بدور علي ايه؟ اكتب رقم موديل الموبايل الابدور عليه
سعر و مواصفات Microsoft Lumia 640 XL
-
Windows
Microsoft Windows Phone 8.1 with Lumia Denim -
5.7 inches (~69.1% screen-to-body ratio)
-
3G
2G / 3G -
13 MP, 4...
-
GB RAM
8 GB, 1 GB RAM
غير متاح
(435 تقيمات)
موصفات Microsoft Lumia 640 XL
| الحجم | 157.9 x 81.5 x 9 mm (6.22 x 3.21 x 0.35 in) |
| الوزن | 171 جرام |
| الألوان بالأسواق | Matte cyan, Orange, Black, Matte white, Glossy white |
| نوع الشاشة | IPS LCD capacitive touchscreen, 16M colors |
| مساحة الشاشة | 5.7 inches (~69.1% screen-to-body ratio) |
| دعم اللمس المتعدد | لا |
| دعم 2G | نعم |
| دعم 3G | نعم |
| دعم 4G-LTE | لا |
| دعم 5G | لا |
| دعم HSCSD | لا |
| دعم GPRS | نعم |
| دعم WLAN | Wi-Fi 802.11 b/g/n, DLNA, hotspot |
| دعم بلوتوث | v4.0, A2DP |
| GPS دعم | نعم |
| دعم راديو Fm | نعم |
| دعم USB | نعم |
| دعم الكاميرا | 13 MP, 4128 x 3096 pixels, Carl Zeiss optics, autofocus, LED flash |
| دعم فلاش | نعم |
| كاميرا امامية | نعم |
| موصفات الكاميرة الامامية | 5 MP, 1080p |
| الذاكرة الخارجية | microSD, up to 128 GB |
| الذاكرة الداخلية | 8 GB, 1 GB RAM |
| نظام التشغيل | Microsoft Windows Phone 8.1 with Lumia Denim |
| نوع نظام التشغيل | Windows |
| CPU | Quad-core 1.2 GHz Cortex-A7 |
| الرسائل | SMS (threaded view), MMS, Email, Push Email, IM |
| المتصفح | HTML5 |
| قدرة البطارية في التحدث | حتي 23 ساعة |
| قردة البطارية في الوضع العادي | حتي 936 ساعة |
| دعم شرحتين | لا |
| الشريحة | Micro-SIM |
| نوع النغمات | MP3 |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات في هذه الصفحه صحيحة 100%
تلك الخدمة مخصصة لاعضاء الموقع
مواضيع و اراء عن Microsoft Lumia 640 XL
الشريحه
بواسطة: tarek30
ليه الموقع هنا كاتب انه شريحه واحده وفى مواقع اخرى ثنائى الشريحه فهل هو بشريحه واحده فعلا وشكرا
2015-07-24 (11:52:02AM) / ردود 1
اضف رد
بواسطة: mmetwally
السلام عليكم انا اشتريت التليفون ده ف شهر اربعه اللى فات من موبايل شوب و جبته عن اقتناع على الرغم من ان الفئه السعريه دى كان فيها اكتر من موبايل يمكن احسن منه بس انا كنت عايز اخرج من الاندرويد خالص المهم بعد ماجبت الموبايل بشهر تقريبا بدئت الفيديوهات اللى بصورها بالكاميرا الاساسيه تهنج و انا بعرضها و يحصل فيها تقطيع حتى لو عرضتها على اى جهاز تانى او شاشه المهم قولت يمكن محتاج ريسيت و عملت كذا ريسيت و فضل الموضوع زي ماهو بس كان الموضوع بالنسبالى مش مؤثر لان انا بحتاج التليفون ف الشغل اكتر بعدها ب 15 او 20 يوم ظهرت بقع صفره فالشاشه من فوق فاوديت الموبايل لنوكيا كير قالى هانعمل ريسيت و ابديت للموبايل و بعد ساعه تقريبا الموب خلص و فتحنا لقينا نفس العيوب فاقالى كدا الموب لازم يروح القاهره استلم التليفون و راح و بعدها باسبوع رجع قالى انه اتصلح بفتحه لقيته زيى ماهو فارفضت استلمه الكلام ده كان