هذا الموضوع مرتبط بـ Galaxy Grand Prime

مشكلة عدم تحديث الروم

grandprimeg530h

2015-03-17 (05:43:25AM)

عندى مشكلة غريبه مع هذا الهاتف
انا اشتريت الهاتف من شهر و نص و كان عليه هذا الروم
Galaxy Grand Prime (Dual Sim) SM-G530H EGY G530HXXU1ANIJ Android 4.4.4 23.09.2014 170295

و حاولت ان احدثه بالاودين ودائما ما يفشل معى و عملت كل شىء ممكن و هذه ليست مشكلة فردية لكن هناك من قابلتهم نفس المشكلة.
الامر الثانى لى صديق اشترى بعدى نفس الجهاز و كان عليه سوفت احدث يحمل الاصدار
2015-01-01
Egypt
4.4.4
G530HXCU1ANL4
G530HOJVANL2

جهاز صديقى انا حدثته بنفس الروم الموجود بالمشاركة ... اما جهازى انا فرض التحديث مطلقا.
لى صديق اخر اشترى نفس الجهاز و كان الروم فيه مثل ما عندى و ايضا فشل فى تحديث الروم.

و هنا كل العجب كيف يكون نفس موديل الجهاز و بعض الاجهزة تقبل الروم و البعض الاخر لا يقبل؟
يا ريت لو حد عنده تفسير لكده يقولى و لكم جزيل الشكر
هشام فتحى متصل الآن تقرير بمشاركة سيئة

king4ever2u

2015-10-02 (11:32:21PM)

Try this one it will work with you

That's because your firmware is : "G530HXXU----- "
and this one is : "G530HXXU2BOH7"

Waiting your answer ;)

kerolos206

2015-03-23 (12:25:32AM)

طيب هى ليه الروم بتاعه دوله كاساخستان بلذات وفى فرق بنها ومابين روم مصر من داخل الجهاز دة حاجه . الحاجه التانيه فى اصدار احدث بالنسبه للبرازيل ممكن يزل براضو ولو نزل يبقى انى واحد لانه نزال للبرازيل ب 3 اصدارات

grandprimeg530h

2015-03-19 (06:24:13PM)

بالتوفيق ان شاء الله و انا منتظرك تقولى عملت ايه و ده رقمى ممكن تكلمنى على الواتس اب
01008749848
اما بخصوص التهنيج و الكاميرا فانا لم اوجه ايه مشكلة فى الهاتف مطلقا و شغال تمام
ممكن انت تكون مثبت اى لعبة او برنامج هو اللى مسبب المشكلة.
عن نفسى الجهاز شغال تمام باستثناء موضوع التحديث اللى اتكلمنا فيه

amrsokr22

2015-03-19 (05:50:10PM)

طب ومشكلة التهنيج - والاسم اللى بيظهر غلط والكاميرا
بس الجهاز بيهنج - لو واحد اسمه احمد بيتصل بيا يطلعلى ع الشاشة اسم تانى سمير مثلا -اجى افتح كاميرا يقولى تعذر البدء
كل ده بيتحل برستر الموبايل
اقولهم ايه

amrsokr22

2015-03-19 (05:47:01PM)

انا رايح ان شاء الله و هبلغك هنا وصلت لأيه ؟؟

grandprimeg530h

2015-03-19 (05:38:19PM)

الله يكرمك
بص يا يا باشا

* موقع sammobile ه موقع مشهور معروف عنه انه بينزل الرومات بتاعة سامسونج الرسمية قبل نزوله الموقع الرسمى.

* الاودين ده برنامج من خلاله تقدر تزل للجهاز اى روم رسمى او غير رسمى و سامسونج لا تعترف به .

* فيما يتعلق بالضمان : الجهاز يخرج من الضمان لو انت عملت للجهاز روت : يعنى صلاحيات مدير الجهاز .. انما لو حدثته بالاودين بروم رسمى مفيش مشكلة بس بكون روم رسمى مش مطبوخ.

