هذا الموضوع مرتبط بـ Lumia 720

بدون عنوان

elmohnds

2013-07-12 (04:48:00AM)

موبايل نوكيا Lumia 820 عاجبنى اووووووى بس البطاريه بتاعته مش حلوه زى نوكيا Lumia 720 وديه بالنسبالى مشكله عشان انا بستخدم الموب كتير اوى فأنا محتار جدا بين الاتنين يا ريت حد يقولى الفروق بينهم والاحسن ايه 820 ولا 720

ali2090

2013-07-15 (08:25:34PM)

على ال720 وال920 وبصاحة نظام سريع ولكن عاوز سنين عشان يقدر يقارن بالانظمة الاخرى ونظام صعب وكل خطوة ببرنامج والنغمات لازم برنامج عقيم فعلا

abdowins

2013-07-15 (07:21:16PM)

معلش ... حضرتك جربت النظام على انهى جهاز ؟

ali2090

2013-07-15 (03:20:30PM)

اها جربته عشان كده مش ناوى اتعامل مع النظام اصلا

abdowins

2013-07-15 (09:23:19AM)

ali2090 حضرتك جربتو فعلا و لقيت تهنيج فى البرامج ؟

madooo12

2013-07-15 (03:58:50AM)

ال720 كاميرته أحسن بكتيييييييير, مش علشان ال820 فيه ميجابيكسلز أكتر يبقى أحسن, ال720 أحسن لأن الsensor أحسن و الaperture أكبير بكتييييييييييييير

فلاش ال820 dual LED ال720 single LED

ال820 شاشتة اموليد, لكن معظم الناس بتقول ان شاشة ال720 أحسن

بطارية ال820 ممكن تتشال, مش زي ال720

ال720 شكله أحسن

و طبعا الCPU, RAM, GPU أحسن في ال820

الكاميرا الأمامية في ال720 من أحسن اللي في أي موبايل, فيها أكبر عدد من العدسات من أي كاميرا أمامية أخرى

ده غير فرق الحجم

و موضوع الnavigation اللي abdowins قال عليه

على فكرة, البرو كام مش نازل لولا واحد منهم, على الأقل في المستقبل القريب

ali2090

2013-07-15 (02:57:26AM)

لسه ال925منزلش مصر هستنا لما ال 1020 ينزل وبعدين ده هيعدله فى 5000 واكتر كمان ال htc 8x انا بقولك لو اقتنعت بالنظام ده التليفون الوحيد اللى ممكن الجا ليه انا عارف انه مش هيبقا مدعوم من نوكيا وتطبيقات نوكيا بس دى حاجات انا مش محتاجها ومش شايف الا عيبه الوحيد انه مالوش زاكرة خارجية بس 16 جيجا اما ال820 حلو جدا بس شكله مش حلو وده اللى خلانى اتراجع عن شراءه اما كنظام عموما ده عاوز سنين على مايقدر ينافس الاندرويد وناس كتير اكدت انه مش عاوز ينافس النظامين هو بس عاوز يحتل مكان البلاك بيرى مش اكتر وياخد المركز التالت وده مش كلاامى ده كلام مواقع اجنبية وعيوبه انه الاستور بتاعه تعبان جدا وبرامجه فيها تهنيج ومفييش مدير ملفات وفي بعض منهم مالوش راديو يعنى انا احط الفات فى موبيل زى ده ليه وانا ممكن اجيب حاة اندرويد جامدة جدا لكن ده سنين على مايقدر ينافس

abdowins

2013-07-15 (01:42:46AM)

ali2090 انا فعلا ذكرت فى كلامى ان 820 احسن فى البروسيسور و الرام و ال GPU
بس ازاى عايز تجيب HTC 8X و انت بتقول عليه نظام فاشل ؟
لو جبت HTC مش هيبقى معاك مميزات كتير فى النوكيا زى
- HERE Maps
- HERE Drive
- Nokia Smart Camera
- Nokia Pro Cam
- Nokia Music
- Nokia Lens
- Nokia Amber Update مش هتستفيد منه
لو مش فارق معاك السعر .. فكر تجيب Nokia Lumia 1020 جهاز خرافة مفيش مقارنة بينه و بين الاجهزة التانية ...
و ممكن ع فكرة نظام Windows Phone 8 يبقى احسن من Android و ال iOS ميكروسوفت هتنزل تحديثات جامدة السنة دى او السنة الجاية هتدعم ال Quad-Core Processors ... ومن رأيى ال Windows Phone 8 نظام مستقر و محمى اكتر من الاندرويد لان الويندوز فون Closed-Source لكن الاندرويد Open-Source ممكن اى حد يصمم فيروسات للاندرويد او حتى يستغل الثغرات الى فيه

ali2090

2013-07-15 (12:00:42AM)

كلامك صح بس برده ال820 يكسب من ناحية البرسيسور والرامات والكاميرا الخلفية انا بصراحة مش عاجبنى لا ده ولا ده ولا النظام كله لانه نظام فاااشل جدا بس لو فكرت اجيب هجيب htc 8x تليفون خرافة ومنافس قوى لل920

abdowins

2013-07-13 (06:24:45PM)

