديثات تانية .. انا مش عارفة تتحكم فى التحديثات دى ... وهل أحدثها ولا لا علشان لسه فيه تأتى بس انا وقفنه ... معلش حتي حضرتك

semsemSiR

2016-08-01 (10:46:57AM)

التغير فى التحديث
1. غير شكل الايقونات
2. تغير شكل عرض ال s pen
3. تعديل فى انظمة امان الهاتف من حيث انة بيخليكى تتحكمى تحكم كامل فى الصلاحيات الخاصة بالبرامج
4. تعديل فى نظام توفير الطاقة
يعنى حدثية مافيش منة اى مشاكل تماما

amatoullah

2016-08-01 (05:55:12AM)

شكرا جدااا لرد حضرتك
طيب معلش هو التحديث لاندرويد 6 كويس يعنى وبالنسبة للبطارية احسن من اللولى بوب ولا الافضل اخلينى فى اللولى بوب علشان مندمش بعد كدة ؟ يعنى فيه تغيير فعلا حيفيدنى ولا ﻷ ؟
وجزاك الله خيرا

semsemSiR

2016-06-24 (11:12:29AM)

دة تحديث اندرويد 6.0.1 ( مارشيميلوا ) وافضل عمل فورمات قبل وبعد عشان دة سوفت وير جديد تماما

amatoullah

2016-06-24 (03:15:48AM)

لو سمحت حضرتك انا جالى تحديث مساحته 1362 ميجا بايت هو ده تحديث ايه ؟ واحدثه ولا ﻷ؟ وهل افرمت الجهاز قبله ولا ﻷ ؟ وجزاك الله خيرا

amatoullah

2016-06-24 (03:12:34AM)

لو سمحت حضرتك انا جالى تحديث مساحته 1362 ميجا بايت هو ده تحديث ايه ؟ واحدثه ولا ﻷ؟ وهل افرمت الجهاز قبله ولا ﻷ ؟ وجزاك الله خيرا

semsemSiR

2016-06-02 (07:15:38PM)

كدة عيب بطارية وهتغيريها تجيبى الاصلية
وهيرجع كويس ان شاء الله

amatoullah

2016-06-02 (06:36:36PM)

لو سمحت حضرتك معلش ... موبايل اس 4 اللى كان معايا واشتريته وتقريبا كان مستعمل مش جديد البطارية بتاعته بتقل بطريقة فظيعة ودلوقتى بقت لما يكون مثلا 15 او 20 % بقى يفصل لوحده واجى افتحه الاقيه 0% ويفصل تانى لغاية ما يتحط فى الشحن ... كدة العيب بطارية مش موبايل صح ؟؟؟ ولو كدة فيه حاجة اعملها ولا اغير البطارية احسن ولو غيرتها ليدبطارية اصلى حيبقى كويس ولا بردو مش حيرجع كويس ؟
معلش تعبت حضرتك

amatoullah

2016-06-02 (06:33:19PM)

لو سمحت حضرتك معلش ... موبايل اس 4 اللى كان معايا واشتريته وتقريبا كان مستعمل مش جديد البطارية بتاعته بتقل بطريقة فظيعة ودلوقتى بقت لما يكون مثلا 15 او 20 % بقى يفصل لوحده واجى افتحه الاقيه 0% ويفصل تانى لغاية ما يتحط فى الشحن ... كدة العيب بطارية مش موبايل صح ؟؟؟ ولو كدة فيه حاجة اعملها ولا اغير البطارية احسن ولو غيرتها ليدبطارية اصلى حيبقى كويس ولا بردو مش حيرجع كويس ؟
معلش تعبت حضرتك

amatoullah

2016-06-02 (06:32:50PM)

