بدون عنوان

للرجوع الي صفحة سامسونج Galaxy Mega 6.3 I9200 الرئيسية اضغط هنا

madadiab

2013-12-16 (08:03:48AM)

امبارح رحت السراج مول و اتعاملت مع الميجا هو موبيل جميل جدا و خفيف و حجمه حلو و الشاشه بتاعته حلوه مع ان البيكسلات قليله حتى جربت احطو ف جيبى و دخل مع انى مكنتش مصدق :D
و كان كل النسخ سواء ال8 او ال 16 كان فيها راديو فكره ان الراديو ف ال16 بس اشاعه و الاسعار اللى عرفتها هناك فى اغلب المحلات ال 16 دولى عامل 3500 وال 8 محلى كان فى ب 3300 وكان فى ب 3200 و من غير ضمان كان ب 2900
انا حبيت افيد الناس اللى محتاره و عايزه تعرف فى راديو ولا لا و اللى عايزه تعرف اخر اسعار له
والله المستعان

2lnassry55

2013-12-16 (12:09:55PM)

تمام يعني النسخه ال8جيجا من الميجا ال6.3من غير ضمان (ضمان دولي )حضرتك شوفتها امبارح في السراج مول ب2900.....طيب حضرتك كل الالوان متوفره عندهم (ابيض.اسود .ازرق)ولا لأ
وشكرا جزيلا لحضرتك على الافاده.....لان بصراحه احنا فعلا محتارين

madadiab

2013-12-16 (01:02:19PM)

2lnassry55
ايوه ال 8 جيجا من غير ضمان ب 2900 بس مش موجوده ف كل المحلات اغلب المحلات بتبعها بضمان و الالوان ابيض واسود الازرق ده اول مره اسمع انه نزل للفون ده
والشكر لله و اى استفسارات تانيه
انا موجود

2lnassry55

2013-12-16 (03:32:57PM)

اخي الكريم شكرا للاهتمام...ممكن رقم تليفون او اسم محل مضمون لاني ناوي اشتري النسخه ال8 بضمان دولي اللون الابيض ..وهل كل المحلات فيها ضمان 14يوم على الدولي ولا لأ....ف لو حضرتك تعرف محل يكون مضمون يبقى جزاك الله خير الجزاء ...وشكرا مره تانيه للاهتمام والرد

madadiab

2013-12-16 (08:19:03PM)

مع الاسف معرفش محلات هناك بص انت اتكل على الله وانزل و اسأل واحسن سعر يناسبك اشترى من المحل ده و مش تقلق طالما ان العلبه هتكون متبرشمه و هتتفتح قدامك
بس قبل ما بتاع المحل يفتحها امسك العلبه و شوف مكان الاستيكرات اللى قافله العلبه لو حسيت ان فى 2 استيكر على بعض سيبك من المحل ده خالص لو لاقيتها عادى يبقى اتكل على الله واشتريها
و هو غالبا هتاخد 14 يوم ضمان و حتى لو مش اخدت مش تقلق بدام العلبه متبرشمه و ان شاء الله خير و مبروك مقدما

تلك الخدمة مخصصة للأعضاء فقط