هذا الموضوع مرتبط بـ Galaxy Note 3 Neo

انا واقع في مشكله ارجوكم ساعدوني

trix7

2014-08-24 (04:57:22AM)

انا جبت الموبايل امبارح من شركه رايه عن طريق الاتصال بالكول سنتر
و شحنولي الجهاز على البيت من خلال شركه ارامكس و تم الدفع عند الاستلام

المهم لما استلمت العلبه لقيت العلبه مش متبرشمه و لزقات الشاشه و الظهر مش متماسكين و خصوصا الظهر اللزقه كانت متشاله

و كمان مفيش فاتوره ضريبيه ..الفاتوره اللي جايه هي فاتوره توصيل شركه ارامكس و بدون ختم ضريبي !!
هل دي بتعتبر فاتوره ضريبيه يعتد بيها ؟؟؟؟؟

و الضمان ..ضمان يونيون جروب و تاريخ الضمان عليه من بدايه شهر 3 !!! يعني كده الضمان فاضله 6 شهور و ينتهي ....

انا مش عارف يعني الواحد يشتري من شركه كبيره ومضمونه يحصله كده عشان طلب توصيل للمنزل..ده احترام العميل يا جماعه هم فاكرين العميل مغفل للدرجه دي تجيلي علبه مش متبرشمه و من غير فاتوره ضريبيه

الواحد اشترى من محلات عاديه محصلوش الكلام ده قبل كده

و كلمت الكول سنتر و مدنيش حل مرضى و بيسلموني لبعض الفروع و الكول سنتر ومش عارف هترسى على ايه !!!

حد عنده حل للمشكله دي و طريقه اخد بيها حقي منهم ؟

او طريقه اتاكد بيها اذا كان الموبايل ده مستعمل او جديد؟

بالله عليكم ساعدوني فلوسي اترمت في الارض

قدر الله و ما شاء فعل

BlackCrow

2014-08-25 (04:53:42PM)

trix7 @ معلش كلنا بنتعلم من أخطائنا ,

zman2yahob

2014-08-24 (03:05:13PM)

اخى الكريم بعيدا عن كل ده ..

انت مشكلتك الحقيقية ايه .. محتاج الفاتورة الى ماجتش فى ايه

ايا ماكان بئى نسيو او قاصدين

لو عايز ترجعه معاك فاتورة الشحن وتقدر تبلغ جهاز حماية المستهلك وتشتكى لو فيه سبب انك ترجع الجهاز

انا بس بطمنك ان موضوع العلبة مش متبرشمة دى والله مش مشكلة ابدا

فى اماكن كتير بتطلع نوت3 واس5 وغيرهم من هواتف راقيه اغلى من نيو بكتير اوى والجهاز بيبئى فى العرض وبيتحط فى علبته ويتسلم للعميل عادى جدا ...

اطمن .

trix7

2014-08-24 (08:26:04AM)

يعني خلاص نصبوا عليا و مدونيش الفاتوره وميش دليل امسكه عليهم
و حتى معاييشالفاتوره اللي اخد بيها حقي :(
الله ينتقم منهم . المبلغ مش قليل ربنا يعوضني و ياخدلي حقي منهم

BlackCrow

2014-08-24 (06:55:03AM)

نسيت دي طرق الإتصال بجهاز حماية المستهلكْ :

الخط الساخن : 19588

البريد الإلكتروني:info@cpa.gov.eg

المقر الرئيسي بالمهندسين

تليفون : 33055795

33055796

33055797

33055768

33055765

33055762

فاكس : 33055753

BlackCrow

2014-08-24 (06:53:58AM)

سبحان الله أنا عمري ما إستريحت لشركة راية دي , ناس جشعين بجد وخدماتهم سيئة , دول لو ناس محترمين بجد المفروض العلبة تكون مبرشمة وتكون معاها فاتورة الشراء الضريبية مكتوب عليها إسم العميل , نوع المنتج ورقم التسلسل بتاعه وتاريخ الشراء وسعر الشراء ,

دي البيانات إلي بتضمن حقك العميل في حالة التصليح أو إرجاع المنتج , لكن بالصورة إللي حضرتكْ وصفتها دي سرقة وغش علني من غير كلام , فاتورة التوصيل لا يعترف بيها دي للعميل فقط ,

هوا فيه حلين لا ثالث لهما ,

أولآ : إنكْ تاخد الموبايل زي ماهوا كده بكل حاجته وتاخد فاتورة توصيل أراميكس وتروح لأقرب فرع راية قريب من مسكنكْ وتقولهم أنا عايز أبدل الموبايل ده أنا لسه شاريه إمبارح وآدي فاتورة التوصيل , تخش فيهم شمال وتكشملهم , لقيتهم بيستعبطوا فيها ويعملوا هبل , يبقى مفيش إلا الحل التاني ولأخير ,

ثانيآ : تروح تعمل شكوى في جهاز حماية المستهلك وتثبت حالة , وتعرفهم كده لو مش رجعتولي الموبايل دلوقتي هروح أعمل فيكم شكوى في الجهاز ,

متغيرش الموبايل خد فلوسكْ وإنزل هاتوا من أي محل محترم غير الشركة اللصة دي ,

معلش كلنا بنغلط وبنتعلم من غلطنا , قدر الله وماشاء فعل ,

نفذ إلي قولته لحضرتكْ بالحرف وإن شاء الله هتاخد حقكْ من اللصوص دول .

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3 Neo

مقارنة

Android
720 x 1280 pixels, 5.5 inches (~267 ppi pixel density
3G

2G / 3G
8 MP, 32...

مزيد من المعلومات

الموبايلات

انا واقع في مشكله ارجوكم ساعدوني

التسجيل بالموقع

دخول الاعضاء

معلومات سريعة عن Samsung Galaxy Note 3 Neo

Android

720 x 1280 pixels, 5.5 inches (~267 ppi pixel density

3G

8 MP, 32...