سعر و مواصفات Nokia Lumia 1320

مقارنة

Windows

Microsoft Windows Phone 8 Black
720 x 1280 pixels, 6.0 inches (~245 ppi pixel density)
4G

2G / 3G / 4G
5 MP, 25...
GB RAM

8 GB, 1 GB RAM

غير متاح

(853 تقيمات)

تقرير عن حالة سعر موبايل Nokia Lumia 1320

هذا التقرير بناء علي تغيرات الاسعار علي موقعنا وهو متوسط للاسعار اليومية ... قد يتأثر التقرير بموصفات المنتج (الذاكرة الداخلية, الرامات ... الخ)

موصفات Nokia Lumia 1320

الموصفات الاساسية

الحجم	164.2 x 85.9 x 9.8 mm, 125 cc (6.46 x 3.38 x 0.39 in)
الوزن	220 جرام
الألوان بالأسواق	ابيض,اسود,اصفر,احمر

الشاشة

نوع الشاشة	IPS LCD capacitive touchscreen, 16M colors
مساحة الشاشة	720 x 1280 pixels, 6.0 inches (~245 ppi pixel density)
دعم اللمس المتعدد	لا

الشبكة

دعم 2G	نعم
دعم 3G	نعم
دعم 4G-LTE	نعم
دعم 5G	لا
دعم HSCSD	لا
دعم EDGE	نعم
دعم GPRS	نعم

الاتصال

دعم WLAN	Wi-Fi 802.11 b/g/n, Wi-Fi hotspot
دعم بلوتوث	v4.0 with A2DP
GPS دعم	نعم
NFC دعم	لا
دعم راديو Fm	نعم
دعم USB	نعم

معلومات عن الكاميرا

دعم الكاميرا	5 MP, 2592х1944 pixels, autofocus, LED flash
دعم فلاش	نعم
كاميرا امامية	نعم

مساحة الذاكرة

الذاكرة الخارجية	microSD, up to 64 GB
الذاكرة الداخلية	8 GB, 1 GB RAM

نظام التشغيل

نظام التشغيل	Microsoft Windows Phone 8 Black
نوع نظام التشغيل	Windows
CPU	Dual-core 1.7 GHz

معلومات أخري

الرسائل	SMS (threaded view), MMS, Email, Push Email, IM
المتصفح	HTML5
قدرة البطارية في التحدث	حتي 21 ساعة
قردة البطارية في الوضع العادي	حتي 672 ساعة

الخصائص

دعم شرحتين	لا
الشريحة	Micro-SIM
نوع النغمات	MP3, WAV
مخرج صوت 3.5mm jack	نعم
الاهتزاز	نعم
دعم انفراريد	لا
حماية بالبصمة Fingerprint	لا

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع و اراء عن Nokia Lumia 1320

Microsoft Lumia

بواسطة: SamehGamal

مايكروسوفت بدأت في إنتاج هواتف بعلامة مايكروسوفت بدلاً من نوكيا...فهل فيه معلومات إذا كانت مايكروسوفت هتنتج لوميا 1320 بعلامة مايكروسوفت بدلاً من نوكيا؟

2014-11-08 (12:36:55PM) / ردود 5

اضف رد

BlackCrow

2014-11-12 (01:11:13PM)

صحيح أخي الكريم الناصري .. الشهور القادمة هتكون فيه موبايلات تحت الإسم الجديد ربما يكون اللوميا 1330 من ضمنهم ,

2lnassry55

2014-11-12 (06:25:41AM)

بس كانت فيه تسريبات إن ميكروسوفت هتنزل لوميا 1330..لكن شكلهم ضحكوا علينا

BlackCrow

2014-11-11 (01:40:11PM)

أخي الكريم سامح اللوميا 1320 أصلآ نزل بإسم نوكيا .. مايكروسوفت بالفعل أعلنت عن أول هاتف يحمل إسمها Microsoft Lumia 535 .

SamehGamal

2014-11-08 (04:00:34PM)

يعني أستنى و أشتري التليفون لما ينزل باسم مايكروسوفت؟ ولا 1320 مش هينزل باسم مايكروسوفت أصلاً؟

BlackCrow

2014-11-08 (03:42:41PM)

الهواتف القادمة سوف تحمل إسم مايكروسوفت ولكن تفس تصميم شركة نوكيا ,

lumia 1320

بواسطة: esamsaeed

السلام عليكم
لو سمحت يا جماعة انا في مشكلة عندي ان في برامج والعاب كتير مش موجودين عندي
وموجودين في الاندرويد
هل المشكلة دي هتتحل مع الابديتات الجديدة ولا ايه النظام ؟
وشكرا

2014-10-30 (04:10:27PM) / ردود 3

اضف رد

BlackCrow

2014-10-31 (11:56:47PM)

