بدون عنوان

للرجوع الي صفحة سامسونج Galaxy Note 3 الرئيسية اضغط هنا

HishamElmasry

2013-11-24 (05:10:02AM)

شباب-شباب-شباب حد يلحقنى..

انا دلوقتى اتصل ب سوق دوت كوم و اتاكدت ان الجهاز بضمان الوكيل
وطلبت الاوردر من يومين والمفروض يجى بكرة ولحد اول الشهر
بس بعد مادخلت على الصفحتهم على الفيس لاقين ناس كتير بتشتكى من ان المنتجات بتاعنهم مش اصلية..وناس بتشتكى من التاجر اللى انا المفروض طالب الاورد منة
وكمان عرفت حوار موبيلات الهاي كوبى والفيرست كوبى واكتشفت انها مابتفرقش اي حاجة تمام
العلبة المبرشمة والاستيكر على الشاشة والجميع الملحقات نظام الاندرويد الاصلى ومافيش اي اختلاق..... ومش عارف اعمل ايه,,, حد يلحقنى بقى ويقولى اعرف افرق بينهم اازي
لان شركة الشحن هى اللى هتوصلة مش تبع الموقع خالص يارفض استلمة يا اما استلمو ماينفعش اخدو وافتحو وبعدين ارفض استلمو ده على مااعتقد يعنى؟؟؟؟؟

SkyWarrior

2013-11-24 (05:50:24AM)

لو بتشتكي من التاجر الي انت طالب منه ،، يبقى تلغي الأوردر منه شخصياً لو قدرت
لو لسة مدفعتش فلوسه والفلوس عند الاستلام يبقى زي الفل متستلمهوش خالص أصلاً
اتحجج باي حجة عشان الدفع احرص من انك تاخد مطب
كده كده مبحبش اشتري حاجة الا لما اكون شفتها بنفسي
بس متصورش ان لحق ينزل موبايل هاي كوبي وفيرست كوبي للنوت 3 :)

menarenoo

2013-11-24 (06:39:57AM)

للاسف نزل الهاي كوبي وبقاله حوالي اسلوعين

ALAA1777

2013-11-24 (06:41:22AM)

SkyWarrior

نزل منو هاى كوبى لدرجة انى تصورت ان الهاى كوبى نزل قبل سامسونج ما تنزل النوت 3
العالم دى ما بتضيعش وقت .. منتجاتها صادمة فى اللحظات الأولى

ياريت اللى عندو خبرة فى التفريق بين الأصلى والهاى كوبى يفيدنا يا أهل الخير

SkyWarrior

2013-11-24 (06:46:27AM)

هههههههههههههههه

الحاجة الوحيدة الي أعرف إنها متقلدتش لحد دلوقتي في الهاي كوبي السينسور بتاع العين وبسسسس ،، كل حاجة تانية اتاخدت اتلزقت فيه
غير كده صدقني شبه مستحيل تفرق بينهم لأنه معمول بالملي عشان يطابق الأصلي

returnoo

2013-11-24 (09:02:06AM)

HishamElmasry
الهاى كوبى موجود فعلا وغالبا بيكون كورى
مفهوش فيتنامى او صينى او باى سامسونج
خليك بعيد عن الكورى
واكيد فيه علامات تانية حيفيدك بيها الزملاء

mahmoudkmeg

2013-11-24 (09:23:04AM)

طيب يبقى معنى كده الواحد يشتريه بضمان محلى ويدفع 500 جنيه زيادة وبلاش ضمان دولى طالما إن فيه هاى كوبى وما بيفرقش عن الأصلى فى حاجة غير سنسور العين ومش معقولة كل الناس هتقدر تعرف الفرق ده بس المشكلة كلها هتبقى فى نسخة الفور جى عشان ما فيش منها بضمان محلى يبقى حلها تشترى من محل مضمون ومعروف عنه الأمانة .

modee_modee

2013-11-24 (12:13:47PM)

اللى انا شايفه لما يتصلوا بيك لتأكيد الاوردر الغية او ارفض انك تستلمه وده عادى لانهم بيشحنوا فى اراميكس فالموضوع سهل وهات من مكان مضمون افضل انا الصراحة مستريحتش مع سوق فى المعاملة وبعدين دلوقتى بقى فى اماكن زبطت سعره جدا انا عن نفسى لقيته فى شارع مراد فى الجيزة دولى 4675 وفى احد الاعضاء هنا كاتب انه شافه على النت4475 يعنى مفيش داعى تجيب من مكان انت قلقان منه

تلك الخدمة مخصصة للأعضاء فقط