لكل اللى بيقارن بين الجرند 2 و S3

للرجوع الي صفحة سامسونج Galaxy Grand 2 الرئيسية اضغط هنا

mazmaz

2014-12-25 (04:37:41PM)

انا استعملت الاس ثرى 9300 الاصلى مش النيو اللى بينزل دلوقت و معايا حاليا الجراند 2 و اقدر اقول ان الجراند 2 يتفوق فى الشاشة و الرامات و البطارية و الصوت و الاس ثرى يتفوق فى البروسيسور و كارت الشاشة و الكاميرا و لكن بنسب بسيطة جدا يعنى لو فى مجال الشاشة اقدر أدى الجراند 2 9 من 10 و أدى الاس ثرى 7 من 10 و فى مجال الكاميرا ادى الاس ثرى 9 من 10 و ادى الجراند 2 8 من 10 و فى مجال الصوت ادى الاس ثرى 7 من 10 و ادى الجراند 2 9 من 10 و فى مجال الرامات ادى الجراند 2 10 من 10 و ادى الاس ثرى 6 من 10 و ده تقييمى و بلاش مبالغة لان الجراند 2 جهاز محترم جدا و أثبت وجوده فى السوق المصرى و خاصة انه بشريحتين و يعتبر من افضل الموبايلات اللى بشريحتين فى السامسونج و اى كلام عن ان الكاميرا مش كويسة او التهنيج الزيادة يبقى حالات فردية و سوء تعامل مع الجهاز او عدم خبرة باعدادات و تظبيط الجهاز و ده رأيى بتجرد و صراحة و شكرا

amrmovie

2014-12-26 (01:28:25PM)

بذمتك شاشة الجران 2 احسن ؟

mazmaz

2014-12-26 (02:28:00PM)

اي و الله احسن و الدليل علي كده خش علي اليوتيوب و اكتب superamoled vs tft او vs ips و انت تعرف مدي رداءة شاشات ا لاموليد اللى الوانها مش مظبوطة و اضاءتها ضعيفة و عمرها نصف عمر باقى انواع الشاشات يعني لو انت من اللى بيستخدم الشاشة كتير عن 5 ساعات يوميا يبقى تقول على شاشتك يا رحمن يا رحيم بعد سنتين تقريبا هتلاقيها بهتت و بقى فيها خطوط مش بتتشال و الكلام ده عارفينه اللى شغال فى المستعمل

amrmovie

2014-12-26 (07:24:16PM)

هو اه اضائتها اضعف شويه بس الوانها روعه عن الجراند 2 اللى الوانه بهتانه

بالنسبه لعمرها القصير انا معايا S2 بقاله امتر من سنتبن و الوانه هى هى

mazmaz

2014-12-26 (08:30:12PM)

على فكرة الوان الجراند 2 مش بهتة ولا حاجة و لكن الوان السوبر اموليد هى اللى فاقعة جدا جدا بطريقة وحشة و مسالة بهتان الشاشة او نهايتها بتبقى حسب الاستخدام يعنى الاس 2 اللى بقاله اكتر من سنتين اكيد مش بتشغل شاشته اكتر من 4 ساعات فى اليوم و الا كان كلامك و انطباعك عنه اختلف و ده عن تجربة و لو سامسونج كانت عملت الجراند 2 بشاشة سوبر اموليد انا مكنتش هشتريه

amrmovie

2014-12-28 (10:12:30AM)

لو السوبر اموليد وحشه و كلها مشاكل مكانتش سامسونج عملت كل موبايلات الفئه الاولى بالشلشه دى و تخسر سمعتها

mazmaz

2014-12-28 (03:23:34PM)

للأسف سامسونج بتضحك على الناس علشان السوبر اموليد الوانها فاقعة و فيه ناس بتتبسط بالالوان الفاقعة لكن لو عملت اللى قلتلك عليه و فتحت اليوتيوب و شفت الريفيوهات اللى على السوبر اموليد مش هتشيل موبايل شاشته سوبر اموليد تانى و لدرجة ان lg فى احدى المناسبات الدولية و عروض الموبايلات الحديثة كانت بتتباهى بان شاشات موبايلاتها ips لان الوانها دقيقة مش فاقعة و عمرها الافتراضى ضعف عملا شاشات السوبر امولسد و تقدر تتأكد من الكلام من مصادره

amrmovie

2014-12-29 (09:52:21AM)

يعنى سامسونج حاتضحك على كل العالم . متهيالى لو ضحكت على الدول الناميه مش حاتضحك على الدول المتقدمه فى اوروبا مثلا . على العموم دى وجهات نظر تحترم و مسالة اذواق برضه تحترم

mazmaz

2014-12-29 (11:52:20AM)

ناس كتير مش بتفهم تفاصيل كتير عن التقنية اللى بتتصنع بها الشاشة و بيشيلوا موبايلات عالية و خلاص لكن فيه ناس تحب تاخد مقابل اللى بتدفعه و علشان كده مبحبش اشترى موبايل غالى ادفع فيه مبلغ محترم و شاشته عارف انها هتخلص فى نصف مدة شاشات تانية ارخص و لكن الوانها فاقعة و بتجذب الانتباه و فقط انا مش من النوع ده و علشان كده اشتريت الجراند 2 بشاشة tft الوانها معتدلة غير مبالغ فيها و عمرها الافتراضى ضعف عمر السوبر اموليد و لو حضرتك شايف العكس يبقى نرجع نقول دى وجهات نظر تحترم و اذواق شخصية

تلك الخدمة مخصصة للأعضاء فقط