تقرير عن موبايل X2 Dual SIM

بسم الله الرحمن الرحيم انا كونت جايب الموب و خايف بس بجد دا احلي موب شوفته ف حياتي بغض النظر عن سعره اللي يعتبار سعر رمزي بالنسبه للامكنيات

بس تحفه ف التصميم و شكال الويندوز 8 شاشه نقيه جدا جدا معروف ان نوكيا صوتها واطي بس الموب دا صوته عالي جدا و واضح جدا جدا

مكتوب ان الموب بيدعم ال 3G بس

لكن في الحقيقي الموب بيدعم EDGE و 3G و HSCSD

يعني بختصار النت طلقه و الشبكه ع طول فول مع اتصلات طبعا

و الراما بتعتو 1 جيجا مع المعالج الA7 مقلكوش و الله عمره ما هناج ولا بستنا شويه لم يفتح ولا الكلام دا و ببقي بحميل و ببعت بالبلتوث و بستقبل بالبلتوث و حطو ع الشحن و بالعب ساب واي و الجهاز مسخنش ولا هناج بتاتا بس ساعات ممكن يسخن شويه عادي يعني مش اللي هي السخونه السخونه و احلي حاجه ف التلفون نوكيا انها مركزه ع شويه تفاصيل ف الموب دا حلوه اوي يعني ف تلفونات بتبقي احسن و اغلي من دا بس بيبقي نقصه حاجات كتير زي مثلا مينفعش تغير اسم البلتوث و حاجه تاني بس نوكيا مركز ع التلفون دا جامد يعني كفايه ان ساب واي اللي يتقل و تهنج الS3 متقلتش ولا هنجت ولا سخنت الجهاز مع ان مبلعبش غيرها

البطاريه مش هتكلم كلنا عرفين بطاريه نوكيا التلفون ممكن بعد 3 ايام يقولك هيفصل و مبيفصلش :D

و الغطاء بتعو مع انو رخم ف خلعه و تركيبه بس جميل عامل شكل حلو و كمان الغطاء طلع ع الشاشه بحاجه بسيطه بحيس ان التلفون لو وقع ع وشو الشاشه ميحصلهش حاجه

و كمان التحديث بتع الجهاز ركز ع تفاصيل ادق و احسن بكتير

نيجي بقي للعيوب

انا لحد دلوقتي مصدوم ف الكاميره 5 م.ب بس زباله منغمشه دا الكاميره اللي قدام احسن منها تقريبا و الفلاش متوسط مش قوي اوي و ف 3 انوع للتصوير كاميره عاديه و فيديو و نوع للتصوير سيلفي و ف التحديث الجديد نزلو نوع رابع عجبني اوي ان بيصور الصوره 3 انوع الاول عاديه و التاني الصوره ثابته و التالت الصوره بتبقي HD و طبعا دي حاجه كويسه و حل جميل للكاميره من ميكرسوفت انا مصدقتش ان الصوره HD دي متصوره من كاميره الموب

نصيحه لو انت واخد ع الاندروجات و كان معاك تلفونات اندوريات زيه متشتريش الموب

لان النظام و شكال الموب ويندوز 8 غير الاندريات تمام انت ممكن تغيره عادي بس جوجل بلاي مش شغال و متجر نوكيا زباله مفهوش حاجه و اليو تيوب مش بيتسطب لزم تنزل متصفح نوكيا و تدخل منو ع اليو تيوب.....والواتس اب بيقولك جهازك لا يدعم هذا التطبيق بس ف واحد عرفته بالصدفه و معا نوكيا X و قالي الواتس مش شغال صح قلتلو عرفت منين قالي ما هو مكنش شغال عندي بره و بعتهولي و لقتو اشتغال ازي معرفش

و هو عموما اندريات بس ف حاجه مش بتشتغل لم حد يبعتهلك زي مثلا من سيربح المليون مش بيشتغل عشان بيقولك لزم وجود خدمه جوجل بلاي ختو من صحبي برده مشتغلش لزم تدخل تحمل اللي انت عايزو من المتجر و الحاجه بتبقي كبيره اوي غير كده مفهوش نقش ولا فتح بتصوير الوجه هو بسورد فقط

لو كان جوجل بتدعم الموب دا كان هيبقي موب جامد جدا

لان بصرحه نوكيا فاشلا جدا ف الاندريات و لطات لم حبت تعامل نظام لوحدها بعيد ع جوجل هي ميكرسوفت ابدعات ف التحديثات بس نوكيا فاشلات ف الاندوريات لو ف حل ان جوجل بلاي يشتغل يبقي جميل جدا و كده كل التطبيقات تشتغل و تعرف تنزل حاجه حلوه بدل ما تخدها من صحبك اللي عندو جوجل بلاي

بس نهايات الموضوع لو عايز تلفون ف كل الامكنيات و الموصفات المتوسطه و معكش فلوس يبقي تشتري الموب دا

و لو حد عايز يسال اي سوال يتفضل و لو حد يعرف اشغال جوجل بلاي ازي عليه يبقي الف شكر.... و السلام عليكم و رحمه الله و بركته