اغلب ظنى ان التوكيل مش هيعترف بموقع غير موقعه و حتى لو كان عليه سوفت رسمى و طبعا لا يعترف بالتحديث اليدوى.
فانت من الناحية دى مش هتقدر تتناقش فيها معاهم . فهمت قصدى

انت تقدر تتكلم فى صلب الموضوع اللى هو ايه:
هتقولهم انا اشتريت الجهاز عليه سوفت مش بيسحب الرقم
و صاحبى اشترى نفس الجهاز عليه روم احدث فيه خواص اضافية و بيقدر يسحب الرقم.
ليه الشركة منزله الجهاز برومات مختلف و ليه الروم اللى عندى مش عاوز يجى له تحديث زى صاحبى انتم مسئوليمن تشوفوا حل للموضوع ده انا عاوز احدث الروم زى اللى عند صاحبى عشان الخواص الجديده اللى فيه.

ده اللى تقدر تقوله.

انما هما مش هيعترفوا بموقع ساموبايل على الرغم ان الرومات الللى عليه رسميه
و لا هيعترفوا بالاودين لانه تحديث يدوى.

ارجوا ان اكون افدك فى شىء و انا مشكلتى نفس مشكلتك على فكرة و لما اشتريت الجهاز من شهر و نص و الموضوع ده مضايقنى لدرجة انى جربت كل الحلول و فشلت و من ضمنها انى عملت روت للجهاز و طبعا خرج من الضمان بس مش مهم
المهم انهم يحلوا مشكلة اختلاف الرومات لنفس الموديل

و لو حضرتك وصلت لحاجة ابقى قولى

amrsokr22

2015-03-19 (04:55:07PM)

اولا
ربنا يباركلك و يجزيك خير انت شخص محترم
ثانيا
انا هروح بعد ساعة توكيل سامسونج اقولهم ايه ؟؟؟؟؟ عشان ميضحكوش عليا
اقولهم يعدلولى الروم للروم الجديدة و دى مشكلتهم ولا ايه
ثالثا
هو الروم ده رسمي من شركة سامسونج يعنى ميخرجش الجهاز برة الضمان ؟؟؟
رابعا
وسؤال تانى ايه الاودين جه وايه موقع sammobile ?? و ادخل عليهم ازاى ومنين واحدث ازاى؟
والف شكر ليك يا باشا على تعبك معايا

grandprimeg530h

2015-03-19 (04:34:50PM)

عامة هو الجهاز ممتاز و مش فيه اى مشكل باسثناء المشكلة اللى عملتها الشركة فى انها تنزل نفس الموديل برومات مختلفه لا يقبل بعضها البعض... غير كده الجهاز معايا ممتاز.

و انا عشان اتغلب على مشكلة التحديث نزلت احدث روم لدوله كاساخستان و اتحدث معايا الجهاز و بسحب الرقم و كله تمام .
و فى الاخر انا شايف ان نظام الكيت كات مش حلو يمكن الاصدارات السابقة افضل و سمعت من ناس كتير ان الجهاز ممكن ينزل له اللولى بوب و لو ده فعلا حصل يبقى احنا كسبنا كتير و اتحلت مشكلة فرق الرومات لانه لو نزل هيتعمم كل كله .
فانا بانتظار تحديث اللولى بوب و لالو منزاتش عادى بقى اهو الجهاز شغال و كويس

grandprimeg530h

2015-03-19 (04:24:33PM)

انت محتاج تقرأ كتير يا استاذى عشان تفهم يعنى اى روم و روت
عامة انا هقولك باختصار شديد
الروم ده عباره عن تحديث لسوفت وير و احنا هنا برضو بنتكلم عب الروم الرسمى بس بشكل يدوى دون انتظار التحديث عمن طريق الموباليل اللى ممكن يتاخر شهور او سنه.

اما الروت
فهى عباره عن انك بتاخد صلاحيات مدير الجهاز تقدر من خلاله تحذف برامج مكنتش تقدر تحذفها و تثبت برامج تحتاج الى صلاحيات و خلافه.

