هذا الموضوع مرتبط بـ Galaxy Grand I9082

بدون عنوان

kidguy26

2014-03-28 (01:41:35PM)

بقالي فترة مكتبتش هنا

أحب أقولكوا إني امبارح بلليل اتثبت في الشارع واتفتح عليا مطاوي والجراند اتاخد مني والمحفظة والفلوس ، بس اللاب توب مرضيتش أسيبه وربنا عماهم عنه الحمدلله !!!!

الوداع جراندي العزيز ، كانو 8 شهور معاك عشرة برضه

أي اقتراحات أجيب موبايل تاني كويس ؟

kidguy26

2014-03-29 (02:37:27AM)

ألف شكر يا جماعه والله علي التفاعل وال ( مواساه ) ، أنا حاسس إني بطل أصلا إني مسبتلهمش اللاب توب مع إن المطواه كانت مفتوحه والتهديد شغال بس أنا صممت إني مش هاسيب اللاب توب وكذا مره أقوللهم ( بالله عليك سيب اللاب توب ده مش بتاعي ده بتاع الشغل ) ، وأنا أؤمن تماما إن إسم الجلاله ( الله ) هو اللي خللاهم يغيروا رأيهم ويفكروا في حاجه تانيه زي الموبايل والفلوس ، وعلي فكرة اللاب توب عليه شغل 15 سنه في الشركة ، والله حاسس إني كنت بحافظ علي عيل من عيالي .

والغريب إني معايا بلاك بيري وده اللي لما باتكلم في الشارع وأنا ماشي باتكلم منه وعمري ما أطلع الجراند من جيبي أبدا في الشارع لإنه كبير وملفت ، إللا المره دي الوحيده إللي الموبايل ضرب ولاقيته واحد من الشركة فحلقتله ومردتش ودخلت الموبايل جيبي تاني ، المواوضع مأخدش ثانيتين كانو هما شافو الموبايل خلاص في إيدي ، والإحتمال التاني إنهم كانو ماشيين ورايا والله أعلم ، واحد زنق عليا من علي شمالي بباصله ولسه هازعقله أقولله ما تمشي عدل لاقيت واحد من علي اليمين بيجري ويشد اللاب من علي كتفي بس ربنا قواني وماتخطفتش في اللحظة دي ومسكت في اللاب ، بعد ما أخدوا الحاجه كذا واحد ظهروا في الشارع إللي يقوللي أخدوا منك إيه أقول الموبايل ألاقيهم بيسألوا غالي واللا رخيص وعملوا قال يعني هايجروا وراهم ، فتأكدت ساعتها إني دي عصابه كبيره ومتوزعين في الشارع رحت شاتمهم وماشي ، الحمدلله إعاصبي كانت كويسه مع إني طول عمري متخيل موقف زي ده لو حصللي حاهر ، بس ربنا ستر وكان جنبي ، ونعم بالله .

بالنسبه للتبليغ ، عايز أقول لحضرتك إن 3 من زمايلي في الشغل اتسرقت عربياتهم من قدام الشغل ، وده الشارع إللي قبل الشارع إللي أنا اتثبت فيه ، ولما راحوا يعملوا محاضر في قسم باب شرق أمين الشرطه قاللهم الحراميه هايتصلوا بيكوا ، والأوسخ قالولهم بلاش تحطوا أرقام موبايلات الحراميه اللي اتصلوا بيكوا منها في المحضر ، تفتكر لما أتكلم أنا علي موبايل هايحصل إيه ؟ ممكن أتحبس فيها ههه .

أنا ماقدرش أعيش من غير موبايل لأني كان عليه 1400 اسم وباتكلم فيها في الشغل أكتر من 70 أو 80 مكالمة في اليوم لإن طبيعة شغلي صعبه جدا معتمده علي النليفون والأيميلات ، لازم أشتري واحد بإذن الله في أسرع وقت ممكن ولازم يكون كويس أوي علشان يستحمل الشغط عليه ، غير إني بانزل عليه ألعاب تقيله جدا وبرامج كتير ، وللأسف الموبايل اتسرق والحاله المادية مش كويسه

النهارده قعدت 5 ساعات علشان أقدر أنقل ال 1400 اسم من حساب جوجل للبلاك بيري وأخيرا نجحت ولو إن كل حاجه اتنقلت 3 مرات ( يعني حوالي 5000 اسم دولقتي علي البلاك بيري ) !!