البرامج في متجر الويندوزفون كل يوم بتتحدث وشركات كتيرة بتنشر تطبيقاتها في المتجر آخرهم شركة Flipboard , جميع البرامج المشهورة موجودة و بجودة وتصميم أعلى من الأندرويد , برنامج Instgram موجود ولعبة كاندي كراش هتنزل قريب ,

ده لينكْ المتجر عشان تطلع على البرامج والألعاب ,

esamsaeed

2014-10-31 (02:45:53PM)

انا بتكلم عموما
يعني مثلا عندك لعبة Candy
وبرنامج instgram
في اه برامج مشابهة ليه لكن هو مش موجود اصلا
وغيره وغيره
ايه الحل ؟
وشكرا

BlackCrow

2014-10-31 (09:16:13AM)

وعليكم السلام ورحمة الله .. أخي الكريم عصام ممكن توضح إيه هي البرامج والألعاب إللي مفتقدها في الويندوزفون ؟؟

مُشكلة البرامج والألعاب ملهاش علاقة بتحديث النظام .. الأمرين مُختلفين خالص .

اخى الكريم استاذ احمد

بواسطة: مصرية جدا

السلام عليكم ورحمة الله
اخى الكريم استاذ احمد بشكر حضرتك لمساعدتك وتعب حضرتك الكبير
وسامحنى انى هتعب حضرتك تانى
هل التطبيقات والالعاب بعد نزولها على الفابلت لازم تشتغل بالنت
لان معايا نوكيا واغلب التطبيقات والالعاب بعد ما انزلها مش بتشتغل غير بالنت للاسف وده مضايقنى جدا لانى مش بستخدم الواى فاى
فهل في اللوميا نفس النظام
وهل فيه طريقة اقدر ان شاء الله اشغل بيها اللعبة مثلا من غير استخدام النت
وسؤال تانى سامحنى انى بتعب حضرتك
قريت ان فيه مميزات في الاندرويد مثلا زي الاسمارت ستاى ودايركت كول وغيرها فهل هي موجودة فى الوميا
عايزة اعرف من باب العلم بالشئ لان حتى لو مش موجودة ان شاء الله هشتري اللوميا برضه
وجزاك الله كل خير لكرم اخلاق حضرتك

2014-10-27 (09:00:46PM) / ردود 4

اضف رد

BlackCrow

2014-10-29 (03:38:16AM)

الله يحفظكْ أختي الفاضلة مصرية جدآ , شكرآ جزيلآ على الكلمات الطيبة التي أسعدتني فعلآ , أنا تحت أمر الأعضاء الكرام .

مصرية جدا

2014-10-28 (10:41:05PM)

يانهار ابيض يا استاذ احمد حضرتك بتعتذر وحضرتك بتساعدنا كلنا وبتفيدنا وبتاخد من وقت حضرتك بجد مش عارفة اقول ايه غير
جزى الله حضرتك علي اخلاق حضرتك العالية وكرم اخلاق حضرتك اخى الكريم
وبشكر حضرتك علي الروابط جميلة جدا واستفدت منها الحمدلله

وواضح ان نظام ويندوزفون هايل
بشكر حضرتك تانى اخى الكريم على مساعدة حضرتك ليا وللجميع
يارب يجعله في ميزان حسنات حضرتك

BlackCrow

2014-10-28 (04:18:22AM)

أختي الكريمة أعتذر عَن تأخير الرد .. لَم أُشاهد البوست السابق الذي كُتب في تاريخ 10 - 25 .

BlackCrow

2014-10-28 (04:03:12AM)

وعليكم السلام ورحمة الله .. أختي الفاضلة مصرية جدا .. أنا تحت أمر الأعضاء السائلين بالعكس يافندم مفيش أي تعب , نظام الويندوزفون نظام ذكي وعملي جدآ وآمن .. عكس نظام السيمبان ( نظام نوكيا القديم ) أغلب التطبيقات ( ماعدا تطبيقات التواصل الإجتماعي زي ال Whatsapp وال Facebook ) لا يَتطلبْ الإتصال بالنت عشان يشتغل .. وكذلكْ الألعاب تعمل بكل سلاسة .. هنالك نوعان من الألعاب في الويندوزفون .. العاب مجانية وألعاب بفلوس والإتنين بيشتغلوا من غير إتصال بالنت ,

خاصية ال Smart Stay وال Direct Call من مميزات الأندرويد فقط ولا يوجد في الويندوزفون أو في ال IOS من Apple .

