بدون عنوان
للرجوع الي صفحة سامسونج Galaxy Grand I9082 الرئيسية اضغط
هنا
ginger
2013-10-09 (03:07:40AM)
لو سمحتوا انا عايز اشترى الموبايل ده وعارف ان الدولة المصنعة مش مشكلة المهم انه من سامسونج بس جهاز الجراند خصوصا عليه كلام كتير عن الدولة المصنعة مش عارف ليه ناس بتقول الفيتنامى هو الاصلى وبعد كده نزل الصينى وناس بتقول لا الفيتنامى اكتشفوا فيه ان الوان الشاشة بتضعف بعد وقت من الاستخدام عشان كده نزلوا الصينى
مش عايز اطول عليكم ياريت اللى معاه الموبايل يقولى صناعته ايه(صينى ولا فيتنامى) واخبار تهنيجه والوان شاشته اخبارها ايه عشان انا محتار جدا وكمان انهى اشيك الاسود ولا الابيض
مش عايز اطول عليكم ياريت اللى معاه الموبايل يقولى صناعته ايه(صينى ولا فيتنامى) واخبار تهنيجه والوان شاشته اخبارها ايه عشان انا محتار جدا وكمان انهى اشيك الاسود ولا الابيض
kidguy26
2013-10-09 (03:33:53AM)
التصينع الصيني بيتباع في الدول الأوروبية والفيتنامي في الدولة إللي زينا كده
الألوان جميلة ومفيش أي مشكلة فيها ، مشكلته الوحيده إنه 800 × 480 بكسل وده أقل من S3 أو S4 ولكن لو محطتش الموبايلين جنب بعض مش هاتاخد بالك من أي فروق .
الألوان جميلة ومفيش أي مشكلة فيها ، مشكلته الوحيده إنه 800 × 480 بكسل وده أقل من S3 أو S4 ولكن لو محطتش الموبايلين جنب بعض مش هاتاخد بالك من أي فروق .
ginger
2013-10-09 (03:43:51AM)
حبيبى والله تاعبك معايا ياباشا بس اسمحلى الصينى موجود فى مصر وشوفته فى محل فى المهندسين made in china by samsung وقالى الفيتنامى مش موجود وهييجى قبل العيد
عشان كده انا محتار اى صناعة احسن خصوصا ان ناس كتير بتقول الصينى وناس بتقول الفيتنامى هو الاصلى وناس بتقول made by samsung من غير اسم البلد المصنعة هو الكورى الاصلى وناس بتقول لا ده مش مضمون
ياريت تقدر تفيدنى افضل صناعة ايه بالترتيب لسامسونج مع العلم ان المحل ده فيه الصينى والتانى وهيجيب الفيتنامى يعنى عنده الثلاثة
عشان كده انا محتار اى صناعة احسن خصوصا ان ناس كتير بتقول الصينى وناس بتقول الفيتنامى هو الاصلى وناس بتقول made by samsung من غير اسم البلد المصنعة هو الكورى الاصلى وناس بتقول لا ده مش مضمون
ياريت تقدر تفيدنى افضل صناعة ايه بالترتيب لسامسونج مع العلم ان المحل ده فيه الصينى والتانى وهيجيب الفيتنامى يعنى عنده الثلاثة
kidguy26
2013-10-09 (03:52:29AM)
تؤمر يا غالي ، هارد عليك وادخل أنام بقي علشان نلحق الشغل الصبح :)
لو لاقيت الكوري يا سلام ، حد طايل ؟ ماهو السامسونج أصلا كوري ، يعني ده الأصلي بس أشك جدا في معلومة إنه موجود في مصر أصلا .
