سعر و مواصفات Microsoft Lumia 535 Dual SIM

لدي مشكلة فى الجهاز رجاء المساعدة
عند توصيل الشحان يحدث خلل بسيط في التاتش
يعني اضغط علي الحرف مرة واحدة ممكن يتكتب مرتين
مع العلم ان الشاحن المرفق ٥٥٠ مللي امبير ومكتوب عليه بالحفر من اعلي مايكروسوفت
المشكلة بالوصف الدقيق أنى لما بأوصل الشاحن وأضغط على سهم العودة مطولا أسفل الشاشة جهة اليسار
طبعا المفروض بيتم عرض جميع التطبيقات المفتوحة فى صورة مصغرة (المالتى تاسك) حتى أتمكن من غلقها أو التنقل بينها
ولكن عوضا عن ذلك بيستمر الجهاز أحيانا وليس دائما فى أصدار تنبيه بالأهتزاز المتوالى دون أى تغير للشاشة
رجاء أفادتى دى مشكلة فى الجهاز عندى ولا فى الموديل ده عموما

تليفون Lumia 535 Microsoft + سيلفى ستيك معاه هدية
للبيع لسه زيرو فى كرتونتوه متفتحتش حتا الكرتوهنة متفتحش و لسه فى ال 14 يوم جايبوه من 4 ايام للبيع فى اسرع وقت الاتصال على الرقم 01115635272

ياجماعه انا معايا جهاز 535 ومش بيشغل المباريات البث المباشر رغم ان الرابط الى بدخل عليه رابط موبايل بيطلب انزل مديا وبنزل ونزلت مديات كتير وبرضو مش بيشغل الماتشات ارجوكو اللى يعرف طريقه ياريت يقولى

يا جماعة انا اشتريت التليفون دة جميل جدا و خفيف و سريع و انا حبيتوه بس فى حجات بتقابلنى مش عارف دة عيب فى التليفون و لا زى ما بشوف الناس بتتكلم هيتصلح مع التحديث ولا ايه
اولا مشكلة فى التاتش ممكن اجى ادوس على حاجة يخوش على حاجة تنية و فى الكيبورد اجى ادوس على حرف يكتب الحرف مرتين و باجى ادوس على المسافة يكبها مرتين و سعات بيكتب نقطة و باجى ادوس على الارقام بتفضل تغير كزا مرة عايز اعرف دة ايه بظبط ولا هيتصلح مع التحديث ولا فى عيب فى التليفون انا لسه جايبوه يوم الاتنين الى فات و عايز اعرف كل حاجة عشان لو فى مشكلة اروح ابدلوه او ارجعوه و لما بحطوه فى وصلة للكمبيوتر بحس ان التاتش بتاعوه بيهبل
عايز اعرف الحل ونبى
مع العلم انا مركبلوه سكرين بروديكتور بس حاسس انها مفهاش مشكلة يعنى دى لزقة

هو التليفون ده مفيهوش مالتى تاسك ؟؟؟!!!!!

عاوز اجرب الويندوز فون وكلامكم بيقلق الواحد . هو ويندوز 10 هينزل امتي ؟

Law sm7tm ya shbab ana mn most5me l android w 2wel mara 2fkr enny 2gyb mobile windows . W 3ayz 7d y2olly momyzat w 3yob l mobile dah l2nno 3agbny shwya ?

