بدون عنوان

للرجوع الي صفحة سامسونج Galaxy Grand I9082 الرئيسية اضغط هنا

amrmovie

2013-06-13 (07:49:13AM)

الموبايل ده شكله فيه كام جهاز منه بيهنج يعنى مش كل الاجهزه زى مثلا S duos الفاشل

انا معايا الموبايل و شغال بيه MP3 و افلام و العاب و ما هنجش منى ولا مره . هو بس اوقات افتح القائمه الاقيها بطيئه بس لما افرها مرتين بتبقى انسيابيه

و واحد صاحبى معاه نفس الموبايل و فاحته نت و واتس اب و معندوش اى مشكله

مميزاته من وجهة نطرى

1- الشاشه ممتازه جداااااااا و مش زى ما كل الناس كاتبه انها مبكسله و الوانها جميله جداا و هادئه

2- الكاميرا فوق الممتازه خصوصا فى الفيديو و كمان زاوية التصوير اوسع من كاميرا S2 و موجود فيها خاصبة best photo

3- صوت المكالمه نقى و عالى

4- موجود فيها كذا خاصيه حصريه ل S3 مثل S voice و best photo

عيوبه من وجهة نطرى

1- ثقيل الوزن 160 جرام

2- صوت نغمة الرنين واطى شويه و م حتاج يبقى اعلى شويه و كمان اول ما حد يرن عليك تلاقى النعمه واطيه لمدة ثانيتين و بعد كده تبقى عاديه

من الاخر كل اللى خايف يجيبه عشان التعليقات كاتبه انه بيهنج و تصوير الكاميرا مش كويس يتكل على الله و يجيبه عشان من تجربتى الشخصيه الموبايل مفهوش اى مشكله مما سبق

newworld

2013-06-13 (01:28:18PM)

بالنسبة للشاشة فهى مبكسلة فعلا وده بيان لان الشاشة فيها 187 ppi للانش مش اكتر وده قليل جدا الاس ادفانس والاس 3 مينى فيهم 233 وحجمهم اصغر ولو عايز تشوف البكسالة واضحة اوى اعمل زووم للشاشة
بالنسبة للكاميرا فهى ممتازة فو وضع النهار فى الليل ربنا مايوريك
صوت المكالمة فعلا حلو
بالنسبة للتهنيج فهوا فعلا بيهنج لكن مش عند كل الناس بس 90% من الى جابوه اشتكو من التهنيج
الوزن مش تقيل لكن الحجم هو الى ممكن يكون مشكلة عند بعض الناس
صوت النغمة يعتبر عالى والناس بتشكر فيه شوف نغمتك يمكن هى اصلا واطية وبالنسبة لاول ثانيتين فده بيحصل فى كل موبايلات سامسونج من ايام ماسمسونج قالت يا موبايلات

patti

2013-06-13 (03:16:05PM)

الجهاز مع واحد صاحبى وبيهنج فى الاتصال فقط يعنى لما يرد على مكالمة او يقفل بعد المكالمة لدرجة إنه ممكن يعمل ريستارت وانا لاحظت الكلام ده بنفسى بس اشتغلت عليه إنترنت وكان جميل جدا

newworld

2013-06-13 (04:55:03PM)

باتى كلامك صح ولكن جربى انك تفتحى اى شات من على الجراند وانتى هاتشوفى العجب
ولا جربى تفتحى الفيس بوك وتعملى شات

abosalah

2013-06-13 (05:15:42PM)

موضوع بكسلة الشاشه مستحيل تلاحظوا خالص

newworld

2013-06-13 (06:03:38PM)

متقولش بس مش ممكن تلاحظوه اعمل كده زووم لاى صورة وامسك اى موبايل تانى وليكن الاس ادفانس مثلا وشوف الفرق الرهيب

amrmovie

2013-06-14 (07:39:47AM)

مش لازم اقارن الشاشه بشاشه super amoled لان المقارنه ظالمه

انا جبت صفحة نت و عملت زووووم على اعلى درجه و الحروف مش مبكسله

انا ماليش دعوه بالارقام المكتوبه اهم حاجه الرؤيه العمليه

patti

2013-06-14 (12:09:02PM)

newworld
انا بالفعل فتحت عليه فيس بوك بصراحة كان شغال كويس جدا مش فيه أى مشاكل

newworld

2013-06-15 (12:34:26PM)

بالنسبة للصورة مش هاتظهر الا لم تلتقطها ع الموبايل لان الريزليوشن فى الكاميرا فى اخر لحظة قبل الالتقاط بيبدا يظهر
ثانيا الزووم بيكون بعد الصورة مش قبل الصورة وازاى الحروف هتبسكل يعنى؟
باتى جربى الفيس بوك شات مش تصفح هاتلاقى ان انتى بتكتبى والكيبورد زى ماهى مبتتحركش او بتتحرك بطئ يعنى مثلا تكتبى كلمت
السلام عليكم
تخلصى وتبصى على الكيبورد تلاقى هو لسه بيكتب عليكم ومهنج وديه تظهر فى الشات الكتير يعنى مش تفتح تكتبى السلام عليكم وتبقى جربتى ادائه

تلك الخدمة مخصصة للأعضاء فقط