هذا الموضوع مرتبط بـ Galaxy Note 4

السلام عليكم

merokitty

2015-08-25 (06:32:38PM)

اية الاحسن في الموبايلات دي note3 - note4 - j7 - sony z3
والافضل z3 ولا note 4
وسعر note4 كام لو بفكر اشترية اجيبوا الايام دي ولا استني شوية يمكن ينزل سعرة علشان ال note5 وهيحصل حاجة لو جبتوا من غير ضمان ؟؟؟ وشكرا

starstar2

2015-08-26 (12:49:16PM)

اول حاجة هنشيل من المقارنه دي j 7 ما ينفعش تتحط مع العمالقة دول بالاضافه انه خطين يعني لو احتياجك خطين مش هقولك روح اشترى جهازين نوت 4 او زد 3 او نوت 3 مثلاً انما فعليا لو محتاج خطين ها يبقي افضل ليك من مقارنتك ال j 7 ....

لو عايز شاشة بحجم كبير ودي هاتفرق معاك في المشاهده والألعاب والنت يبقي خليك في الأفضل النوت 4 بالاضافه الي خصائص القلم ومميزاته .
اما لو عايز حاجه اصغر من حجم النوت يبقي هارشحلك الزد 3 بكل تأكيد بسبب:

خامه التصنيع قويه معدنى (الهاتف كله) ومختلفه تماما عن نوت 4(مافهوش غير الاطار المعدنى فقط ) ودرجة سطوع الهاتف في الشمس ممتازة افضل من النوت 4 بالاضافه الي سرعه أداء الهاتف ودعمه من سونى باستمرار عكس سامسونج اخرها تحديثين تلاته بالكتير وشكرا ....واهم حاجه فيه انه مقاوم للمياه العذبه ومحكم جيدا من دخول الغبار ومقاوم للكسر والخدوش سواء من الخلف او الامام ..اما بقي بالنسبة للكاميرا الموبايل بكاميره تحفه في جميع النواحي افضل من النوت 4 بمراحل وخاصا في الأماكن قليلة الاضاءه وفيه عدد من الخيارات الخاصة بمحبى التصوير ملحوظة ..مستشعر الكاميرا في النوت 4 من سونى وكاميرا الزد 3 تعتبر لمحترفي التصوير ....
الزد 3 شاشته مش سوبر اوميلد (السوبر اوميلد مش ميزة ولا حاجه )السونى وال جي بتستعمل شاشات الاي بي اس بتقنيات عالية جدا علي سبيل المثال Triluminos display
- X-Reality Engine و mobile bravia engine ودول تحط تحتهم الف خط ونوعية الشاشة دي بتحافظ علي البطارية عكس السوبر اوميلد وشفطها لبطارية الموبايل ...

دردشة بعيده عن الموضوع
هاتلاقي ناس بتقولك ان الزد 3 باظ من ناس كتير في الميه شوف يا كبير ..انا قولت وبقول انه مقاوم للمياه العذبه تحديدا مش المالحه يعني متنزلش به البحر معاك حمامات السباحه والنيل وما شابه ذالك وخلي بالك ما فيش حاجه اسمها موبايل ضد المياه انما علميا وفنيا مقاوم للمياه لانها تفرق الهواتف الوحيده اللي انا اعرفها ضد المياه وضد الكسر مش مقاوم هواتف cat او كاتر بلر ..
بدون مبالغه انا معايا حاليا الزد الترا ومحتفظ بموبايلات جراند 1 والنوت 3 نيو والتي تو الترا
التي تو الترا انا غسلته تحت الحنفية كويس جدا وقلبته لان اتكب عليه شاي وقولت ان خلاص امره انتهي وبعد ما غسلته الجهاز هنج ثواني واشتغل تاني زي الأول وانا كنت مذهول بكده وبعدها روحت عسلته تاني تحت الحنفية قةلت اجرب تاني ولقيته بعدها شغال زي الأول ... ازاي جهاز مش مقاوم للمياه اتغسل عادي خالص ..الخلاصة انا كنت من محبى سامسونج كتير بسبب اكسسوارتها ودعم المطورين لأجهزتها بس للأسف موبايلتها تقليدية جدا واغلبها شبه بعض ولما اغيرت واتجه لسونى واتعاملت مع موبايلتها وخاصه فئه الزد حسيت اني مكنتش ماسك موبايلات قبل كده في متانه وجوده التصنيع وفخامته وهندسة الشكل الرائع الجذاب .....

شوف الجهازين قدامك وربنا يوفقك في الاختيار ..

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 4

مقارنة

Android
5.7″

5.7 بوصة
3G

2G / 3G
16 MP, 3...
3220mAh

Li-Po 3220 mAh قابلة للازالة

مزيد من المعلومات

الموبايلات

السلام عليكم

التسجيل بالموقع

دخول الاعضاء

معلومات سريعة عن Samsung Galaxy Note 4

Android

5.7″

3G

16 MP, 3...

3220mAh