تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ Galaxy Note 4
للرجوع الي صفحة الرئيسية اضغط هنا

نوت فور

hamzahamza
2015-08-27 (10:48:14PM)
أستاذ starstar2
اولا : يا ريت تتقبل رأيي
ثانيا : اختلف معاك في كل شئ تقريبا ما عدا مقاومة المياة العذبة
ثالثا : بإختصار في كذا نقطة
1: سرعة اداء الهاتف + الكاميرا + السطوع لصالح النوت 4 عن الزد 3 في اكتر من فيديو و في اكتر من فوتينج او تصويت و في اكتر من مقال خصوصا علي اشهر السايتات العالمية اللي بتاخد منها كل السايتات العربية
السايتات المصدر دي غنية عن التعريف زي فون أرينا و زي جي اس ام أرينا
لكن بصراحة فرق السرعة في أغلب المهام علي أغلب الفيديوهات يكاد لا يذكر لكنه لوحظ و هذا يكفي
2 : حضرتك بتقول النوت 4 مفهوش غير الإطار المعدني فقط
طيب طالما إطار معدني فقط يبقي مش فاضل غير الضهر لأن كده مفضلش في الموب غير الشاشة اللي عمرها مهتبقي معدن
لما ال S6 نزل في الأول قالوا احلي ما في شكله ان ضهره معدن و بعد شوية قالوا ان أسوء ما فيه انه معدن بسبب البصمات و درجة الحرارة
علي فكرة درجة الحرارة لأي موبايل لا مفر منها طالما اي موبايل فيه بطارية
و البلاستيك حل عملي يتفوق علي المعدن في مشكلة الحرارة
علي فكره برده ملمس الجلد اللي مغطي البلاستيك أريح و ألذ بكتير للمستخدم او المستهلك و نوعية الجلد غير قابلة للتراب و الإحتكاك و البصمات طبعا
3 : بالنسبة للتحديثات قد يكون عندك حق و بقول قد يكون لأن ده يرجع لشخصية حضرتك أما انا فيكفيني التحديثين التلاتة اللي حضرتك شايفهم شئ يؤخذ علي النوت 4 .. و بقول انا يكفيني التحديثين التلاتة لأن فيه تحديثات بيجيي معاها عيوب لو حضرتك متابع قراءة
( و ده قلما )
و كل تحديث له شروط لازم تتوفر

4 : حضرتك بتقول ان سامسونج تقليدية جدا و شبه بعضها .. الكلام ده كان بيتقال فعلا علي سامسونج و علي سوني كمان
لكن دلوقتي بقي بيتقال علي سوني بس لأن سامسونج غيرت من اشكالها و جودة التصنيع و كل ده بسبب الأيفون
اما سوني فيا ريت توضحلي الفرق بين الزد وان و الزد تو و الزد ثري
ملحوظة
الشاشة فعلا بتاخد من البطارية كتير لكنها تستاهل بصراحة و كمان ممكن تقلل سطوع الشاشة فيقل استهلاك البطارية و برده هيفضل من الشاشة اللي يكفي لرؤية جيدة جدا
أخيرا و ليس آخرا
سوني التقليدية و اتش تي سي المتقلبة بيتأخروا في الصف و سامسونج في أول الصف لكنها مش ضمناه لأن في منافسات شرسة بمعني الكلمة فيها مفاجآت قد تضع في المقدمة احد العلامات الصينية أو تبقي سامسونج
starstar2
2015-08-27 (11:51:59PM)
عامة النقاش أنا نهيته مع حضرتك ومش هعلق في اللي انت كتبته لاني عقلي اكبر من كده بكتير ودي نعمه من عند ربنا وربنا يدمها علينا..
semsemSiR
2015-08-29 (10:25:32AM)
star star2 : حضرتك ليك وجهة نظرك , وتحترم وفية اخر لدية وجهة نظر وبردة لازم نحترمها , موضوع بقى عقل اكبر , هو مغلطش وشرح الفروقات بطريقة تفتح باب المناقشة بصورة لائقة

عموما hamza hamza

انا اتفق معاك تماما ان النوت 4 تفوق على النوت 3 , وفعلا الفروقات واضحة وتستاهل التمن , النوت 3 اةجهاز كويس جداااااااا , لكن مش بقوة النوت 4

وتصحيح بسيط ياباشا , الاس 6 الظهر بتاعة من الزجاج " corning gorilla glass 4 " مش من المعدن

بالنسبة لمقارنة النوت 4 مع الزد 3 , فهية المقارنة هنا غير صحيحة لان النوت 4 فابلت والزد 3 هاتف , لكن فى المجمل التفوق الواضح للنوت 4 من حيث
( حجم الشاشة والوانها - البصمة - القلم - الكاميرا - الصوت اعلى - الشحن السريع - البروسيسر اقوى وكارت الشاشة اقوى - الكاميرا الامامية - بطارية قابلة للازالة - ذاكرة داخلية 32 جيجا )

الزد 3 يتفوق علية ( الراديو - الخامات - البطارية اقوى بفرق ملحوظ )
starstar2
2015-08-29 (01:16:29PM)
semsemSiR >>

سيدى الفاضل

انا تفق تماما مع حضرتك ان لكل واحد وجهه نظر ولازم نحترمها واحنا لينا وجه نظر ولازم تحترم بس ده معلق على شرط ان يكون في نطاق الآدب وعدم التريئة علي وجهات نظر وآراء الآخرين ..

