بدون عنوان

للرجوع الي صفحة سامسونج Galaxy Grand I9082 الرئيسية اضغط هنا

Takki

2013-10-01 (06:22:23PM)

معلش يا جماعة انا لية كام سؤال عشان انا قلقان بصراحة
انا عايز اجيب الجراند بس شايف ناس كتير جدا بتتكلم عن 3 حاجات
هي ان الشاشة الروزليشن في الضياع والشاشة الوانها في الضياع وتاني حاجة ان الكاميرا نفس الشئ وتالت حاجة بعد تحديث الجيلي بين 2 الجهاز بيهنج وبيهيس كتير والبطارية بتخلص بسرعة جدا انا كان معايا اكسبريا اس اول ما نزل والناس بردو هنا كانو بيقولو ان التاتش في الضياع ومصدقتهمش واشتريتها وفعلا كان زراير التاتش في الضياع
فانا قلقان دلوقتي وقدامي اني اشترية ضمان دولي ب 2350 اية رايكم دولي ولا عادي
فياريت لو حد فاهم كويس جدا جدا في الموضوع دة يرد علية
ويقولي المميزات والعيوب بمنتهي الامانة وشكرا

Midonew

2013-10-01 (07:19:59PM)

بص انا معايا الموبايل اولا الشاشة الروزليشن فعلا قليلة لكن بالنسبه لينا احنا او بالنسبة للعين العادية مش هتحس بان الشاشة وحشة خالص هتحسها عادية بالنسبة للكاميرا فالكاميرا بتاعته حلوه جدا مين اللى قالك انها وحشة ؟!! احسن بكتير من كاميرا N8 مع انه كاميرا N8 12 ميجا انا محدث الجهاز لجيلى بين 2 وشغال معايا زى الفل اما بالنسبة للبطارية فصحيح انها بتخلص بسرعة و على فكره ده مشكلة فى كل موبايلات السامسونج مش فى جراند بس بس الاس ادفانس احسن فى البطارية من جراند فعلا و انا جايبه من عندنا فى فيصل ب 2275 بس :)

kidguy26

2013-10-01 (08:33:53PM)

الشاشه البيكسلز بتاعتها وحشه لما تقارنها ب s3 أو s4 ، بس إحنا متفرقش معانا ولما تبص بنفسك بدون أي مقارنات هاتعجبك الألوان ، الكاميرا بتاعتها جامدة جدا مش عارف مين قال وحشه ؟!!

بالنسبه للتاتش ده بالذات مفيش تعليق عليه ، أنا بعد الأبديت للجيلي بين 4.2.2 حاسس إن الجهاز بينفذ الأوردر قبل مالمسه أصلا

عندي سؤال للأخ Midonew ، هو إنت بعد التحديث ده بقي في بطئ بيحصل ساعات لما تفتح الـ contact list ( ساعات مش علي طول ) وال Gallery بتاعت الصورة بتاخد وقت أطول في الفتح معاك ؟!!

hamoza2008

2013-10-01 (09:50:00PM)

الموبايل جودة الشاشة مش وحشة زى ما الناس بتقول الشاشة تعتبر معقولة جدا الالوان والفيديوهات والصور كويس بس مش هتتقارن بل s4 اكيد لكن هى مش سيئة

والكاميرا بتاعت الجراند تحفففففففة انا مجربها صور وفيديوهات كفايا انها بتصور فيديو 1080 HD

والتاتش بتاعة روعة مفهوش ادنى مشكلة نهائى

وحكاية البطارية دى فعلا هو بيخلص بسرعة بس زية زى اى سمارت فون حتى ال s3 نفس الحكاية

يمكن الجرند اكثر حاجة بسيطة بس لانة شغال بشريحتين فلاستهلاك اكثر

وانا لسة محدثتش للاصدار 4.2.2

starstar2

2013-10-03 (12:18:31AM)

يا باشا متسمعش كلام حد غير اللي معاه الموبايل ده ..انا معايا التليفون من فترة التليفون ما شاء الله عليه العيب الوحيد اللي فيه بالمقارنه بالس 3 او 4 او النوت هو نقاء الشاشة فقط لا غير والشاشة مش وحشة الشاشة بتاعته جيدة جدا وليست ممتازة اما التاتش فهو ممتاااااااااااز وما فيش تهنيج خالص نهائى والبطارية اي هاتف ذكى بطاريته بتخلص بسرعة وبرده ده علي حسب استخدامك للجهاز انا حليت مشكلة البطارية واشتريت باور تانك للطوارئ بقدرة 5200 امبير يعني يشحن بطاريتي حوالي 3مرات الا ..... اما الكاميرا فهى ممتازة جدا جدا ..خليك في الضمان المحلي وهاتوا من حد مضمون وليه اسم عشان في كتير خطوط انتاج بيكون فيه مشاكل وده علي كل الاجهزة .....وتوكل علي الله لو ناوا وماتخفش من اي حاجة وربنا يباركلك فيه ..

hamoza2008

2013-10-03 (05:51:18PM)

ياريت يا starstar2 تقولى الباور تانك دة بكام وهل هو بيشحن اى موبايل ولا مخصوص للجراند وياريت لو صورة لة :)

Midonew

2013-10-04 (12:40:37AM)

kidguy26
بالنسبة لل contact list مفيش تهنيج عندى فيها خالص بتشتغل زى الصاروخ اما ال gallery فعلا ساعات الصور بتطول فى الفتح و لما بيعمل install لبرنامج جديد و انا مشغل برنامج بيهنج و الانوار بتطفى ساعات.

تلك الخدمة مخصصة للأعضاء فقط