لو سمحت حضرتك معلش ... موبايل اس 4 اللى كان معايا واشتريته وتقريبا كان مستعمل مش جديد البطارية بتاعته بتقل بطريقة فظيعة ودلوقتى بقت لما يكون مثلا 15 او 20 % بقى يفصل لوحده واجى افتحه الاقيه 0% ويفصل تانى لغاية ما يتحط فى الشحن ... كدة العيب بطارية مش موبايل صح ؟؟؟ ولو كدة فيه حاجة اعملها ولا اغير البطارية احسن ولو غيرتها ليدبطارية اصلى حيبقى كويس ولا بردو مش حيرجع كويس ؟
معلش تعبت حضرتك

amatoullah

2016-05-31 (11:42:21PM)

معلش حضرتك انا اسفة والله تعبتك معايا معلش
انا الموبايل اللى كان معايا اس 4 وواضح انى لما اشتريته كان مستعمل وانا مش عارفة ... البطارية بتاعته لسه بردو وحشة زى ما هى والشحن بيخلص بسرعة بس دلوقتى كمان لما الشحن يجى ممكن عند 15 % يروح الموبايل فاصل لوحدة ولو حاولت اشغله تانى ميشتغلش الا لما احطه فى الشاحن وافتحه الاقيه 0% ... هو كدة حضرتك عيب بطارية مش موبايل صح ؟؟وهل اقدر اعمل حاجة ولا لازم اغير البطارية ؟

amatoullah

2016-05-19 (04:36:47PM)

ماشى حضرتك جزاك الله خيرا

semsemSiR

2016-05-19 (02:07:14PM)

حاولى توقفى البرامج اللى مش بتستخدميها , لان دية بتكون بسبب التحديثات اللى بتنزل للبرامج نفسها زى الماسنجر والفيس بوك والواتس اب , حاولى توقفى التطبيقات دية الا عند الحاجة فقط , وهتلاقى البطارية بدأت تظبط تانى
وبردة عايزك تشيلى البطارية وتركبيها قبل ماتشحنى التليفون

amatoullah

2016-05-19 (07:05:03AM)

لو سمحت معلش حضرتك انا البطارية كانت معايا من فترة بتدينى اسكرين اون ممكن 5 ساعات او زيادة حاجة بسيطة دلوقتى بقت ممكن 4 ساعات وشوية بس هى ليه كدة ادائها قل مع انى بشحنه بس مرة فى اليوم ومنزلتش برامج جديدة ولا اى حاجة ؟

amatoullah

2016-05-10 (07:38:41AM)

تمام حضرتك ...جزاك الله خيرا تعبتك معايا

semsemSiR

2016-05-09 (10:56:56AM)

هو نزل بس لسة مانزلش للشرق الاوسط عموما , والتحديثات مالهاش مواعيد بتنزل على حسب مزاجهم بس اعتقد لسة شوية يعنى على شهر 6 كدة هيكون النسخة موجودة ان شاء الله

amatoullah

2016-05-09 (05:38:41AM)

ماشى حضرتك جزاك الله خيرا
معلش هو تحديث الملرشيميلو حينزل امتى ؟

semsemSiR

2016-05-08 (08:53:33PM)

حدثية بدون فورمات

amatoullah

2016-05-08 (09:58:39AM)

لو سمحت حضرتك انا جالى تحديث مساحته 66MB احدثه ولا ﻷ..؟ وهل لازم اعمل فورمات بردو ولا ﻷ؟
وجزاك الله خيرا

amatoullah

2016-05-08 (07:42:43AM)

السلام عليكم
لو سمحت حضرتك انا لقيت تحديت عندى مساحته 66 MB احدثه ولا ايه ؟ وهل لازم افرمت الجهاز ولا ﻷ.؟
وجزاك الله خيرا

amatoullah

2016-05-08 (07:42:02AM)

السلام عليكم
لو سمحت حضرتك انا لقيت تحديت عندى مساحته 66 MB احدثه ولا ايه ؟ وهل لازم افرمت الجهاز ولا ﻷ.؟
وجزاك الله خيرا

amatoullah

2016-04-07 (02:00:47AM)

ربنا يجازيك خير يارب ...تعبت حضرتك

semsemSiR

2016-04-06 (07:22:27PM)

اة لازم الاول تفكيها من ال private وبعد كدة اعملى فورمات

amatoullah

2016-04-06 (03:52:50PM)