بالنسبة لموضوع بقي عقل اكبر ...

لو خد بالك من رده وتعليقه ليا هاتستشف ان أسلوبه علي محمل التريئة وده بالنسبالي إهانه
لو حضرتك خد بالك من ما قبل (وده قلما ) ..احب إني انا متابع قراءه كويس جدا جدا واللهم لك الحمد عندي معلومات كويسة جدا جدا جدا في الأندرويد عموما من بداية تصميمة وحتى تركيبة على الموبايل .دي حاجة .
موضوع تفوق النوت 4 علي النوت 3 .
محدش قال ان النوت 3 افضل من النوت 4 ...ابدا ان كل ردودي غير كده
بداية الموضوع اني في احد الأعضاء المحترمين هنا كاتب :
معايا نوت 3 اصدار SM_N9000 الموب جديد تماما معايا بقالو شهرر ولسه ف الضماان المحلي والموب مفهووش اي خدش خالص كانه لسه جديد ونزله اندرويد لولي بووب اجدد حااجه كنت عاوز ابدل بالنوت 4 لو حد عااوز يكلمني ^ وممكن ادفع فررق

فكان ردي ليه :

منصحكش انك تبدل النوت 3 لان الفرق بينهم مش. كبير..

******************************************************
اما بقي الأستاذ hamzahamza رد عليا بالرغم ان هو مش طرف في الموضوع حضرته لو عايز يرد يرد علي صاحب الموضوع الأساسي .وهو الأستاذ MRZoro
أستاذ starstar2
ازاي مفيش فرق كبير بين النوت 3 و النوت 4 ؟
الفرق في كل حاجة ملحوظ
سواء الأداء بوجه عام و السرعة و البطارية و جمال و وضوح الشاشة
و مهام القلم و جودة التصنيع و خطوط التصميم
فكان ردي بسيط وواضح .

انا متفق معاك ان في بينهم فرق ... بس الفرق اللي انت بتتكلم عليه مش هايكون ملحوظ قوي يعني الأداء في النوت3 عالي وجوده الشاشة عاليه والسرعه عاليه ومهام القلم عاليه وجوده التصنيع عالية ..كل الفروق دي بالمقارنه ما يستهلش انه يبدله وخاصة انه لسه شارية جديد وليه شهر وبضمان محلى وده في حالة الأستاذMRZoro.... انما لو هو لسه هايشترى وبيقارن بين النوت 3 والنوت 4 هقوله الفور طبعا لانه هايشترى بالمره ...يا رب تكون وجهه نظرى وصلت
************************
semsemSiR
شوف حضرتك هنتفق على قاعده عامه ان ما فيش جهاز كامل المواصفات والامكانيات ودي سياسة وحوار كبير .....
حضرتك برده شايف ان النوت4 افضل من الزد 3 دي وجهه نظرك ولازم تحترم وأنا اتفق معاك في عدم صحة المقارنة لانها غير عادلة ..لما نقارن هنقارن بين جهازين من نفس المواصفات والامكانيات وطبعا في الجهازين دول هاتلاقي في اختلاف لصالح النوت 4 ......
semsemSiR
2015-08-29 (02:57:49PM)
STAR STAR 2 :

عموما حصل خير , وحضرتك معروف باخلاقك الجميلة وانك عضو فعال وبتساعد الاخرين , ممكن يكون حسن النية , ومش قصدة كدة بس التعبير خانة , والدليل على كدة ردة فى الرسالة الاخيرة ان قال ان ماوجهش ليك اى حاجة , هو كل كلامة على الهواتف فقط لاغير

انا اتفق معاك جدا , ان الاداء مابين النوت 3 والنوت 4 متقارب

لكن موضوع الشاشة , واضح خصوصا السطوع فعلا فارق وواضح جداا

وعموما اكيد حضرتك عارف , ان الارقام فى الهاتف مجرد كلام , يعنى لو جينا للبروسير النوت 3 والنوت 4 هتلاقى ان الاتنين اعلى تردد فيهم 1.9 , الفرق كلة الجيل احدث فى النوت 4 بفرق قليل , مع انهم حتى الان مافيش سوفت بيخلى النوت 4 يشتغل 64 BIT زى مابيقولوا كلة شغال 32

والا ماكنش الايفون بيشتغل حتى الان ببروسيسر دايل كور ورامات 1 جيجا وزى الفل وسريع جدا
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك