بدون عنوان

للرجوع الي صفحة سامسونج Galaxy Note 3 الرئيسية اضغط هنا

ramo89

2013-11-14 (03:26:20PM)

لو سمحتم يا جماعة كنت عاووز اعرف ما هو افضل باقات انترنت موبايل الشهرية فودافون ام اتصالات . اية الاسرع فيهم ؟؟؟؟

hardtimee

2013-11-14 (03:39:56PM)

ramo89
اسمحلى يا باشا ارد على سؤالك من غير تحيز وبكل شفافية ومن واقع تجربتى لاتنين

1-فودافون شبكة كانت زى الزفت اشتركت فى الباقة اللى هى ب25 فى الشهر ويعطيك 1100 ميجا
كانوا بيكفونى بالعافية الميزة الوحيدة اللى فيها انك لو خلصت حجم الباقة بيفضل النت شغال معاك بقيت الشهر بس طبعا السرعة بتنزل لحد 64 كيلوا

2-اتصالات النت فيها اسرع مليون مرة من فودافون الشبكة بتعتها معقولة كتير فى المنطقة اللى انا ساكن فيها .الباقة ب25 جنية حجمها1250 ميجا بيكفونى كويس
العيب اللى فيها لو خلصت حجم الباقة النت بيفصل لحد معاد تجديد الباقة الشهر الا اذا اشتريت ميجات زيادة الميجا الواحدة ب 25 قرش

Mahmoud Samir

2013-11-14 (04:20:40PM)

هارد اول مرة هاختلف معاك ياصديقي
اتصالات بعد ماكانت افضل شركة بقت اسواء شركة وفودافون ارحم منها وافضل اتصالات حراميه فلوس وللعلم برضو انا شغال بنت اتصالات لاني ماينفعش اغير خطي الفترة دي واشغل فودافون بس قريب هاغيرة ان شاء الله

hardtimee

2013-11-14 (04:33:17PM)

Mahmoud Samir
نصيحة من اخ متغيرشى هتندم سرعة بي.............
وبعدين يا حودا انا جربت الاتنين وشوفت الفرق معا انى استخدمت فوافون 4 شهور
واتصالات دة 2 شهر لى بس

والله العظيم انا فى وقت من الاوقات ربط الفون بالاب ووصل معاى التحميل 500كيلوا فى ثانية
احسبها بقى تبقى السرعة كام
ولو عايز برنت انا تحت امرك حالا

Mahmoud Samir

2013-11-14 (05:09:04PM)

مانا مجرب الاتنين ياصاحبي وفودافون بحمل برضو بال 500 بس فودافون بقت احسن بقالها شهر او شهرين احسن بكتير انا اتصالات طول عمري بحبها بس للاسف نت كرهتها انا الخط دا معايا بقاله 6 سنين عشان كدا مش عايز اغيره ف هاخليه مكالمات واشغل فودافون ال معايا نت

Mahmoud Samir

2013-11-14 (05:10:25PM)

والحساب فودافون احسن واوفر انت بتشتري ف اتصالات 500 ميجا ب 10 دول حراميه ف فودافون اجيب جيجا بعشره جنيه

hardtimee

2013-11-14 (05:15:34PM)

والله ا يا حودا انا بتكلم عن نفسى بس بصراحة فودافون كانت معاى زى الزفت
وبكدة يبقى الموضوع بيرجع لقوة الشبكة للكل واحد فينا ساكن جنبها

انتا جنبك شبكة فودافون وبالتالى فودافون كويسة معاك
انا جنبى الاتنين فودافون زفت اتصالات تمام
اما موضوع 500ميجا ب10 جنية بصراحة اصلا1250ميجا بيكفونى الشهر وباتالى مش بحتاج انى اشترى اى ميجا اكسترا

Mahmoud Samir

2013-11-14 (05:18:27PM)

انا برضو بوضح نظام المحاسبه عشان الراجل يبقي عارف
يابختك بيكفوك تصدق وتؤمن ب ايه انا عملت ف اسبوعين بس جيجا اتصالات وخلصت وعملت فودافون جيجا وخلصت وعملت اتصالات 3 جيجا وخلصت ومقضيها دلوقتي اسبوعي اتصالات عشان فلست بسببهم اصل النت فصل عندي هنا بتاع tedata عشان كدا بحمل على الخطوط

hardtimee

2013-11-14 (05:23:47PM)

لا جدع
من يومك وانتا فقر انا بقيت اخاف اكلمك يا جدع
استرها يارب النهاردة الخميس على فكرة ماشى
صوابع ايدى خمسة

Mahmoud Samir

2013-11-14 (05:30:25PM)

ههههههههه الاقيش معاك جيجا سلف انت الجيجا بتقضيييييييييييييييك ياجدع ليييييييييييييييييييييييييييييييييييييييييييييييييييييييييييييه انا سته جيجا ماقضونييييييش :D

علي فكره انت حبيبي يا هارد هههههههه