يوم 16 -6 اللى فات فاقالى انها هايرجعه تانى للفرع الرئيسي ف رايه قولتله هاياخد اد ايه وقت لان ده وقف حال قالى اسبوع او عشر ايام بالكتير و لحد يومنا دلوقتى بعد شهر و اسبوع تقريبا التليفون لسه مجاش اتصل بخدمه العملاء كل واحد يقولى كلام شكل و مسؤول الصيانه هنا ف الاسماعيليه قالى من الاخر الموبايل فيه مشكله تصنيع ف الشاشه و ان شاشات كتير بتضرب و انهم مستنين شاشات تانيه و انها بردو هاتضرب و لازم البورده كمان تتغير طيب الكلام ده امته بقه؟؟ لما ربنا يسهل احنا منقدرش ندى حضرتك وقت طيب التليفون فالضمان انا مستخدمتوش شهرين على بعض ادونى تليفون تانى . يقولوا لا حضرتك استبدال التليفون ف اول 14 يوم بس يعنى لو التليفون ظهر فيه عيب صيانه بعد 15 يوم التليفون يتفتح و يتبهدل و طبعا عمر التليفون ماهايرجع زي تقفيله المصنع و بقيت جايب تليفون مستعمل و مفتوح بسعر الجديد و لو فكرت ابيعه ده لو اتصلح و جه يعنى اى حد بيفهم هايقولى التليفون ده مفتوح مارضاش اشتريه ياستاذ ميكروسوفت شايله اديها من مصر انا جربت اكلمهم هنا و اتقالى انهم هنا مسؤولين بس عن السوفت وير انما رايه مسؤوله الهارد وير و المبيعات و رايه بتضحك على الناس اتصلت ب 155 هيئه تنظيم الاتصالات اول ما قولت رايه الست قالتلى يادى رايه قولتلها هو فى منها شكاوى كتير قالتلى للركب احنا لو سبنا العملاء على رايه و قولنالهم روحوا خدوا حقكوا هايفرتكوها بس احنا بنحاول نحل على اد مانقدر و فهمت ف اخر المكالمه ان مفيش حاجه هتتحل و ان 2000 جنيه تقريبا ضاعوا عليا كده عشان مع الاسف اخترت غلط و قولت ان ميكروسوفت شركه محترمه و مش هاتختار حد اى كلام و انى هاشترى التليفون و انا مطمن و ان التليفون متين و تصنيعه مدروس و هو تليفون من الاخر سكه
2015-07-20 (05:00:17PM) / ردود 5
بواسطة: BlackCrow
التصميم :
يأتي هاتف لوميا 640XL بتصميم بلاستيكي بسيط ، مشابه لباقي هواتف لوميا ، و لكن هذه المرة يأتي الهاتف بغطاء بلاستيكي أقوى و أقيم في شكله عن هواتف اللوميا الأخرى ، و يتوفر هاتف لوميا 640XL بألوان متعددة منها الأبيض و الأسود و الأزرق و البرتقالي.
الشاشة :
تعتبر شاشة هاتف لوميا 640XL كبيرة للغاية ، فهي 5.7 بوصة IPS LCD، و تأتي الشاشة بجودة HD 720×1280 و بكثافة 259 بيكسل في البوصة مما يعطيك تجربة جيدة عند مشاهدة الفيديوهات و تصفح الصور على الهاتف، و لكن سيكون من الصعب عليك حمل الهاتف او الكتابة عليه بيد واحدة.
الأداء :
النظام و الواجهة :
يعمل هاتف لوميا 640XL بنظام مايكروسوفت ويندوز فون، و الذي يأتي بتطبيقات مايكروسوفت المتعددة مثل تطبيق سكايب و OneNote، مع إشتراك مجاني لمدة عام لتطبيق Office 365 و تطبيق One Drive الذي يوفر لك مساحة تخزين سحابي تصل الى 30 جيجابايت.
و قد يجد البعض صعوبة في التعامل مع نظام ويندوز فون، خاصاً مستخدمي نظام أندرويد او iOS، فهناك اختلاف كبير في شكل النظام و ازرار التنقل التي لا تظهر دائماً على الشاشة على عكس نظام أندرويد، و على المستخدم السحب من اسفل الشاشة لأعلاها حتى تظهر ازرار التنقل، و غيرها من الاختلافات.
