أول تفاعل من الجراند 2

للرجوع الي صفحة سامسونج Galaxy Grand 2 الرئيسية اضغط هنا

Mestooo

2014-07-07 (08:22:34AM)

السلام عليكم انا كنت دايما زائر وبقرا كﻻمكم الجميل عن الاجهزة ولسه عامل عضوية حالا عشان اتشرف بالمشاركة معاكم النهردة انا ليا 6 ايام جايب الجراند 2 وده تقييم مبدأى ليه:
الجهاز من التوكيل عامل 2850 ج كنت رايح وانا فى قمة الحيرة مابين جراند 2 واس 4 مينى للتقارب الشديد مابينهم ولما شوفتهم عالطبيعة شتان الفارق فالحجم والشياكة لصالح الجراند فتلقائيا لغيت فكرة ال4مينى..
الجهاز سريع جدا شبكاته ممتازة تاتشه سريع جدا كاميرته تحفه مش بيهنج لغاية دلوقتى صوته نقى وعالى بالنسبة للناس اللى خايفة من السماعات سماعاته نقيه وعاليه بطاريته زى اى سامسونج بس لغاية دلوقتى شايف فيه مشكلتين مزاولنى منه
اوﻻ السخونية اثناء الشحن اثناء اللعب واقل اثناء النت
ثانيا احيانا بيدينى شاشة سودة لمدة ثانيتين تﻻته لما بفتح اى حاجة واحيانا لا
لكن غير كدا جهاز ملياااان اوبشن وحاجات كتيرة مريحة
يارب اكون افدتكم واللى عنده استفسار يتفضل واللى عنده تفسير وحل للمشكلتين دول مايبخلش عليا