سعر و مواصفات ميكروسوفت Lumia 640 XL

الى عاوز يشترى الموبايل مستعمل " 3 شهور " فاضل 9 شهور ضمان
بكل مشتلامتة ب البوكس + اسكرين زجاج + جراب فيلب + جراب ظهر
بـ 1350
يكلمنى خاص

انا قرأت في موقع ان ال office مجانا لمدة شهر فقط هل ده صح و لا و هل ممكن انزله مجانا بعد كده و لا لا و شكرًا علي مساعدتك

ممكن اعرف فعلا في مشكلة في تبادل الملفات و الصور و كده بين الandroid و ال windows mobile

ممكن اعرف بس هو الموبايل ده بيشغل ال power point و كمان عايزة اعرف ينفع ال usb يوصل للكمبيوتر ليه و لا لأ و عايزة اعرف ينفع أسجل منه محاضرات و كده و عايزة اعرف لو الصوت في جودته كويسه. و شكرًا

لو سمحتم الاقى التلفون ده فين بس يكون ناس مضمونه

يا جماعه دخلت الموقع اللى بيعرفنا الموبيل اصلى ولا لا عن طريق IMEL ودخلت السريال طلع الموبيل غير اصلى واللى هيجننى انى شاريه من موبيل شوب انا هرفع عليهم قضيه وحسبى الله ونعم الوكيل

هو الفون ده مزود بسنسور اشعارات

انا الموبيل ده بقالوه معايا 3 ايام وهو عاجبنى بس انا مش عارفه اسجل المكالمات ازاى وازاى اقدر اغير النغمه؟

هو ده احسن ولا ال بشرحتين افضل ومحدش رد عليا فى موضوع المساحه المتبقيه من 8 جيجا وشكرا

سمت ان المساحه المتوفره من 8 جيجا 3 جيبجا فقط لو الكلام ده صح تبقى مشكله كبيره فى الموبيل لئن جميع تطبيقات الويندوز فون حجمها بيكون كبير ممكن توضيح وشكرا لئنى كونت خلاص هشتريه ولما عرفت موضوع 3 جيجا قلقت بصراحه

ليه الموقع هنا كاتب انه شريحه واحده وفى مواقع اخرى ثنائى الشريحه فهل هو بشريحه واحده فعلا وشكرا

الف شكر يافندم

السلام عليكم انا اشتريت التليفون ده ف شهر اربعه اللى فات من موبايل شوب و جبته عن اقتناع على الرغم من ان الفئه السعريه دى كان فيها اكتر من موبايل يمكن احسن منه بس انا كنت عايز اخرج من الاندرويد خالص المهم بعد ماجبت الموبايل بشهر تقريبا بدئت الفيديوهات اللى بصورها بالكاميرا الاساسيه تهنج و انا بعرضها و يحصل فيها تقطيع حتى لو عرضتها على اى جهاز تانى او شاشه المهم قولت يمكن محتاج ريسيت و عملت كذا ريسيت و فضل الموضوع زي ماهو بس كان الموضوع بالنسبالى مش مؤثر لان انا بحتاج التليفون ف الشغل اكتر بعدها ب 15 او 20 يوم ظهرت بقع صفره فالشاشه من فوق فاوديت الموبايل لنوكيا كير قالى هانعمل ريسيت و ابديت للموبايل و بعد ساعه تقريبا الموب خلص و فتحنا لقينا نفس العيوب فاقالى كدا الموب لازم يروح القاهره استلم التليفون و راح و بعدها باسبوع رجع قالى انه اتصلح بفتحه لقيته زيى ماهو فارفضت استلمه الكلام ده كان يوم 16 -6 اللى فات فاقالى انها هايرجعه تانى للفرع الرئيسي ف رايه قولتله هاياخد اد ايه وقت لان ده وقف حال قالى اسبوع او عشر ايام بالكتير و لحد يومنا دلوقتى بعد شهر و اسبوع تقريبا التليفون لسه مجاش اتصل بخدمه العملاء كل واحد يقولى كلام شكل و مسؤول الصيانه هنا ف الاسماعيليه قالى من الاخر الموبايل فيه مشكله تصنيع ف الشاشه و ان شاشات كتير بتضرب و انهم مستنين شاشات تانيه و انها بردو هاتضرب و لازم البورده كمان تتغير طيب الكلام ده امته بقه؟؟ لما ربنا يسهل احنا منقدرش ندى حضرتك وقت طيب التليفون فالضمان انا مستخدمتوش شهرين على بعض ادونى تليفون تانى . يقولوا لا حضرتك استبدال التليفون ف اول 14 يوم بس يعنى لو التليفون ظهر فيه عيب صيانه بعد 15 يوم التليفون يتفتح و يتبهدل و طبعا عمر التليفون ماهايرجع زي تقفيله المصنع و بقيت جايب تليفون مستعمل و مفتوح بسعر الجديد و لو فكرت ابيعه ده لو اتصلح و جه يعنى اى حد بيفهم هايقولى التليفون ده مفتوح مارضاش اشتريه ياستاذ ميكروسوفت شايله اديها من مصر انا جربت اكلمهم هنا و اتقالى انهم هنا مسؤولين بس عن السوفت وير انما رايه مسؤوله الهارد وير و المبيعات و رايه بتضحك على الناس اتصلت ب 155 هيئه تنظيم الاتصالات اول ما قولت رايه الست قالتلى يادى رايه قولتلها هو فى منها شكاوى كتير قالتلى للركب احنا لو سبنا العملاء على رايه و قولنالهم روحوا خدوا حقكوا هايفرتكوها بس احنا بنحاول نحل على اد مانقدر و فهمت ف اخر المكالمه ان مفيش حاجه هتتحل و ان 2000 جنيه تقريبا ضاعوا عليا كده عشان مع الاسف اخترت غلط و قولت ان ميكروسوفت شركه محترمه و مش هاتختار حد اى كلام و انى هاشترى التليفون و انا مطمن و ان التليفون متين و تصنيعه مدروس و هو تليفون من الاخر سكه