بعد طول تفكير ومقارنات بين الاجهزة اللي بتعمل بنظام اندرويد والاجهزة اللي بتعمل بنظام ويندوزفون قررت اشتري لوميا 535
وقررت اساعد للناس المحتارة تختار الافضل ..لان لاسف معظم المراجعات بتكون سطحية
وعلي الرغم من ضيق الوقت لكن غرضي افيد علي أد ماقدر
ويندوز فون نظام سلس وسريع وشكله جذاب بدون عذاب ولكن علي رغم جاذبيته وسمار لونة وان الشركة اللي عاملاه شركة تقيلة
...لكن مينفعش يكون جهاز مناسب لاستعمال اليومي ..وابعد ما يكون عن امكانيات الاندرويد او اي او اس
انا هكتب العيوب اللي لاحظتها :
1-برامج تشغيل الميديا يعني الاغاني والفيديو xbox music , xbox video
البرنامج بيكون متاهة ولخبطة ما بين الحاجات اللي حاططها علي الكارت والحاجات الاونلاين اللي بتسمعها عن طريق النت
ومش بيشغل كل الفيديو ومع انه فيه خاصية الترجمة الا انه مش بيشغل الترجمة مع الفلم علي الرغم اني الترجمة بتشتغل علي الكمبيوتر واسم الترجمة بنفس اسم الفيلم
ومش بيشغل امتدادات كتيرة منها flv
2- برنامج الاسماء كل امكانياته انه يستورد الاسماء من الشريحة فقط لا غير
يعني مش هتعرف تستورد الاسماء من او الي الكارت او تعمل نسخة احتياطة دة كمان مفهوش تصدير الاسماء علي الشريحة
2 - في المكالمات مبتعرفش اذا كان اللي بتكلمة انتظار ولا لآ والعيب دة موجود برضو في بعض اجهزة اندرويد
انه لاحظته في بعض اجهزة سوني
3- المتجر مش هتلاقي فيه برامج تعوض النقص الموجود في البرامج المحملة علي الجهاز من ميكروسوفت
طبعا كله يعرف mx player برنامج عملاق في تشغيل الفيديو بجميع صيغة مع الترجمة كمان
لكن علي الويندوز فون امكانياته ضعيفة جدا لا تتعدي 10% ولا يشغل الا صيغ محدودة
وانا جربت moliplayer ,ccplayer كويسين لكن بفلوس والنسخة اللي ببلاش مليانة اعلانات
بالنسبة لاغاني لو لقيت مشغل مش هتلاقي فيه اي امكانيات زيادة يعني متحلمش تلاقي فيه اكولايزر مثلا
4-في ويندوز فون متعرفش تاخد نسخة احتياطية من البرامج زي اندرويد او تسطب برنامج من برة المتجر
في بعض المواقع بيقولو بينفع تسطب علي الويندوز فون برامج امتداد XAP
لكن جربت محاولات كتير منفعش ياريت لو حد عندة طريقة يقول عليها
5- مفيش برنامج ادارة ملفات زي ف الاندرويد
يعني مش تعرف تشوف الملفات المخفية او تتعامل مع الملفات زي ما بتتعامل معاها في الاندرويد
6 - مساحة البرامج بعد التسطيب بتكون مساحتها مههولة
مثلا برنامج زي الفايبر مساحتة بعد التسطيب ف الاندرويد بتكون حوالي 40 ميجا,,لكن في الويندوز فون بتكون 117 ميجا علي الرغم انه ان امكانياته وقوائمه اقل بكتيرررررر
ودة بيكون معناه ان جهاز اندرويد زاكرته الداخلية 8 جيجا مثلا قيمته تكون اضعاف جهاز من نفس سعة الزاكرة بنظام ويندوزفون
7- اعدادات النظام ملخبطة جدا دي حتي مش مرتية لا بالحروف ولا بالمجموعة يعني لو عايز حاجة هتدور عليها زي الابرة في كوم قش
بس المشكلة دي هتتصلح في ويندوز10-
دة غير ان مفيش بحث شبكة او انك تختار نوع الشبكة اذا كانت جيل تالت او تاني بشكل دائم زي الاندرويد
8- طبعا كورتانا اللي طالعين بيه السما مش بيشتغل في مصر حاليا يشتغل في امريكا وكندا فقط
9- في لوحة الاشعارت مفيش غير اربع ايقونات بس بتقدر تعدلهم ..بس حل المشكلة دي هيكون في ويندوز10 هيكون العدد اكبر
10 - ماسنجر الفيسبوك مفهوش تعمل منه مكالمات صوت زي في الاندرويد
11- البلتوث مش بيتغير اسمه زيادة عن تشغيل او ايقاف مفيش
12 -مفهوش وايفاي دايركت زي السامسونج اللي بتبعت بيه ملفات كبير
13 - مفيش تعمل مع ملفات النصية سواء انشاء او تحرير ولو بعتة من الكمبيوتر بيظهر برموز غريبة
العيوب دي بعد 4 ايام فقط من استخدام ويندوزفون والتقيل ورا

الجهاز مضطر استعملة للمكالمات بس غير كدة ملهوش لازمة
اما بالنسبة لجهاز لوميا 535
حجمة كويس لكن ضهر الجهاز والشاشة البصمة بتبان فيهم بشكل بشع
تحس انك عايز تغسل الجهاز علشان ينضف خامات الجهاز رديئة جدا
التاتش بيعلق احيانا ..وعملت ليه اختبار برننامج وفعلا فيه مشكلة
كاميرا الامامية والخلفية ممتازين


ياريت اللي عندة حلول لعيوب الويندوز فون يقولنا علشان نستفيد كلنا
وكويس اني التجربة جت في لوميا 535 وجتش في حاجة اغلي
وربنا يعوض علي اللي اشتري الجهاز
وافتكرو اني قلتلكم بلاش...بلاش

تحديث التتش الجديد وصل

لمن يريد اقتناء هذا الهاتف
هذا الهاتف ناجح بكل المقاييس ....
شاشه رائعة وتاتش جميل وبطارية جيدة وحجمة مناسب جدا ولم اجد فيه اى مشكلة من المشاكل التى يعانى منها العض
ولا يجب المقارنة بين الويندوز فون والاندرويد .......... لانه هناك اختلاف كبير فى النظامين ولكن بعد التجربة وضح لى الاتى
الاندرويد ربما يكون اسهل قليلاً فى التعامل ولكن هذا الامر سيختفى بمجرد التعود على الويندوز فون
برامج الشات تعمل بشكل جيدا جدا ومتوفرة على المتجر الخاص بمكروسوفت وايضا الهاتف به برامج الفيس بوك وماسنجر الفيس والفيبر والاسكايب وباقى البرامج يمكنك تنزيلها بسهولة مثل الواتس وغيره من البرامج
الالعاب لم اختبرها لانى لا احبها
فى حاله تنزيلك لنفس مجموعة البرامج التى تستخدمها على الاندرويد ستجد ان الويندوز فون ماذال محتفظ بسلاسة رائعة فى التنقل بين البرامج الموجود على الهاتف بينما فى الاندرويد عكس ذلك
فى حالة استخدام موبيل اندرويد بنفس مواصفات اللوميا 535 وقمت بتنزيل مجموعة برامج معينة ثم قمت بتنزيلها على هاتف لوميا 535 ستجد فرق شاسع جدا بين السلاسة فى التعامل بين الجهازين بل لن تجد مقارنة لان اللوميا 535 سيكتسح
اجمل ما فى الويندوز فون هو عدم استخدام رامات كثيرة فى ادارة البرامج لذلك ستجد الهاتف لوميا 535 به سلاسة وسرعة فى التنقل داخل الجهاز ستدهشك
الخلاصة :
هاتف رائع من كل النواحى سواء كان السعر او الحجم او الامكانيات او الاستخدام واذا اراد احد ان يجربة فلا يتردد فانه لن يندم

هذا رائي وربما يختلف معى البعض ولكنها تجربتى وحبيت ان اعرضها عليكم ربما يستفاد منها اى شخص