SIM1 &2

للرجوع الي صفحة سامسونج Galaxy Grand 2 الرئيسية اضغط هنا

semsema85

2014-08-10 (11:50:09AM)

1-يا جماعه لو سمحتم هو ليه لما بكون شغاله نت Mobile data من sim2 وحد يتصل على sim1 المكالمه بتتحول على sim2 الى هو شغال عليع النت ودى اعالجها ازاى
2-هو الانتى فيرس security 360 ده كويس

starstar2

2014-08-10 (04:02:52PM)

semsema85

ده معناه ان فى تحويل لرقم sim 2 الغى التحويل وظبطى الإعدادات من sim card mamnger ومن ثم اعيدى تحديد استخدام الداتا من البطاقة الثانية ....

الانتى فيرسsecurity 360 كان كويس بس لحد ما في الأفضل منه dr web وانا وضعته هنا للأعضاء الكرام كاملا بالسيريال الخاص به حتى عام 2016 (خلي بالك ما فيش انتي فيرس كامل ودي سياسة الشركات المصنعة لأن الموضوع ده كبير فكل برنامج ليه ثغرات وعيوب )....هاتلاقي في اوائل الصفحات الخاصة بجراند 2 .....موفقة

semsema85

2014-08-10 (04:36:47PM)

شكرا لرد حضرت
بس ممكن حضرتك تقولى الخطوات الى بلغي بيها التحويل واى الاعدادات الى بظبطها بالظبط ف الsim card mamnger لانى جربت حاجات كتير ومش اظبط

starstar2

2014-08-10 (07:22:15PM)

semsema85
تحت أمرك ...
الغاء تحويل المكالمات الغي التحويل يدوي الاول (افتحى لوج المكالمات –اضغطى علي زرار القائمة في الشاشة – اعدادات وضبط المكالمات – اعدادات اضافية – تحويل المكالمة - - اتأكدى ان كل التحويلات غير فعال ) و لو المحاولة دي فشلت اكتبى الكود ده شباك شباك زيرو زيرو شباك وبعد كده اتصال ..(الكود ناجح على شبكات فودافون بإمتياز) ولو فشل معاكى الكود ده في كود لجميع انواع الشبكات في مصر وهو شباك شباك 21 شباك وبعد كده اتصال .
الدخول الي ادارة بطاقة sim – شبكة خدمات البيانات –اولا الغاء تفعيل بيانات الهاتف المحمول . بعد كده اعملي ريستارت للجهاز – وادخلي وعيدي نفس الخطوات واختاري sim 2 لبيانات الهاتف او الداتا .
فعلى استلام المكالمات الوارده عبر بطاقة sim اخرى اثناء استخدام خدمة البيانات وعلمى علي المربع ...في تلقى المكلمات الوارده ......بالتوفيق ....

starstar2

2014-08-10 (07:39:12PM)

الكود الأول شباك شباك زيرز زيرو 2 شباك اتصال .... اسف نسيت اكتب رقم 2 ....موفقة

semsema85

2014-08-10 (10:06:07PM)

انا اسفه بتعب حضرتك معايا
بس انا فعلا عملت الخطوات دى ولما اتصل من موب اخر على SIM1 وبكون شغاله نت على الخط sim2 بيدى غير متاح ل sim1]
ولما بخلى Dual sim always on بيعمل تحوبل للمكالمه على SIM2

starstar2

2014-08-11 (01:57:19AM)

semsema85

ما فيش اسف ولا حاجة تحت امرك احنا هنا بنفيد ونستفيد وبنعلم ونتعلم من بعض ...علي العموم أستأذنك حاولى تلغى موضوع dual sim always وبلاش تدخلى فيهم ارقام الخطوط.....اوبعد كده الغي تحويل المكالمات بالاكواد بلاش الالغاء اليدوي لان في بعض الاوقات بيكون خطأ في الشبكة وبيفضل التحويل زي ما هو ..وبعد كده عيدي الخطوات من تاني ...الموضوع ده حصل معايا شخصيا وتم حلة بالطريقة اللي قولتها ...وان شاء الله تتحل ...مستني منك الرد ...بالتوفيق

semsema85

2014-08-11 (12:09:36PM)

حاولت امسح ارقام الخطوط بتتمسح واعمل done بدخل تانى الاقيها موجوده
وعملت الى حضرتك بتقول عليه وبيدينى غير متاح sim1
هل دى ممكن تكون مشكله ف الموبايل انا لسه مخلصتش ال 14 يوم
وهل الخطين بيفضلوا متاحين حتى وانت بتتكلم ف واحد فيهم

starstar2

2014-08-11 (02:15:13PM)

semsema85

دي مشكلة شبكة مش جهاز ...ميزة dual sim بتخلي الخطين شغالين حتى لو انتي بتتكلمى من خط فيهم وده بيتم عن طريق خدمتى التحويل والإنتظار لان الشبكتين ستاند باى فقط ....
لا... خط منهم بيكون غير متاح وده حال اغلب الاجهزة مزدوجة الشريحة ... الخلاصة حاولى انك تلغى التحويل من dual sim alawys لان المشكلة منها لو حضرتك جربتى الأكواد ومنفعش يبقي قدامك حللين ..الأول انك تكلمى خدمة العملاء الخاصة بالشبكة وتحاولى تلغى التحويل ثانيا اعملي اعادة ضبط المصنع وظبطى الإعدادت واحده واحده وعلي مهلك وقبل متعملى كده خدي باك اب للأسماء والرسايل واي ملفات مهمة علي الهاتف ...(ملحوظة هامة :خلي بالك عشان تلغي التحويلات من dual sim لازم يكون الخطين في الموبايل في وضع الاستعداد يعني متقفليش خط منهم لان كده مصيرها الفشل .....) بالتوفيق .....وياريت تطمنينا علي النتيجة ........

semsema85

2014-08-12 (02:01:45PM)

اولا شكرا لتعب حضرتك معايا
ثانيا انا عملت الى حضرتك قولت عليه بس ارقام الخطوط مش اتمسحت وقفلت dual sim always on وعملت كل الخطوات ماعدا الريستارت قفلت الموبايل وفتحته واشتغلت الحمد لله جزاك الله خير

تلك الخدمة مخصصة للأعضاء فقط