هذا الموضوع مرتبط بـ Optimus L7 II Dual P715

بدون عنوان

Mermaid

2013-09-01 (01:53:19PM)

باركولى أنا اشتريت الموبايل ده امبارح اللون الابيض اللى كنت عاوزاه :D
جبته من البحيرى جروب اللى فى حدائق القبة ب 1825 ج وده فعلا الارخص وضمان دلتا لسة هيبتدى كمان 5 أيام كمان
ولسة السكرينة بتاعته مانزلتش " المقاس المظبوط " لأن فى فى السوق كذا واحدة المفروض ليه بس مش مظبوطة عليه .

وشكرا لكل الاعضاء المحترمين اللى كانوا بيجابوا على استفساراتى واستفادت من معلوماتهم فى كذا نوع موبايل
ومنهم:
merobig - drmohab - ask82 - ahmedfox - Raaady - Mahmoud Samir

وده لينك فيديو رائع لامكانيات الموبايل وتصويره :

جارى تجربة الموبايل وهو طبعا شكله حلو جدا وسريع والتاتش بتاعه سلس جدا والكاميرا بتاعته جميلة أوى
وفيه امكانيات مش مكتوبة حتى فى المواصفات بتاعته حتى على GSMarena
زى امكانية التصوير البانوراما - وتعدد الصور - وFace unlock و حاجات تانية جارى اكتشافاها..

* لسة مش عارفة البطارية بتقعد اد ايه لانى مش عارفة المفروض أشحنها أول مرة أد ايه
ياريت حد يقوللى المعلومة دى
أنا كنت شغالة من امبارح بظبط الاعدادات على الجزء اللى بيبقى مشحون بالفعل فى الموبايل

ولو أى حد عنده استفسار مش هتأخر ان شاء الله
بس تبقى اسئلة سهلة شوية لان ده أول اندرويد ليا :D

AhmedTelb

2013-09-11 (02:09:27AM)

انا منزل 3 برامج للتحكم
remote desktop connection
remote RDP
والاتنين دول بدخل بيهم على الكمبيوتر من غير برامج عليه
بخاصية remote desktop الي موجودة في الويندوز اصلا انا ديما بفعلها عشان بحتاجها كتير
وده بداخل الشبكة نفسها
برنامج رقم 3
teamviewer
وده من اي مكان في العالم تفتح النت ويكون متستب على الكمبيوتر
حتدخل وتشوف الشاشة وتحرك الماوس وتستخدمه
ده ينفع طبعا لو عايز تشغل تحميل على الجهاز
وعايز تشوف التحميل خلص ولا لا تشغل حاجة تانية بعد كدة
ومش حتلاقي جهاز تدخل منه
والافتكاسات كتير

Mermaid

2013-09-10 (01:07:40AM)

AhmedTelb كلامك صح جدا
وياريت تقوللى على البرنامج للتحكم فى الكمبيوتر اسمه ايه ..
يعنى بتفضل مشغله وتروح الشغل وتستخدم الموبايل للتحكم فيه
ولا بيبقى مطفى وانت بتشغله من الشغل اساسا؟

AhmedTelb

2013-09-10 (12:44:09AM)

الي بيستخدم التليفون معاه جراب مش حيحس بالحرارة
بس كل تليفونات الاسمارت فون بتشتكي من الحرارة للاسف وخصوصا مع النت
بالنسبة للتهنيج مستحيل يكون في تليفون مش بيهنج
في بيبقى تهنيج طبيعي بسبب كثرة البرامج وعدم عمل ريستارت للجهاز كل كام يوم
وفي تهنيج بسبب الموديل تعبان
من وقت ما جبته وانا عمال انزل عليه برامج
اخر برنامج هو للتحكم بالكمبيوتر وانا في الشغل :D
وانا في الشغل اقدر افتح كمبيوتر البيت من الموبيل واتحكم فيه وانا شايف الشاشة على الموبيل
التليفون فيه خصية جميلة اوووي بالنسبة للخطين
لم يجيلك تليفون على الشريحة التانية
تيجي تتصل عليه بيحول اوتوماتيك الاتصال على الشريحة التانية
ولو عايز تغير دوس على زرار تغيير الشريحة
ديه بتنفع جدا للي معاه خطين واحد للناس والتاني للشغل او خاص
عشان ميغلطش ويتصل برقم من شريحة مش عايز حد يعرفها
نقطة تانية في التليفون
مفيش فيديو كول على الشبكة
ممكن تعمل فيديو كول على الياهو او اسكايب او اي برنامج تاني
لكن مش موجودة خاصية الفيديو كول من 3g
ومفيش خاصية نقل البرامج للميموري الخارجي وهي ديه مشكلتي واتمنى تتحل في اول تحديث

