هذا الموضوع مرتبط بـ Galaxy Note 3

بدون عنوان

ranaaly

2013-10-16 (10:31:10PM)

للى معاهم النوت 3 انا معايا النوت 2 و بصراحة مش عارفة ابيعه و اشترى النوت 3 و ﻻ ﻻ يعنى الفرق في الاستعمال يستحق انى اشتريه ؟

essimessi

2013-10-17 (01:29:25PM)

الجهاز فوق الرائع

DJTaL

2013-10-16 (11:50:31PM)

زي ما قولتلك دي شركة يهمها الربح والتسويق فلازم هيكون فيه امكانيات خرافة لكن احنا لما نيجي نشتري او نغير بنشوف هل فيه امور هتفيدنا ولا هي مميزات للفخر فقط ؟ بجد دي نقطة مهمه جدا من الناحيه الاقتصاديه لاننا مستهلكين وبندفع فلوس .. فلو شايفه ان النوت 3 هيفيدك فعلا توكلي على الله .. انا مثلا عندي اخويا معاه النوت 1 الى الان مع انه بيستعمل كل امكانياته في شغله لكن ماسك على النوت ون وشغال .. بتعجبني طريقة تفكيره

ranaaly

2013-10-16 (11:46:48PM)

انا عارفة ان النوت 3 خرافة و لو ماكنش كدة ماكنتش فكرت ابيع النوت 2 اللى لسة جايباه من كام شهر بس طبعا مش هعيد الاسباب اللى قولتها فوق :)

DJTaL

2013-10-16 (11:39:01PM)

هههههههههه انا معايا النوت 3 ومش بقولك كده علشان اقنعك ما تشتريه .. لكن انا اتكلمت على صيغة سؤال حضرتك .. انك معاكي النوت تو وبنفس الوقت خايفه تخسري فلوسك .. فا قولتلك الامر دائر على مدى احتياجاتك والامكانيات اللي عاوزة تحصلي عليها .. مش معنى كده ان النوت 3 مافيهوش امكانيات جديدة وقوية ..

ranaaly

2013-10-16 (11:36:36PM)

و انا لو فكرت اشترى النوت 3 هقولك عشان تقنعنى ماشتريهوش :D

DJTaL

2013-10-16 (11:32:50PM)

تحت امرك ... وزي ما قولتي حضرتك هي نصيحة .. وطبعا في الاخر الامر يرجع لك على حسب احتياجاتك وشغلك .

ranaaly

2013-10-16 (11:31:32PM)

خلاص هحاول استنى و امرى لله و شكرا جدا على النصيحة ^_^

DJTaL

2013-10-16 (11:26:28PM)

كمان النوت تو مش جهاز بسيط ولا متخلف يعني .. ده جهاز جامد

DJTaL

2013-10-16 (11:23:18PM)

فعلا هتخسري كتير وطالما النوت تو موفي كل احتياجاتك بدون تقصير يبئا العقل يقول استمري عليه لحد ما تجيبي شيء تشعري فيه فعلا بالاختلاف . والكلام عن الفور جي والثري جي كان ضرب مثال علشان المعلومة توصل

ranaaly

2013-10-16 (11:21:45PM)

انا مش فارق معايا 4g وﻻ 3g بس موبايلى ناو هيخسرنى كتير جدا عشان الشاشة مكسورة و لو بعته هحط عليه على الأقل 3600 جنيه عشان اجيب النوت 3 يعنى من الاخر هضيع فلوسي كلها عشان كدة بسال يستحق و ﻻ ﻻ

DJTaL

2013-10-16 (11:20:01PM)

بالضبط ووقتها هتحسي فعلا بالتغيير وان فيه امكانيات حصلتي عليها وتبئا حسيتي فعلا ان فلوسك راحت في مكانها الصحيح

ranaaly

2013-10-16 (11:17:40PM)

لو على السنة دى بتعدى هوا -_- لو بمجرد الاس 5 نزل انا هصرف نظر عن النوت 3 و فعلا هستنى النوت 4

DJTaL

2013-10-16 (11:16:44PM)