أختي الفاضلة .. ده رابط الألعاب من المتجر الرجاء الإطلاع عليه لأخذ فكرة عن الألعاب وعن جودتها ,

ده رابط مُهم جدآ عن مميزات وخصائص الويندوزفون .. هيساعد حضرتكْ جدآ في رأيك عن النظام ,

أي سؤال او إستفسار أنا في الخدمة دائمآ .

lumia 1320

بواسطة: esamsaeed

السلام عليكم
لو سمحتم هو الموبايل ده بيلت ان ولا عادي
واللي اشتراه الكاميرا اللي ورا واللي قدام عاملين ايه ؟
وشكرا

2014-10-27 (01:48:22AM) / ردود 5

اضف رد

BlackCrow

2014-11-01 (12:48:51PM)

ربنا يحفظكْ أخي الكريم خالد .. العفو ,

khaledelsherif

2014-10-28 (12:30:49PM)

BlackCrow ميرسى جدا على ردك واهتمامك ياأخى الفاضل

BlackCrow

2014-10-28 (03:02:45AM)

أخي المُحترم خالد .. بصراحة أفضل مكان هو التوكيل ( راية ) بيكون أصلي وعليه ضمان أو في موبايل شوب أو في التميمي إللي في باب اللوق .. دول أضمن أماكن لشراء الإكسسوارات الأصلية .

khaledelsherif

2014-10-27 (01:19:28PM)

اخى الفاضل BlackCrow هو انا لو حبيت اغير الكافر الخلفى واجيب لون تانى .. اشترى الكافر الخلفى دا منين

BlackCrow

2014-10-27 (03:12:13AM)

وعليكم السلام ورحمة الله .. البطارية Built In غير قابلة للإزالة .. ال Cover الخلفي متحركْ عشان تحط شريحة ال SIM وكارت الذاكرة الخارجي .. وتغيير لون ال Cover على حسب ذوقكْ .. الكاميرا في التصوير النهاري جيدة جدآ لكن في التصوير الليلي متوسطة .. الكاميرا الأمامية VGA تؤدي الغرض منها .

Lumia 1320 or Sony T2

بواسطة: SamehGamal

السلام عليكم..
أنا عاجبني في لوميا 1320 أولا الويندوز سريع فعلا و مش بيهنج و ثانيا شاشته و ثالثا البطارية..بس فيه مشكلة ان الapps قليلة و بتكون متأخره عن أندرويد...يعني مثلا facebook messenger مفيهوش مكالمات صوت...whatsapp مفيهوش ارسال صوت و هكذا..
المشاكل دي مش موجودة في الأندرويد بس الأندرويد تقيل غير ان استهلاكه للبطارية عالي جداً
ممكن مساعدة في الاختيار ما بين lumia 1320 و sony T2 ؟

2014-10-24 (11:03:43PM) / ردود 7

اضف رد

SamehGamal

2014-10-26 (10:01:23PM)

طيب و سماعات التليفون ايه أخبارها...

BlackCrow

2014-10-26 (03:31:32AM)

الله يحفظكْ أخي سامح .. سلاسة نظام الويندوزفون تمنع أي تطبيق إنه يهنج أو إنه يتوقف عن العمل .. نظام الويندوزفون قوي جدآ ذات برمجة معمارية عالية .. متقلقش خالص من الموضوع ده .. المفروض إنكْ تحدث التطبيقات أول بأول عشان بيضيفوا خصائص جديدة مفيدة ليكْ .

SamehGamal

2014-10-25 (10:02:37PM)

جزاك الله خيراً :)
طيب أنا بسمع ان اي app لو معملتش update بيبدأ يهنج و ساعات ميشتغلش

BlackCrow

2014-10-25 (09:44:28PM)

العفو أخي الكريم سامح .. جميع البرامج المشهورة في Google Play Store هتلاقيها في متجر الويندوزفون .. نسيت أقولكْ إن اللوميا 1320 بيدعم شبكة ال 4G LTE يعني سرعة كبيرة في التصفح وفي تنزيل كافة البيانات .. Internet Explorer 10 هو المتصفح الرسمي للنت وممكن تنزل أي برنامج آخر براحتكْ .. برنامج Nokia Music أكثر من رائع للإستماع للموسيقى وبجودة عالية .. حزمة ال Office موجودة وقراءة ملفات ال PDF لا تُقارن مع أي نظام آخر .. ده ويندوزفون يعني من الآخر معاكْ كمبيوتر كفي مُتنقل .. ال Games تعمل بسلاسة ومن غير تهنيج حتى لو كانت ألعاب ثقيلة زي FIFA 2014 ,

الشاشة الرائعة 6 إنش يجعل من التصفح والقراءة واللعب تجربة مميزة جدآ ,

أخي العزيز الناصري .. الله يحفظكْ ويبارك فيكْ (:

إخوتي الكرام ده لينكْ لمتجر الويندوزفون الرجاء الإطلاع عليه لرؤية التطبيقات ,

SamehGamal

2014-10-25 (01:30:00PM)