المعالج و الرام :
يأتي هاتف لوميا 640XL بمعالج كوالكم 1.2 جيجاهرتز رباعي النواة مزود بـ1 جيجابايت رام، و بينما تعتبر هذا الإمكانيات بسيطة لهاتف يعمل بنظام أندرويد ، إلا انها تعتبر جيدة لنظام الويندوز فون ، الهاتف أداءه جيد عند تشغيل الألعاب العادية مثل كاندي كراش و غيرها ، و لكن عند تشغيل الألعاب المتقدمة مثل Asphalt 8 ، سوف تحتاج لتعديل إعدادات اللعبة لكي تعمل بشكل أكثر سلاسة مع الهاتف.
التخزين :
يأتي هاتف لوميا 640XL بمساحة تخزين داخلية 8 جيجابايت، تعطيك مساحة محدودة جداً لتخزين التطبيقات و الألعاب،و سوف تحتاج لاستخدام كارت ذاكرة خارجي قبل تنزيل اي تطبيق او لعبة. يأتي الهاتف بمكان مخصص لذاكرة خارجية التي تمكنك من أضافة كارت ذاكرة خارجي حتى 128 جيجابايت، بجانب مكان شريحتين الهاتف.و على عكس العديد من الهواتف المشابه ، يأتي هاتف لوميا 640XL بمكان مخصص لكارت الذاكرة بالاضافة لمكان شريحتين الهاتف، و لا تحتاج للاستغناء عن اي من الخطين لاستخدام كارت الذاكرة الخارجي.
البطارية :
يأتي هاتف لوميا 640XL ببطارية ذات سعة كبيرة تتناسب مع حجم شاشته ، فهي 3000 مللي أمبير و تعمل لفترة جيدة تصل حتى 23 أتصال على الـ3G ، و تختلف فترة عمل البطارية على حسب إستخدامك للهاتف.
الكاميرا :
يأتي هاتف لوميا 640XL بكاميرا قوية 13 ميجابكسل بعدسة Carl Zeiss و فتحة عدسة كبيرة f/2.0 و مزودة بفلاش LED ، أما الكاميرا الأمامية فهي 5 ميجابكسل و تأتي بفتحة عدسة f/2.4.و تتميز كاميرا هاتف لوميا 640XL بإمكانيتها الاحترافية، حيث تستطيع التعديل بكل سهولة على الـISO و سرعة الـShutter و الـBrightness و غيرها من الخصائص بكل سهولة.
الخلاصة :
يعتبر هاتف لوميا 640XL من الهواتف المميزة خاصاً عن وضع قوة كاميرته و حجم شاشته في الاعتبار ،فهو يأتي بسعر مناسب لإمكانياته .
يأتي هاتف لوميا 640XL بتصميم بلاستيكي بسيط ، مشابه لباقي هواتف لوميا ، و لكن هذه المرة يأتي الهاتف بغطاء بلاستيكي أقوى و أقيم في شكله عن هواتف اللوميا الأخرى ، و يتوفر هاتف لوميا 640XL بألوان متعددة منها الأبيض و الأسود و الأزرق و البرتقالي.
الشاشة :
تعتبر شاشة هاتف لوميا 640XL كبيرة للغاية ، فهي 5.7 بوصة IPS LCD، و تأتي الشاشة بجودة HD 720×1280 و بكثافة 259 بيكسل في البوصة مما يعطيك تجربة جيدة عند مشاهدة الفيديوهات و تصفح الصور على الهاتف، و لكن سيكون من الصعب عليك حمل الهاتف او الكتابة عليه بيد واحدة.
الأداء :
النظام و الواجهة :
يعمل هاتف لوميا 640XL بنظام مايكروسوفت ويندوز فون، و الذي يأتي بتطبيقات مايكروسوفت المتعددة مثل تطبيق سكايب و OneNote، مع إشتراك مجاني لمدة عام لتطبيق Office 365 و تطبيق One Drive الذي يوفر لك مساحة تخزين سحابي تصل الى 30 جيجابايت.
