بدون عنوان

للرجوع الي صفحة سامسونج Galaxy Note 3 الرئيسية اضغط هنا

masremasre

2014-03-13 (02:26:40AM)

الرمز ده#9900#* في ناس بتقول ولية فيديوهات علي اليوتيوب ان ممكن اسرع بية المعالج بتاع الجهاز وهو تالت مراحل ضعيف وده الي بينزل بية الجهاز من الشركة ومتوسط وسريع وبيقولوا ان الموضوع ده بينفع في الالعاب التقيلة فهل ده مضر ولا عادي وياريت الاستذة بتعنا يدونا خبرة اكتر

hardtime

2014-03-13 (03:40:29AM)

masremasre
بص يا صحبى
احنا اتكلمنا زمان فى الموضوع دة معا الناس وحذرنا منوا لان كدة بتلعب فى الاعدادات اللى
نازل بيها الفون وعلى فكرة لو خليت اداء البرسيسور على اعلى حاجة البطارية مش هتكمل معاك اليوم يعنى لو شغل متواصل هيبقى اخرها 6 ساعات.
وبعدين هو النوت 3 محتاج يبقى اسرع من كدة ؟

AshrafAshry

2014-03-13 (11:31:16AM)

خلى موبايلك طبيعي افضل ليك بلاش تحملة فوق طاقته انته معاك النوت ثرى يعنى بمشيئة الله مافيش حاجه بتعمل لاج عليه بالتوفيق

OnlyOne2013

2014-03-13 (03:55:37PM)

هههههه هتعليه اكتر من 2.3 اللي هي اصلا اقصى حاجة
هيفصل باور منك
كان المفروض يبقى 2.26 زي g2 و z1 عشان ميعانيش من حاجة.

masremasre

2014-03-13 (10:07:08PM)

شكرا ليكوا يا رجالة هو كان استفسار وحبيت اتاكد منكو واستاذ only one هو المعالج بسرعة 2.3 وده بكدة مش شغال بكل قوة شغال باضعف حاجة وعشان كدة هو لية 3 مستويات وده لو شغال 2.3 زي مبتقول مكنش هيحتاج انة يبقي فية 3 سرعات فبكدة افهم انا ان 2.3 مش شغلين بقوتهم .وشكرا هارد واشرف و ونلي ون

OnlyOne2013

2014-03-14 (01:34:45PM)

استاذ/masremasre
مواصفات البروسيسور snapdragon 800 انه up to 2.3 ghz يعني ده اخر تردد ليه.
انا مثلا استخدامي للاندرويد العاب زي asphalt 8 ممكن اعد ساعة او اكتر للعب.
دلوقتي لعبة زي كده الطبيعي انها تفتح التردد على الاخر لما كان معايا زد وان كان اخره 2.2 يعني اقل من 2.3 و مهما زادت المدة في اللعب مكنش بيسخن او يهنج لان البروسيسور مستريح.
اما النوت 3 تخيل بيبقى على اخره 2.3 لمدة ساعة انا مش هقولك اللي بيحصله عشان السامسونجية ميزعلوش بس جرب العب ساااااااااعة متواصل.....
معلومة اخيرة النسخة الثري جي معالج الجرافيك اعلى من 4جي وعن تجربة كمان.

تلك الخدمة مخصصة للأعضاء فقط