اما موضوع صاحبك و سحب الرقم ده له علاقه مباشرة باللى احنا بنتكلم فيه و هو التحديث.

باختصار شديد

الموبايل ده نزل مصر على دفعتين كل اصدار مختلف عن التانى على الرغم انهم نفس الموديل:
الاصدار الاول يحمل روم لشهر 9 لسنة 2014 و ده اللى عند ناس كتير و اللى هما مش قدرين يحدثوا الجهاز لبعد كده و ده اللى احنا بنتكلم فيه.

الاصدجار التانى نزل بروم احدث تقدر من خلاله تسحب الرقم و تتصل ... بالاضافة ان هذا لاصدار له تحديث تانى لشهر 2 لسنة 2015

المشكلة اللى بنتكلم فيها ان الاصدار الاول لا يستطيع التحديث برومات الاصدار التانى على الرغم انهم موديل واحد و فى نفس البلد.

لان لكل اصدار بوت لودر مختلف عن التانى؟ و البوت لودر ده برضو شكى من النظام زى البايوس اللى موجود فى الكمبيوتر كده.

هى دى بقى المشكلة اللى بنتكلم فيها و يا ريت اكون قدرت افهمك

amrsokr22

2015-03-19 (03:25:44PM)

وسؤال تانى ايه الاودين جه وايه موقع sammobile ?? و ادخل عليهم ازاى ومنين واحدث ازاى افيدونى انا الموبايل بتاعى
Galaxy Grand Prime (Dual Sim) SM-G530H EGY G530HXXU1ANIJ Android 4.4.4 23.09.2014 170295

amrsokr22

2015-03-19 (03:19:29PM)

معلش ممكن تتحملونى شوية و يبقى عندكو صبر ارجوكم !!!!!!
مبدائيا كده يا رجالة انا مش فاهم حاجة خالص من اللى انتو بتكتبوه الروم و الكلام ده
انا لما بجى احدث بضغط على ضبط- حول الجهاز - تحديث البرامج و ده عشان يبقى التحديث رسمي من سامسونج و مش عايز أي لعب في الروم والروت اللى هو الكلام اللى انا مش فاهمه ده
بس الجهاز بيهنج - لو واحد اسمه احمد بيتصل بيا يطلعلى ع الشاشة اسم تانى سمير مثلا -اجى افتح كاميرا يقولى تعذر البدء
كل ده بيتحل برستر الموبايل
المشكلة بقى اللى مش عارف احلها ان واحد صاحبى معاه نفس الموبايل و لما بيجى يتصل بيسحب الاسم اتجاه اليمين بيتصل انا معنديش الخاصية دى قالى انه عمل تحديث فالخاصية دى اشتغلت هو فيه تحديث يا جماعة غير الطريقة اللى انا بعمل بيها دى انا فعلا اتخنقت من الموبايل و ممكن ارجع للموبايل 1110بسبب القرف ده ممكن تساعدونى وتفهمونى واحدة واحدة

kerolos206

2015-03-18 (06:31:32PM)

طيب يا استاذ starstar2 انزل منين البوت لودر الاصلى

starstar2

2015-03-18 (06:08:02PM)

ممكن يكون سبب المشكلة وصلة اليو اس بي عامة جرب من خلال وصلة تانية ومن جهاز كمبيوتر تاني وشوف ولو فشل معااك يبقي كده مشكلتك في البوت لودر وده في الغالب ...انت كده محتاج تنزل البوت لودر الرسمي لروم روم الكيت كات للموبايل ... غالبا الطريقة اللي في الفيديو سبب هذه المشكلة بسبب تنصيبة من خلال خانة البوت لودر من الاودين وفقا للطريقة اللي انت حطتها .... لما تنزل الريكفرى المعدل من وضعية الداون لود بيتم تنصيبة من خانة pda في الأودين مش خانة البوت لودر بعدها يتم تنصيب ملف الروت من وضع الريكفري المعدل ودا افضل الطرق عشان استقرار الرووت والريكفري المعدل في الجهاز ...