شكرا جدااا لحضرتك
طب معلش لو سمحت ... هو لو فى صور انا حطاها فى ال private ولو عملت فورمات بتتمسح يعنى لازم احفظها الاول ؟

semsemSiR

2016-04-04 (10:28:18AM)

بالنسبة للسؤال الاول : افضل طريقة انك تتدخلى على ال gallery وتعملى لاى صور مرسوم عليها ملف ذاكرة الهاتف , move لذاكرة الكارت
او تتدخلى على ال kies 3 من على الكمبيوتر وتوصلى الجهاز بية وتعملى backup لكل الاختيارات اللى عندك او اللى انتى تفضليها ودة بردة تقدرى تحددية انك تعلمى على ال check box

* بالنسبة للبرامج دية , فية عندك اوبشن اسمة call لما تيجى تفعلى الواتس اب والكود ماجاش بيتصلوا بيكى وبتكون رسالة مسجلة فيها الكود وبيتم اعادتة لحد ماتسجلى الرقم

وانتى ماتعمليش disable انتى بس اتأكدى ان فية signal قوية وان النت شغال كويس

amatoullah

2016-04-04 (01:42:44AM)

معلش حضرتك
البطارية مكنتش متظبطة معايا فقولت اعمل فورمات قبل ما احدث بالمرة .... عملت فورمات قبل وبعد التحديث ولما نزلت البرامج اللى كانت عندى تانى زى الايمو اللاين ... الايمو دخلت رقم التليفون واتسجل عادى ... واللاين مش عايز يسجل خالص ولا حتى رقم الكود اتبعت على التليفون من الايمو او اللاين ..
وكمان الواتس بردو مش عايز يسجل حاولت اعمله disable واشغله تانى بردو مش بيسجل خالص ...اعمل ايه ؟
معلش حتعب حضرتك

amatoullah

2016-04-03 (08:58:32PM)

تمام حضرتك... معلش ممكن حضرتك تقولى لو انا مثلا عايزة اعمل فورمات اعمل باك اب ازاى اقدر اشيل الصور اللى عندى علشان انا كل مرة بحول الصور من التليفون للميمورى ... هل فى طريقة تانية ولا ﻷ؟
وجزاك الله خيرا

semsemSiR

2016-04-03 (07:43:58PM)

لأ دة مش لازم

amatoullah

2016-04-03 (04:37:42PM)

شكرا جداا لرد حضرتك ... واعمل بردو فورمات من الريكفرى قبل التحديث وبعده ؟

amatoullah

2016-04-03 (04:37:09PM)

شكرا جداا لرد حضرتك ... واعمل بردو فورمات من الريكفرى قبل التحديث وبعده ؟

semsemSiR

2016-04-03 (10:13:24AM)

اة حدثية , دة تحديث ال security patch وبعض تحسينات للنسخة من حيث الاستقرار

amatoullah

2016-04-03 (09:11:44AM)

السلام عليكم ... لو سمحت حضرتك انا كنت بعمل سيرش على التحديث لقيت تحديث عندى مساحته 119 mb هو ده تحديث ايه ؟ وهل احدثه ولا ﻷ ؟
وشكرا لحضرتك

amatoullah

2016-02-15 (07:23:54AM)

خلاص إن شاء الله اعمله واقول لحضرتك

semsemSiR

2016-02-13 (02:42:23PM)

ممكن يكون فية اى برامج بتؤدى ان البطارية تنزل بالسرعة دية فى الوقت دة , يعنى 8 % كل 8 ساعات بدون اى استخدام تماما , يبقى كدة فية حاجة غلط , فتعملى فورمات ريكفرى وتشوفى الوضع هيمشى ازاى

amatoullah

2016-02-13 (02:24:11PM)

يعنى كدة اعمل فورمات من الريكفرى... طب الفورمات يعنى يظبط البطارية ؟

semsemSiR

2016-02-13 (11:02:46AM)

مافيش قدامك غير انك تعملى فورمات

amatoullah

2016-02-13 (09:43:58AM)