التصميم :

يأتي هاتف لوميا 640XL بتصميم بلاستيكي بسيط ، مشابه لباقي هواتف لوميا ، و لكن هذه المرة يأتي الهاتف بغطاء بلاستيكي أقوى و أقيم في شكله عن هواتف اللوميا الأخرى ، و يتوفر هاتف لوميا 640XL بألوان متعددة منها الأبيض و الأسود و الأزرق و البرتقالي.

الشاشة :

تعتبر شاشة هاتف لوميا 640XL كبيرة للغاية ، فهي 5.7 بوصة IPS LCD، و تأتي الشاشة بجودة HD 720×1280 و بكثافة 259 بيكسل في البوصة مما يعطيك تجربة جيدة عند مشاهدة الفيديوهات و تصفح الصور على الهاتف، و لكن سيكون من الصعب عليك حمل الهاتف او الكتابة عليه بيد واحدة.

الأداء :

النظام و الواجهة :

يعمل هاتف لوميا 640XL بنظام مايكروسوفت ويندوز فون، و الذي يأتي بتطبيقات مايكروسوفت المتعددة مثل تطبيق سكايب و OneNote، مع إشتراك مجاني لمدة عام لتطبيق Office 365 و تطبيق One Drive الذي يوفر لك مساحة تخزين سحابي تصل الى 30 جيجابايت.

و قد يجد البعض صعوبة في التعامل مع نظام ويندوز فون، خاصاً مستخدمي نظام أندرويد او iOS، فهناك اختلاف كبير في شكل النظام و ازرار التنقل التي لا تظهر دائماً على الشاشة على عكس نظام أندرويد، و على المستخدم السحب من اسفل الشاشة لأعلاها حتى تظهر ازرار التنقل، و غيرها من الاختلافات.

المعالج و الرام :

يأتي هاتف لوميا 640XL بمعالج كوالكم 1.2 جيجاهرتز رباعي النواة مزود بـ1 جيجابايت رام، و بينما تعتبر هذا الإمكانيات بسيطة لهاتف يعمل بنظام أندرويد ، إلا انها تعتبر جيدة لنظام الويندوز فون ، الهاتف أداءه جيد عند تشغيل الألعاب العادية مثل كاندي كراش و غيرها ، و لكن عند تشغيل الألعاب المتقدمة مثل Asphalt 8 ، سوف تحتاج لتعديل إعدادات اللعبة لكي تعمل بشكل أكثر سلاسة مع الهاتف.

التخزين :

يأتي هاتف لوميا 640XL بمساحة تخزين داخلية 8 جيجابايت، تعطيك مساحة محدودة جداً لتخزين التطبيقات و الألعاب،و سوف تحتاج لاستخدام كارت ذاكرة خارجي قبل تنزيل اي تطبيق او لعبة. يأتي الهاتف بمكان مخصص لذاكرة خارجية التي تمكنك من أضافة كارت ذاكرة خارجي حتى 128 جيجابايت، بجانب مكان شريحتين الهاتف.و على عكس العديد من الهواتف المشابه ، يأتي هاتف لوميا 640XL بمكان مخصص لكارت الذاكرة بالاضافة لمكان شريحتين الهاتف، و لا تحتاج للاستغناء عن اي من الخطين لاستخدام كارت الذاكرة الخارجي.

البطارية :

يأتي هاتف لوميا 640XL ببطارية ذات سعة كبيرة تتناسب مع حجم شاشته ، فهي 3000 مللي أمبير و تعمل لفترة جيدة تصل حتى 23 أتصال على الـ3G ، و تختلف فترة عمل البطارية على حسب إستخدامك للهاتف.

الكاميرا :

يأتي هاتف لوميا 640XL بكاميرا قوية 13 ميجابكسل بعدسة Carl Zeiss و فتحة عدسة كبيرة f/2.0 و مزودة بفلاش LED ، أما الكاميرا الأمامية فهي 5 ميجابكسل و تأتي بفتحة عدسة f/2.4.و تتميز كاميرا هاتف لوميا 640XL بإمكانيتها الاحترافية، حيث تستطيع التعديل بكل سهولة على الـISO و سرعة الـShutter و الـBrightness و غيرها من الخصائص بكل سهولة.

الخلاصة :

يعتبر هاتف لوميا 640XL من الهواتف المميزة خاصاً عن وضع قوة كاميرته و حجم شاشته في الاعتبار ،فهو يأتي بسعر مناسب لإمكانياته .

هو الموبيل ده افضل ام sony xperia m2 aqua
الاقى الموبيل ده فين بالضمان فى الاسكندريه