و قد يجد البعض صعوبة في التعامل مع نظام ويندوز فون، خاصاً مستخدمي نظام أندرويد او iOS، فهناك اختلاف كبير في شكل النظام و ازرار التنقل التي لا تظهر دائماً على الشاشة على عكس نظام أندرويد، و على المستخدم السحب من اسفل الشاشة لأعلاها حتى تظهر ازرار التنقل، و غيرها من الاختلافات.
المعالج و الرام :
يأتي هاتف لوميا 640XL بمعالج كوالكم 1.2 جيجاهرتز رباعي النواة مزود بـ1 جيجابايت رام، و بينما تعتبر هذا الإمكانيات بسيطة لهاتف يعمل بنظام أندرويد ، إلا انها تعتبر جيدة لنظام الويندوز فون ، الهاتف أداءه جيد عند تشغيل الألعاب العادية مثل كاندي كراش و غيرها ، و لكن عند تشغيل الألعاب المتقدمة مثل Asphalt 8 ، سوف تحتاج لتعديل إعدادات اللعبة لكي تعمل بشكل أكثر سلاسة مع الهاتف.
التخزين :
يأتي هاتف لوميا 640XL بمساحة تخزين داخلية 8 جيجابايت، تعطيك مساحة محدودة جداً لتخزين التطبيقات و الألعاب،و سوف تحتاج لاستخدام كارت ذاكرة خارجي قبل تنزيل اي تطبيق او لعبة. يأتي الهاتف بمكان مخصص لذاكرة خارجية التي تمكنك من أضافة كارت ذاكرة خارجي حتى 128 جيجابايت، بجانب مكان شريحتين الهاتف.و على عكس العديد من الهواتف المشابه ، يأتي هاتف لوميا 640XL بمكان مخصص لكارت الذاكرة بالاضافة لمكان شريحتين الهاتف، و لا تحتاج للاستغناء عن اي من الخطين لاستخدام كارت الذاكرة الخارجي.
البطارية :
يأتي هاتف لوميا 640XL ببطارية ذات سعة كبيرة تتناسب مع حجم شاشته ، فهي 3000 مللي أمبير و تعمل لفترة جيدة تصل حتى 23 أتصال على الـ3G ، و تختلف فترة عمل البطارية على حسب إستخدامك للهاتف.
الكاميرا :
يأتي هاتف لوميا 640XL بكاميرا قوية 13 ميجابكسل بعدسة Carl Zeiss و فتحة عدسة كبيرة f/2.0 و مزودة بفلاش LED ، أما الكاميرا الأمامية فهي 5 ميجابكسل و تأتي بفتحة عدسة f/2.4.و تتميز كاميرا هاتف لوميا 640XL بإمكانيتها الاحترافية، حيث تستطيع التعديل بكل سهولة على الـISO و سرعة الـShutter و الـBrightness و غيرها من الخصائص بكل سهولة.
الخلاصة :
يعتبر هاتف لوميا 640XL من الهواتف المميزة خاصاً عن وضع قوة كاميرته و حجم شاشته في الاعتبار ،فهو يأتي بسعر مناسب لإمكانياته .