وبردو بتقعد اسكرين اون 4 ساعات ونص بالكتيييير

amatoullah

2016-02-13 (09:42:51AM)

انا فعلا عملت كله always power saving وانا اصلا معنديش غير برنامجين بس على برامج الحهاز والبطارية بتقل بالطريقة دى وانا نايمة زى ما قولت لحضرتك ممكن 7او 8 % فى 8 او 9 ساعات من غير اى استخدام ولا اشعارات

semsemSiR

2016-02-12 (02:24:49PM)

لو انتى مش عايزة يجيلك اى اشعارت ومجرد ماتقفلى البرنامج يتقفل تماما يبقى اعمليها always power saving

لكن لو البرامج محتاجاها وعايزاها شغالة دائما يبقى تعمليها disable

طالما البطارية بتنزل لوحدها بدون استخدام , يبقى كدة فية برامج مفتوحة هية السبب , فانتى جربى الاول تعملى للبرامج كلها always power saving وشوفى الاداء هيتغير ولا لأ

amatoullah

2016-02-12 (09:58:19AM)

لو سمحت حضرتك ... البطارية مش عارفة ليه ادائها بيقل ...انا كنت شاحنة النوبايل ونمت سيبته تقريبا 7 او 8 ساعات لقيته قل 7% من غير حتى ما يجيلى اشعارات ولا اى حاجة ..هى البطارية بتقل كدة ليه مع انها كانت احسن من كدة لما قولت لحضرتك

amatoullah

2016-02-02 (09:51:05PM)

انا على العموم مش منزلة برامج كتير ولسه بردو منزلتش العاب خالص . ف هما تقريبا 3 برامج بس....
طب المفروض اعملهم ايه انا بلاقى 3 اختيارات automatic ..و disable ...و always power saving اختار ايه ؟؟؟؟
ومعلش البطارية شخنتها وسبتها تقريبا 8 او 9 ساعات وجالى كام اشعار من الفيس لقيتها نقصت 8% بحالهم من غير اى استخدام
انا حاسة البطارية كدة ادائها قل مش المفروض تتحسن ؟؟؟
معلش والله اسفة على كثرة الاسئلة

semsemSiR

2016-02-02 (09:20:19AM)

مش هتلاقى برامج النظام ( يعنى واتس اب - فيس بوك - تويتر - انستجرام ) كل دة بيكون نازل مع النوت 4 فمينفعش تعمليلة ايقاف

اللى ينفع بس يتعملة هية التطبيقات اللى انتى منزلاها .

اللى مكتوب جنبها optimizing دية معناها انك اول لما تقفلى البرامج , مش هيكون فعال

اللى مكتوب جنبها automatic optimizing دية معناها انها لو ماتمش استخدامها بعد 3 ايام هتتقفل لوحدها

وفية عندك turned off انك تخلى البرنامج دة شغال بأستمرار عادى

لا طبعا 4 ساعات ونص قليل جدا , قبل ماتشحنى التليفون اعمليلة ريستارت وبعد كدة حطية على الشاحن وشوفى الدنيا هتمشى ازاى

amatoullah

2016-02-01 (11:28:36PM)

معلش حضرتك انا مش فاهمة دى
انا دخلت لقيت فى برامج موجودة ومش فيها الفيس بوك اللى بيبقى مفتوح علطول .. والبرامج دى فى منها جنبها مكتوب optimizing ... وبرامج تانية جنبها automatic optimizing
ف انا مش فاهمة حاجة
ومن يومين لقيت البطارية قلت وبقن اسكرين اون 4ساعات ونص ...هى عادى كدة تقل ولا ايه واستخدامى ماغيرش ومنزلتش حاجة جديدة

semsemSiR

2016-01-31 (09:09:41AM)

هتتدخلى على smart manager وهتختارى battery هتلاقى app optimizing اختارى البرامج اللى انتى اول لما تقفليها تتقفل تماما وماتتفتحش الا لما تفتحيها بنفسك , يعنى مثلا دخلتى الفيس بوك فى القائمة , مجرد ماهتقفلية وتمسحية من ال recent app هيتقفل ومش هيجيلك منة اى اشعارات الا لما تدوسى علية

amatoullah

2016-01-30 (11:02:01PM)

