بدون عنوان

للرجوع الي صفحة سامسونج Galaxy Ace 3 الرئيسية اضغط هنا

SouFarouk

2014-03-13 (04:54:00PM)

انا كنت سألت قبل كده عن الموبايل وكانت اغلب الردود إن هو أحسن موبايل فى فئته او فى الفئه ما قبل ال S3 mini عموما ... فإن شاء الله ممكن انزل اجيبه النهارده , كنت حابه اعرف إيه الى اخد بالى منه او اسأل فى ايه وانا بشتريه او أى نصايح يعنى بخصوص كده , واجيب كارت ميمورى دلوقت ولو جيبته هيكون فى حدود كام تقريبا والفليب كوفر كمان سعره بالتقريب وموضوع قص الشريحه ... قولولى كل حاجه تقريبا :D

hardtime

2014-03-14 (09:31:20AM)

SouFarouk
بص يا باشا
1-الموبيل دة مش وحش بس المشكلة فى البطارية (مش قد كدة) عايز توفر فلوسك هات اس دوس 2 مش فارق كتير.عايز حاجة احسن بسيط هات الكور.عايز حاجة احسن شوية هات اس 3 مينى
2-خد بالك من ان الجهاز يكون متبرشم وكمان هاتوا من مكان محترم علشان لقدر الله لو فية
حاجة تقدر ترجع بية للمحل وتاخد فلوسك او تاخد فون تانى
3-عايز تجيب كارت ميمورى هات كارت 16 جيجا لة عامل 90 جنية ويكون واحد من الانواع دى
ترانزيت.او صن ديسك.او كينج استون وخد بالك ان يكون الكلاس بتاعوا عشرة
4-الفيلب كوفر هات حاجة على زوقك هتلاقى حاجات شيك كتير
lموضوع الشريحة روح اى محل اتصالات وخلية يقصها ليك بى 5 جنية
تمام كدة يا برو.....لو عندك اى استفسار تانى كلمنى على الخاص ياباشا او الفون

walidbadr

2014-03-14 (11:14:55AM)

يعني إيه البطارية مش قد كدة؟ يعني بتفضى بسرعة ولا إيه؟ اصلي ناوي أشتريه إن شاء الله.
ويعني إيه سعة البطارية؟

AshrafAshry

2014-03-14 (06:59:38PM)

الموبايل محترم جدا وفضل معايا 7 شهور اقوى موبايل فى السعر دة نصيحة لوجه الله

اولا البطارية بتكسر يوم و2 و3 واحمد جمال هنا معاه الموبايل ويقولك اى موبايا اندرويد طبيعي البطارية تفضل يوم معاك

اذا كان الاس فور بتقعد 12 ساعه شغل نت 7 ساعات شغل متواصل

يعنى فى الاخر عايز موبايل محترم فى فئة ال 2000 جنيه يبقى الاس ثرى ميني

الايس 3 و الكور و الاس دوس تو شاشه تي اف تي بهتانه جدا ومش بتظهر فى النهار او الشمس تخيل شارى موبايل كاسر الالف جنيه عشان مش تشوف مين بيتصل بيك وانته فى الشارع !!

ثانيه المساحة الداخليه قليله جدا 4 جيجا !! بجانب ان حضرتك عندك 8 جيجا فى الاس ثرى ميني

بجانب ان الشاشه الموجودة فى الاس ثرى ميني أفضل و اقوى سوبر اموليد ودي مش بتسحب من بطارية او رام او بروسيسور عكس الشاشه اللى موجودة فى الاس دوس 2 او الكور او الايس 3

رابعا وليس اخيرا كاااااااارت الشاشه اللى موجود فى الاس ثرى ميني هو اللى موجود فى النوت 2 يعنى مافيش اى لعبه موجودة هتقف قدامك دة لو انته جيميير زيي انا ليك فى الالعاب وكده

لو محتاج اى تفاصيل اكتر تابع على صفحة الاس ثرى ميني او نبهنى تحياتى لحضرتك