جزاكم الله خيراً :)
أنا فعلا كنت محتار...أخويا بيستخدم ويندوزفون بس بيقولي على مشاكل الapps وانا استخدامي مش محتاج apps كتير هو نت و موسيقى و قراءة PDF و ممكن games بس قليل....فشايف ان ويندوزفون افضل للاستخدام ده...هل لحضراتكم رأي تاني؟

2lnassry55

2014-10-25 (12:58:30PM)

بطارية الT2 جايبه gsmarena جايبه 96ساعه مقابل 75ساعه لل 1320 الكاميرا 13مقابل 5 لل1320 ..... رأي شخصي وبناء على تجربة اهل الخبره انامقتنع جدا بالويندوزفون وبال1320 ونازل أشتريه على اول الشهر والفضل يرجع للمحترم Blackcrowوالاخ الفاضل خالد شريف

BlackCrow

2014-10-25 (05:47:33AM)

وعليكم السلام ورحمة الله .. أخي الكريم سامح فيه بعض الأمور يجب توضيحها .. أولآ : Windows Phone Apps وصلوا ل 300 ألف برنامج وهذا رقم رسمي من ميكروسوفت نفسها .. جودة وتصميم البرامج تعادل نظام ال IOS .. ميكروسوفت تهتم بالكيف وليس الكم .. متلاقيش برنامج مُكرر زي ماهو موجود في ال Google Play الرقابة صارمة ولا يوجد برنامج Antivirus لأنه نظام مُغلق وآمن ,

ثانيآ : بعض الخصائص التي ذكرتها مثل الصوت في ال Facebook Messenger غير موجودة ده راجع للشركة نفسها وليست بسبب نظام الويندوزفون .. يعني شركة Facebook لم تدعم تلك الخاصية وقامت بنشر التطبيق هكذا , لكن مع تحديثات البرامج المُستمرة تلك الخصائص سوف تكون متوفرة ,

ثالثآ : رائي الشخصي .. اللوميا 1320 يتفوق على Sony T2 في سلاسة وعدم تهنيج النظام .. سعة البطارية 3400 مللي أمبير .. دعم نوكيا أفضل من دعم سوني .. واجهة النظام المميزة وسهلة التخصيص حسب إحتياجكك الشخصي .. إمكانية نقل البرامج للذاكرة الخارجية بكل سهولة ( مش زي السوني لازم روت ومش كل البرامج تقدر تنقلها ) .. عمق ووضوح الألوان الشاشة جميلة جدآ ,

لكْ حرية الإختيار أخي الكريم .

تحديث Windows Phone 8.1 Update.1 GDR1

بواسطة: khaledelsherif

كنت محتاج اعرف هو تحديث Windows Phone 8.1 Update.1 GDR1 نزل مصر ولا لاء

2014-10-19 (01:44:17PM) / ردود 14

اضف رد

BlackCrow

2014-10-23 (09:36:40AM)

العفو أخي الكريم .

2lnassry55

2014-10-22 (10:16:51PM)

شكرا جزيلا استاذي الفاضل لحضرتك عن الافاده من اي معلومه قدمتها لي بصفه خاصه او اعضاء الموقع بصفه عامه

BlackCrow

2014-10-22 (07:23:34PM)

بالظبط أخي الكريم قصدت إنه هيكون متوفر في التحديث القادم GDR1 ,

2lnassry55

2014-10-22 (02:49:06PM)

يعني خاصية الترجمه هتكون متوفره الشهر الجاي مع تحديث gDR1؟ولا حضرتك تقصد بالتحديث القادم مستقبلا ؟انا شوفت برنامج ف المتجر إسمه كروم ميني ولا ده كمان مفيهوش دعم للترجمه زي كروم الاندرويد؟

BlackCrow

2014-10-22 (12:15:52PM)

الله يحفظكْ أخي الكريم الناصري .. نَحنُ هنا لخدمة الأعضاء .. 1 - في التحديث القادم سوف يدعم تلك الخاصية , 2 - 3 ساعات بتكون البطارية مشحونة بنسبة 100% ( سعة البطارية 3400 مللي أمبير ) ,

أهلآ بكْ أخي الكريم دائمآ .

2lnassry55

2014-10-21 (06:36:50PM)

عندي سؤالين 1.محرك بينج الخاص بالنظام بيعرض الترجمه أثناء البحث كما يفعل جوجل كروم؟ولو مبيعرضش الترجمه هل توجد برامج بديله تؤدي نفس الوظيفه؟2.بالنسبه للجهاز وقت شحن البطاريه كام ساعه حتي إتمام الشحن100%؟ شكرآ لسعة صدركم

2lnassry55

2014-10-21 (06:30:01PM)

الاخوه الفضلاء لكم كل الشكر علي ما قدمتموه من إفاده لكل اعضاء الموقع...والله فعلا هونظام يستحق الإقتناء عن جداره..

