هذا الموضوع مرتبط بـ Galaxy Note 4

عايز اشترى بور بانك

Medo055

2015-01-05 (08:21:50AM)

ممكن حد يفيدنى من الاخوة الافاضل فى موضوع البور بانك لانى عايز اشترى واحد ومش عارف اشترى انهى ماركة او كام امبير ياريت اللى عنده خبره يفيدنى فى الموضوع ده
كمان اشتريه من هنا من مصر افضل ولا من الخليج ؟ اتمنى حد يفيدنى بالافضل ان شاء الله

TetoMst

2015-01-11 (04:22:54PM)

العفو يـ Medo055

Medo055

2015-01-10 (08:29:34PM)

الله ينور عليك يا TetoMst وتسلم على نصيحتك

TetoMst

2015-01-10 (07:35:55AM)

النوت 3 فور جي محترم جدا بس سعره من غير الضمان حوالي 3700 عندنا في بورسعيد وطول ما الفرق كبير هاتوا أفضل من غير ضمان بس يكون مكان ثقه وبيدي ال14 يوم بتوع ضمان الشراء وعلشان تضمن حقك اطلب فاتورة علشان تثبت بيها تاريخ شرائك

Medo055

2015-01-10 (04:55:11AM)

ميرسى كتير يا starstar2 على اهتمامك الكبير انا شوفت اللينك والمعروض عليه والاسعار كويسه بس مش عايز اشترى اون لاين لانى مجربتش قبل كده الافضل لما اشترى من المحل عشان اعرف اختار واعين بنفسى واشوف الخامات
وبالمناسبة كنت عايز استشيركم واخد رايكم فى انى عايز اشترى النوت 3 نسخة 4G ياترى اشترى بالضمان ولا من غيره لانى لاقيت الفرق كبير بين الضمان وبدون الضمان يعنى فى محلات دريم 2000 بالضمان عامل 4650 وبدون الضمان عامل 4000 فياريت تفيدونى وكمان افضل مكان بسعر كويس اشترى منه وايه اللى اراعيه وانا بشترى لو فضلت اشتريه بدون ضمان؟

TetoMst

2015-01-10 (01:21:57AM)

الاختبار كان علي باور بانك وسعته 2600 mAh وبعد الاختبار الفعلي 2.019 mAh وده لينك تاني لطريقة حساب تانيه هتساعدك في اختيارك

واي جزء بخصوص الترجمة ممكن اشرحوا وربنا يوفقك في اختيار السعه المناسبة

TetoMst

2015-01-10 (01:07:03AM)

موضوع السعه الفعليه معروف من زمان مع وضعك في الاعتبار ان الباور بانك بطارية وشاحن في نفس الوقت وليست بطارية فقط وده فيديو لبيان لطريقة حساب السعه الفعليه للباور بانك

starstar2

2015-01-09 (01:55:04PM)

Medo055
لينك اولكيا بذات نفسها ....وشوف التفاصيل اللي انت عايزها

هاتلاقي الباو تانك في products وعيش يا كبير ...

وده لينك الوكيل في مصر وهو اوتينا (اوتينا هي وكيل كاميرات سامسونج ومنتجات اولكيا في مصر )

.........................................................................................
فكرة عمل الباور تانك او تانك او شاحن الطوارئ عموما بتكون بطارية قابلة للشحن عالية الجودة تقريبا نفس فكرة أي بطارية..... لو كانت 2100 امبير مثلا هاتديك فعليا 2100 امبير من غير نقص ولا حاجة لانها مصممة كده ....بالتوفيق ...

Medo055

2015-01-09 (01:26:18PM)

تمام الله ينور عليك

TetoMst

2015-01-09 (10:49:13AM)

ملحوظة صغيرة عشان تبقي عامل حسابك مفيش باور بانك نهائي بيشحن كامل سعته يعني لو 10 امبير سعته الفعليه هتبقي من 7500 ل 8000 امبير يعني فيه نسبة فاقد تقريبا 25 :30% زي كروت الذاكرة والسعات الداخليه لاجهزة الموبايل

Medo055

2015-01-08 (07:22:00PM)

كنت عايز اسأل starstar2 عن باور بانك اوليكا لانى دورت على اليوتيوب على اسمه مش لاقيه خالص ولا فيديو ليه ياترى ادور فين عشان اشوفه واعرف موصفاته وامكانياته؟

TetoMst

2015-01-08 (07:28:21AM)

العفو يا Medo055 وربنا يوفقك للاحسن

Medo055

2015-01-07 (10:14:27PM)

ميرسى كتير ليكم على اهتمامكم الجميل با TetoMst و starstar2 انا هسئل على الاتنين ان شاء الله وهعمل مقارنه بينهم وان شاء الله هشترى الافضل والاحسن

starstar2

2015-01-07 (01:09:33AM)

