هذا الموضوع مرتبط بـ Galaxy mini 2 S6500

بدون عنوان

wessamex

2013-09-21 (03:56:48AM)

شباب نصيحة للى معاه الموبيل ده يعمله روت فورا
الموبيل بقاله معايا 4 شهور وكنت هبيعه من كتر خنقتى وبيهنج كتير عشان الرام بتتملى تبقى مرستر الجهاز لسه وتلاقى الرام متاخد منها 315 ميجا مع انى مش منزل غير لعبة واحده والبرامج العادية ال كل الناس بتنزلها للاندرويد - كنت افتح الفيس واخرج عشان اشوف الياهو يعد يحمل وكل 10 دقايق اعمل clear memory
بعد ما عملت روت نزلت برنامج root uninstaller وشلت كل البرامج الافتراضية الخنيقة ال ملهاش لزمة غير انها تسحب رامات ومساحة ع الفاضى ( لو معندكش خبرة بلاش تمسح برنامج مش متأكد ان ملوش لزمه ) ودلوقت الموبيل بقى خفيف جدا حاسس انى لسه شاريه دلوقت
الرامات ف idle بيبقى متاخد منها 210 بالكتير دلوقت والله فاتح ستور وياهو وفايبر وفيس ويوتيوب والرامات 303 يعنى لسه 100 ميجا بحالهم فاضيين والموبيل خفيف جداااا عموما او ف التنقل من تطبيق لتطبيق . الموبيل باختصار فاشل من غير روت - وانا حمار انى معملتش روت من اول ما جبته :)))))))

Sara9

2013-10-02 (11:28:29PM)

اها ولله فعلآ الموب بق بيهنج كتير جدآآ

mohamedshabana

2013-10-01 (09:42:45PM)

هو انا ممكن ارفع البروسيسر لي 1.2ghz في روم cm10

thelastbad

2013-09-29 (11:19:57PM)

هيا الروم cm10 و cm10.1 كده البرسسور فيها 1 جيجا
انت الروم بتاعتك ايه

wessamex

2013-09-29 (08:15:30AM)

thelastbad
مبروك الروت بس قولى انت كسرت البروسسور ل1 جيجا عادى مفيش مشاكل ولا بيسخن وفيه فرق ملحوظ فى السرعه ولا ايه ? انا بفكر اعمل اوفركلوك انا كمان :D

بالنسبة للبرامج مش كلها مهمة فيه برامج كتير انا مسحتها maps و places و google+ و chat on وحتى مشغل الاغانى الافتراضى مسحته وشغال winamp pro احسن - ومسحت news & weather وnavigations و ال Gmail وال email اى حاجة مبستخدمهاش مسحتها بعد ما اتأكدت من جوجل انها مش هتأثر على السيستم لو اتمسحت

شوف الحاجات ال انت مبتستخدماش او مفيش امل تستخدمها قريب :D واعملها باك اب وامسحها هتلاقى الرامات بتزيد معاك - واى تطبيق عبارة عن خدمه او مهمته يديك معلومات وكده مش هتلاقيه بيأثر على السيستم وابحث برده قبل ما تمسح لو مش متأكد

@Roock
الشرح ف الفيديو
المخاطر زى ما وضحت انك تحذف او تعدل على السيستم بدون درايه
زى اى شىء لو استخدمته بدون فهم ممكن تخربه

thelastbad

2013-09-29 (06:26:01AM)

انا معاك طبعا اني الروت بيخلي الموبيل احسن بكتير واسرع طبعا ده كفايه انه رافع البرسسور من 800 الي 1 جيجا وعلي فكره 1 جيجا الوقتي بقت اقل حاجه في الموبيلات
بس ايه هيا البرامج اللي مش محتاجها اللي انت وقفتها
اعتقد اني كلها برامج مهمه وباعتقداي انيTitanuim Back Up Pro افضل في توقيف ومسح البرامج
واحسن طبعا في عمل النسخه الاحتياطيه من اي حاجه

thelastbad

2013-09-29 (06:18:24AM)

صح عنده حق ياwessamex الموبيل اسرع بكتير من السوفت الاصلي
والدليل انو مبينهجش معايا زي مكان في النظام الاصلي وكلمه force close معتدش بتظهر اساسا
وديه كانت بتظهر من كتر الضغط علي الرامات ده غير الالعاب طبعا مكانتش بتفتح اساسا والجهاز
كان بيرستر من تقلها دلوقتي لأ طبعا بشغل اتقل لعبة لاندرويد

Roock

2013-09-24 (05:34:32AM)