BlackCrow

2014-10-21 (06:15:00AM)

أخي الكريم خالد .. أشكركْ على توضيح هذه الخصائص الرائعة لنا .. التحديث مُتاح حاليآ للمُطورين فقط .. لكن النُسخة النهائية المتوقع لها أنها ستكون في شهر نوفمبر القادم بإذن الله ,

أخي الكريم الناصري .. زي ما قال أخونا الكريم خالد .. لازم تحدث لل Cyan عشان تقدر تستقبل تحديث Update.1 GDR1 أول ما يتم طرحه بصورة رسمية ,

بالنسبة لفكرة Internet Sharing Over Bluetooth دي ببساطة إنكْ تقدر تشارك إتصال الإنترنت بتاعكْ مع أجهزة أو جهاز النت عندهم ضعيف السرعة أو معندهمش إنترنت من الأساس .. جهازكْ هيكون زي المودم هيوصل النت .

khaledelsherif

2014-10-20 (03:08:17PM)

انا طبعا مش عارف التعامل مع الانترنت شيرنج بعد التحديث هيبقى عامل اذاى عشان انا لسه منزلتش التحديث عندى بسبب ان التحديث منزلش مصر .. بالنسبة لسؤالك اعتقد ان السؤال بيرجع للتوقيت اللى انت هتنزل فيه التحديث وبيرجع كمان لنوع الجهاز .. ولو انت بتتكلم على الوميا 1320 وبتتكلم انك هتحدث فى الوقت الحالى فاأنت كدا كدا هتنزل تحديث السيان بس عشان تحديث Update.1 GDR1 لسه منزلش مصر اصلا .. على حسب كلام اخونا الفاضل BlackCrow

2lnassry55

2014-10-20 (10:55:01AM)

شكرا لاهل الخبره ع المعلومات النفيسه والإضافات الجوهريه...بس هي الانترنت شيرنج هتبقي بالبلوتوث إزاي؟ وانا دلوقتي لوعلي نسخة الجهاز والتحديث ده نزل وحبيت احدث هينزل التحديثان مره واحده(التحديث ده والسيان)ولا لازم احدث لل8.1 الاول؟

khaledelsherif

2014-10-20 (01:38:34AM)

BlackCrow شكرا على الرد يااخى الفاضل
2lnassry55 لاء هو مش هينزل اتصال بيانات فى الاكشن سنتر .. التعديل هيكون امكانية انشاء مجلدات فى شاشة البدء ودا هايساعد فى تنظيم التطبيقات عندك بشكل هايل
الانترنت شيرنج هيتعدل وهيبقى عن طريق الواى فاى او البلوتوث
Apps Corner ودا تقدر من خلاله تحدد مجموعة من البرامج انت تختارها والمجموعة دى هتكون عشان لو حد غريب مسك الجهاز بتاعك مايقدرش يشوف غيرهم .. عشان الخصوصية بتاعتك تكون فى امان
تحديث الرسايل تقدر دلوقتى تعمل تحديد لكل الرسايل او بعضها وتقدر تمسحهم او تبعتهم كلهم او بعض منهم لاى رقم
البلاطة بتاعت المتجر اصبحت بلاطة متحركة وحية
تم اضافة كورتانا لمزيد من الدول .. بس للاسف مصر مش فيهم

BlackCrow

2014-10-20 (01:38:20AM)

أخي الكريم الناصري .. Windows Phone 8.1 Update.1 GDR1 هيضيف تحسينات كبيرة على أداء النظام وعلى أداء الكاميرا وسرعة تصويرها وبعض المميزات الآخرى مثل في الشاشة الرئيسية تقدر أن تسحب برنامج وتضعه فوق برنامج آخر أوتوماتيكلي هيعمل فولدر للبرنامجين وبعد كده تقدر تضيف أي عدد من البرامج داخل الفولدر ده .. نتوقع التحديث هيكون في شهر نوفمبر الجاي إن شاء الله .