2015-07-20 (05:24:10AM) / ردود 5
دي صورة الإعدادات الخاصة بالكاميرا
مبروك على الهاتف الجديد أخي الكريم مصطفى .. في إعدادات الكاميرا فيها خيارات كثيرة من أجل الحصول على أفضل صورة .. في الستور فيه برامج للكاميرا كثيرة سهلة الإستخدام ,
الرابط :
الرابط :
بواسطة: alyessa
هو الموبيل ده افضل ام sony xperia m2 aqua
الاقى الموبيل ده فين بالضمان فى الاسكندريه
الاقى الموبيل ده فين بالضمان فى الاسكندريه
2015-07-15 (11:24:53PM) / ردود 2
بواسطة: mostafaabdalgawad
الموبايل انا اشتريتة من موبايل شوب 1750 جنية وبقسط شهرى 146 جنية بدون فوائد على 12 شهر بفيزة مشتريات تبع بنك مصر انا كان معايا موبايل lg g pro2 وكان موبايل رائع من جميع النواحى وبعتة من فترة ولما شوفت امكانيات الويندوذ فون قولت اغير الاندرويد واجيب ويندوزفون لان ناس كتير بتشكر فية ودة تقييمى لموبايل lumia xl640الموبايل شاشتة ممتازة وواضحة حتى فى ضوء الشمس التاتش ممتاز البروسيسور والرامات جيد جدا وبالنسبة للالعاب انا مشغل فيفا 2015 من غير لاج البطارية ممتازة بقالها يومين معايا استخدام متوسط ولسة فيها 15 فى المية زمن الشحن بياخد تقريبا 3 ساعات او اكتر شوية الصوت بتاعة فى سماعة المكالمات جيد وواضح والاسبيكر عالى وبالنسبة للنغمات صوتها عالى ومسموع وشبكة الهاتف ممتازة ولواى فاى بيلقط كويس جدا وانا فى الشارع لاقط معايا بس التحميل من المتجربتاع الويندوذفون بطىء شوية بالواى فاى
والتطبيقات الاندرويد معظمها موجود الواتس والفايبر جربتهم شغالين كويس جدا كصوت اما الفيديو مش عارف هو مدعوم فى الفايبر والواتس ولا لا وتقريبا الويندوذ فون مش داعمهم
الموبايل بصفة عامة جميل جدا بالنسبة لسعر بس هتاخد وقت عشان تتعود علية
الكاميرا الخلفية ممتازة فى النهار وواضحة فى الاضائة العالية لكن بالليل فى الضاءة المتوسطة الصور بتطلع متوسطة يعنى كانك معاك كاميرا سامسونج 5 ميجا دة طبعا فى الاضائه المتوسطة والمنخفضة لكن فى الاضاءه العالية جيدة جدا يعنى من الاخر الكاميرا الخلفية 13 ميجا على الورق بس يعنى بتوازى كاميرا 8 ميجا فى سامسونج وطبعا دى كويسة بالنسبة لسعر الهاتف انا كان معايا lg g pro2 الكاميرا بتاعتة 13 ميجا ممتازة باليل والنهار وفى فرق جامد بينها وبين الكاميرا لوميا 640 مع ان الاتنين 13 ميجا والفلاش ضعيف شويةولما بتعمل زووم الصور بتبقى مبكسلة شوية
نيجى للكاميرا الامامية هى على الورق 5 ميجا ولكن بتوازى كاميرا سامسونج 2ميجا وممتازة فى الاضاءة العالية -- يعنى من الاخر كدة الكاميرا الخلفية المفروض تبقى 8 ميجا والكاميرا الامامية تبقة 2ميجا وبالنسبة لبرنامج الفيس ضعيف شوية وان شاء الله مع التحديث الجديد يبقى كويس والمساينجر بتاع الفيس لا يدعم الكالمات
يعنى من الاخر لو انتى عايز موبايل شاشة كبيرة وواضحة ومبيهنجش خالص وهيشغلك كل الالعاب العالية وكاميرا معقولة اتوكل على الله وهاتة وان شاء الله كل حاجة هتبان لما ويندوذ 10 ينزل ولو انت مش مستعجل استنى لشهر 9 لما التحديث الجديد ينزل
والتطبيقات الاندرويد معظمها موجود الواتس والفايبر جربتهم شغالين كويس جدا كصوت اما الفيديو مش عارف هو مدعوم فى الفايبر والواتس ولا لا وتقريبا الويندوذ فون مش داعمهم