معلش ...يعنى حضرتك شايف انى اكون قافلة الواى فاى افضل ؟
وهل فى حاجة تانية ممكن اقدر احافظ بيها على البطارية ؟
يعنى فى برامج ممكن اقفلها بردو ولا ﻷ؟

amatoullah

2016-01-30 (10:58:51PM)

يبقى فعلا علشان انا بكون فاتحة الفيس علطول ... بس ساعات بيجيلى اشعارات اصلا وساعات لا
جزاك الله خيرا على تعب حضرتك ...واسفة على اسئلتى الكتيرة

semsemSiR

2016-01-30 (10:36:36AM)

الرقم الاول كويس الى حد ما مش وحش انة ينزل بدون استخدام 2% فى 7 ساعات المفروض كان يكون اخرة 1% بس 2% مش وحش

وبالنسبة انها تنزل 4% فى 12 ساعة يعنى هو كدة نزل تقريبا 2% فى 5 ساعات فى المرحلة التانية ودية بردة زيادة شوية

مشكلة الوااى فاى بتبقى على حسب اية اللى انتى فاتحاة ودايما شغال فاكيد هيكون فية استهلاك , يعنى مثلا لو يجيلك اشعارات فى الواتس او الفيس بوك , ماهو كل دة معناة ان الجهاز شغال , فانا شايف ان الرقم دة عالى شوية بسيطة يعنى كان يبقى حلو اوى لو نزل بس 4% او 3% فى خلال ال7 ساعات

amatoullah

2016-01-28 (10:40:42PM)

انا جربت فعلا حضرتك ..قفلت الواى فاى وتقريبا ممكن بعد 7 ساعات قلت 2% .وبعد اكتر من 12 ساعة قلت 4% ومستخدمتش التليفون خالص ... لكن لو فاتحة الواى فاى فى 7 ساعات ممكن يقل اكتر من 5 %
هل ده طبيعى ؟؟؟؟

semsemSiR

2016-01-27 (09:56:35AM)

عموما هو الطبيعى انها ماتقلش الا كل 7 ساعات 1% , يعنى انا مثلا بسيب تليفونى من الساعة 12 بالليل بقوم الشغل الصبح على الساعة 7 بيكون زى ماهو مانقصش حاجة , بالرغم من ان المنبة بيكون اشتغل ولو نقص اخرة 1 % بس طبعا مابيكونش فية حاجة شغالة

وحتى ولو الواى فاى شغال بردة مش بالكتير اوى هينزل 1%

لو التليفون عندك بينزل اكتر من 1% بدون استخدام , جربى الاول تقفلى كل حاجة وتسيبة بالليل وتشوفى هينزل معاكى كام %

لان ممكن يكون مثلا بيجيلك رسائل على الواتس او على الفيس فكل دة بيأثر بردة على الاستهلاك

amatoullah

2016-01-27 (01:26:35AM)

تمام ربنا يكرمك
طب معلش ... هو البطارية المفروض وانا مش بستخدم الموبايل تقل كام وكل اد ايه ؟ انا كل فترة ابص الاقيها نقصت 1%هى المفروض تنقص حتى لو مش بستخدمه ..
وانا كمان بكون مشغلة الواى فاى علطوول

semsemSiR

2016-01-26 (10:18:15AM)

اشحنيها من اول لما الهاتف يقولك وصلية بالشاحن , مش بعد كدة يعنى براحتك من 15% ابدأئى الشحن , انا عن نفسى بشحن الهاتف لما بيكون 5% , وكل فترة كدة بسيبة يخلص شحن خالص لما يطفى لوحدة واتأكد تماما ان البطارية فارغة تماما واشحنة , بكدة بكون عملت ريفريش للبطارية

بالنسبة لل cover اللى بمغناطيس تأثيرة بيكون على البوصلة فقط لكن الشاشة مافيش عليها اى مشكلة تمااما

amatoullah

2016-01-25 (11:19:12PM)