AhmedTelb

2013-09-10 (12:37:43AM)

ان اسبقتك وجبته قبل العيد
البطارية ممكن تقعد معاك يوم او اتنين من غير نت
بس لو حتفتح نت وير ليس واستخدامك عالي حتقعد يوم او نص يوم
حسب استهخدامك
الكميرا صورتها ممتازة قارنتها بكميرات تانية اكتر من مرة وتصوير الفيديو فيه جميل جدا
العيب الي موجود في التليفون هو حاجة بسيطة جدا
ان الزراير الي تحت مش بتنور بس عشان التليفون عريض شوية بتكون عارف مكانتها تقريبا
بس في الضلمة ما بتعرفش وش التليفون من قفاه
عشان السنسور بتاع الحركة بيقلب معاك التليفون في اي مكان
يعني وقفت معاهم على led بربع جنيه
بس جامد بصراحة

Mermaid

2013-09-08 (01:47:35PM)

صحيح hishamp715 الموبايل بيقلل السطوع لوحده لما يسخن " رغم انك مش بتحس انه سخن"
عشان كدة لما تشحنه وهو فى الشاحن السطوع بيقل ولو حاولت تزوده هيقولك بما معناه غير قادر بسبب الحرارة الزائدة ودى ميزة فيه عشان بتحافظ على عمره

Mermaid

2013-09-08 (12:36:18PM)

hishamp715
"بس انا موقف الوايرلس خالص وبرضو بطىء فى الالعاب فممكن توضحيلى اكتر ازاى اخليه اسرع فى الالعاب"
عن تطريق انك تقلل استخدام الرامات وتقفل التطبيقات اللى مالهاش لازمة
أنصحك ببرنامج clean master وفعل خاصية Auto kill و اعمل تنظيف للرامات على طول وممكن تمسح البرامج اللى بتشتغل لوحدها وتتقل الرامات

" وعلى فكرة الموبايل ده بيقلل الbrightness لوحده فى اوقات مش مناسبة خالص ... بيبقى 61 % او اقل .... ولما بكون برة البيت فى النهار بتضايقنى الحكاية دى"
اتأكد انك مش مفعل خاصية ال power saver من ال system settings
أنا عامة مش بزود عن 60 % أساسا عشان البطارية ومش بيحصل معايا كدة

Mermaid

2013-09-08 (12:25:26PM)

ahmed700
البطارية بتاعت الموبيل كويسة ولا لاء .. فى رأيى كويسة جدا بالنسبة لموبايل أندرويد وهيا حسب الاستخدام وحسب تظبيطك للموبايل من حيث التطبيقات اللى شغالة والسطوع والواى فاى والالعاب
يعنى ممكن تقعد أقل من يوم وممكن أكتر من يومين
وفى برنامج حلو اوى اسمه easy battery saver أنصحك بيه
والتاتش بتاعه عامل ايه... أحلى حاجة فيه
والاكسسوارات متوفرة ولا لاء .. مش كلها للأسف متوفر الجرابات لكن السكرينة ممكن تظبط واحدة بتاعة موبايل تانى عليه
والالعاب كلها بتشتغل.. بيشغل العاب طبعا لكن مجربتش الحاجات التقيلة اللى زى need 4 speed
والكاميرا ؟؟؟... حلوة جدا .. لكن بتحتاج تظبيط اضاءة منك
يعنى لو الاضاءة ضعيفة ممكن جودتها تبقى أقل وبكدة يبقى الفعلى أقل من 8 ميجا بشوية .. لكن كحكم عام ممتازة
يارب أكون أفدتك

hishamp715

2013-09-04 (05:51:24PM)

بس انا موقف الوايرلس خالص وبرضو بطىء فى الالعاب فممكن توضحيلى اكتر ازاى اخليه اسرع فى الالعاب ..... وعلى فكرة الموبايل ده بيقلل الbrightness لوحده فى اوقات مش مناسبة خالص ... بيبقى 61 % او اقل .... ولما بكون برة البيت فى النهار بتضايقنى الحكاية دى

ahmed700

2013-09-03 (09:21:14PM)

البطارية بتاعت الموبيل كويسة ولا لاء والتاتش بتاعه عامل ايه والاكسسوارات متوفرة ولا لاء والالعاب كلها بتشتغل والكاميرا ؟؟؟يا ريت توضيح للاستفسارات ديه عشان عايز اجيبه وخايف من ال lg