2lnassry55

2014-10-19 (10:00:20PM)

طيب هي إيه الإضافات اللي هيضيفها للنظام ؟وممكن ينزل إتصال البيانات ف الاكشن سنتر؟

BlackCrow

2014-10-19 (09:39:12PM)

لأ لسه منزلش مصر .. آخر تحديث رسمي من نوكيا هو Lumia Cyan ‏(3058.50000.1424.00xx)

استفسار

بواسطة: مصرية جدا

السلام عليكم
لو سمحت يا جماعة عايزة اعرف اللى جرب الفابلت بقاله فترة ايه العيوب اللى قابلته فيه
وهل بيهنج اثناء تصفح النت والالعاب
واللى جرب النظامين الاندرويد والويندوز فون بعد تجربته ياتري شايف مين احسن من حيث عدم التهنيج والسرعة
وجزاكم الله خيرا

2014-10-12 (04:15:08PM) / ردود 12

اضف رد

مصرية جدا

2014-10-25 (05:52:26PM)

اخى الكريم استاذ احمد بشكر حضرتك جدا لمساعدتك وتعب حضرتك
ومعلش هتعب حضرتك تانى وسامحنى
بالنسبة للالعاب والتطبيقات فى اللوميا هل بعد ما انزلها بعد ما اشتريه ان شاء الله
واثبتها لما اجى اشغلها هل لازم تشتغل بالنت
لان نوكيا اللي معايا اغلب الالعاب والتطبيقات بتشتغل بالنت وده مضايقنى لانى مش بستخدم الواى فاى
تانى حاجة هل فيه مميزات زي سمارت ستاى ودايركت كول وغيرها قريت انها موجودة فى الاندرويد
هي ميزات اغلبها مش هكدب على حضرتك ما اعرفهاش اصلا لانى عمرى ما استخدمت التاتش واى نظام فيهم
بس حضرتك عارف لما تيجي تشترى بتتمنى تلاقى كل حاجة موجودة او معظمها ان شاء الله
وجزاك الله كل خير لتعب حضرتك وكرم اخلاقك العالى

BlackCrow

2014-10-14 (01:52:29AM)

مصرية جدا@ لا شكر على واجب أختي الكريمة ربنا يباركلك في فلوسكْ وفي الموبايل الجديد ,

2lnassry55@ الله يحفظكْ ويبارك فيكْ .. كلماتكْ الطيبة شهادة أعتز بها (:

لا أريد شئ إلا مرضاة الله ومساعدة الناس .. أشكركْ أخي الكريم .

2lnassry55

2014-10-14 (01:35:33AM)

أخي المحترم شكرا لإخلاصك والله إنك لو هناك من يتقاضى أجر نظير الشروحات والإفاده في ادق التفاصيل لن يقدمها بنفس بإخلاصك ورقي إسلوبك وأمانتك وإتقانك للمعلومه ..خير الناس انفعهم للناس ...لك مني كل الشكر ووافر الإحترام

مصرية جدا

2014-10-14 (01:09:08AM)

بجد مش عارفة اشكر حضرتك ازاى يا استاذ احمد
على المساعدة وتعب حضرتك
ان شاء الله هشتريه
بشكر حضرتك تانى اخى الكريم لكرم اخلاقك

BlackCrow

2014-10-14 (12:42:44AM)

مصرية جدا@ أختي الفاضلة لا شُكر على واجب ,

عدسات النوكيا لوميا أفضل وأنقى من مثيلاتها في الأندرويد .. شركة نوكيا إهتمت بالتصوير ومنزلة برامج تصور حصريآ لها زي البرنامج القوي Nokia Cinemagraph .. جميع البرامج المُتعلقة بالتصوير موجودة ومساحتها مش كبيرة , ميزة البرامج إنها من الشركة نفسها مش زي الأندرويد فيها برامج مجهولة المصدر وضررها أكثر من نفعها .

تحت أمركْ في أي سؤال أو إستفسار .

BlackCrow

2014-10-14 (12:30:59AM)

أخي الكريم الناصري شكرآ لكْ على كلماتكْ الطيبة (: فيه برنامج جميل للإضهار النسبة المئوية للبطارية Battery Percentage ,

الضمانين زي بعض لكن راية أحسن شوية لأن لها عددة مقرات في مُختلف المُحافظات و خدمة العملاء ليدهم جيدة .. أغلب موبايلات نوكيا العالية زي لوميا 1520 - 1320 بتكون بضمان راية .. لكن الموبايلات زي النوكيا 220 دي ضمان شركة i2 .

مصرية جدا

2014-10-14 (12:25:25AM)

الله يخللى حضرتك يارب يا استاذ احمد
بشكر حضرتك جدا لتعبك ولكرم اخلاقك
معلش هتعب حضرتك تانى
بيبقى فيه مميزات للكاميرا زي كشف الوجه والابتسامة والبانوراما وغيرها هل هي موجودة
ولو مش موجودة هل ينفع انزلها برنامج ان شاء الله
واسفة انى بتعب حضرتك وجزاك الله كل خير اخى الكريم

2lnassry55

2014-10-13 (10:26:55PM)

عذرا ...قصدي نسبة البطاريه بتظهر علي الشاشه زي الاندرويد ولا لا؟

2lnassry55

2014-10-13 (10:11:08PM)

استاذنا الفاضل BLack crowإنت مكانك مش هنا مكانك ف ميكروسوفت كنائب لجوبيلفيوري ...حضرتك هي نسبة بتبقي ظاهره علي الشاشه زي الاندرويد ؟ معلهش ضمان رايه احسن ولا I2؟

BlackCrow

2014-10-13 (09:43:05PM)

العفو يا فندم .. تحت أمركْ في أي سؤال أو إستفسار .