لا شكر على واجب elmohnds
hero2012 معاك انو غالى شوية بس هو رخص عن الاول و فى نفس الوقت اجهزة نوكيا لوميا التانية برضو اغلى من تمنها الحقيقى ... فى الامارات بيتباع ب 1000 درهم .. يعنى 2000 جنيه بالمصرى ... بس مش عارف الامارات مفيهاش جمارك ولا ايه فرق السعر ده منين.. هو ع العموم لسه نازل جديد من ... بس انا شايف انو يستحق تمنة لانه فيه حاجات كتير من ال 920 زى مثلا فى مجال الشاشة :
ClearBlack
Corning® Gorilla® Glass 2
Luminance 600 NITS يعنى درجة سطوع الشاشة عالى و واضحو جدا حتى لو واقف فى الشمس
+ ان الكاميرا الخلفية والامامية التنين ممتازين جدا و يستحقوا فرق السعر و قريبين جدا من ال820 و ال920 فى جودة الصورة و التصوير الليلى ممتاز
و انا على فكرة بفضل ال 720 عن ال 820 وال 920 كمان لانه ارفع واخف منهم بكتير و شكلة احسن بكتيييير جدا و كمان بطارية 720 بتساعدة يكون احسن و اطول جهاز ممكن بطاريته تعيش معاك لان سعه البطارية 2000 ملى امبير و فى نفس الوقت استهلاك الجهاز للبطارية قليل و بالتالى مش هتحتاج تشحن الجهاز كتير ....
البطارية Non-Removal فعلا بس ده مش معناه انه من المستحيل تغيير البطارية .. لأ البطارية ممكن تتغير لما تبوظ بس بواسطة مركز الصيانة المعتمد ... فى فيديوهات ع اليوتيوب بتبين ازاى تشيل البطارية بس انصح الكل بعدم المحاولة لانها صعبة جدا
لو الجهاز هنج منك .. انت مش محتاج تشيل البطارية و تحطها تانى زى الموبايلات العادية .. لأ .. الجهاز مصمم على انك لو ضغط على مفتاح خفض الصوت لاسفل مع مفتاح الباور فى وقت واحد و لمدة طويلة الجهاز بيفصل زى بالظبط كأنك شلت البطارية .. فانت مش محتاج تشيلها نهائى ..
و ده نفس الحال مع 920 و 925 و 928 و 1020 كلهم مينفعش تشيل منهم البطارية
و انا شايف ان لما الجهاز يكون كتلة واحدة بدون كوفر للبطارية من الخلف ده يكون احسن واقوى ..

elmohnds

2013-07-13 (10:56:31AM)

شكرا جدا abdowins على الافاده

hero2012

2013-07-13 (05:43:44AM)

بس مشكلة 720 انه غالى على امكانياته وان بطاريتة غير قابلة للازالة

abdowins

2013-07-13 (01:30:46AM)

طالما حضرتك بتستخدم الموبايل كتير يبقى ال 720 احسن بدون تردد :)
ان شاء الله ربنا يوفقنا كلنا للحاجة الى مقتنعين بيها ...
كل مستخدم و احتياجاته بتحدد الجهاز الى محتاجه ..

abdowins

2013-07-13 (01:23:04AM)

انا عن نفسى مقرر ان شاء الله اشترى 720 بس لما ربنا يسهل :)

abdowins

2013-07-13 (01:22:14AM)

ال 820 احسن فى البروسيسور والرام ال GPU معالج الرسوم و الكاميرا احسن بس الفرق غير ملحوظ لان الجهازين فيهم عدسات Carl ZEISS و الاتنين بصراحة احسن من بعض + انه 4G (مش موجودة فى مصر اصلا :) )
------------------------------------------
لكن ال 720 احسن فى :
- حماية الشاشة لانه Corning Gorilla Glass 2 احسن من ال 920 كمان فى النقطة دى لان ال 920 فيه الاصدار الاول Corning Gorilla Glass 1 مش 2 ... فى حين ان ال820 مفيش اى حماية
- الجهاز رفيع و اخف
- البطارية 2000 mAh يعنى زى ال 920 بالظبط .. مقابل 1650 mAh فى ال 820
- البروسيسور والرام لما يكونوا متوسطين مش اعلى حاجة بيساعدوك ان الجهاز بيوفر فى البطارية و مش بيسخن زى ال 820 وال 920 ... والدليل ان نفس البطارية موجودة فى ال 720 و ال 920 فى وقت واحد لكن ال 720 البطارية بتاعته بتعيش اكتر و اطول
- ال 720 بيتميز بكاميرا امامية HD 720p و التصوير من خلالها بيعطيك زوايا اكبر بمعنى ان الصورة ممكن يظهر فيها عدد اكبر من الاشخاص ممكن 4 اشخاص .. و الكلام ده من اعلان نوكيا ع اليوتيوب :) ... فى حين ان الكاميرا الامامية بتاعت ال 820 جودة VGA عادية

ملحوظة كده اخيرة بقى عن ال MAPS و ال Navigation بين الجهازين :
ال 820 فيه GLOBAL Navigation licence بمعنى ان HERE Drive ممكن تعمل بيه Navigation فى اى مكان فى العالم مجانا
لكن ال 720 فيه Local Navigation licence بمعنى ان لما تحط شريحة مصرية فى الجهاز لما تشتريه الNavigation هيشتغل فى مصر بس حتى لو غيرت الشريحة بعد كده و علشان تحوله Global بتدفع فلوس

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Nokia Lumia 720

مقارنة

Windows
480 x 800 pixels, 4.3 inches (~217 ppi pixel density)
3G

2G / 3G
6.1 MP,...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Nokia Lumia 720

Windows

480 x 800 pixels, 4.3 inches (~217 ppi pixel density)

3G

6.1 MP,...