الموبايل بصفة عامة جميل جدا بالنسبة لسعر بس هتاخد وقت عشان تتعود علية
الكاميرا الخلفية ممتازة فى النهار وواضحة فى الاضائة العالية لكن بالليل فى الضاءة المتوسطة الصور بتطلع متوسطة يعنى كانك معاك كاميرا سامسونج 5 ميجا دة طبعا فى الاضائه المتوسطة والمنخفضة لكن فى الاضاءه العالية جيدة جدا يعنى من الاخر الكاميرا الخلفية 13 ميجا على الورق بس يعنى بتوازى كاميرا 8 ميجا فى سامسونج وطبعا دى كويسة بالنسبة لسعر الهاتف انا كان معايا lg g pro2 الكاميرا بتاعتة 13 ميجا ممتازة باليل والنهار وفى فرق جامد بينها وبين الكاميرا لوميا 640 مع ان الاتنين 13 ميجا والفلاش ضعيف شويةولما بتعمل زووم الصور بتبقى مبكسلة شوية
نيجى للكاميرا الامامية هى على الورق 5 ميجا ولكن بتوازى كاميرا سامسونج 2ميجا وممتازة فى الاضاءة العالية -- يعنى من الاخر كدة الكاميرا الخلفية المفروض تبقى 8 ميجا والكاميرا الامامية تبقة 2ميجا وبالنسبة لبرنامج الفيس ضعيف شوية وان شاء الله مع التحديث الجديد يبقى كويس والمساينجر بتاع الفيس لا يدعم الكالمات
يعنى من الاخر لو انتى عايز موبايل شاشة كبيرة وواضحة ومبيهنجش خالص وهيشغلك كل الالعاب العالية وكاميرا معقولة اتوكل على الله وهاتة وان شاء الله كل حاجة هتبان لما ويندوذ 10 ينزل ولو انت مش مستعجل استنى لشهر 9 لما التحديث الجديد ينزل
2015-07-14 (10:29:12PM) / ردود 4
بواسطة: mostafaabdalgawad
الموبايل دة افضل ولا سامسونج e7 من حيث جودة الكاميرة الامامية والخلفية وتشغيل الالعاب التقيلة زى اسفلت 8 وفيفا 2015 ومن حيث الرامات هل 1 جيجا كافية بالنسبة لنظام الويندوز فون وهل فى تهنيج مع الالعاب التقيلة وبخصوص الكسسوارات بتاعتة متوفرة فين واسعار الاسكرينة والجرابات كام
2015-07-08 (04:00:17PM) / ردود 4
بواسطة: kane5
انا قرت انى اشترى الموبيل دا بس عايز اعرف شوية حاجات من اللى استخدم التليفون دا
1- قريت على النت ان فى مشاكل فى برامج التواصل الاجتماعى على التليفون دا زى الفيس والواتس والحاجات دا وان مفيش شات صوتى والفيديو كال فى مشاكل هل دا فعلا صح
2- تانى حاجة الكاميرا فى مواقع بتول ان الكاميرا بالليل سيئة جدا والوصر اللى بتتصور بالليل بتبقا مبكسلة هل دا صحيح
3- اخر حاجة عايز اعرفها راى اللى استخدم الويندوز فون فى النظام دا هو احسن من اندرويد ولا الاندرويد احسن
1- قريت على النت ان فى مشاكل فى برامج التواصل الاجتماعى على التليفون دا زى الفيس والواتس والحاجات دا وان مفيش شات صوتى والفيديو كال فى مشاكل هل دا فعلا صح
2- تانى حاجة الكاميرا فى مواقع بتول ان الكاميرا بالليل سيئة جدا والوصر اللى بتتصور بالليل بتبقا مبكسلة هل دا صحيح
3- اخر حاجة عايز اعرفها راى اللى استخدم الويندوز فون فى النظام دا هو احسن من اندرويد ولا الاندرويد احسن
2015-06-27 (11:53:41PM) / ردود 3
بواسطة: ahmedtitos
محتاج اعرف شويه حاجات عشان بجد بفكر اشترى التليفون ده بس عاوز اعرف
1- هو ينفع اخد سكرين شوت من اى شاشه على الموب ولا الخاصيه دى مش موجوده
2-بالنسبه للامان او قفل الشاشه هل موجود اكتر من اختيار زى النقش او الباسورد ولا مش موجود
