ممكن الرد ضورى

للرجوع الي صفحة سامسونج Galaxy Grand I9082 الرئيسية اضغط هنا

speedx

2014-03-27 (05:44:34PM)

لو سمحت انا عاوز اشترى الجراند وعاوز اعرف اخبار الكاميرا والصوت والبطارية وبيسخن وبيهنج ولا لا ولو فية حاجة احسن فى نفس السعر قولولى عليها عشان نازل اشترية كمان يومين ان شاء الله

woundeddark

2014-03-27 (08:19:13PM)

جهاز مقرف البطاريه زفت والتهنيج وحش اوى

starstar2

2014-03-28 (02:35:31AM)

speedx
بالنسبة للكاميرا والصوت ممتاز ممتاز وللبطارية جيدة جدا وده علي حسب استخدامك للجهاز ومعروف اي جهاز اندرويد بيستهلك البطارية ده اساسي في اي اندرويد...اما للسخونه ما فيش سخونه علي الاطلاق ..وأخيراً بالنسبة للتهنيج التهنيج خفيف جدا جدا وبيحصل لما تكون الرامات علي الاخر وده الطبيعي في اي جهاز اندرويد عشان كده كل لما كان الرامات اعلي فهيكون اداء الجهاز افضل ...لو عايز جهاز بخطين أتوكل علي الله واشتريه ....

kidguy26

2014-03-28 (01:41:09PM)

بقالي فترة مكتبتش هنا

أحب أقولكوا إني امبارح بلليل اتثبت في الشارع واتفتح عليا مطاوي والجراند اتاخد مني والمحفظة والفلوس ، بس اللاب توب مرضيتش أسيبه وربنا عماهم عنه الحمدلله !!!!

الوداع جراندي العزيز ، كانو 8 شهور معاك عشرة برضه

أي اقتراحات أجيب موبايل تاني كويس ؟

speedx

2014-03-28 (04:05:27PM)

شكرا يا ستار على الرد انا هشترية ان شاء الله وهقولكم على تجربتى مع الجهاز

ADAWYA

2014-03-28 (07:32:18PM)

مبروك عليك الجراند إشتري وأنت مطمن يا كبير كاميرا 8 ميجا حكاية في التصوير والبطارية عادية زي أي موبيل سامسونج وعلي حسب إستخدامك هتقعد معاك يومين من غير نت مرتاح أوي لكن لو نت وكده هتكمل معاك يوم بالعافية أكيد زي أي موبيل ومفيش سخونية نهائي .. وبالنسبة للتهنيج بسيط جداً جداً وتقدر تقول معدوم بالنسبة لكمية الأبليكيشنز اللي عليه وهقولك علي كام طريقة إتعلمتهم من الناس الأعزاء هنا ومن اللف في المواقع خليت الموبيل صاروخ :D

speedx

2014-03-29 (05:58:44PM)

شكرا يا ADAWYA باشا على الكلام الحلو دة وانا هجيب الجراند الاسبوع دة ان شاء الله واكلمك تقولى على الطريقة يا ريت تبعت ميلك الفيس او الياهو عشان اكلمك علية لما اجيب الموبايل ان شاء الله

تلك الخدمة مخصصة للأعضاء فقط