مصرية جدا

2014-10-13 (04:23:04PM)

بشكر حضرتك جدا علي المساعدة لانى فعلا كنت محتارة بينه وبين جلاكسى ميجا واكسبريا T2‎ Ultra
بس بعد كلام حضرتك شجعتنى اكتر علي اللوميا
وان شاء الله اشتريه
جزاك الله كل خير اخى الكريم

BlackCrow

2014-10-13 (12:39:04AM)

وعليكم السلام ورحمة الله , الفابلت 1320 معايا بقاله شهر .. أنا إستخدمت جميع أنظمة التشغيل فإجابتي هتكون من الواقع العملي .. بالنسبة لي العيب الوحيد هو مساحة الشاشة 6 إنش ووزنه ثقيل نوعآ ما 220 جرام - غير كده الموبايل قوي جدآ - نظام الويندوزفون سلس جدآ ميعرفش التهنيج مهما كانت كمية البيانات المُخزنة عليه .. نظام آمن مقفول المصدر في سلاسة ال IOS من Apple .. التصفح ممتاز جدآ عمق الألوان والوضوح حاجة مُبهره .. بيشغل الجيمز التقيلة زي FIFA 2014 بكل سهولة - راماته 1 جيجا مع البطارية الخارقة 3400 مللي أمبير ,

بعد التجربة العملية لأنظمة التشغيل المختلفة ده الترتيب من حيث السلاسة والسرعة وعدم التهنيج :
1 الويندوزفون

2 ال IOS

3 الأندرويد ( بإستثناء الأندرويد الخام ) .

لوميا 1320

بواسطة: khaledelsherif

انا كنت عايز اوضح نقطة لكل الناس اللى شافت تعليقى السابق بخصوص مشكلة الاتصال بالواى فاى من جهاز لوميا 1320 بعد التحديث لويندوز 8.1 .. الصراحة انا كنت غلطان وعملت مؤخرا التحديث ومن غير ما اغير الروتر واتضح ليا شئ غريب ان الجهاز كاتب عندى انا مفيش اتصال بالانترنت وكمان علامة الواى فاى اللى فوق مش موجودة .. لكن الشئ الغريب بقى ان الجهاز متصل بالواى فاى بالفعل ومفيش مشكلة فى الاتصال خالص .. والعيب دا طبعا مش من الجهاز دا من الروتر عندى عشان الروتر قديم جدا .. وانا حاليا شغال بالجهاز بويندوز 8.1 من غير اى مشكلة والجهاز بصراحة اكتر من رائع شكل وتصميم وسلاسة وسرعة فالتعامل مفيش احسن من كدا .. والشكر واجب ل نوكيا على الجهاز الرائع دا

2014-09-28 (10:34:16PM) / ردود 5

اضف رد

khaledelsherif

2014-10-03 (09:44:19PM)

BlackCrrow
الله يبارك فيك ياصديقى العزيز
التحديث اكتر من رائع واصبح دلوقتى بيتعامل مع الواى فاى بكل سهولة وعلامة الواى فاى ظهرت والاتصال بالواى فاى اصبح رائع .. ومن غير ماأغير الراوتر ولا حاجة

BlackCrow

2014-10-03 (01:36:23AM)

مبروك على التحديث الجديد أخي خالد ,

khaledelsherif

2014-10-02 (10:03:16PM)

للاسف خاصية نقل الاسماء من الهاتف الى الخط غير متاحة الان على ويندوز فون .. واشاء الله قريب اكيد هيكون فى تحديث لبرنامج الاسماء او الاشخاص (people) على ويندوز فون عشان هو بالفعل محتاج تحديث

marymmohamed

2014-10-02 (08:45:48PM)

انا كنت عايزة اعرف ازاى اخلى الاسامى على الخط مش على الهاتف مش عارفه اعملها

مشكلة فى تحديث 8.1

بواسطة: khaledelsherif

انا اشتريت الموبيل دا جديد ولما نزلت تحديث ويندوز 8.1 حصل معايا مشكلة رخمة جدا ان الجهاز اصبح غير قابل للاتصال بالواى فاى(جهاز الواى فاى عندى فالاوضة) حاولت اعمل كل حاجة ومفيش فايدة اتكلمك مع الناس بتوع نوكيا على صفحة الفيس بوك قالولى ارجع تانى على النظام بتاع ويندوز بلاك .. وبالفعل رجعت تانى على النظام القديم ببرنامج نوكيا ريكافرى وانا حاليا مش عارف اعمل ايه عشان انا كنت عايز اتعامل مع تحديث 8.1 عشان هو تحديث هايل فعلا بس مشكلة الواى فاى دى بالنسبالى مشكلة مش سهلة .. لو فى حد عندو حل للمشكلة دى برجاء الافادة .. وبالنسبة للتلفون فهو تلفون هايل بعلا بغض النظر عن المشكلة دى