الصيني أنضف وده بيتباع في أوروبا زي ما قولتلك ، الفيتنامي ده بقي بيتباع للدول الغلبانه
أنا علشانك أهه فتحت الموبايل بتاعي ومكتوب عليه ( Made in Vietnam by Samsung ) وزي الفل معايا أهه ،
لما تيجي تشتري المحل هايديك العلبة مقفوله ، إسأله ده كوري واللا صيني واللا فيتنامي ، ولما يرد عليك إفتح بقي الموبايل واقلبه علي ضهره وهاتلاقي مكان البطارية من جوه الموبايل مكتوب عليه صناعه إيه .
لو لاقيت الكوري يا سلام ، حد طايل ؟ ماهو السامسونج أصلا كوري ، يعني ده الأصلي بس أشك جدا في معلومة إنه موجود في مصر أصلا .
الصيني أنضف وده بيتباع في أوروبا زي ما قولتلك ، الفيتنامي ده بقي بيتباع للدول الغلبانه
أنا علشانك أهه فتحت الموبايل بتاعي ومكتوب عليه ( Made in Vietnam by Samsung ) وزي الفل معايا أهه ،
لما تيجي تشتري المحل هايديك العلبة مقفوله ، إسأله ده كوري واللا صيني واللا فيتنامي ، ولما يرد عليك إفتح بقي الموبايل واقلبه علي ضهره وهاتلاقي مكان البطارية من جوه الموبايل مكتوب عليه صناعه إيه .
ginger
2013-10-09 (04:12:42AM)
انا زيك شكيت برضه ياباشا لانه ارخص واحد فيهم ومكتوب عليه made by samsung
هو حاليا عنده الصينى وكان هيجيبلى الفيتنامى مخصوص لكن بماانى فهمت منك ان الصينى افضل يبقى مش هستنى هروح اجيب الصينى لان بصراحة بعت المينى تو وقاعد ب e250 مش قادر اتحمله
ميرسى لردودك ياباشا مع انك نسيت تقولى اى لون افضل الاسود ولا الاببض بس مش مشكلة
هو حاليا عنده الصينى وكان هيجيبلى الفيتنامى مخصوص لكن بماانى فهمت منك ان الصينى افضل يبقى مش هستنى هروح اجيب الصينى لان بصراحة بعت المينى تو وقاعد ب e250 مش قادر اتحمله
ميرسى لردودك ياباشا مع انك نسيت تقولى اى لون افضل الاسود ولا الاببض بس مش مشكلة
kidguy26
2013-10-09 (10:47:54AM)
بدون منازع الأسود أفضل للرجاله والأبيض أفضل للبنات
أنا لما اشتريت الجراند ملقيتش غير الأبيض ومرضيتش أجيبه إللا لما لقيت الأسود .
أنا لما اشتريت الجراند ملقيتش غير الأبيض ومرضيتش أجيبه إللا لما لقيت الأسود .
ginger
2013-10-10 (06:35:41AM)
يبقى كده الاسود يكسب توكلنا على الله ياصاحبى
انا هجيب الموبايل ده عشان حاسس انه مضطهد باسلوب غريب من معظم الناس بالرغم كل اللى معاهم بيشكروا فى امكانياته جدا
واكيد هقولك رأيى فيه
انا هجيب الموبايل ده عشان حاسس انه مضطهد باسلوب غريب من معظم الناس بالرغم كل اللى معاهم بيشكروا فى امكانياته جدا
واكيد هقولك رأيى فيه
kidguy26
2013-10-10 (09:43:50PM)
بالتوفيق يا غالي ومنتظر رأيك فيه بعد ما تشتريه ، ولو في أي حاجه أنا معاك
ginger
2013-10-17 (04:18:56AM)
والله ياباشا مش عارف اشكرك ازاى انت وhamoza 2008 لان انتم الاتنين ساعدتونى وخلتونى اشيل ترددى وكان عندكم حق الموبايل حقيقى روعة
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Samsung Galaxy Grand I9082
-
Android
-
5.0″
5.0 بوصة -
3G
2G / 3G -
8 MP, 32...
-
2100mAh
Li-Po 2100 mAh قابلة للازالة