هذا الموضوع مرتبط بـ Galaxy Grand Prime

الفون جاااااااااحد

gemyyy

2014-12-20 (11:04:30AM)

بصوا يا جماعه بصراحه الفون جامد جدا لكل اللى بيسال عنه .. يمكن كنت متردد انى اجيب سامسونج بصراحه بس لما جبت الفون طلع جامد
بالنسبه للمميزات مع استخدام اسبوع
1- الفون ما شاء الله سريع جدا وخفيف فى كل حاجه
2- الكام بتاعته عاليه اوى بالمقارنه باى فون تانى فى نفس الفئه السعريه والفلاش روعه
3- البطاريه بصراحه روووعه بالمقارنه للى معروف عن بطاريات سامسونج سواء استخدام تصوير او العاب طول اليوم او نت واى فاى وطبعا ع حسب الاستخدام
4- فكره ان الفون فينامى ده مريحنى نفسيا وشايفه حاجه كويسه
5- الشاشه بتاعته حلوه جدا فى الرؤيه وشكله ما شاء الله شيك
6- اندرويد كتكات 4.4.4

اما بالنسبه للعيوب
1- رنه الفون صوتها واطى شويه
2- ومش نزله مشغل اغانى غير جوجل بلاى

لكن عموما انا بصراحه شايف ان الفون تحفه من وجهه نظرى ومتوفر باللون الابيض والرمادى

ولو فى اى اسئله ممكن تقوولوها وان شاء الله هرد عليكم

Abdo22

2015-01-20 (10:45:49PM)

طيب انا هقول لحضرتك
1_مكتوب في الامكانيات ان الاندرويد 4.4.2 كيت كات مش 4.4.4
2_تمام انا محتاى جدا ما بين الفون دا و Core prime
في ناس بتقول ان الكور جامد جدا فا انا الصراحه مش عارف انهي احسن واعلي في حجم الشاشه ،الامكانيات ،الكاميرا ،البروسسر ،فا حضرتك ياريت تقولي انهي احلي بظبط
وبعدين في ناس بيقولو ان صوت موبايل الكور برايم اعلي من الجراند برايم

gemyyy

2014-12-24 (01:37:46PM)

بص يا استاذ ستار سى بالنسبه للتهنيج هو الحمد لله مفيش تهنيج لحد دلوقتى وربنا يديمها ع كده واخرى فى الالعاب ساب واى وترافك راسير والباقى العاب puzzel وبرامج وتطبيقات تانيه فمجربتش العاب كتير بس دول كده مافيهمش اى تهنيج
بالنسبه للتحديثات منزلتش اى تحديثات وبصراحه مش ناوى انزل عشان مضمنش ممكن الجهاز يبطىء

بالنسبه للصوره تقدر تاخدها بزرار الباور مع الهوم لثانيتين هياخد الصوره بس كده

starsee

2014-12-21 (01:57:11PM)

يا استاذ جيمى انا جبت الجهاز بس فية قليل يهنج فى بعض العب ومفروض انة 1 جيجا رام وهل التحديثات بتقل الجهاز ولا اية وحاجة تانية انا عايز التقط صورة من الشاشة مش عارف اعملها منين وشكرا

gemyyy

2014-12-20 (06:13:16PM)

سورى الكافر ب 60 مش 65

gemyyy

2014-12-20 (06:12:47PM)

بص يا ريس هو مافيهوش خاصيه السحب ده ومفيش حجب برده او يمكن انا معرفتش افعلها الله اعلم

gemyyy

2014-12-20 (05:38:07PM)

بص هو انا جبت الفون من دريم 2000 ب 1733 جنيه والاسكرينه الازاز من عنده ب 45 والكافر من عنده برده ب 65 وهو اللى بيلزقها هناك وبتفرق طبعا انها بتكون ضد الكسر فبتحمى الفون من الخدش ومن التطبيع عكس الاسكرينه العاديه ده غير انها بتبقى متينه

fatooha

2014-12-20 (04:04:17PM)

شكرا جزيلا لك اخى على كل تلك المعلومات وانا ان شاء الله ناوى اشتريه انا كمان بس عندى استفسارين هو فيه خاصية السحب بالاصبع للاتصال او ارسال رسالة هنا اخ انه يمكن تفعيلها من settings ثم contact ثم swipe to call or send sms .
وشئ اخر هل هو فيه حجب المكالمات المزعجة

midomoood

2014-12-20 (01:20:48PM)

