لقيت صور الخلق كلها ع الفون !!!!!

للرجوع الي صفحة سامسونج Galaxy Note 3 الرئيسية اضغط هنا

note3

2014-04-01 (03:03:14AM)

السلام عليكم يا شباب ...
أخويا جاب إمبارح نوت 3 مستعمل ب3900 مصرى للى بيقارن أسعار وعاوز يشترى وحالته ممتازة
المهم كان معاه نوت 2 راح بيه لمحل ينقل إللى عليه للنوت 3 وتمام وزى الفل
بالليل متأخر كلمنى وقالى لقيت folder صور فيه 422 صورة لناس كتير أصحابه وقريبه وصور ليا ولى ناس تبعى مش تبعه وناس ميعرفهاش وهيصه
يا ترى ممكن sync ده ممكن يكون بيعمل كده ولا إيه إللى حصل بالظبط يا جماعه هتهبل بصراحه

AshrafAshry

2014-04-01 (07:17:00AM)

لازم تعمل فورمات مرة و2 و3 و4 وتملى الموبايل صور غريبة و برامج مرة و2 و3 و4 قبل ما تبيع موبايلك

hardtime

2014-04-01 (07:23:11AM)

وعليكم السلام
كلامك مظبوط ياباشا
وعلشن كدة بننصح الناس انها تاخد نسخة احتياطية من كل حاجة على الموبيل وتحطها على الكمبوتر وبعد كدة تعمل فورمات للموبيل بحيث ترجع الفون زى اول مرة كنت شرية وبعدين روح بيعوا عادى واخص بالكلام دة البنات قبل الولاد
ولما ربنا يكرمك وتشترى واحد جديد ممكن تبقى ترجع النسخة دى تانى على الموبيل الجديد وصلت كدة الموضوع مهم جدا بس محتاج ناخد بالنا
لان الصور دى تخص اهلنا واصحابنا وممكن لو بعت الفون زى ما هوا حد يستغلها غلط
ولا اية يا كبير..........

note3

2014-04-01 (07:01:00PM)

يا جماعه أعتقد إنكم فاهمين الموضوع غلط ... ركزوا معايا أخويا اشترى جهاز نوت 3 مستعمل
وكان متفرمات وفاضى تمام كده ... راح لمحل نقل صوره وبرامجه القديمه إللى على" النوت 2 " إللى كان معاه أساسا للفون الجديد "النوت 3 " ... تمام لحد كده
وقعد يستب الواتس اب والفيبر والفيس وكده ... وبعدين بيفتح الجاليرى لقى الحاجات إللى كان نقلها من الفون القديم وده تمام لحد كده ... الغريب بقى """ الغريب بقى """ إنوا لقى فولدر مش بتاعه فيه 422 صورة لناس كتييير يعرفهم وناس تانيه ميعرفهاش وناس قريب ناس وصحاب ناس يعرفهم وكلها بمقاس واحد زى بروفيلات الواتس اب أو الفيبر ... جيت منين الصور دى للجهاز ؟!!!!!

تلك الخدمة مخصصة للأعضاء فقط