بدون عنوان

للرجوع الي صفحة نوكيا Lumia 520 الرئيسية اضغط هنا

amr200

2013-07-16 (11:33:29PM)

من فضلكم ياجماعه انا حابب اجيب موبايل بين التلاته دول اللي هم في نفس الرينج بالنسبه للسعر 1500 1600 كده يعني اللي هما
1 / اللي انا مايل ليه لحد دلوقتي Alcatel One Touch Star
2/ ALCATEL ONE TOUCH X'POP
3/nokia-lumia-520
بصراحه اللوميا 520 واحد صاحبه جايبه موبايل تحفه وجميل جداااا بس انا اللي مخليني بقارنه بمثلا الكاتيل وان تاتش ستار ان الكاتيل فيه فلاش / راديو / كاميرا اماميه / بالاضافه انه بخطين مع العلم ان نظام التليفون سواء كان اندوريد او ويندوز فون مش فارق معايا اوووووووووي لاني اول مره هاجيب موبايل سمارت وفي نفس الوقت ال الكاتيل وان تاتش شايف انه احسن شكلا بعض الشي من ال x pop خامته من المعدن وشكله زي ال اي فون كده وبصراحه شيك وجميل وشاشه اموليد مش زي ال xpop شاشته tft فاياريت ياجماعه حد يفدني في الموضوع ده بس عن تجربه او خبره انا دلوقتي محتار بين اللوميا 520 والون تاتش ستار بس انا مش فارق معايا اووووي موضوووع الخطين بس شايف انها ميزه برضه وهل الفلاش بيفرق وشايف ان الاندوريد نظام كويس يعني بالنسبه لويندوز فووووووون بس في حاجه برضه هل الكاتيل بالنسبه كشركه زيها زي نوكيا دي برضه حاجه مخوفني من ال الكاتيل مجربتش الكاتيل دي قبل كده ارجو الرد بالتفصيل والنصيحه وعن تجربه شكرا ليكوا ياجماعه واسف علي الاطاله

drdentist

2013-07-17 (02:57:25AM)

جحاثانا كنت محتار زيك جدا لغاية من يوم واحد,هى الحيرة كانت بين اللوميا دا وواحد تانى هواوى,لما نزلت مسكت وجربت كذا حاجة ع الواقع وكمان جربت الالكاتيل ستار,الكاتيل ش

drdentist

2013-07-17 (03:33:04AM)

معلش الكيبورد عندى فيها مشكلة

انا جربت دة والكاتيل ستار وهواوى g600 وهايسنس U5 وفى الاخر كان بالنسبالى افضلهم هايسنس وجبتة وتمام جدا وشايفة اختيار موفق الحمد لله,النوكيا معجبنيش فية شاشتة الصغيرة بالمقارنة بالهايسنس والهواوى وكمان ويندز فون برامجة والدعم مش متوفرين بشكل كامل ومشاكل السوفت بتاعتة كتير دا غير انة شريحة واحدة
الهواوى بصراحة كان ممتاز جدا جدا وصعبان عليا انى مجبتوش لكن عشان انة شريحة واحدة

الكاتيل : التاتش معجبنيش اوى وجودة الالوان كذلك بس غير كدة كويس جدا

الهايسنس الى جبتة حاليا:حسيت انة مرضى من جميع النواحى وحقق المعادلة كاملة من مواصفات وسعر وفخامة ودعم وشكل وكمان شفت تاريخ الشركة لقيتها عريقة جدا فجبتة

فى الاول والاخر دا اختيارك حسب احتياجاتك قولى اهم حاجة بالنسبالك اية وانا ادلك,دى تجربتى يمكن تفيدك

drdentist

2013-07-17 (03:37:54AM)

وكمان لقيت الهايسنس متفوق فى البطارية والبروسيسور والرامات بشكل واضح وبفارق مش صغير دا طبعا غير انة خطين ,وانا ليا تجارب قبل كدة مع الكاتيل وبأكدلك انها شركة محترمة جدا جدا ومفيش منها اى قلق لو بتتكلم على الماركة يعنى