kerolos206

2015-03-18 (03:03:33PM)

نفس كلام برضو انا جربت كل ده ومنفعش ؟!

grandprimeg530h

2015-03-18 (03:00:59PM)

جربت كل ده يا باشا و نفس النتيجة لا جديد
نفس الرسالة بتظهر بالاودين..... كما يظهر على شاشة الجهاز
secure check fail: boot

starstar2

2015-03-18 (02:33:06PM)

في حاجة عايز اعرفها هو ملف الروم لما بتفك الضغط مافهوش غير ملف بامتداد md5 ولا في ملفات تانية .
لو مافيش غير ملف واحد اول حاجة هانعملها وده من باب الاطمئنان هنلغى الرووت من السوبر ايزو full unroot

- هنعملwip data reset من وضع الريكفري مود
-وهنفتح الموبايل ومن جوه الضبط من المطورين وهنفعل debugging
-وبعد كده هندخل على وضعية الداون لون ونوصل الجهاز بالكمبيوتر وهنشغل الاودين وبعدها زرار تعلية الصوت ومن خانة pda أو ap وهنختار ملف الروم وبعد كده start .

استخدم الاودين اصدار 3.07.
استخدم الكابل الأصلي للجهاز .
يكون عندك على الجهاز برنامج سامسونج كيز واتأكد ان البرنامج مقفول لما تشتغل من الاودين.
لو عندك على الجهاز أي برنامج جدار ناري أو انتى فيرس حاول تعطلهم الأول وبعد كده اشتغل من الاودين ..
ووافينى بالتطورات ......................بالتوفيق

grandprimeg530h

2015-03-18 (12:25:23PM)

شكرا استاذى starstar2
على اهتمامك
ما حدث معى نفس ما حدث مع الاخ الفاضل kerolos206 بالضبط
الحهاز لم يقبل السوفتات الحديثة من الاساس
حتى انا كمان عملت روت للجهاز و فقدت الضمان و جربت كل شىء و لم اصل لنتيجة
و ما يظهره الاودين عنده هو نفس ما يظهر عندى تماما

kerolos206

2015-03-18 (10:01:04AM)

5_ والاهم معلش نسيت اقولك عليها انى رجعت ونزلت الروم الاصليه G530HXXU1ANIE_G530HOJV1ANI3_EGY
الى كانت على الجهاز لما جبته علشان اشوف التحديث بعد كده هيوصل لفين لقيت برضو التحديث اخره G530HXXU1ANIJ_G530HOJV1ANJ1_EGY
يعنى حضرتك الموضوع محير بالنسبالى اوى ازى اجهزه بتقبل السوفتين الى نزلو بعد كده الى هما G530HXCU1ANL4_G530HOJVANL2_EGY
G530HXCU1AOA2_G530HOJV1AOA1_EGY
واجهزه لا .

kerolos206

2015-03-18 (09:51:27AM)

انا عندى نفس المشكله وردا على اسئلة حضرتك
1_الاودين اصدار v3.09 زى ما مكتوب فى موقع sammobile ود رابط الخاص بلروم (مصر)

وحاولت اجرب اصدارت تانيه ولكن فشلت زى v3.10.6 و v3.04 .
2_ صوره من جهازى الخاص باخر تحديث رسمى من الشركه عبر الانترنت عن طريق (واى فاى)

3_ الى بيحصل اثناء التحديث بلظبط اهو

وده مش بيأثر على الجهاز فى حاجه اطلاق.
4_ تم بالفعل عمل روت لجهاز بتاعى بالطريقه اللى فى الفيديو ده

starstar2

2015-03-18 (04:40:55AM)

grandprimeg530h

تحت امرك يا كبير استأذنك تقولى ازاي بيفشل معاك يعنى مثلا بيحصل error في الاودين في مربع message , ولا الجهاز رستر بعد مخلص وعلق علي شعار سامسونج دون أي استجابه وبالمره قولى خطواتك لما نزلت الروم ونسخة الاودين عندك كام ولو عملت روت قبل كده للجهاز ..موفق

grandprimeg530h

2015-03-18 (02:09:59AM)

