محتار

للرجوع الي صفحة نوكيا Lumia 1520 الرئيسية اضغط هنا

Ahmed1520

2014-10-09 (08:14:09PM)

ايهما افضل:
لوميا 1520
ام
LG G3

BlackCrow

2014-10-09 (11:37:00PM)

Ahmed1520@ حضرتكْ على حسب الراحة النفسية لأي نظام هتقدر تحسم أمر الهاتف .. عمومآ اللوميا 1520 يتفوق على G3 في الشاشة 6 إنش - المساحة التخزينية 32 جيجا - قوة الكاميرا 20 ميجا بيكسل مع عدسات كارل زايس النقية - سعة البطارية 3400 مللي أمبير - وجود راديو FM - جودة التصنيع العالية - سلاسة نظام الويندوزفون .

أي سؤال أو إستفسار إحنا في الخدمة .

Ahmed1520

2014-10-10 (01:20:26AM)

شكرا يا استاد احمد على الرد الجميل
انا جربت الاندرويد وكان عاجبنى جدا بإستثناء البطء احيانا
وخايف اجرب الويندوز وميعجبنيش
انت ايه رأيك ؟

BlackCrow

2014-10-10 (10:17:07PM)

العفو يا فندم .. الويندوزفون في المرتبة الثالثة بعد الأندرويد وال IOS .. نظام سلس جدآ ومش بيهنج خالص مهما كانت كمية البرامج والبيانات متخزنة عليه .. نظام مميز وآمن جدآ ضد الفيروسات والبرامج الضارة .. إحصائية أمريكية تقول أن 95 % من مسخدمي الويندوزفون كانوا متخوفين منه لكن بعد تجربته أصبح هو نظامهم المُفضل .. نوكيا موفرة موبايل لوميا 530 في حدود 830 جنيه , حضرتكْ قبل ما تشتري موبايل لوميا غالي جرب النظام في موبايل رخيص الثمن .. بعد التجربة العملية هتقدر تُحكم على النظام إذا عجبكْ أو لأ .

Ahmed1520

2014-10-11 (03:24:24PM)

شكرا للمرة التانية على ردك الجميل يا استاذ احمد
سؤال تانى بعد اذنك
انا كان معايا موبايل 4 بوصه وكان حجمه مناسب
عشان كده انا خايف شويه من موضوع ال 6 بوصه حاسس انه مبالغ فيه شويه
حضرتك معاك لوميا 1320 ايه اخباره معاك

BlackCrow

2014-10-11 (11:52:51PM)

العفو أخي الكريم .. اللوميا 1320 موبايل ممتاز جدآ لمُحبي الشاشات الكبيرة .. راماته 1 جيجا بيشغل جميع الألعاب الكبيرة زي FIFA 2014 أحلى ميزة في الموبايل بطاريته القوية سعتها 3400 مللي أمبير .. جودة التصنيع عالية .. الصوت واضح في المايكْ والإسبيكر .. موبايل رائع فعلآ , نوكيا موفرة عدة إصدرات للويندوزفون بمساحات مُختلفة .. مثلآ اللوميا 520 أربعة إنش - اللوميا 625 4.7 إنش - متخافش خالص من موضوع قياس الشاشة هتلاقي إللي يناسب حضرتكْ .

Ahmed1520

2014-10-12 (01:14:52AM)

استاذ احمد معلش هتعبك معايا
انا عايز موبايل امكانيته عاليه وعايز الحاجات دى تكون متوفره فيه
1. كاميرا قويه.
2. دقة شاشة عاليه.
3. امكانية القراءة تحت اشعة الشمس.
4. بطارية قويه .
الميزانيه فى حدود 4500 جنيه

BlackCrow

2014-10-12 (07:24:29AM)

أول ما قرأت المواصفات إللي طالبها قلت فورآ نوكيا لوميا 1520 الخارق .. كاميرا 20 ميجا بيكسل مع عدسات كارل زايس القوية - الشاشة IPS LCD عمق الألوان 367 ppi - سعة البطارية الرائعة 3400 مللي أمبير - الهاتف ده أفضل ما أنتجته نوكيا وينافس أي هاتف آخر في السوق ..

بالنسبة للإمكانية القراءة تحت أشعة الشمس .. حضرتكْ شوف الفيديو ده وأحكم ,