ايه هى خطوات عمل الروت من فضلك بطريقه سليمه؟
وماهى المخاطرر اللى ممكن تواجهنى

wessamex

2013-09-23 (11:15:56PM)

ahmedaliyossef2010
فيه ناس مش عارفه او بتخاف م الروت انا كنت مرعوب من كتر ما بشوف الناس بتهول فى مخاطره ويقلك الغلطة تضيع الموبيل وكلام فارغ مع انه سهل جدا ف الجلاكسى .. هو خطير لو واحد اهبل بيستخدمه و يمسح ف حاجات بالبركة ويغير اسامى ملفات فلازم النظام يضرب منه .. زى الوندوز لو دخلت مسحت ملفات من السى وقعدت تلعب الوندوز هيقع .. ولو دخلت الماركت حضرتك هتلاقى الابديت بتاع الsuper user الخاص بالروت عدد التحميلات +10 مليون وواخد 80 الف 5 نجوم -

مش عارف ليه الشعب المصرى الواحد بيتعب عشان يقنعه بمصلحته عموما انا كاتب الكلام ال فوق حبا فى مساعدة الناس مش اكتر وال شايف ان الموبيل كويس من غير روت خلاص stick with it
انا عملت روت للموبيل من الفيديو

alaaalnaggar
معظم برامج النظام ال مكنتش بستخدمها مسحتها زى chat on و google+ وهكذا وكل واحد حسب استخدامه برنامج مش مفيد ليا ممكن يكون مفيد لحضرتك ومهم

alaaalnaggar

2013-09-23 (12:48:29AM)

ممكن حضرتك تقولى ايه البرامج اللى انت مسحتها

ahmedaliyossef2010

2013-09-22 (01:59:54AM)

أنا عارف و الله مميزات الروت و البرامج بس بقول ان الموبايل مش بيهنج في الحالات العادية خالص

بيهنج بس لو شغلت برامج كتير مع بعض زي أي موبايل :)

wessamex

2013-09-21 (08:49:47PM)

hassan_taher
التحديث شكله مش نازل اعتقد ممكن ترجع الروم الستوك لكن مش متأكد -
ahmedaliyossef2010
الموبيل للاسف راماته قليلة والنظام ساحب منها كتير فانت استخدامك المقنن لما بتفتح تطبيق او تطبيقين مش هتحس بمشكلة او فى تهنيجه خفيفة بس مش شايفها مشكلة مثلا - مع ان الموبيل اقوى مما تتخيل بس لو ظبطته صح - وده ال اقصده - والاجمل ان كل البرامج المدفوعه الخاصة بالروت موجوده ببلاش على موقع APKMANIA زى root unistaller pro برنامج روعه يخليك حتى لو مش عاوز تمسج برامج النظام او البرامج العادية ال ملهاش لزمة او مبتستخدمهاش حاليا تعملها freeze وتشغلها تانى فى اى وقت - او تعمل back up لاى برنامج قبل ما تمسحه - وبرنامج root explorer للتحكم الكامل ف كل كبيرة وصغيرة ف النظام بس طبعا تبقى فاهم بتعمل ايه - وفى برامج كتير جدا بتدى مزايا لمستخدمى الروت اكتر من انى اذكر ربعها هنا -

Capo07
كلامى كلو غلط ازاى موضحتش الروت ومسح البرامج ال مبتستخدمهاش وتحرير جزء كبير من الرامات مش هيسرع الموبيل؟ انا مع احترامى ليك والله ال يشوف كلامك يحس انك بتتكلم عن s4 مع انى شايف محدش بقى بينصح بالمينى تو هنا خالص - وعموما زى ما قلتلك الموضوع نسبى ممكن واحد يعد على جهاز بروسسور celeron ورامة 1 جيجا ويقول ياه جهاز جميل وسريع - والتانى عنده بروسسور i3 وشايفه بطىء وعاوز يجيب i5 - كل واحد حسب دماغه

Capo07

2013-09-21 (05:58:46PM)

مع احترامي ليك كلامك كلـو غلط الموبايل معايه من فتره و من غير روت و عليه اكبر كمية برامج و العاب ممكن تتخيله و مش بيهنج نهائـي ..

ahmedaliyossef2010

2013-09-21 (10:51:42AM)

الموبايل كان معايا و ساعات كان بيهنج بس مش بالطريقة اللي حضرتك بتقول عليها دي خالص و كان من غير روت
و كنت منزل 50+ لعبة و برنامج

اللي بيخليه يهنج عدم مسح الرامات بشكل دوري
تشغيل خلفية متحركة
تنزيل لانشر غير مناسب يعني بيسحب كتير من الرامات
و لو حصل ممكن تعمل اعادة ضبط المصنع و خلاص :)

hassan_taher

2013-09-21 (08:24:33AM)

ولو نزل تحديث ., ممكن الغي الروت دة و ارجع التليفون زي الأول عشان يقبل التحديث ولا لأ ؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy mini 2 S6500

مقارنة

Android
320 x 480 pixels, 3.27 inches (~176 ppi pixel density)
3G

2G / 3G
3.15 MP,...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy mini 2 S6500

Android

320 x 480 pixels, 3.27 inches (~176 ppi pixel density)

3G

3.15 MP,...