3- هل الجهاز بيجى معاه هاند فرى ولا لا لانى شوفت ريفيوهات على النت والعلبه مبيكونش فيها هاند فرى
4-هل مساحه 8جيجا كذاكره داخليه كفايه وهل ينفع انى انقل التطبيقات لذاكره كارت الميمورى ولا مينفعش
بجد ارجو الاجابه فى وقت سريع لانى بفكر اشتريه خلال ايام
1- هو ينفع اخد سكرين شوت من اى شاشه على الموب ولا الخاصيه دى مش موجوده
2-بالنسبه للامان او قفل الشاشه هل موجود اكتر من اختيار زى النقش او الباسورد ولا مش موجود
3- هل الجهاز بيجى معاه هاند فرى ولا لا لانى شوفت ريفيوهات على النت والعلبه مبيكونش فيها هاند فرى
4-هل مساحه 8جيجا كذاكره داخليه كفايه وهل ينفع انى انقل التطبيقات لذاكره كارت الميمورى ولا مينفعش
بجد ارجو الاجابه فى وقت سريع لانى بفكر اشتريه خلال ايام
2015-06-20 (05:23:46PM) / ردود 2
بواسطة: Ahmedhassn
الاخوه الاعضاء هذه تجربتى مع الويندوز فون بعد استعمال سنوات للاندرويد
اخر موبايل كان معايا الكاتيل ايدول اكس وبصراحه كان موبايل ممتاز جدا خصوصا ان راماته كبيره بس كنت عاوز شاشه اكبر علشان بقعد على النت من الموبايل ودورت فى السوق على حاجه شاشتها كبيره لاقيت كله اسعاره غاليه وفكرت اجيب التليفون ده لان شاشته 5.7
وبالفعل جبته ب 1590 جنيه من صديق صاحب محل موبايلات وبعد 24 ساعه روحت رجعته لانى مش عارف اتعامل معاه خالص وبدات ادور تانى على موبايل شاشه كبيره ويشيل خطين وقعدت اسبوع ومفيش حاجه الا الهواوى وسعره 4000 جنيه
فقررت اجيبه تانى واحاول معاه وبعد اسبوعين استخدام اكتشفت انه موبايل تحفففففه
مميزات الموبايل
لقط الشبكات ممتاز جدا خصوصا فى الثري جى قوى جدا وبيفتح فى اقل من ثانيه مقارنه بالسامسونج والالكاتيل
لقط الواي فاى قوى جدا لدرجه انى بلقط واى فاى البيت من الشارع
البطاريه ممتازه يومين كاملين لاستخدام النت العادى ويوم واحد طحن على النت
اضاءه الشاشه فى الشمس ممتازه وعمرى ما شوفت زيها
الكى بورد بتاعته اقوى واحسن من اى كى بورد شوفتها على الاندرويد مع العلم انى كنت بستعمل كى بورد مشتراه من ماركت الاندرويد على الالكاتيل
مفيش برامج شغاله فى الخلفيه واستهلاك الرام 28 ميجا من واحد جيجا فى وضع الاستعداد
بتتحكم فى البرامج اللى شغاله فى الخلفيه زى الواتس والفايبر لو عاوزها تشتغل بمجرد وصول رساله اول تقفلها ويجيلك الرساله لما تفتحها فقط وده بيوفر فى البطاريه جامد
صوت سماعه المكالمات واضحه ونقيه وعاليه وتسمع فى الشارع بوضوح
جميع برامج الاتصالات شغاله زى الفل صوت وصوره زى اللاين والواتس والفايبر والفرى بى بى
مجربتس العاب عليه لانى مش من هواه الالعاب
الكاميرا ممتازه
يوجد به خاصيه النقر المزدوج لفتح قفل الشاشه والنقر المزدوج على شريط المهام السفلى لقفل الشاشه
عيوب الجهاز
صور الكاميرا حجمها كبير جدا ومفيش اوبشن تخفض بيكسيل الكاميرا والصور بيطلع حجمها اكبر من 2.5 ميجا بس انا نزلت برنامج من الماركت بيخفض حجم الصوره لغايه 20 كيلو بايت وممتاز معايا
متعرفش تعمل اختصارات على الشاشه لتشغيل الواى فاى او فتح الداتا وكل ااختصارات بتدخلك على السيتينج بتاعها وتشغل وتطفى من السيتنج والوحيده اللى بتشتغل برامج قفل الشاشه وتشغل الكشاف
