بدون عنوان

للرجوع الي صفحة سامسونج Galaxy Ace 3 الرئيسية اضغط هنا

makmad

2013-10-08 (04:03:59AM)

الي عايز يجيب الموبايل ده يجيب من التوكيل باقي المحلات هتلاقي ارخص بس البطرية مش اصلي و تخلص بسرعة هتلاقي عليه خصم 200 جنيه و الموبايل حلو خالص في امكانياتوا وحلو في الوانو وحلو في صوتوا

amrmovie

2013-10-08 (07:44:25AM)

ليه حضرتك بتقول كده و جبت المعلومه دى منين ؟

و ازاى الواحد يفرق بين البطاريه الاصلى و التقليد ؟

يعنى حتى لو اشتريت الموبايل من محل عادى و العلبه كانت متبرشمه برضه حاتطلع تقليد ؟

شكرا على مساعدتك

mrmaxmaz

2013-10-08 (12:03:23PM)

والله احيانا بيبدلوا البطارية و يبدلوا كمان الهاند فرى و أحياناً اخرى الهاتف بيكون مستعمل يوم يومين و يتغلف و يتبرشم تانى عادى زى ما كان بيحصل معايا فى محل مشهور جداً فى باب اللوق
لانى كنت شغال هناك بتاع دعاية و كده كنت بشوف اللى ساعات بيتعمل فى الموبايلات ايه
و انا كمان اللى كنت بافرز الـ Mp3 Astra
لانه بيجى بالكيلو و العلب بتتعمل فى مصر و شغل الاسترا ... اشتغل و تمام حطة فى علبته و اكتب عليه الجيجا بتاعتة و نزله المحل يتباع

و الله ان شوفت العجب فى المحل ده و عرفت ان اضمن حاجه التوكيل او موبايل شوب او الناس دى
اه غالى و زيادة فى السعر بس علشان لاقدر الله الدنيا مش مظبوطة تقدر ترجع الموب فى ال 14 يوم بتوع سياسة المستخدم
اما الافوكاتوا و التميمى لو اتشقلبت على رأسك مش بيرجعوا الموب و بيقولك روح التوكيل

Egy4Ever

2013-10-08 (09:08:58PM)

ياريت بعد اذنك مدمت مش معاك دليل على كلامك يبق تسكت احسن
كلامك كله غلط طبعا
التوكيل بيبيع بسعر اغلى من المحلات ودة امر طبيعى جدا واى حج فاهم تسويق او درس تجاره هيفهم الكلام دة

ماينفعش التويل يبيع بسعر المحلات والا يبقى لازمت المحلات ايه بقى تقفل احسن والتوكيل مش هيلاقى حد يوزعله المنتج بتاعه لانه محلاته مهما كانت مش هتغطى الجمهوريه كلها

والكلام دة مش فمصر بس دة فكل حته

mrmaxmaz

2013-10-09 (04:00:02AM)

رداً على الاستاذ المحترم Egy4Ever ....... ( ياريت بعد اذنك مدمت مش معاك دليل على كلامك يبق تسكت احسن
كلامك كله غلط طبعا
التوكيل بيبيع بسعر اغلى من المحلات ودة امر طبيعى جدا واى حج فاهم تسويق او درس تجاره هيفهم الكلام دة )
....... طبعاً ده مش اسلوب محترم انك تطلعنى كذاب

اولا انا اشتغلت عند التميمى كنت دعاية و إعلان و صيانه أحياناً انا اللى كنت بعمل الورق الاصفر اللى بيتلزق على المنتج فى البترينة و اشتغلت لمدة سنه عنده
ثانياً انا بقول عن واقع انا شوفته الموديل ينزل من هنا صاحب المحل يستعمله يومين و يتسلفن و يتحط فى البترينه تانى عادى
و على فكرة انا لبست مرتين فى الحوار بتاع البطارية مرة فى الجالكسى مينى 1 و مرة فى الجالكسى مينى 2 .... اما المحلات اللى زى موبايل شوب و الناس المحترمه دى بتبقى زى التوكيل بالضبط ..... و جرب تشترى اى حاجه من الافوكاتوا او التميمى و تقوله فيه مشكله و عاوز ارجعه حيقولك روح التوكيل ..... اما الزيادة اللى بتبقى فى التوكيل أو موبايل شوب علشان موضوع ال 14 يوم الاستبدال قبل ما الضمان يشتغل

ثالثاً من العيب انك تتهم حد فى حاجه انت ما تعرفش عنها معلومات ..... و شكراً لذوق حضرتك

Esmailmob

2013-10-09 (01:06:45PM)

طيب اللي هيجيبة مثلا من دريم 2000 هل المحل دة مضمون ولا اية انتو كدة بتخوفوني انا كنت هشترية خلاص

mrmaxmaz

2013-10-10 (03:20:56AM)

هاته من محل اسمه 888 ده الناس بتشكر فيه و دريم 2000 برضة كويس و لو تجيبة من اى فرع لموبايل شوب يبقى احسن علشان تضمن انك فى السليم و بينزلوا على الموب مجموعه البرامج لاول استخدام و شوية العاب برضة

تلك الخدمة مخصصة للأعضاء فقط