بدون عنوان

للرجوع الي صفحة سامسونج Galaxy Grand I9082 الرئيسية اضغط هنا

MASH3AL

2013-07-21 (02:01:45AM)

الموبايل معايا لغايت الوقتى بقاله اكتر من 3 أسابيع وداخل ع الشهر .. من خلال الفترة دي .. أنصح أي حد بيه .. أولا شاشته واضحة جدا مش بالسوء اللى الناس بتتكلم عنه ده .. "هتحس بالفرق بس لو انت استخدمت موبايل شاشته جودتها عالية قوي قبل كده" .. ثانيا يعتبر مفيش تهنيج حتى لو حملت تطبيقات كتيرة يعنى انا مثلا محمل فوق الـ 120 تطبيق ولعبة ومفيش تهنيج في الألعاب وكل البرامج شغالة " اللى ممكن تسميه تهنيج لما تعمل بس clear memory وترجع للشاشة الرئيسة بياخد ثانية بس علشان يرجع .. ده جزء التهنيج بس اللى فيه" .. وكمان بالرغم من ان لعبة subway مش متوافقه معاه ومتقدرش تحملها من البلاي ستور .. الا انك لو جبتها من حد صاحبك بتطبيق share my apps مثلا او من ع النت هتشتغل زي الفل بدون أدنى تهنيج ودي حاجة استغربتلها .. ده غير ان الجهاز فيه مميزات كتيرة هتعرفها لو اتفرجت على اي full review ليه ع اليوتيوب .. واسف ع الاطالة

Pop85

2013-07-21 (02:28:08AM)

اولا مبروووووووووووووك ثانيا انت متطولتيش ولا حاجة اشجيني كمان :D هو في ابديت نزل للموبايل ولا هو الاندرويد اللي جه بيه بس حاجه تانية التاتش سريع ولا بطيء يعني مجرد لمسة خفية ولا تقيله شوية وياريت توضحلي عشان دي مهمة بالنسبالي وياتري جودة الكاميرا ايه فعلا 8 ميجا بكسل اصل انا معايا اكسبريا كاميرا بتعته 8 تحفة HD فلو دي اقل في الجودة ومش حلوة اووي هحس بالفرق اوووووي وحاجة تانية بعد اذنك الالعاب والبرامج مش بتنقل علي الميوري كارد ؟ ولا ممكن انزلها برنامج App 2 sd اللي بينقل البرامج علي الميوري وجبتة بكام ومنين ؟ وشكرا ياكبير :)

MASH3AL

2013-07-21 (04:03:07AM)

لأ منزلوش أبديت رسمي لسه بس هينزل قريب .. فيه رومات وكده بس مجربتهاش ومحدش بينصح بيها .. التاتش بتاعه سريع جدا ومش تقيل خالص لدرجة ان ساعات مثلا لو بكتب رقم او بكلم حد شات ممكن يكتب الرقم من غير ما المس الموبايل كمان يعنى حساس جدا .. وكاميرته عاجباني جدا هي نفس جودة s3 بالظبط .. حكاية النقل ع الـ sd مجربتهاش علشان لسه الميموري متملتش عندي بس قرأت ان التحديث الجديد هينقل ع الـ sd عادي .. جبته بـ 2385 بعد الفصال من غير ضمان :D .. من دمياط - ميدان سرور

Pop85

2013-07-21 (04:55:00AM)

شكرا ياباشا علي الرد ومبروك عليك وربنا يبارلك فيه ابقي هاتله الاسكرين برودكتيور عشان الشاشة مش مقاومة للخدش عشان تحميه :)

MOSHAKEES

2013-07-23 (05:07:46AM)

تمام انت كدا لمييت محتوى الفون كله
من الاخر الفون تحفه ومتسمعش لحد يقلك انه وحش ....
سؤال بقى تليفونك صناعته ايه ....

MOSHAKEES

2013-07-23 (05:09:56AM)

والبطاريه عامله ايه معاك .... بتقعد اد ايه فى الوضع العادى اللى بترد وبتشتغل عليه خفييف
و لما بتكون فاتح نت وجيمز وكدا بتقعد اد ايه كدا تقريبا

MASH3AL

2013-07-25 (01:15:52AM)

صناعته فيتنامي .. بالنسبة للبطارية لو استخدام خفيف مش هتخلص بسرعة ممكن تقعد من يومين لتلاتة .. لو نت والعاب وكده هو يوم بالكتير :D .. مع العلم اني بستخدم شريحة واحدة مش حاطط شريحتين .. ولو شريحتين اكيد بتسحب اكتر

تلك الخدمة مخصصة للأعضاء فقط