Mermaid

2013-09-03 (08:29:02PM)

hishamp715 ألف مبروك الموبايل الجديد وعامة أنا موقفة الشريحة التانية وبفتحها بس وقت الاستخدام يعنى كانه شريحة واحدة بس هينفع فيما بعد
وبالنسبة للألعاب ممكن تبقى أسرع معاك لو خففت استخدام الرامات ووقفت التطبيقات اللى شغالة على الوايرلس ويحبذ تشيلها أصلا من "الديسكتوب" بتاع الموبايل
لأن طلع فى ميت حاجة ممكن تأثر على البطارية وعلى السرعة
وتعطيلها بيفرق جاااااامد جدا .. يعنى البطارية ممكن تقعد أقل من يوم الى 3 أيام أو أكتر حسب تظبيطك للموبايل

أنا بستخدم easy battery saver حلو أوى
بس فى عيب تانى ان الزراير اللى تحت مافيهاش notifications led أو بتنور عامة
كمان زرار ال back كان يبقى أفضل لو مكانه بدل ال Home لانه بيستخدم أكتر ومكانه مزنوق فبيخلى التاتش مايظبطش ساعات

hishamp715

2013-09-03 (01:37:20AM)

mermaid انا اشتريت الموبايل ده النهاردة ... مع انى بكره الموبايلات الdual sim لكن اضطريت انى اجيبة لان ملقيتش النسخة p713 اللى هى بشريحة واحدة .... والموبايل ممتاز بمعنى الكلمة زى منتى قولتى بس الموبايل بطىء شوية فى الالعاب بس مش مشكلة هو مش بلايستيشن يعنى دى مجرد موبايل

merobig

2013-09-02 (06:27:50PM)

Mermaid

:) :)

(y)

Mermaid

2013-09-02 (02:11:28AM)

الله يبارك فيكم .. أنا قرأت ان البطارية الليثيوم مش بتحتاج تتشحن أول مرة من 6 الى 8 ساعات
لكن عملت كدة احتياطى برضه .. وحتى الان مفيش مشاكل فيه
بس مستنية أشتغل عليه أكتر وأقوللكم
وبالنسبة للخطين مع بعض كل اللى جابه قال مفيش تهنيج أبدا .. ولو فيه عيوب هقوللها ان شاء الله
صحيح hishamp715 مفيش من الموبايل ده بخط واحد دلوقتى !
تقصد 710 ولا 705 ؟
710 قليل أوى زى 715 اللى قل فى السوق برضه .. لكن 705 منتشر جداااااا
وبصراحة مش لاقية فيه حاجة عجبانى غير جودة الكاميرا بتاعته شوفتها فى صورة على GSMarena للقيتها مشابهة لل 8 ميجا رغم انها 5 ميجا
أو يمكن دى النسخة الاجنبى مش عارفة

ahmedfox

2013-09-01 (11:42:09PM)

مبروك عليكى يا Mermaid و ربنا يباركلك فيه و بالنسبة للبطارية سيبها اول مره لحد ما تخلص تماما والموبايل يفصل شحن و اشحنيه مدة 6 او 8 ساعات و هتلائى البطارية اتظبطت و بقت تمام التمام و يا ريت لما تكتشفيه كله تكتبلنا مميزاته و عيوبه لو فى عيوب D:

hishamp715

2013-09-01 (04:08:59PM)

وانا باذن الله ناوى اشتريه بكرة .... بس انا كنت عايز النسخة اللى بشريحة واحدة ومقدرتش الاقيها فقررت اشترى اللى بخطين وخلاص .... بس انا بستخدم خط واحد بس فياريت توضحي لو فى اى مشكلة بخصوص موضوع الخطين ده ... تهنيج او مشاكل فى الشبكة مثلا

hishamp715

2013-09-01 (04:04:16PM)

الف مبروك على الفون الجديد .... وبالنسبة لاستفسارك عن البطارية انتى هتسيبيه اول مرة لحد مايفضى خالص وبعد كدة هتشحنيه لمدة ساعتين ونص .... هو ساعتين بالظبط وهيبقى 100 % لكن انتى هتشحنيه نص ساعة زيادة عشان البطارية تقعد فترة كويسة .... ولو مسيبتيهوش نص ساعة زيادة مش هياخد فترة طويلة ... والكلام ده شوفته فى كتير من المواقع الاجنبية ومتاكد منه على حسب كلامهم

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Optimus L7 II Dual P715

مقارنة

Android
480 x 800 pixels, 4.3 inches (~217 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG Optimus L7 II Dual P715

Android

480 x 800 pixels, 4.3 inches (~217 ppi pixel density)

3G

8 MP, 32...