الخطين على الموبايل كل خط لوحده وسجل المكالمات بتاع كل خط لوحده مش مع بعض زى الموبايلات التانيه
برنامج الفيس بتاعه ضعيف بس شغال
فى النهايه احب اقول ان جوده تليفونات نوكيا زى ما هى واحسن وان نظام الويندوز لسه بقاله 3 سنين عكس الاندرويد بقاله 8 سنين والتطور فيه سريع جدا والموبايل بعد ما تاخد عليه هتحس بفرق جبار فى السرعه بتاعته لو مسكت فون اندرويد تانى
اخر موبايل كان معايا الكاتيل ايدول اكس وبصراحه كان موبايل ممتاز جدا خصوصا ان راماته كبيره بس كنت عاوز شاشه اكبر علشان بقعد على النت من الموبايل ودورت فى السوق على حاجه شاشتها كبيره لاقيت كله اسعاره غاليه وفكرت اجيب التليفون ده لان شاشته 5.7
وبالفعل جبته ب 1590 جنيه من صديق صاحب محل موبايلات وبعد 24 ساعه روحت رجعته لانى مش عارف اتعامل معاه خالص وبدات ادور تانى على موبايل شاشه كبيره ويشيل خطين وقعدت اسبوع ومفيش حاجه الا الهواوى وسعره 4000 جنيه
فقررت اجيبه تانى واحاول معاه وبعد اسبوعين استخدام اكتشفت انه موبايل تحفففففه
مميزات الموبايل
لقط الشبكات ممتاز جدا خصوصا فى الثري جى قوى جدا وبيفتح فى اقل من ثانيه مقارنه بالسامسونج والالكاتيل
لقط الواي فاى قوى جدا لدرجه انى بلقط واى فاى البيت من الشارع
البطاريه ممتازه يومين كاملين لاستخدام النت العادى ويوم واحد طحن على النت
اضاءه الشاشه فى الشمس ممتازه وعمرى ما شوفت زيها
الكى بورد بتاعته اقوى واحسن من اى كى بورد شوفتها على الاندرويد مع العلم انى كنت بستعمل كى بورد مشتراه من ماركت الاندرويد على الالكاتيل
مفيش برامج شغاله فى الخلفيه واستهلاك الرام 28 ميجا من واحد جيجا فى وضع الاستعداد
بتتحكم فى البرامج اللى شغاله فى الخلفيه زى الواتس والفايبر لو عاوزها تشتغل بمجرد وصول رساله اول تقفلها ويجيلك الرساله لما تفتحها فقط وده بيوفر فى البطاريه جامد
صوت سماعه المكالمات واضحه ونقيه وعاليه وتسمع فى الشارع بوضوح
جميع برامج الاتصالات شغاله زى الفل صوت وصوره زى اللاين والواتس والفايبر والفرى بى بى
مجربتس العاب عليه لانى مش من هواه الالعاب
الكاميرا ممتازه
يوجد به خاصيه النقر المزدوج لفتح قفل الشاشه والنقر المزدوج على شريط المهام السفلى لقفل الشاشه
عيوب الجهاز
صور الكاميرا حجمها كبير جدا ومفيش اوبشن تخفض بيكسيل الكاميرا والصور بيطلع حجمها اكبر من 2.5 ميجا بس انا نزلت برنامج من الماركت بيخفض حجم الصوره لغايه 20 كيلو بايت وممتاز معايا
متعرفش تعمل اختصارات على الشاشه لتشغيل الواى فاى او فتح الداتا وكل ااختصارات بتدخلك على السيتينج بتاعها وتشغل وتطفى من السيتنج والوحيده اللى بتشتغل برامج قفل الشاشه وتشغل الكشاف
الخطين على الموبايل كل خط لوحده وسجل المكالمات بتاع كل خط لوحده مش مع بعض زى الموبايلات التانيه
برنامج الفيس بتاعه ضعيف بس شغال
فى النهايه احب اقول ان جوده تليفونات نوكيا زى ما هى واحسن وان نظام الويندوز لسه بقاله 3 سنين عكس الاندرويد بقاله 8 سنين والتطور فيه سريع جدا والموبايل بعد ما تاخد عليه هتحس بفرق جبار فى السرعه بتاعته لو مسكت فون اندرويد تانى
2015-06-08 (11:30:53AM) / ردود 2
