هذا الموضوع مرتبط بـ Galaxy Note 4

للرجوع الي صفحة الرئيسية اضغط هنا

!!! هام جدا لمن سيقتنى نوت4 ♥ ♥ ♥

zman2yahob

2014-11-14 (03:40:30AM)

اولا ... بفضل الله
لازالت توقعاتى فى محلها
ودى شوت اسكرين لتوقعى للسعر فى صفحه النوت 4 والنوت3
من هنا

لينك التعليق
من هنا

الحمد لله زي ماقولت .. بيتعمل عروض الان على النوت 4 بسعر 5500 او تزيد بفرق بسيط جدا
وهيوصل لــ4800 قريبا بأمر الله وهيكون فيه تراجع شديد فى الاسعار بسبب تغيرات السوق
ان شاء الله قريبا سيتواجد فى مصر اقوي 3 شركات عالمية هم

1... اوبو الرائعه ورائدها n3
2... لينوفو
3... موتورولا ( سبب رئيسي فى انهيار سوق سامسونج )

الى الان الى ماشتراش

من فضلك اخى انتظر شهرين حيث ثبات سعر النوت 4 بأمر الله تعالى على سعر جيد مناسب ليك حتى وان كنت قادر على ثمنه الان ربنا يزيدك
لكن انت اولى بالى هتوفره

الى عايز يشترى النوت 3 يشتريه وان كان لو صبرت شهرين هيوصل سعره لـ3600 بأمر الله

اما محبين التميز الحقيقي
التلت شركات السابق زكرهم وقت فتح مكاتبهم فى مصر _ مكتب لينوفو تابع لمكتب موتورولا لآنها قامت بشرائها
هتنزل بهواتفها بشكل رسمي بالضمان وقطع الغيار والاكسسوارات
هيكون قدامك اختيارات فعلا افضل من النوت 4
على سبيل المثال ... موتورولا تربو الى ابدعت فيه بشكل رهيب يقضي تماما على النوت 4 خصوصا انه هينزل بسعر اقل

بالتوفيق للجميع ... سنه سعيده عليكم جميعا

لا تنسونا من صالح دعائكم اخوتى الاحباء

semsemSiR

2014-11-16 (12:40:11PM)

مختلف معاك تماما يااخ زمان فى موضوع الاسعار

يعنى ازاى النوت 4 لسة نازل يوصل ل5500 او 5700 وهو لسة مكملش شهر ونص فى السوق

يعنى هينزل 1000 جنية مرة واحدة!!!!!!!!!!!!!!

والاس 5 النسخة ال3 جى عند التميمى ولسة سائل عليها ب 4300 جنية بالضمان

واقل محل قال 4050 والله اعلم اية اللى فية ولا عامل ازاى ولا حتى معاملتهم عاملة ازاى

والنسخة ل 4 جى من الاس5 ب 4850 عند التميمى وب 5000 جنية فى موبايل شوب

واقل محل قال سعر الجهاز 4550 جنية بالضمان

يبقى انا لما انزل اشترى تليفون بالاسعار اللى انت بتقول عليها يبقى اكيد فية حاجة غلط

zman2yahob

2014-11-16 (11:26:47AM)

حتى الان متوسط سعر النوت 5700 فى تناقص يومي وسعر 5500 فى عروض يوميه

الى عايز يشترى يكلمنى اعرفه المحلات

سعر اس5 اليوم 3700

سعر z2 اليوم 4000

سعر نوت 3 اليوم 3800 بالضمان 3600 من غير ضمان

الاسعار فى تناقص يومي وغير مستقرة
فى اماكن مابتشتغلش فى اى حاجه غير سامسونج ودى اسعارها دايما عالية
الى عندهم لينوفو وموتورولا الى بيجيبوهم من بره بأسعار جيدى بيقللو فى اسعارهم

بخصوص نقطة البطارية وغيره

فى محلات كبيرة وصغيره بتغش لآن السرقة مرض لكل النفوس الضعيفة
وده مش معناه انى اروح اشترى من محل زي موبايل شوب فرق السعر عنده فى حاجات بيوصل لـ1000 جنيه .... من غير ماحد يستغرب
ده كان فرق سعر عندهم فى اول نزول اس5

انا شخصيا بجيب حاجتى من محل عادى جدا وفى شارع جانبي
والى بيطلب منى حاجه بعرفه المحل ده
لآني بثق فى الناس دى وشايفهم محترمين وعمرى ماشتكيت من حاجه

