بدور علي ايه؟ اكتب رقم موديل الموبايل الابدور عليه
اعلانات
هذا الموضوع مرتبط بـ X7-00
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن Nokia X7-00
-
Symbian
-
360 x 640 pixels, 4.0 inches
-
3G
2G / 3G -
8 MP, 32...
ولكن المشاكل الي انا قولتلك عليها اخي دي مش سوء استخدام من الي بيشتروا من رايه هما اصلا لما بيشتروا من رايه بيلاقو الجهاز اصلا بايظ من قبل ما يستخدم !! يا اما في عيب مصنعي او عيب بسبب ان تم تجربه الجهاز من قبل عن طريق شخص اخر ! هي دي المشكله الكبيره الي الكل بيشتكي منها اخي يعني اصلا لما انت بتشتري الجهاز جديد منهم بتلاقي بايظ من قبل ما يستخدم بمعني ناس كتير اشترت اجهزه من رايه وفي خلال ثلاث ايام !! الجهاز ما عاد يشتغل وفي اجهزه اخري فيهم مشكله انهم كل شويه بيعملوا ريستارت !!! فا لما الناس تروح تشتكي لرايه وبيقولوا عايزين حقنا وغيرولنا الجهاز بموجب حقوقنا والضمان تخيل رايه بتعمل معاهم ايه ! بترفض ان الجهاز يتغير وبتخليه يخضع للضمان وبيقعد عندهم ساعات اسبوعين ولما بتيجي تاخده بتلاقيه صلحوا العيب وبوظوا حاجه تانيه غيره ولما تقولوهم انتوا بوظتوا حاجه تانيه يقولوك طيب ادينا الجهاز تاني وتعالي بعد 10 ايام وهكذا لغايه في النهايه لما تقولهم كده مش هاينفع انا عايز جهاز جديد تخيل يقولولك ايه !! بيقولولك ان الجهاز مش هاينفع يتصلح تاني ومفيش تبديل الجهاز هذه هي اخي المصيبه والله الي انا حكيته لك دلوقتي من حكايات ناس والله العظيم راحت عليهم الفلوس وندموا ندم شديد !!
انت عارف برضه ايه الي يجنن في واحد صاحبي قالي اني لما اجي اشتري من عندهم جهاز جديد لنفرض مثلا علي سبيل المثال n8 تعرف ان علبته بتكون مفتوحه مسبقا وان هما اصلا فتحوا الجهاز من قبل بس مش عملوا منه مكالمات يعني بذمتك ده مش حرام وقهر يعني ابن عمي لما يشتري جهاز x7 ويجي يشتريه مش حرام يلاقي ان العلبه اتفتحت من قبل والجهاز ايضا طيب مهو كده الجهاز يعتبر مستعمل عن طريقهم حتي لو مش حاطه في خط برضه يعتبر مستعمل لانه اتفتح عن طريقهم مش عن طريق ابن عمي بذمتك مش حرام ليه مش المستهلك يحصل علي الهاتف غير مفتوح ليه اخي الجيزواي ابن عمي مش يلاقي الجهاز متبرشم ومش اتفتح عن طريقهم من قبل صراحه ده اكتر شيء هايخليني اطق منهم ؟؟