بدون عنوان

للرجوع الي صفحة نوكيا Lumia 520 الرئيسية اضغط هنا

mahmoudmsa

2013-08-20 (06:13:08PM)

هوه يعنى ايه Unblocking ؟؟؟

ebnkhaldon

2013-08-20 (06:58:27PM)

من البداية خالص الويندوز فون نظام مقفول بمعنى انه مش مفتوح المصدر زى الاندرويد بحيث انك ممكن تعدل على الاندرويد بالكامل سواء كان نظام او برامج او اى شئ
ولكن فى الانظمة المقفوله بتكون محدود بحدود معينة بس ,حتى المطورين ميقدروش يتخطوا حدود محدده
وحتى عشان توصل لحدود المطورين دى لازم يكون عندك اكونت Dev على موقع مايكروسوفت هنا

وده بيتعمل بطريقتين اما انك تكون طالب وده مجانى بس لازم تكون الكلية مدياك كود او تاكيد عن طريق الميل انك طالب ,أو انك تعمل اكونت Dev عادى وتدفع 99 دولار فى السنة
وبعديها تقدر تحمل SDK

والمفروض انك تعمل برامج بقى وتجربها على الموبايل وتبقى مطور حقيقى
طيب وانا هستفاد ايه لما اعمل Unblocking لجهازى انه زى ما قولنا الويندوز فون نظام مقفول المصدر فبالتالى هو مش بيسمح للمستخدم العادى انه ينزل برنامج من بره الستور الاصلى للموبايل
,انا عارف ان الموضوع ده سهل جدا فى الاندرويد ومتاح ملف apk وتعمل اللى انت عايزه وده عشان هو مفتوح المصدر
ولكن هنا انت عشان تعرف تنزل برنامج من بره الستور لازم تكون Dev زى ما انا قايل فوق
فبالتالى انت تعمل اكونت Dev على Dreamspark وتحمل الSDK وبعدين تعمل Unblock للموبايل بيها

وبعدين يبقى متاح ليك بقى تكتب اكواد برنامج وتجربه على SDK

او حتى على الموبايل

وطبعا حتى الان انا مش بستخدمه فى انى اكتب برامج واجربها على الموبايل ,انا بنزل الالعاب اللى بفلوس من مواقع خارجية وبسطبها على الموبايل ,من الاخر تحايل على النظام
وده فيديو شرح جزء كبير من العملية دى

ودى المواقع اللى بجيب منها الالعاب

وده

وللعلم انت بتبقى محدود ب3 العاب بس على الموبايل ولو عايز تزود بتشيل واحدة وتحط واحدة مكانها
ياه الرد طلع طويل جدا ولكن اسف شرحت الموضوع من اوله لاخره :)
*جميع الصور المرفقة انا اللى واخدها اثناء مرورى بعملية الUnblocking لجهازى

mahmoudmsa

2013-08-20 (08:11:45PM)

شكراً على المعلومة

GaDeN

2013-08-20 (08:30:39PM)

mahmoudmsa @ دى مش معلومة واحدة ده بحر معلومات وتشكر يابن خلدون ياغالى على الفكرة الجميلة دى وانت شجعتنى انى اجربها ^_^ انا انا طالب ثانوى هجيب كود منين ! :(

madongeer

2013-08-20 (08:42:11PM)

معلومة جميل :)
شكرا ebnkhaldon

ebnkhaldon

2013-08-22 (12:44:52AM)

الشكر لله يا شباب على ايه والله ؟ ما احنا لازم نساعد بعض
انا باذن الله بجهز شرح لطريقة عمل الاكونت لان دى المشكلة كلها
لان عندى فى الجامعة واخدين اكونت وكان فيه الكود ده
انما للطلبه قبل الجامعة اعتقد صعب ,لانه لازم ايميل يكون اخره .edu
ففى طريقة بحاول اعملها واجربها الاول لو نفعت هحطها هنا باذن الله للكل
:)

تلك الخدمة مخصصة للأعضاء فقط