بدون عنوان

للرجوع الي صفحة سامسونج Galaxy Ace 3 الرئيسية اضغط هنا

amrmovie

2014-01-13 (07:10:00AM)

خلاصة المقارنه بين Galaxy S duos 2 و Galaxy Ace 3 duos

و ده بناء على تجربتى للاتنين جنب بعض مش كلام مواقع بس

اولا نقاط التشابه

1- الاتنين نفس حجم الشاشه 4 بوصه و نفس الريسولوشن و البيكسلز

2- الاتنين قريبين قوى فى الشكل الخارجى و ان كنت شايف ان ACE 3 اشيك حاجات بسيطه

3- الاتنين نفس حجم الذاكره الداخليه المتاحه 2 جيجا

4- الاتنين نفس نظام التشغيل اندرويد جيلى بين 4.2 و اللى بيسمح بنقل التطبيقات على الذاكره الداخليه

5- الاتنين نفس كارت الفيجا Broadcom VideoCore IV و ده كارت محترم بيشغل الالعاب العاليه

6- الاتنين نفس البطاريه 1500 ملى و بنفس معدل الاستهلاك ( قعدت معايا يومين و نص مكالمات و العاب بسيطه )

ثانيا نقاط تفوق S duos 2
1- البروسيسور Dual-core 1.2 GHz Cortex-A9 على عكس Ace 3 البروسيسور بتاعه Dual-core 1 GHz Cortex-A9 و ده فرق مش كبير ( فرق معايا فى تحميل subway ثانيتين بس )

2- سرعة تصفح الانترنت HSDPA, 21 Mbps فى مقابل ACe 3 HSDPA, 14.4 Mbps لكن شبكات المحمول الحاليه لا تتعدى 7.5 Mbps

3- على الرغم من ان الكامرتين 5 ميجا بكسل و بيصوروا فيديو HD 720 لكن عن تجربه الوان كاميرا S duos 2 الوانها اعلى و اقرب الى الواقع سواء فيديو او صور

4- فلاش الكاميرا الخلفيه ابيض و اعلى على عكس ACE 3 اصفر و اقل فى الاضاءه و ده بيظهر فى تصوير الصور الثايته بتلاقى الصور مصفره بعض الشئ بكاميرا ACE 3

5- الشريحيتن مش بيتقصوا و بيركبوا بعيد عن البطاريه يعنى مش محتاج تشيل البطاريه زى ACe 3

6- مكان كارت الميمورى بجانب الموبايل مش محتاج تشيل الغطاء الخلفى عشان تركبه زى ACE 3

ثالثا النقطه الوحيده اللى يتفوق فيها ACE 3 و هيا الرامات 1 جيجا مقابل s duos 2 جيجا الا ربع 768 ميجا و دى للامانه ما اثرتش عليا فى لعبه رخمه زى Vector . هو اه الرامات وصلت معايا الى 90 % لكن اللعبه اشتغلت بنفس سلاسة ACE 3 و قطعت معايا فى نفس امكان تقطيعها قى ACE 3

سعر S duos 2 هو 1450 جنيه و ممكن تفاصل مع البياع ل 1430 جنيه

سعر ACE 3 هو 1650 جنيه

الفرق 200 جنيه و مش هو اللى يندفع فى رامات زياده مع ملاحطة ان S duos 2 يتفوق فى اى حاجه تانيه

و مش عارف ايه السياسه الغريبه بتاعة سامسونج انهم يحرقوا موبايلات لسه منزلينها السوق من كام شهر بس و كمان فيه اشاعات ان S 5 قرب ينزل السوق

اى استفسار بخصوص الموبايلين دول انا تحت امركم

ahmedsobeh

2014-01-13 (02:30:41PM)

متعرفش انهي احسن ace 3 ولا lumia 620 مع ان انا شايف الفرق الوحيد نظام التشغيل و الرامات ده 1 جيجا التاني 512 يا ترى الراما هتفرق اوي مع ان انا مليش في الالعاب الكتيرة

thehacker

2014-01-17 (05:09:51PM)

طب انهى موبايل افضل Samsung Galaxy S Duos 2 و لا Samsung Galaxy S3 mini

amrsa3d

2014-01-18 (05:54:33PM)

طيب يا كبير انا معايا الفيم وزهقان منه لانه بيهننج وخانقني لاني باستخدم نت علي طول لو جيبت الs duse 2 هاحس بفرق كبير يعني ؟؟

وعندي سؤال تاني معليش فيه واحد قال لي ان الace 3 البروسيسور 1,2 ديول صحيح الكلام دا وللا؟؟؟

تلك الخدمة مخصصة للأعضاء فقط