بدون عنوان

للرجوع الي صفحة سامسونج Galaxy Grand I9082 الرئيسية اضغط هنا

si2007

2013-03-22 (07:48:59PM)

خبر للإفادة :
الجراب ولزقة الشاشة اشتريتهم النهاردة من عند التميمى وسط البلد .

seemo

2013-03-22 (08:17:59PM)

واخبار وضوح الشاشة معاك ايه ؟ الالوان حلوة ورايقة ولا الشاشة سيئة ؟

a7mad7amza

2013-03-22 (09:50:11PM)

بكــــــــــــــــــــــــــــــــام

si2007

2013-03-22 (10:05:24PM)

بيبيع الجراب بـ 35 جنيه وكذلك اللزقة 35 جنيه اجمالى سبعين جنيه للإثنين

أما بالنسبة لوضوح الشاشة ، لسه لحد دلوقتى ما ابتديتش أتعامل معاه لأن ناس نصحونى بشحن البطارية لمدة ست ساعات قبل التشغيل وأنا لسه سايبه فى الشاحن ولم أبدأ .

هأبلغكم برأيى فى الشاشة لما أبدأ أشتغل فيه ان شاء الله.

seemo

2013-03-22 (10:15:56PM)

اوك واحنا في انتظار تقرير عنه لو فيه عيوب تانية غير موضوع الشاشة

si2007

2013-03-23 (01:59:48AM)

على عكس ما توقعت ، الشاشة جيدة جدا (حتى الآن)
الشاشة نقية وألوانها حلوة و تركيز الصور جيد جدا (بالرغم من ان الريزوليوشن 480x800)
أيضا الصوت عالى مثل الموبايلات الصينى وهذا شئ لم نعهده فى السامسونج من قبل
والموبايل يوجد به حساس للضوء لتعديل درجة الإضاءة اوتوماتيكيا طبقا لإضاءة الغرفة

الحمد لله حتى الآن لم يقابلنى عيوب ، ويبدو أن الجراند جهاز جيد

seemo

2013-03-23 (08:31:00AM)

شكرا ليك كتير
ردك طمني :)
عموما لو اكتشفت حاجة جديدة قلنا

si2007

2013-03-24 (01:28:18AM)

بعد يوم من استخدامى للموبايل - ملحوظات أخرى :
الرامات جيجا ولكن المقروء منها للمستخدم 804 ميجا
أيضا التخزين الداخلى 8 جيجا لكن المتاح منها للمتسخدم 4.04 جيجا (أعتقد بسبب حجم الأندرويد)
وأرى أن هذه لا تمثل مشاكل لأنها أمور طبيعية
أيضا الموبايل به مميزات عالية موجودة فى الإس ثرى مثل :
1- مراقبة وجه المستخدم لكى لا يطفئ الشاشة طالما أن المستخدم ينظر اليه.
2- بمجرد استحضار اسم شخص أو رسالة واردة من شخص ، عندما تقوم بتقريب التليفون من الأذن يقوم التليفون بالإتصال تلقائيا بهذا الشخص .
3- عند وضع التليفون على وجهه (على الشاشة) يتحول للوضع الصامت (طبعا كل هذه خصائص يمكن تشغيلها وايقافها حسب رغبة المستخدم )، ولكن لا أنصح بإستخدام هذه الخاصية دون غلاف حماية للشاشة أو جراب يرفع مستوى الشاشة عن المنضدة حتى لا تنخدش الشاشة.
4- يوجد به العديد من أوامر الحركة.

مازلت عند قولى ان الشاشة حلوة وليست رديئة ، ولكن لو زادت عدد البكسلات كانت ستكون أروع . فالشاشة بالطبع ليست فى قدرة الـ S3 ولكنها فى رأيى ليست سيئة.

فى المجمل الجرند موبايل عالى ومحترم (حتى الآن : ) )

تمنياتى لكم بالتوفيق

seemo

2013-03-24 (08:40:38AM)

شكرا يا زعيم على الافادة :) ومبروك عليك الجراند :)

sheryehab

2013-03-24 (11:23:47PM)

البطارية اخبارها اية بتاعة الجراند و هى اجسن ولا بطارية اس 3

si2007

2013-03-25 (01:41:46AM)

الله يبارك فيك يا Seemo ، وبالنسبة لسؤال Shery Ehab عن البطارية ، فهى جيدة ، قعدت معايا حوالى يوم ونصف وأعتقد انها ممكن تدوم ليومين او أكثر مع الإستخدام المعتدل للجهاز ، بس أنا علشان شارى الجهاز جديد أكيد الإستخدام فى أول يومين بيكون كثيف.
لم يكن معى الإس ثرى سابقا ، لكن أعتقد ان بطارية الجراند بتستمر لوقت أطول من الإس ثرى فى ظل معرفتى لبطارية الإس ثرى ممن يحملونه من أصدقائى .