تأخير تحديثات سامسونج

للرجوع الي صفحة سامسونج Galaxy Note 4 الرئيسية اضغط هنا

ahmed200526

2015-04-19 (04:32:34PM)

ياجماعة حد وصله تحديث اللولي بوب في مصر هوائي الوكيل بيقول انه نزل مصر بس هينزل للاجهزه علي حسب السريال بالتدريج وانا مش مقتنع بالكلام دة لأن انا عالطوال باشتري htc و مبتاخرش في التحديثات زي سامسونج ومش عايز أحدث عن طريق الاودن علشان عداد النوكس الرجاء الافاده

islammobi

2015-04-22 (10:00:40PM)

عداد النوكس عمره ما هيبدأ عد إلا إذا نزلت Custom Rom لكن طول ما إنت بتنزل Official Rom هيفضل زي ماهو وتقدر تنزل Official Rom من موقع sammobile بدون أي مشاكل بس كل إللي هتخسره الضمان عشان كود السوفتوير إللي عندك هيتحول من مصر إلى كود الدولة إللي إنت منزل منها بس في نفس الوقت تقدر تدخله الضمان تاني لو إحتجت عن طريق تنزيل Official Rom مصرية من نفس الموقع وبرضه من غير ما يؤثر على عداد النوكس وده لينك النوت 4 نسخة N910C على موقع sammobile

ahmed200526

2015-04-22 (10:37:00PM)

شكرا علي الرد بس كنت محتاج استفسر منك عن شويه حاجات لو نزلت official rom من sam mobil هل الجهاز بعد كده يستقبل التحديثات الهوائي وهل التحديثات ده هتبقى تبع مصر ولا تبع روم الدوله الي نزلت الروم بتاعتها يعني لو نزلت الروم الإماراتي هل بعد كده هستقبل التحديثات مع الإمارات ولا هستقبل مع تحديثات مصر ارجو الافاده ضروري وشكرا

islammobi

2015-04-23 (04:05:43PM)

لو نزلت Official Rom لأي دولة عربية أو أجنبية على سبيل المثال الإمارات الجهاز هيستقبل التحديثات الهوائية الموجهة للإمارات ودي طبعاً هتبقى أسرع بكتير من التحديثات الهوائية الموجهة لمصر لأن أغلب تحديثات سامسونج لنظام الأندرويد في مصر بتنزل متأخرة وفي نفس الوقت لو حبيت ترجع تنزل ال Official Rom المصرية من موقع sammobile هترجع تستقبل التحديثات الهوائية الموجهة لمصر عادي إللي هي في الأغلب بتبقى متأخرة عن كل الدول العربية و الأجنبية

semsemSiR

2015-04-27 (03:18:49PM)

لأ طبعا انا مش مقتنع بالكلام دة ابدا , مافيش حاجة اسمها ينزل على حسب السيريال

ولو الكلام صحيح , مافيش حد قال انة نزلة تحديث لولى بوب رسمى هوائى على النوت 4 المصرى

تلك الخدمة مخصصة للأعضاء فقط