وقولتها .. وبقولها دايما

لما تيجي تشترى مالوش لزوم تشترى من محلات كبيرة او محلات المولات لآنهم مستغلين جدا
فقط اشترى من محل يكون مضمون
يعنى بقالى كتير شغال ماحدش اشتكى منه وهكذا

ولآنى كنت شغال فى محل منهم
وسعر اس4 عندنا كان بـ4000 الاف وبره بـ 3000
وكنت بنصح الناس تروح عند ناس تانية

النقطة الاخيرة

ان كنت عارف تعاملك مع الجهاز وانك هتحافظ عليه فأنت لا حاجه اطلاقا للضمان
لآنه لمدة عام واحد . ولن تشتكى فى تلك الفتره
وان اشتكيت فحل كل شئ ممكن
وحتى لو حصل حاجه تقدر تشتكيهم بسهولة لو طالع من عندهم فيه مشكلة

بالتوفيق للجميع ..

BlackCrow

2014-11-16 (04:03:01AM)

معاكْ حق أخي الكريم سامح .. الواحد يشتري من التوكيل أو من محلات كبيرة ليها إسمها في السوق زي موبايل شوب .. صحيح ممكن يكون فيه فرق 300 أو 400 جنيه لكن الواحد هيشتري راحة باله (: شكرآ على التنبيه بارك الله فيكْ .

EmadAzmy

2014-11-15 (10:44:01PM)

كلام سامح مظبوط

semsemSiR

2014-11-15 (06:26:44PM)

والله ياباشا دة اللى حصل , واكد على صاحب المشكلة اكتر من مرة , عشان مانظلمش حد

وطبعا هو قالى اسم المحل بس انا مش هقولة الا على رسالة خاصة لاى حد هيسألنى على اسم المحل

والتوكيل هو اللى قال البطارية دية متغيرة ومش بتاعتة , وهو كان لسة جايب التليفون منهم مكملش اسبوع , جديد بالضمان

BlackCrow

2014-11-15 (02:56:46PM)

معلش أخي الكريم سامح .. إزاي تم تغيير البطارية والعلبة متبرشمة !!!!! عرفت حضرتكْ تقصد مين D:

semsemSiR

2014-11-15 (12:59:59PM)

حتى الان سعر النوت 4 6500 جنية

وسعر الاس 5 4300 جنية ال 3 جى , والنسخة ال 4 جى ب 4550 جنية

ودية اسعار التميمى

انما بقى الناس اللى بتبيع الاسعار بأقل من الاسعار الخارجية او التوكيل , فكل واحد يشتريها منهم وياخد حذرة كويس جدااااااا , عشان اكتشفنا محل مشهور جداا كان مغير بطارية تليفون ( بالضمان ) وكان متبرشم و ولما لاقى مشكلة فى البطارية راح التوكيل قالوا دية مش اصلية ومتغيرة ومش عايز اقول اكتر ان المحل فى عين شمس , دية ضريبة الناس اللى بيشتروا الموبايلات من محلات بتبيع ارخص من برة بفرق 200-300 جنية

zman2yahob

2014-11-14 (10:01:59PM)

ان شاء الله اخى الكريم فى خلال شهر واحد هيوصل لآفضل سعره ليه بأمر الله

وهينزل اكتر منه اس5 الي بيواصل انحدار سعره بثبات

بسبب نزول منافسين هم فعلا اولى بالريادة بهواتف اقوي فعلا وتصميمات ارقي وعتاد داخلى جدير بالأقتناء

بالتوفيق جميعا

sherefelmasry

2014-11-14 (12:46:06PM)

كلام حضرتك صح انا فعلا نفسى ينزل سعر note 4 ويكون ب4800
علشان اشترية بس بعد اية تقريبا يكون بالسعر دة نقول كدة على بداية السنة الجديدة ولا اكتر

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 4

مقارنة

Android
5.7″

5.7 بوصة
3G

2G / 3G
16 MP, 3...
3220mAh

Li-Po 3220 mAh قابلة للازالة

مزيد من المعلومات

الموبايلات

!!! هام جدا لمن سيقتنى نوت4 ♥ ♥ ♥

التسجيل بالموقع

دخول الاعضاء

معلومات سريعة عن Samsung Galaxy Note 4

Android

5.7″

3G

16 MP, 3...

3220mAh