2014-09-14 (06:11:26PM) / ردود 6

اضف رد

BlackCrow

2014-09-20 (11:23:12PM)

العفو أخي الكريم خالد , أي سؤال أو إستفسار أنا في الخدمة ,

khaledelsherif

2014-09-18 (06:38:44AM)

متشكر جدا جدا على رد يااستاذ BlackCrow وانشاءالله انا هشترى الراوتر دا .. اما بالنسبة للتحديث ان بصراحة لسه شغال بويندوز 8 وهنزل التحديث انشاءالله اول ماجيب الراوتر الجديد .. وميرسى مرة تانى على ردك وزوقك

BlackCrow

2014-09-17 (06:17:08PM)

العفو أستاذ خالد (: عُذرآ على تأخير الإجابة ,

إللي حضرتكْ قولته صحيح , كلما كان الراوتر حديث , نضمن إنه هيشغل الأجهزة الحديثة بكفائة عالية ,

أنا إطلعت على مواصفات الراوتر D-Link DAP-1155 في الموقع التالي , لقيته كويس جدآ , حديث , فيه مخرجين بس , الراوتر ده مناسب جدآ للمواصفات إللي حضرتكْ عايزها ,

توكل على الله وإشتريه , عملت إيه في طريقة التحديث في أول بوست ؟

khaledelsherif

2014-09-15 (11:39:22PM)

ياريت لو حضرتك عندك فكرة عن روتر تقولى عليه يكون بيدعم النوعية الجديدة دى ويكون من غير مخارج كتير يعنى فالمعقول عشان هو لاستخدامى الشخصى فقط

khaledelsherif

2014-09-15 (11:16:17PM)

الله يبارك فيك وميرسى جدا عالرد .. هو انا ناوى انشاء الله اجيب روتر جديد ويكون متوافق مع امكانيات الجهاز عشان اقدر استفيد من امكانيات الجهاز وسرعته .. لكن انا محتار جدا فى نوع الروتر المناسب للجهاز ولويندوز 8.1 وخصوصا ان الكمبيوتر عندى شغال بويندوز 7 والموبيل هيبقى شغال بويندوز 8.1 وانا عايز حاجة تتدعم الاتنين الجيل القديم والجديد وكنت بفكر اشترى الروتر دا ( D-Link DAP-1155 Wireless N150 Bridge/Access Point Router ) بس مفيش حد من الناس اللى بتبيع الروتر عارف اى حاجة عن الحكاية دى وانا بصراحة مش عارف اعمل .. والجهاز حاليا شغال معايا بويندوز 8 زى الفل ولاقط واى فاى وكل حاجة بس انا محتاج اتعامل مع الجيل الجديد واشوف الدنيا فيه عاملة ايه

BlackCrow

2014-09-15 (09:33:01PM)

ربنا يباركلك في الموبايل أستاذ خالد , دي مشكلة مزعجة بجد خصوصآ إنه التحديث الجديد Cyan فيه مميزات جامدة جدآ .. عمومآ جرب الطريقة دي وإن شاء الله المشكلة هتنحل ,

إستخدم برنامج Nokia Software Updater for Retail بعد التحديث ل Lumia Cyan إعمل هارد ريسيت عن طريق :

go to Start - Applications list - Settings. Then scroll to the bottom and choose About. Then press Reset your phone. Then press Yes.

ده هيفرمت الجهاز , بعد كده حاول تشبكه بالواي فاي وتقولي النتيجة .

3g or 4g

بواسطة: mohelsaid

يا ريت يا جماعة الي اشتري الموبايل يقولنا النسخة الي نزلت مصر 3g ولا 4g

2014-09-13 (01:13:46AM) / ردود 1

اضف رد

khaledelsherif

2014-09-14 (06:24:13PM)

الموبايلات

سعر و مواصفات Nokia Lumia 1320

Windows

720 x 1280 pixels, 6.0 inches (~245 ppi pixel density)

4G

5 MP, 25...

GB RAM

تقرير عن حالة سعر موبايل Nokia Lumia 1320

موصفات Nokia Lumia 1320

التسجيل بالموقع

دخول الاعضاء

مواضيع و اراء عن Nokia Lumia 1320