لا هما مش هيبطلوا .. لان دي شركة يهمها الربح والتسويق .. لكن احنا نفكر بعقلانيه لاننا بنتكلم في جهاز واصل تمنه الى 6000 جنيه مش مبلغ بسيط .. فلازم نشوف احتياجاتنا ايه .. ولو قررنا ناخد النوت 3 او اي جهاز لازم نفكر في نقاط تانيه مهمه جدا ... اولا واهم نقطة الضمان .. ثانيا نعمل حساب شيء اخر هل يهمنا الجهاز لما نيجي نبيعه يجيب فلوس ولا لا ... يعني مثلا ال جي اجهزة محترمه جدا ولكن عند المبيع مستعمل ما يجيب لنا سعر ابدا ونخسر كتير فيه ... انما سامسونج او ايفون ضامنين فلوسه . وشيء اخر هو لما نختار امكانيات لازم نكون عاقلين ونختار امكانيات تشتغل بالفعل .. احنا جايبين جهاو نشتغل بالاماكنيات اللي فيه مش جايبين اوسمه نعلقها للفخر .. يعني مثلا النسخه الفور جي لا تختلف ابدا عن الثري جي لا في سرعه الجهاز ولا قوى البطارية بل الثري جي موفرة بمراحل كبيرة وعن تجربه للنسختين بايدي .. الفور جي شبكة مش هتشتغل في مصر الا بعد سنه وتصوير الفور كي مش هنستفيد منه داخل مصر .. يبئا لما اروح اجيب جهاز بدون ضمان علشان فيه امكانيات مش هتشتغل عندي يبئا انا جايب ميدالية اتفاخر بيها مش جهاز اشغله .. طالما بندفع فلوس يبئا لازم نكون عمليين ونستفيد بكل امكانية فيه .

hardtimee

2013-10-16 (11:14:47PM)

هتستنى سنة علشان تجيبى النوت 4 لا كدة خلى حمامك القديم
انا متاسفين يااابو صلاح
سلام عليكم

ranaaly

2013-10-16 (11:10:32PM)

Djtal انت كدة هتخليني افكر اصبر سنة كاملة عشان استنى النوت 4 :D و ماله بس يا رب سامسونج تتهد و تقف عنده يا اما هغير الشركة كلها و دة تهديد :D

DJTaL

2013-10-16 (11:05:38PM)

لما نقول عن تجربة يبئا لازم نكون جربنا النسختين علشان نقول دي افضل او دي افضل .

DJTaL

2013-10-16 (11:02:45PM)

لو الاغراء في المواصفات هو اللي هيحكمنا يبئا كل ما يطلع شيء جديد هنجري وراه .. طيب عندي نصيحة وانتي براحتك اكيد .. انتظري النوت 4 لما يطلع لانه هيكون مغربي اكيد .. وفي الحالة دي يبئا فعلا حسيتي انك جبتي جهاز جديد ومواصفات قويه .

hardtimee

2013-10-16 (11:01:20PM)

لا هو تحفة يا قمر توكلى على الله وانسفى حمامك القديم
وهاتى النوت ثرى بس عن تجربة هاتى النسخة الفور جى اجمد بكتير

ranaaly

2013-10-16 (10:59:10PM)

النوت 2 مغطى كل احتياجاتى و زيادة بصراحة بس امكانيات النوت3 بردو مغرية :D

DJTaL

2013-10-16 (10:56:32PM)

علشان كده قولت لحضرتك الاختيار يتوقف على احتياجاتك وشغلك على الجهاز ... هو ده الهدف الأساسي

ranaaly

2013-10-16 (10:53:13PM)

مشكلتى ان انا كل ماجيب موبايل مش بيكمل معايا اربع شهور و ابيعه عشان اجيب اللى بعده و طبعا سامسونج مش بتخلينا نتهنى بموبايل الا و تكون جايبلنا في نفس السنة موبايل بعده خرافة دى المشكلة عندى و لسة بيقولو ان الاس 5 هيكون قنبلة و طبعا بعد الاس في نوت افخم :/ انا زهقت

Drsameh81

2013-10-16 (10:44:55PM)

كان معايا نوت ٢ و بعته و جبت نوت ٣ والحقيقة يستحق فرق التبديل ، الشاشة افضل ، اسرع بكثير، الكاميرا افضل طبعا و فيه انفراريد عشان اشغله كريموت كنترول بالاضافة لمزايا القلم الجديدة

DJTaL

2013-10-16 (10:44:08PM)

ده يتوقف على احتياجاتك .. وده تقدري تقرريه من خلال معرفتك بفرق المواصفات بين الجهازين زي فرق الكام لو انتي من هواة التصوير مثلا .. وكمان البطارية فرق كبير ... المهم تشوفي احتياجاتك واي جهاز هيلبيها بشكل أفضل .

dedatodo

2013-10-16 (10:36:11PM)

بصراحةهو فعلا يستحق

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3

مقارنة

Android
1080 x 1920 pixels, 5.7 inches (~386 ppi pixel density)
3G

2G / 3G
13 MP, 4...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note 3

Android

1080 x 1920 pixels, 5.7 inches (~386 ppi pixel density)

3G

13 MP, 4...