الف شكر احى الفاضل على اهتمامك لكن معلش انا هتعبك معايا
انا اشتريت الجهاز بتاعى بضمان محلى و وواحد صاحبى اشتراه برضو بضمان محلى لكن كان عليه سوفت احدث من اللى معايا
فبما ان الجهازين بضمان محلى و نفس الموديل ليه نازلين بسوقت مختلف ؟
و كلاهما لا يقبل سوفت الاخر؟

starstar2

2015-03-18 (01:49:34AM)

grandprimeg530h

يا كبير المقصود خط انتاج الهاتف(الهاتف موجهه لاي دولة) مش اتصنع فين يعنى مثلا مصر ولا ليبي ولا سعودى مش معنى انك اشتريته من مصر يبقي مصري لا ممكن يكون صاحبك خط انتاجه مصري وده بيكون ضمان محلي وانت ااشتريته مثلا ضمان دولى سعودي يبقي لما تيجى تنزل الروم المكمل الرسمي التحديث يبقي تنزله سعودى مش مصري وكل دوله ليها product code بالإضافة الي pda وcsc و bootloader بالتوفيق...

shimaa17795

2015-03-17 (09:09:07PM)

انتو شارينو منين؟

grandprimeg530h

2015-03-17 (08:47:24PM)

هل فى طريقه يمكن التواصل من خلالها مع الدعم الفنى للشركة لعرض المشكلة بالتفصيل

kerolos206

2015-03-17 (08:36:41PM)

واضح انى الموضوع صعب ومحدش هيعرف السبب

grandprimeg530h

2015-03-17 (07:15:22PM)

ازاى خط الانتاج و الكبرنال مختلفين و الجهازين مشتريهم من هنا من مصر و الاتنين فيتنامى؟
وواحد يقبل السوفت المصرى الحديث و الاخر لا يقبله انا بتكلم على الرومات الموجوده على sammobile?
ارجو من حضرتك التوضيح

starstar2

2015-03-17 (05:59:44PM)

عشان خط الإنتاج والكيرنال بيكون مختلف يعني مثلاً خط انتاج مصر ما ينفعش لما اجي احدث الروم أحدثه بالاصدار السعودى مثلاً ...فلازم تنزل الروم المحدث المتوافق مع خط الإنتاج أو روم المصنع عشان مايحصلش تعارض انا بتكلم على الرومات الرسمية ....بالتوفيق

grandprimeg530h

2015-03-17 (07:21:54AM)

انا اضطريت انى انزل الاصدار ده
Galaxy Grand Prime (Dual Sim) SM-G530H SKZ G530HXXU2AOA3 Android 4.4.4 27.01.2015 372462 Unlock
من الموقع الاصلى و اشتغل تمام و الروم فيه اللغة العربيه

و لكن ما زال اللغز قائم ليه بعض الاجهزة بتقبل اخر سوفتين من موقع sammobile و البهض الاخر لاء؟
حقيقى انا مخنوق جدا بسبب الموضوع ده

kerolos206

2015-03-17 (06:18:37AM)

نفس المشكله بلظبط وكتبت استفسار عنها تحت كلامك بشويه :D وكتبت تفاصيل المشكله وحاطط التحديثات الى نزلت فى موقع sammobile ومش عارف ليه بجد مش قابل التحديث وعلى فكره فى تحديث كمان فى الموقع بتاريخ1-2-2015 وبراضو الهاتف رافض تثبيته بجد نفسلى اعرف المشكله فى ايه ده الرابط كل التحديثات

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand Prime

مقارنة

Android
5.0″

5.0 بوصة
3G

2G / 3G
8 MP, 32...
2600mAh

Li-Po 2600 mAh قابلة للازالة

مزيد من المعلومات

الموبايلات

مشكلة عدم تحديث الروم

التسجيل بالموقع

دخول الاعضاء

معلومات سريعة عن Samsung Galaxy Grand Prime

Android

5.0″

3G

8 MP, 32...

2600mAh