أنا كده بافكر في نوت 3 زي ما الغالي starstar2 ونا من نوع قبل ما شتري الحاجه باقتها بحث هنا وفي المواقع الأجنبية وأشوفه بعيني علي كل الفيديوهات علي اليوتيوب ، وفي نفس الوقت بافكر استني ال S5 سمعت إن هاينزل في إبريل وهايكون رخيص نسبيا احتمال مايعديش ال 5000 ، أهو أكمل بالبلاك بيري الكام إسبوع دول

معلش طولت عليكم جدا جدا وآسف علي الأخطاء الكتابيه ومنتظر أقتراحاتكم اللي هاتساعدني كتير

تصبحوا علي خير

starstar2

2014-03-29 (01:02:29AM)

kidguy26
تسلم يا كبييييير .....لو عايز تغيييير فعلا يبقي خليك ف اللوميا بس لو مش واخد على الويندوز فون هيبقي رخم معاك ف الاول ..انا من وجهه نظرى النوت 3 جهاااز جبااااااااااااااااااااااااااار بمعنى الكلمة لإنه كان مع واحد صحبى و وقلبت فيه وشوفت اوبشاناته....
alhoseny
ههههههههههههههه يا كبير الراجل كان طالب اقتراح وانا قولت إقتراحى ....على العموم قدر الله ما شاء فعل ...

kidguy26 نصيحة اعمل محضر ف القسم بسرقة التليفون وهيتحفظ ف النيابة وبعد كده اعمل تظلم من قرار الحفظ للمحامى العام وتتطلب من النيابة الإستعلام من شركات المحمول ف حالة وضع أي خط ف التليفون وبلاش تسيب المشوار كده يعدي ومش هاتخسر حاجة...

ramygamal

2014-03-29 (12:53:44AM)

الف سلامه عليك.... فداك 100 موبايل المهم انت كويس
بكرة تجيب احسن منه 100 مرة
كنت بالعربيه ولا ماشى على رجلك

kidguy26

2014-03-28 (11:30:14PM)

أنا اتثبت في الإسكندرية عند الإستاد ..

alhoseny

2014-03-28 (10:16:37PM)

انت اتثبت فين ياباشا

alhoseny

2014-03-28 (10:14:13PM)

حمد لله علي سلامتك
starstar2
الراجل بيقولك اتثيت تقولو هات نوت3 ب 5الاف هو انت عايزة يجيبة علشان تثبتة انت كمان انصحك الفترة اللى احنا فيها دى تجيب حاجة حنينة ويكيفيك شر سكتك

kidguy26

2014-03-28 (04:21:43PM)

عزيزي Starstar2

ألف شرك علي ردك الجميل يا غالي ،

النوت 3 واللا ال S4 واللا أوف نوكيا لوميا ؟

محتاج تغيير جذري بصراحه في الموبايل ، طالما الواحد مضطر يشتري يبقي يجيب حاجه كويسه

النكته إني كنت رايح بكره أشترك في الجزيرة علشان كاس العالم ، ولكن خلاص كل شئ ضاااع ، الفلوس مش هاتكفي كل حاجه

starstar2

2014-03-28 (04:14:04PM)

kidguy26
ربنا يعوض عليك وحمد لله علي سلامتك قبل كل شيئ.... فداك التليفون يا كبييييير .......لو الامكانيات تسمح اتوكل علي الله فى النوت 3 جهاز فعلا يستحق الإحترام والتقدير ...

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand I9082

مقارنة

Android
5.0″

5.0 بوصة
3G

2G / 3G
8 MP, 32...
2100mAh

Li-Po 2100 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Grand I9082

Android

5.0″

3G

8 MP, 32...

2100mAh