شكرا لرد حضرتك..انا ان شاء الله هاشتريه :) ....بس السكرينه الازاز دى نظامها ايه؟.. يعنى بكام..,وانت اللى بتلزقها ولا ايه ... وايه الفرق بينها وبين السكرينه العاديه..شكر جدا لحضرتك :)

gemyyy

2014-12-20 (01:07:48PM)

بص يا معلم
1- بالنسبه للشاشه فالشاشه جميله جده ومافيههاش اى نوع من البهتان بالعكس وضوحها جمييل جدا وحت لو بتبصلها من زاويه شبه عموديه من الجنب بتبقى واضحه
2- انا جبت فى نفس الوقت اللى اشتريت فيه الفون جبت اسكرينه ازاز كويسه جدا وخامتها حلوه وكافر فمش عارف فكره الخدش ده بصراحه ايه نظامها
3- صوت الموبايل نفسه كويس لكن الرنه هى اللى صوتها واطى شويه ومجربتش لسه رنه من بره بس لسه هجربلها رنه
4- بالنسبه للحساسات هو مافيهوش حساسات اضاءه بس حساسات الكام قويه
5- بالنسبه للجوده سامسونج عندها خطين انتاج فى فيتنام والصين فانا اللى ريحنى نفسيا انه الخط الفيتنامى لان معظم اللى بينزل مصر صينى رغم ان المفروض كله مواصفات واحده بس بحس ان المتريال بتكون افضل فى الفيتنامى
6- انا دايما بمييل لالعاب الالغاز فده مش تقيله فعمرها ما علقت بالنسبه لساب واى برده مبتهنجش نهائى بس يدوب حاجه لحظتها ان داييما فى اول اللعبه بيبقى فى وقفه كده ثانيه او اقل وبعدها مافيش اى تهننيج لو قعدت عليها اليوم كله
7- مافيش اى تهنيج او اى سخونيه قابلتنى فى الفون نهائى لغايه وقتنا ده الحمد لله
بالنسبه لل s3 neo بصراحه مرتحتلهوش نفسيا وبسمع انه تقيل وبيهنج من البعض ده غير انى مبحبش سامسونج نهائى فكنت واخد قرار انى عمرى ما هجيب سامسونج بس الفون ده اقنعنى بصراحه وبالذات كراحه نفسيه
فى حاجه جديده فى الفون ده كله مبياخدش باله منها انه المعالج بتاعه فئه 64 بت وكورتكس a53 وده جديد فى الموبايلات ودهه بيديله سرعه اكبر من بقيت الموبيلات فى الاداء

بس برده انت اللى تقدر تحكم فهات اللى ترتاحله نفسيا

midomoood

2014-12-20 (12:21:42PM)

طب بعد اذنك فيه شويه اسئله ارجو حضرتك ترد عليها :)
1- فيه ناس بتقول ان الشاشه tft باهته وبتتخدش بسرعه ..ايه راى حضرتك
2- لو حطيت رنه من عدى هايكون صوتها مسموع وخصوصا ف المواصلات؟
3-صوت الاغانى والفيديوهات كويس ولا زى صوت الرنه ؟
4-هل فعلا الموبايل مافيش فيه حساسات خالص؟
5-عملت ايه ف ال cover والسكرينه؟
6-اشتريته بكام :)
7-هل فعلا جودة الموبايلات فى السعوديه احسن وارخص من هنا؟؟
8-جربت الالعاب ادائها ايه؟
9-فيه تهنيج او سخونيه مع الاستخدام؟
10-رايك الفرق بينه وبين ال s3 قليل ف الامكانيات.ولا اكمل واجيب ال s3 neo ؟
معلشى والله انا عارف انى تقلت عليك ..بس هى دى كل الاسئله اللى ممكن تتسالك تقريبا ..شكرا مقدما :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand Prime

مقارنة

Android
5.0″

5.0 بوصة
3G

2G / 3G
8 MP, 32...
2600mAh

Li-Po 2600 mAh قابلة للازالة

مزيد من المعلومات

الموبايلات

الفون جاااااااااحد

التسجيل بالموقع

دخول الاعضاء

معلومات سريعة عن Samsung Galaxy Grand Prime

Android

5.0″

3G

8 MP, 32...

2600mAh