هذا الموضوع مرتبط بـ Optimus L7 II Dual P715

بدون عنوان

hishamp715

2013-08-10 (04:12:18PM)

انا قررت اشترى الموبايل ده من فترة كبيرة و مش قادر الاقيه عندنا ومستنى اول سفرية للقاهرة و اجيبه ..... بس كنت خايف من شوية حاجات سمعت عنهم زى :- الفلاش ضعيف / تهنيج فى الالعاب / تصوير الفيديو بطىء / الكامير فى الاضاء الضعيفة غير جيدة /السخونة ...... فياريت لو حد معاه الموبايل يقول رايه فى الكلام ده ..... عشان لو المشاكل دى فى الموبايل احاول اشوف بديل .............. وشكرا مقدما

hishamp715

2013-08-16 (12:03:52PM)

انا عارف انه مش معيار نحكم بيه على الكاميرا ... لكن الصورة بتاعتها باينة حلوة ...... ودخلت على موقع phonearena وكان فيه عينات صور متصورة بالموبايل ده وكانت كويسة الى حد ما

- بس بردو خايف ...... وسامسونج او سونى ملهاش موبايلات بالسعر ده وكاميرتها 8 megapexil

AlaaMohammed

2013-08-16 (07:42:40AM)

لا .. اللي في الفيديو ده مش تصوير !
ومش معيار للحكم على جودة الكاميرا ،،
فنصيحتي لا تتعجل وتأكد أولًا أن كاميرا الهاتف ترضيك على الأقل طالما أنك مهتم بالتصوير .
وإلا .. فعليك بسامسونج أو سوني لو تهمك جدًّا جودة التصوير .

hishamp715

2013-08-15 (10:52:40PM)

لو شفت التعليقات اللى فاتت .... واحد يقول كاميرا رائعة .... و واحد يقول مش كويسة ... وواحد يقول انها نقائها مش 8 يعنى اقدر اوصفها بحاجة بين ال5 و ال8 ... ونفس الكلام على gsmarena واحد يقول كاميرا جميلة وواحد يقول كاميرا ضعيفة مبقتش عارف اعمل ايه ... قريت كل التعليقات بتاعت الموبايل فى gsmarena و mob4me .... ومفيش فايدة ... شفت كل الفيديوهات بتاعت الموبايل اللى عاليوتيوب فى الاخر لقيت الفيديو ده

..... الكامير حلوة فى الفيديو زى منا شايف

AlaaMohammed

2013-08-15 (09:51:33PM)

فعلا .. هي مشكلة إل جي إن السينسور بتاع كاميراتها ردئ !!
فالأفضل إنك تسأل اللي اشتروا الموب عن الكاميرا قبل ما تشتريه .

hishamp715

2013-08-15 (06:53:20PM)

على فكرة اخويا كان معاه lg l5 e610 وكان موبايل ممتاز ... بس الكاميرا بتاعته كانت مش حلوة خالص ... عشان كدة انا قلقان من كاميرا الموبايل اللى هشتريه ... لان سمعت ان كاميرا موبايلات lg ضعيفة

hishamp715

2013-08-15 (06:48:52PM)

الموبايل ده ليه فترة كبيرة نازل مصر وانتشر فى كل المحلات .... و الغريبة انه لسة منزلش فى موبايل شوب .... وسالت فى موبايل شوب و كل المحلات اللى فى شارع التلفزيون ومش قادر الاقيه ....على فكرة انا كلمت دلتا من حوالى 3 ايام وقالولى بعد اسبوع او اقل هيكون متوفر وقاللى على سعر p713 اللى هو بشريحة واحدة تمنه 1850 ....

AlaaMohammed

2013-08-15 (05:52:08PM)

السلام عليكم
أخ هشام أنا من الأقصر
شوف موبايل شوب ممكن تلاقي عندهم الموب ده ؛ لأن حسب علمي هم أصحاب توكيل إل جي :)
وعلى فكرة : موبيلات إل جي كويسة .. كان معايا L5 وما شاء الله مفيش تهنيج ولا غيره .. بس إل جي عيبهم الوحيد في الدعم عمومًا والصيانة خصوصًا !

hishamp715

2013-08-12 (06:12:23AM)

وبعدين مش شركة دلتا للاتصالات هى توكيل lg .... ولا ده تشابه اسماء ؟ .... يعنى دلتا اللى هشترى منهم الموبايل هما دلتا بتوع الضمان ولاغيرهم ؟؟؟

hishamp715

2013-08-12 (06:10:06AM)

يا عم سيبها على الله .... يعنى هو باقى الموبايلات ليها قطع غيار .... حتى لو جبت سامسونج او lg موديل قديم بردو مش هلاقى له قطع غيار ... انا لو قعدت اقول قطع غيار يبقى مش همسك موبايل اصلا .

merobig

2013-08-12 (02:13:30AM)

hishamp715
وتفتكر لا قدر الله يوم ما الجهاز يجرى له حاجه مين هيصينهولك ؟؟ هتلاقي له قظع غيار فى الاقصر منين؟؟

hishamp715

2013-08-11 (11:16:17AM)

انا خلاص نويت اجيب l7 ii بشريحة واحدة او بشريحتين (فى حال عدم توفر ابو شريحة واحدة) ............. بس انا من الاقصر ومش لاقيه خالص ... دورت فى كل مكان ... فى الاخر روحت فرع شركة دلتا للاتصالات فى الاقصر وكلمتهم و قالولى لسه منزلش عندنا وقالولى بعد اسبوع او 10 ايام كده هنشوف يمكن ينزل عندنا ..... انا اللى مجننى ان ازاى (شركة دلتا للاتصالات) اللى هو المفروض من اكبر التوكيلات فى مصر منزلش فيه الموبايل ؟ ... ازااااااى ؟؟؟؟؟!!!!

besso777

2013-08-11 (05:54:55AM)

شوف الكلام ده كله فعلا اللى قولته عل l5 ll e450 فطبعا اكيد l7ll افضل منه فى الشاشه والرامات بس ال جى بتبقى واحد وافضل سوفت ويير فعلا ممتاز مبيهنجش زى باقت السوفت لباقيت الشركات

hishamp715

2013-08-11 (02:34:32AM)

شكرا على الرد يا استاذ besso777 .... بس انت جربته ؟؟؟ انا اعرف ان انت معاك lg l5 ii اللى بشريحة واحدة .... وعموما انا اصلا ناوى اشترى l7 ii بشريحة واحدة عشان ابو شريحتين مش مرتاح له .

besso777

2013-08-10 (10:04:05PM)

والله ونان بحلف ولا بيسخن والكاميرا صورها ممتازه والفلاش جربته فى الضلمه خالص والصوره طالعه ممتازه الفلاش ممتاز وكذلك الفيديو ممتاز ومبيهنجش فى الالعاب نهائى سريع ماشاء الله وجربت كل الالعاب التقيله ومش مبيسخنش بس لا مبيدفاش اصلا اتوكل على الله وانشاء الله هيعجبك جدا

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Optimus L7 II Dual P715

مقارنة

Android
480 x 800 pixels, 4.3 inches (~217 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG Optimus L7 II Dual P715

Android

480 x 800 pixels, 4.3 inches (~217 ppi pixel density)

3G

8 MP, 32...