هذا الموضوع مرتبط بـ Galaxy Note 4

السلام عليكم

merokitty

2015-07-24 (07:46:10AM)

انا عايزة اشتري موبايل جديد ومحتارة جدا انا كل اللي يهمني في الموبايل الكاميرا والشاشة تكون كبيرة وشوفت الموبايلات دي ومش عارفة اية احسن حاجة فيهم
جلاكسي نوت 3 - جلاكسي نوت 4
سوني z2 -سوني z3 وعايزة اعرف الفرق بينهم اللي يخليني ازود في المبلغ واجيب الاعلي لان الفرق ممكن يبقي بسيط
جلاكسي s6 مع العلم ان سمعت ان بطاريتة مش بتتشال وانا خايفة من الموضوع دة هوا وE7 مثلا لو البطارية ضعفت لاي سبب كدة الموب يبوظ
وياريت لو في حاجة احدث وامكانياتها عاليه تعرفوني بيها وتكون نفس سعر الموبايلات دي
وعايزة اعرف بترتيب الموبايلات دي اية احسن واحد والنوت 4 ولا سوني z3...آسفة ع الاطالة وشكراااا

semsemSiR

2015-07-25 (10:03:49AM)

نتكلم واقعى من خلال التجربة العملية مابين الاس 6 والنوت 4

1- الخامات : الاس 6 افضل

2- الشاشة : الاتنين زى بعض فى الواقع , لكن نظريا الاس 6 ال pixel افضل بفرق 60 بيكسل تقريبا

3- الاداء والسرعة : الاس 6 اسرع فى التصفح لان السوفت بتاعة خفيف جدااا , مقارنة بأى سوفت نزلت من سامسونج قبل كدة , لكن فى فتح البرامج والالعاب الفروقات تكاد تكون معدومة

4- البطارية : الاتنين بطاريتهم متوسط الاداء , بالرغم ان النوت 4 , بطاريتة 3220 ملى , بس عشان شاشة 5.7 وكمان qhd فبتسحب جامد من البطارية
والاس 6 بطاريتة 2550 ملى امبير بردة متوسطة الاداء لان الشاشات ال qhd بتسحب من البطارية جزء محترم

5- الاوبشن : الاس 6 يتفوق من حيث الاوبشن , لكن النوت 4 يتفوق من حيث القلم

6- الكاميرا : الاتنين قريبين من بعض جدااااا فى التصوير فى الاضاءة القوية , لكن فى الاضاءة الضعيفة الاس 6 يتفوق

7- الرامات : سواء الاس 6 او النوت 4 الاتنين استهلاك الرام عالى بس ميزة النوت 4 ان صافى راماتة 2.72 مقابل 2.6 جيجا يعنى فية فرق 120 ميجا

سعر النوت 4 ثابت وبيحافظ على سعرة , فى مقابل ان سعر الاس 6 بيقع جداا يعنى وصل سعرة بالضمان المحلى ب 4600 جنية , واعلى سعر لية 4800 جنية , وهو لسة مكملش 3 شهور فى السوق نزل 1700 جنية , لكن النوت 4 بقالة 10 شهور نزل بس 1200 جنية

فانا اتوقع نزول سعر الاس 6 بعد الاعلان عن النوت 5 , مش اقل من 200 جنية تانى

merokitty

2015-07-25 (05:59:37AM)

شكرا لكم... انا كنت فعلا محتارة وكنت هجيب تاب s علشان شاشتة كبيرة بس قولت امكانياتة عادية ولما لقيت النوت 4 لقيتة جامع بين التاب والموبايل بس يعني ايه ضمان دولي انا من بورسعيد وتقريبا بيتباع عندنا ب 5100

rozena

2015-07-24 (11:55:55PM)

عن نفسى قارنت نفس الموبايلات دى ورسيت ان النوت 4 احسنهم بالاضافه للحاجات اللى الاستاذميسى قالها لقيت عدد البيكسلات اكتر فى النوت 4 كمان وان شاء الله هجيبه ضمان دولى من الشناوى بيعمل 4500
ومبروك عليك مقدما وعليا يارب

MsssE

2015-07-24 (11:33:12AM)

ممكن نخرج النوت3 والزد2 من الاختيارات لانهم بقوا موبايلات قديمه بالنسبه للاختيارات الاخرى اللى هما النوت4 والزد3
النوت4 بيتفوق فى الشاشه كواد اتش دى سوبر اموليد 5.7 انش ده غير القلم والبطاريه بتتشال
الزد3 موبايل محترم بس شاشته تخسر فى المقارنه مع النوت4 الشكل ممتاز والخامت روعه
الاس6 عليه علامات استفهام لان سعره بيقل بصوره كبيره وسريعه وفعلا بطاريته الكل بيشتكى منها

فى النهايه انا ارى النوت4 الانسب
ومبرك مقدما

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 4

مقارنة

Android
5.7″

5.7 بوصة
3G

2G / 3G
16 MP, 3...
3220mAh

Li-Po 3220 mAh قابلة للازالة

مزيد من المعلومات

الموبايلات

السلام عليكم

التسجيل بالموقع

دخول الاعضاء

معلومات سريعة عن Samsung Galaxy Note 4

Android

5.7″

3G

16 MP, 3...

3220mAh