طيب معلش هو المفروض اشحن البطارية لما توصل لكام 15 % ولا 5% ؟؟؟
وبالنسبة للكفر هل الكفر اللى هو وش وضهر كويس اللى فيه المغناطيس ولا غلط على الشاشة؟؟؟
شكرا جداااا تعبت حضرتك

semsemSiR

2016-01-25 (11:16:29AM)

هية كدة البطارية متوسطة , لان 5 ساعات سكرين تايم اون قليل , ومش لازم تفعلى الباور سيفينج مش هيفرق معاكى حاجة

ماشى مافيش مشكلة لو خدت ساعتين , وهو بالشحن السريع بياخد وقت ساعة ونص

عموما هية البطارية مافيش فيها مشاكل , لان بطارية النوت 4 ادائها متوسط , بسبب استهلاك الشاشة ال 2k وحجم الشاشة الكبير

amatoullah

2016-01-25 (12:10:55AM)

وكنت مش مفعلة الشحن السريع

amatoullah

2016-01-25 (12:10:08AM)

وكمان الشحن اخد معايا بالظبط ساعتين ....كدة بردو ايه ؟؟؟؟

amatoullah

2016-01-24 (10:31:08PM)

طيب حضرتك انا البطارية قعدت معايا بالظبط 5 ساعات ﻷخرها خالص وكنت عاملة السطوع على النص ومش مفعلة ال power saving ....هى كدة تبقى مش كويسة ؟

semsemSiR

2016-01-24 (09:04:03AM)

عادى مافيش مشكلة

- البطارية الكويسة المفروض تقعد سكرين تايم اون مش اقل من 6 ساعات ونص

- الموبايل بيتشحن فى ساعتين الا عشر دقائق بدون تفعيل الشحن السريع , وانصحك تلغيها وانت بتشحنى التليفون لانها بتفقد الشحن بسرعة

semsemSiR

2016-01-24 (09:02:21AM)

عادى مافيش مشكلة

- البطارية الكويسة المفروض تقعد سكرين تايم اون مش اقل من 6 ساعات ونص

- الموبايل بيتشحن فى ساعتين الا عشر دقائق بدون تفعيل الشحن السريع , وانصحك تلغيها وانت بتشحنى التليفون لانها بتفقد الشحن بسرعة

amatoullah

2016-01-24 (12:51:39AM)

وهو المفروض الموبايل يتشحن فى اد ايه بالظبط؟

amatoullah

2016-01-24 (12:45:59AM)

جزاك الله خيرا ... انا فعلا نزلته بس معملتش فورمات من الريكفرى قبل التحديث عملته بعده بس عشان مكنتش نزلت حاجة على التليفون اصلا ...هل ده صح ؟؟
والمفروض البطارية لو كويسة تقعد معايا اد ايه ؟
وشكرا لحضرتك

semsemSiR

2016-01-23 (09:27:57AM)

التحديث دة بتاع اندرويد 5.1.1 هو عدل حاجات بسيطة جداا , منها برنامج smart manager ودة مهم مفيد , وكمان التحديث دة قلل استهلاك الرام , لكن مشكلتة كلها فى البطارية

عموما هو انتى كدة لازم تحدثى دة عشان خلاص هو نزل بالفعل , والحل الوحيد عشان تلغية انك تعملى فورمات للتليفون , وتقفلى بعد كدة ال automatic update

وعلى فكرة مش هينزلك الاندرويد 6 الا لما يتم تحديث الهاتف لل 5.1.1

amatoullah

2016-01-22 (12:39:52AM)

وكمان وانا بعمل سيرش على التحديث ظهرلى التحديث وبعدين عايزة اقفله مش عارفة بيتعمله اخفاء بس ف طفيت الواى فاى عشان ميتحدث وكل ما افتح الواى فاى يحدث لوحده ..اعمل ايه؟؟؟

الموبايلات

التسجيل بالموقع

دخول الاعضاء

معلومات سريعة عن Samsung Galaxy Note 4

Android

5.7″

3G

16 MP, 3...

3220mAh