Medo055
تحت أمرك ...تقريبا نفس وقت الشاحن الخاص بالموبايل من 2 الي 3 ساعة.. لان الخارج 5 فولت وهاتلاقيه نفس الخارج الخاص بالشاحن ووقت شحنه بياخد معايا 6 ساعات والباور تانك بيقبل الشحن من خلال الشاحن او أي مخرج يو اس بي 2 ...وبيعد معايا فتره كبيره من غير تسريب حتى وعند عدم الاستخدام ...انا بستخدمه في شحن جهازين الجراند 1 ودي بطاريته 2100 امبير (يعني يشحن الجراند مرتين وأكتر من نص تقريبا)والنوت 3 دوس 3100 امبير(يشحنها مرة ونص تقريبا) والباور تانك الخاص بي للتصحيح 5200 امبير مش 5100.....

usb output voltage:5v/1a
input voltage/5v1a
charging time:5/6 hours
capacity :5200mah
model:pt-5200amh-1
dimension:93.5mm*43.5mm*22.5mm

TetoMst

2015-01-07 (12:14:57AM)

تقدر تعرف اكتر عن الانكر وشكلو ومواصفاتو من اليوتيوب و هتلاقي فيدوهات كتير لفتح الصندوق بتاعه والتجربة وهوا باور بانك عادي بس اسمارت في طريقة الشحن والجراب مجرد حاجة للحفظ لا تستخدم ساعه الشحن ومعظم سعاته بيبقي 3 او 2 مخرج شحن في نفس الوقت

Medo055

2015-01-06 (03:20:18PM)

بارك الله فيك يا starstar2 انت كده نورتنا ووضحت الرؤيه وجميل جدا امكانياته ان شاء الله انا هسئل عليه فى محلات سامسونج واشوف سعره دلوقتى بكام
بس ممكن تعرفنى لما اوصله بالموبيل ياخد وقت شحن قد ايه؟
وكمان البور تانك نفسه بياخد وقت قد ايه لما اشحنه ؟

starstar2

2015-01-06 (03:11:05PM)

Medo055

باور تانك اوليكا شاحن طوارئ مستقل من غير جراب ..ومتعدد الاستخدام وبيجي معاه تقريبا 9 وصلات مختلفة لشحن عدد من الأجهزة متنوعه وكمان في كشاف عبارة عن ليد واحد قوي وبيشتغل لساعات واستخدامي لشحن الهاتف وكاميرا ديجيتال .....بالتوفيق ...باور اولكيا عامة أو أي باور طوارئ ماركة محترمة بيوقف الشحن تلقائيا عند شحن بطارية الهاتف بالكامل ....

Medo055

2015-01-06 (02:29:42PM)

طب ياترى النوع ده من اللى بيشحن من بره ولا اللى على شكل جراب لانى عايز اللى بيشحن بشكل خارجى ويكون متعدد الاستخدمات يعنى اقدر اشحن بيه اى حاجة تانية زى الكاميرا الديجتال مثلا فيا ترى ANKER و اوليكا فيهم الخاصية دى ولا لا؟

TetoMst

2015-01-06 (11:16:32AM)

فيه برضو ANKER اسال عليه من الانواع النظيفه جدا وفيه خاصية جديدة فيه اسمها IQ بيقدر يفهم الموبايل مهما كان نوعه عايز امبير قد ايه مش اكتر ولا اقل لا الطبيعي بتاعه علشان ولا يقلل ولا يزود في الكهربا الي واصله ليه وبيجي مع كل فئاته جراب شيك انصحك تسال عليه بس للامانه انا مجربتوش بس ناس كتير جابتو وشكرت فيه جدا

Medo055

2015-01-06 (09:04:54AM)

ميرسى جدا على اهتمامك وردك وان شاء الله هدور عليه وكمان هسئل فى الخليج على الانواع الموجوده هناك والافضل منها ولو تعرف اكون شاكر ليك لو عرفتنى

starstar2

2015-01-05 (12:57:31PM)

Medo055
باور تانك اولكيا .متوافر في سامسونج شوب وعلي موقع اوتينا ..انا معايا باور تانك بقدرة 5100 امبير شاريه من سنة تقريبا من سامسونج شوب 300 ج...وده مناسب لإستخدامي ...طبعا كل ما زادت قدرته كل مـــ كان أفضل ....الخليج هاتلاقي في ماركات محترمة جدا سواء في التصنيع أوالأداء ....بالتوفيق ...

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 4

مقارنة

Android
5.7″

5.7 بوصة
3G

2G / 3G
16 MP, 3...
3220mAh

Li-Po 3220 mAh قابلة للازالة

مزيد من المعلومات

الموبايلات

عايز اشترى بور بانك

التسجيل بالموقع

دخول الاعضاء

معلومات سريعة عن Samsung Galaxy Note 4

Android

5.7″

3G

16 MP, 3...

3220mAh