ارجو سرعة الرد جزاكم الله كل خير

للرجوع الي صفحة سامسونج Galaxy J7 الرئيسية اضغط هنا

amrmovie

2015-10-25 (11:38:11AM)

يا ريت تردوا عليا فى النقطه دى عشان لو دى كانت مشكله فى كل ال J7 يبقى ما اجيبوش تانى

( الجهاز بيقفل لوحده و مش بيشتغل من الباور على طول . لازم تشيل البطاريه و تركبها تانى عشان يشتغل بس الموضوع ده بيحصل كل اسبوع مثلا )

starstar2

2015-10-25 (03:43:09PM)

عموما شوف اخر تطبيق انت نزلته وبعدها حصل الموضوع ده لانه ممكن يعمل تعارض ..موضوع انه يقفل التليفون لوحده ليه سبين الأول عيب بطارية والتاني سوفت سواء النظام نفسه او التطبيقات المنزلة ....

الموضوع ده كان بيحصل معايا في السونى لما كنت بحدث تطبيق الفيس بوك كان بيطول جامد عند تسطيب التحديث وبيعمل ساعات رستارت وساعات بيقفل وساعات كان بيطلع عيني لما بدخل علي النظام الجهاز بيرستر ويعيد التشغيل ومنتش بدخل غير لما ابوت النظام ...

الحل

انك تعمل هارد ريست خارجي ومتنزلش أي تطبيقات وتراقب التليفون وتشوف هل المشكلع قائمة او لا ...
شوف يا كبير محدش للأسف من اللي معاه التليفون هيشاركك في الرد ...قله قليلة هي اللي بتشارك في الصفحة ودي عاده المصرين ....وتحيا مصر ....موفق اخي الكريم ...

naderssb

2015-10-25 (06:41:31PM)

بص ياباشا انا بيحصل معايه الموضوع ده بالظبط بالرغم من ان انا مش محمل على الجهاز اى حاجه نهائي وعملت كام مشاركه فى المنتدي ...ده يمكن فى صفحه 6 باسم .....افيدوني.... عموما الجهاز مش وحش بس فيه عيوب وكل ماتتكلم مع حد يقولك اصل الجهاز فئه وسط وكأن ال2200 جنيه دول مش فلوس بس للأمانه بقالي كام يوم محصلش معايه الموضوع ده الجهاز كل يوم عمال يحدث نفسه يمكن التحديثات ده حلت الموضوع ده

starstar2

2015-10-25 (07:11:01PM)

المشكلة اللي عندك مشكله عارضه ومش دايمة وبنسبة 95% سوفت ..... هرجع تاني وأقول لحضرتك ان ممكن يكون السبب تعارض بعض التطبيقات سواء التحديثات مع النظام ووضحتلك مثل حصل معايا مع السوني t2 ultra .

مش معني ان الجهاز فئه متوسطه يبقي لازم يتقفل لوحده .هههههههههههههههههه الموضوع مالهوش علاقة ..بالعكس انا كان معايا سامسونج جراند دوس 1 واشتريته اول منزل علي طول والحمد لله الجهاز كان معايا كويس جدا بالرغم كان في مستخدمين اشتكوا منه ..ان شاء الله مشكلتك تتحل وزي منتا عارف ان ما فيش حاجة كاملة لازم تلاقه تكه فيها مش مظبوطه .

emashal

2015-10-25 (10:48:11PM)

الموبايل معايا من 4 ايام .. والمشكلة دي مظهرتش معايا غير مره واحده ..
انا كنت سايب الموبايل عادي وجيت اشغله مرضيش يشتغل وفضلت اضغط زرار الباور مشتغلش ولما شلت البطارية وحطيتها اشتغل عادي ..
اقصد يعني ان الجهاز مفصلش مني وانا مشغله .. لا انا مكنتش مشغله ساعتها ..
عموما اللي يقدر يريحك م الموضوع ده .. اللي معاه الموبايل بقاله مده .. شهر او شهرين
يقدر يقولك هل دي مشكله في الموبايل نفسه ولا لا ..